ضحى أحمد :

السلام عليكم جميعا .. زووف .. كل مااقرأ اسمك افتكر المدام الكلبوظه الله يمسيها بالخير لما قالت لك المفروض نغيره ونخليه زوق .. وبرضه بفتكر اني لازم اضطهدك مش معنى اني بكلمك يعني اني راضية عن عمليتك لا .. لازم افكرك كل مرة عشان متلخبطيش ... الناس عمليات برضه .. بالنسبة للحمل الحمد والشكر لله وصلت السادس ماشيه فيه دلوقت وربنا يعين واكمل للآخر .. على كل حال عشان متلخبطيش ولادتي باذن الله في رمضان .. سهل كده الحساب .. بس في امكانية اني اعمل زي المرة الي فاتت واختصر شهر .. عارفيني دائما مستعجله .. ربنا يسهل ويعمل الي فيه الخير .. فكرتيني بالفسدق .. الحمد لله مبحبوش اوي .. زوجي مدمن فسدق يعني ممكن ياكل منه شاحنه .. بالنسبة لي بموت موت في الكاجو .. ده الي باكله بشره عجيب حتى لو مش جوعانه واقعد آكل لغايه ماشبع وبطني تمتلأ ونفسي تنسد بجد .. وبرضه افضل اكمل اكل .. مهو الواحد معملش عشرات الكيلوات دي من شويه برضه .. =============== رائعة الكلمة .. ياريت تقولي لي بعد اذنك البيانات دي بالتفصيل الممل .. عملتي العملية بتاريخ ايه وزنك يوم العملية .. وطولك طبعا اقصى نزول نزلتيه وعلى مدار كام شهر .. يعني نزلتي كام كيلو وفي مده كام شهر .. من كام شهر تقريبا توقف نزول وزنك او بدأ يزيد .. وزنك وصل كام دلوقت بالظبط ضوقتي كام مرة وعلى مدار كام شهر اكتر شيء بتحبي تاكليه وحاسه انه سبب سمنتك اكتر شيء كنتي بتغصي منه ومعدتيش بتاكليه . هل عندك استعداد تنزلي وزنك تاني ولا خلاص بعتي القضية .. اعتبريها لقافه بس ردي على الاسئلة لان كان عندي كام كلمة عاوزه اقولهم لك بس احب اعرف بياناتك بالتفصيل الاول بعد اذنك .. ================= بنت الكبيسي .. اخبار نزول الوزن ايه .. معرفش جالي احساس كده ان في ناس عاوزه شدة ودن .. هو انا فاكره اني كنت بشدها لك من فترة بس مش عارفه الحال تعدل دلوقت ولا لسه المفروض اشد كمان .. تقرير سريع كده بعد اذنك عن الوزن وهل في اي شيء بتعمليه اليومين دول لتخفيضه ولا لاه .. ========== على فكره انا بختار الردود خبط عشواء .. يعني الي بيجي على بالي بكتبه والي بنساه بقول مش مشكله نحطه في الخطه المر الجايه .. يعني ارجوكم اوعوا حد يزعل لو مرديتش على كلامه مش معنى كده ان كلامه مش مهم بالعكس .. انا بختار ردود عشوائي زي ماقلت ملهاش اي علاقه بالاهمية او غلاوة الي برد عليه يعني ممكن ناس مهمه عندي والله وانسى ارد على كلامها يمكن لان مفيش حاجه معينة اقولها او لاني انشغلت في بقية الردود ونسيت البقية ..

السلام عليكم جميعا .. زووف .. كل مااقرأ اسمك افتكر المدام الكلبوظه الله يمسيها بالخير لما قالت...