ضحى أحمد :

طلع البدر علينا .. طالما وزنك رجع يزيد فورا روحي للدكتور ضيقي الحزام .. وبالمناسبة ياجماعه لو عاوزين تستفيدوا من العملية ايا كانت مينفعش تعتمدوا عليها اعتماد كلي .. العملية بتمنع عنك الشعور بالجوع .. بالنسبة لي ناااادرا مااحس بالجوع تقريبا معرفش دلوقت يعني ايه جوع .. لكن المشكلة انها مش بتمنع رغبتك في الاكل او مش بتسد شهيتك .. يعني انا مبكونش جوعانه لكن هموت وآكل .. يعني نفسي في الاكل .. وغصب عني باكل رغم اني شبعانه .. هي دي المشكلة .. فانتي متستسلميش لشعورك بالرغبة في الاكل وامنعي نفسك بكل السبل عشان وزنك ميزيدش والا مش هتنفعك العملية .. هتيجي وحده تقول طيب ولازمتها ايه من الاول مهي زي الرجيم بقى طالما هنعتمد على الارادة والارادة صفر .. هقولها لاه لها لزمه كبيرة جدا .. يعني زمان لما كنت بعمل رجيم كنت باكل اكل الرجيم الي هو الجبن والطماطم وقطعة خبز صغيره بس كنت ببقى جوعانة احيانا وحاسه اني عاوزه اكل اكتر .. يعني مليش شهية للجبن والطماطم لكن بطني فاضية وعاوزه املاها .. بعد العملية لو حطيتي في دماغك انك تاكلي لحد الشبع بس هتشبعي ولو الاكل مش مشهي هيبقى عشرة على عشرة مش هتحتاجي تاكلي .. فانتي امنعي دخول الاكل اللذيذ البيت قدر الامكان او شيليه من قدامك خالص .. واعتمدي على اكل صحي سعراته قليله وكلي زي ماانتي عاوزه وطبيعي العملية مش هتخليكي تاكلي منه كتير وبكده وزنك ينزل .. زووف .. لاه متخافيش ياستي .. الحمد والشكر لله انا نزلت ثلاثين كيلو تقريبا وده نعمه كبيره من عند ربنا الف حمد وشكر عليها .. كان نفسي انزل اكتر عشان ابقى في السليم لكن الحمد لله الوقت لم يكفي لاكثر من ذلك .. بالنسبة لك انتي زي ماقالت ليلو بالظبط .. انزلي على قدر ماتقدري في السنتين دول لان بعد كده النزول صعب .. يعني لولا اني نزلت الشويه الي نزلتهم في اول سنة كان زماني بلطم دلوقت بس انا متاكده باذن الله هيكون في امل يعني الي منزلتش اول سنه وكانت بتخبص اكيد هتقدر تنزل بعد كده لان جسمها لسه عنده دهون قابلة للنزول بالدايت لكن الي عصرت نفسها في الرجيم ونزلت كويس اوي في اول سنه او اثنين مش هتنزل مش لان العملية باظت بس لان الدهون الي بتستجيب خلصت ونزلت خلاص .. يارب اكون على صواب في الحكاية دي .. ليلو . . معرفش ليه ياليلو والله العظيم عندي احساس انك المرة دي هتنزلي كويس اوي .. مش عارفه حاسه انك حاليا عندك ارادة وعزيمه قويه للنزول اكتر من زمان بكتييير .. يعني حاسه انك قبل الحمل بحاجه بسيطه كنتي بدأتي تلتفتي للنزول وبدأتي تهتمي وجاء الحمل اعترض عليك لكن حاسه برضه انك رجعتي دلوقت للاهتمام وناويه للدهون دي على نية ياقاتل يامقتول .. على كل حال مقدمناش غير الرياضه .. يعني خليكي في الرجيم كويس بس لازم لازم رياضه .. لو خمس دقائق كل يوم تعالي على نفسك واعمليهم