ضحى أحمد :

زووف .. الله يكرمك .. مهو للاسف الترجيع كان لا مناص منه ( شوفوا العربي الفصيح ) الي حصل اني اكلت كويس وكويس جدا وحسدت نفسي قلت ايه ده انا بقيت باكل حلو اهوه ومارجعش .. يعني حتى الدجاج اكلت ولا حصل لي شيء .. المهم بعدها طمعت اكثر والي خلاني غصيت قطعة خبز برجر صغيره جدا يمكن قدر حجم الملعقة الكبيرة .. كان ممكن مرجعش لكن حسيت الاكل واقف في زوري ومضايقني جدا بعد دقائق كده قلت مفيش فايده لازم استفرغ وارتاح فلما استفرغت حسيت الاكل طالع من معدتي بيشد فيها زي مايكون لاصق .. وطبعا الخبز ابيض وكل شيء ابيض والدم منور في النص باين للأعمى .. ماعلينا خير .. بالنسبة لما بعد الولاده يارب عندي امل كبير اني اقدر اعمل رياضه او امشي في الشارع بس ده يقتضي اني آخذ النونو معايا لاني هروح شقتي بعد الولاده مش هيكون عندي حد خالص معرفش همسك اثنين في ايدي وامشي بيهم في الشارع ازاي ولا اروح الجيم بيهم ازاي .. بس خليها على الله اكيد هيكون في حل .. المدام الكلبوظة .. ربنا معاكم يارب وينجح بنتك وترجع لنا بالشهادة الكبيرة .. طبعا انا مش هعمل لك فضيحة في الرابطة واقولهم على الحقيقه وان البنت لسه صغيره في كيجي يعني في تمهيدي .. خليها سر بينا عشان محدش يفزع لما يعرف ان البيت عندكم حالة طواريء عشان امتحانات الحضانة .. شفتم احنا المصريين غلابة ازاي .. تخيلوا من الطفل في حضانة نشيل هم امتحاناته .. والله النظام التعليمي عندنا صعب صعوبه ربنا يعين بس . . الفلاسية .. الحالة الي عندك دي عاديييييييي ... جات لي بعد العملية على طول كنت عاطفية بطريقة لا يمكن تخيلها اي حاجه دموعي تنزل وحساسه فوق الوصف بس قلت يمكن من تأثير البنج .. بعدها الحمد لله رجعت جبل ثاني مايهزه ريح او دبة مايهزها ريح على قولة زوف كله يمشي . . المهم بعد فترة من نزول الوزن رجعت لي حالة اكتآب شديده قعدت كام يوم وراحت لحالها بس بتيجي من وقت للتاني .. فسرت الحكايه دي والله اعلم بان النزول الجامد في الوزن بيلخبط الهرمونات بالظبط زي الزياده الجامده مابتلخبطها .. طبعا اللخبطة دي بتجيب اكتآب ده غير طبعا ان كما هو معروف الحرمان من السكريات والدهون بيجيب اكتآب .. ومش اي اكتآب على كل حال انتي طنشي الحاله دي وعزائك الوحيد انها هتروح لحالها لازم كلنا بنمر بيها من وقت للتاني خاصه بعد العملية بس صدقيني الاجمل يوم ماتروحي تقيسي لبس في محل بعد فترة من نزول وزنك وتفاجئي او بمعنى ادق تصعقي من التغير الجديد الي حصل لك .. اصبري كلها كام اسبوع بس وتجربي الاحساس ده باذن الله ..

زووف .. الله يكرمك .. مهو للاسف الترجيع كان لا مناص منه ( شوفوا العربي الفصيح ) الي حصل اني...