السلام عليكم ورحمة الله وبركاته
كيفكم بنات
اليوم رحت أقضي والعجيب لأول مره اركز على الاسعار وصرت اقارن بين المنتجات ..
انا متعوده اخذ زيت نور للقلي والطبخ سعره ١٩ اظنه لترين مو الكبير مره ف اليوم قلت ليش ما اخذ زيت الكانولا من بنده نفس الحجم لكن ب ١٠ ريال
الصلصه اخذ السعوديه بدون ما اطالع اللي جنبها شنو بس اليوم مالقيتها وهي سعرها ١١ اخذت بنده ب ٧
رحت لصدور الدجاج كنت اخذ اليوم او الوطنيه طبعا سعر الاول ٢١ والثاني ١٩ اما صدور استرا وهي منتج وطنيي وجميل والله مافي حتة زفاره تدرون بكم !! ب ٨ والكبير ١٤ !!!
الدجاج المبرد استرا الكيلو ب ١٢ اما الباقين ب ١٥
معلبات البزاليا والماشروم والخ الخ كنت اخذ لونا او العلالي بدون ما اركز بالاسعار اليوم اخذت بنده والله الجودة هي هي اللهم فرق السعر العلبه اللي كنت اخذها ب ٥ و ٧ اليوم اخذتها ب ٣
التونه احبه المراعي الخضراء او الريان او بوتان واسعارها والله غاليه العلبه ٧ و ٨ ونص وطبعا يوم اخذ اقل شي تخذ خمس حبات كبيرة
اليوم اخذت حدائق كالفورنيا بس صراحه الفوق ريال بس
الزبدة قضيت قضيت وركزت ع العروض اللي تاخذين شي ومعه هديه زي النوتيلا وكذا مسوين عروض والله بالعادة اقضي كل اسبوعين ب ٦٠٠ ريال اليوم طلعت ب ٢٨٥ والله زوجي يوم جته رسالة البنك انصدم قال وش مالقيتي طلباتك 😂😂😂
من هالمنطلللللق بنات اسدحوا المنتجات البديله الارخص بس جودتها حلوة واتوقع هالموضوع بيفيدنا كثير لان اغلبنا انخصمت رواتب ازواجنا وقروض وديون والخ
تقبلوا بريرتي الكثيره 🙈💗
أمي قرة عيني @amy_kr_aayny
محررة فضية
يلزم عليك تسجيل الدخول أولًا لكتابة تعليق.
أمي قرة عيني
•
زبدة المراعي بديل لزبدة لورباك لكن الاسعار ماتحضرني
ماشاء الله تبارك الله فرق السعر صراحه... الله يسعدك على هالموضوع الجميل ..ماشاء الله تبارك الله فرق السعر صراحه... الله يسعدك على هالموضوع الجميل ..
ويسعدك ياررب والله مره فرق
الصفحة الأخيرة