بالعافية لو معندكيش اجهزة في البيت اعملي ايروبيكس .. خمس دقائق بس سمعت عن اشرطة ايروبكس في السوق او تحمل من على الانترنت بيمدحوها جدا اشتري حاجه منها وتابعي معاها مهما كان هتجيب نتيجه اكيد حتى لو نتيجه بسيطه في الاول بس احسن من مفيش ومع الوقت اكيد هتكون النتيجه مرضية جدا .. شاي كرك .. مبروك الاسم الجديد .. بصي ياستي العصائر الي مفيهاش سكريات الدكتور كان سامح لي بلتر واحد فقط عصير طبيعي بدون سكر في اليوم كله .. يعني لتر كحد اقصى .. انا كنت بجيب عصير سيزر .. بحط اللتر جنبي على الكمودينو جنب السرير وطول اليوم اشرب منه شويه بشويه .. طبعا انا كانت حالتي حاله وقتها وتعبانه جدا ومبقومش من السرير غير نادرا فده شجعني برضه اني ماكلش كتير او مشربش كتير مكنتش قادره اصلا لان عمليتي كانت بالفتح مش بالمنظار .. بالنسبة للعصائر التانية .. لما شديت حيلي شويه وانفجعت وبدأت اطالب بالمزيد .. كنت بضرب طماطم في الخلاط مع ماء واحط لها شويه ملح صغيرين فيطلع عصير طماطم بحبه برضه .. كنت بشربه لو عندك عصارة فواكة ممكن تعملي عصير جزر بس معرفش مبحبوش اوي ليه بيكون مر .. على كل حال في من العصائر الطبيعية الحلوة انك تسلقي جزر على النار في ماء لغايه مايبقى طري بعدين تضربيه في الخلاط مع عصير برتقال طبيعي .. بس طبعا ده هيكون من ضمن اللتر المسموح بيه لان فيه سكريات .. ايام لما كان مسموح لي بالسوائل الدكتور كان سامح لي بعلبة زبادي في اليوم .. بعدين سمح لي يكون عليها ملعقة عسل .. طبعا علبة الزبادي عندنا غير عندكم حجمها 100 جرام بس يعني بتاع اربع ملاعق كده .. وطبعا لك تشربي اي سوائل تانيه بخلاف العصير يعني الشوربة منزوعه الدسم تبرديها وتشيلي طبقة الدهن الي عليها وتشربي عادي وهكذا المهم العصائر الي فيها سكر تكون طبيعيه بدون اي تحلية اضافية ومتزيدش زي ماقلت لك عن ايه؟ بالظبط عن لتر .. قلب المرمر .. ايوه اديني امل في الاستيلاء على الرابطة وبالمناسبة دي ماتيجي نغير اسمي انا وانتي نخليه بدال ام عتريسه ومرمر يبقى بينكي وبرين .. فراشة دبدوبه .. الفلاسية .. متحمسه .. المدام الكلبوظة .. لولو .. كوكيتا .. وكل البنات الي انضموا لينا جديد والي كانوا معانا بس ساكتين ومتابعين في صمت سلام جميع للكل ومعليش لو نسيت حد فالعتب على المعده . .

طلع البدر علينا .. طالما وزنك رجع يزيد فورا روحي للدكتور ضيقي الحزام .. وبالمناسبة ياجماعه...

[ شــاي كــرك ] :

الأخت العزيزة أم عتريسة... كفيتي ووفيتي عزيزتي رد كافي وشافي وباذن الله نستفيد من خبرتك خلال هذه التجربة... وكلها سهالات ان شاء الله ما دامكم موجودين هنا بجانبي :) الف شكر أختي العزيزة.. وإن شاء الله راح أخذ بنصائحك.. وارشاداتك

الأخت العزيزة أم عتريسة... كفيتي ووفيتي عزيزتي رد كافي وشافي وباذن الله نستفيد من خبرتك خلال...