طيب ماشاءا لله الثلاثينية انتي تعتبري عامله رجيم الى حد ما يعني ..
يعني طالما الواحد مش بيجمع في اكله بين النشويات والسكريات يبقى وزنه ان لم ينقص فعلى الاقل لن يزيد .. الدكتور كان كاتب لي كده في حمية التثبيت ايام الرجيم .. قالي لا تجمعي بين نشويات وسكريات في وجبه وحده ..
بالنسبة لي حاليا باكل اكل الله اعلم بيه .. يعني حياتي كلها في الحلويات والمعجنات وقليل مااكل خضار او لحوم .. أكل غير صحي بالمرة بس اعلم ايه .. جعاااااانة .. وفي نفس الوقت الاكل مش بيمر في معدتي بسهوله .. يعني جوعي مش للاكل جوعي لاني املأ بطني واحس بشعور الامتلاء ده .. عشان كده تلاقيني باكل الحاجات الي بتملأ البطن ومش بتجيب الغصة زي الرز باللبن مثلا او البسكويت او الكيك .. وكلها حاجات للاسف مش كويسه صحيا خاصه على المدى البعيد ..
هحاول باذن الله بعد الولاده بفترة اعمل زيك ياثلاثنية وامشي على شوربات وزبادي وخفايف .. بس يارب يعين ..
بصي ياستي انتي اعملي سيرش في جوجل على اي موقع بيعمل خدمه " حساب كتلة الجسم"
شوفي كتلة جسمك هتطلع كام الي هي نسبة الوزن للطول .. لو انها فوق الاربعين يبقى محتاجه عملية تدبيس لو فوق الخمسين يبقى عملية تحوير ..
نصيحتي ليك التدبيس افيد لك من الحزام لان الحزام قدرته الى حد ما محدوده في انزال الوزن والاهم ان ممكن ترجعي وزنك مرة تانيه لو شلتي الحزام ولازم هينشال ..
الحزام رائع للي وزنها زايد كلام فاضي يعني عشرين تلاتين كيلو .. وبرضه الي وزنها زايد من فترة قريبة يعني من كام سنة بس لان دي كانت عايشه طبيعية فترة طويلة فسهل ترجع تعيش طبيعية تاني بعد ماتشيل الحزام .. اما الي اوزانهم كبيرة وبقالهم من وهم صغار في سمنة يبقى غالبا هيرجعوا يطخنوا تاني لما يشيلوا الحزام لان صعب يتأقلموا على طريقة حياة صحية الا في النادر .. فعشان المغامرة ومتخاطريش بعملية وتفشل انتي اعملي عملية لا تراجع عنها يعني تدبيس او تحوير ..
طبعا التحوير منصحش بيه الا لو خلاص الواحد بيموت .. يعني كتلة الجسم فوق الخمسين او فوق الاربعين مع وجود مرض مصاحب للسمنة المزمنة زي السكر او الضغط لاقدر الله او امراض القلب .. الخ
التحوير عملية مش سهله ابدا .. هم كلهم مش سهلين عامة بس في رأيي التدبيس يعني حل وسط .. لا بتقطعي شيء من جسمك ( بلقح بالكلام على وحده عارفه نفسها ) وفي نفس الوقت التغيير دائم يعني باذن الله مش هترجعي تزيدي .. وفي الاول والآخر الاستخاره هي الفيصل طبعا ..