:biggrin2::biggrin2:
مهما يكون انا راضي بكوني
راضي بشكلي وطعمي ولوني
... لكن كرشي ده حاجه غريبه
غيري لا يمكن بيها يحس
مثلاً لما اطلع ع السلم
انهج واعرق وابقي مبلم
ما ابقاش قادر حتي اتكلم
ولا اتحرك ولا اتهز
واما بقابل حتي اصحابي
تسمع احلي كلام عن كرشي
الي يقول "في الشهر الكام "؟
والي يقولك "قادر تمشي" ؟
والي كلامه جوا عيونه
مكسوف انه يقوله في وشي
واما بسافر
يبقي ضروري ولزماً احجز
في الاسباني الدرجه الاولي
علشان جوا الدرجه التانيه
بلقي فخادي يا ناس محشوره
وان كنت اركب ميكروباصات
يبقي يا ويله القاعد جنبي
ولسان حاله "ما تركب تاكس"
"يخربيتك" - "حاسب رجلي"
وافضل الملم نفسي في نفسي
خايف اخبطه من غير قصد
واما بتيجي محطتي وانزل
"كله يقول " لله الحمد
اما الاصعب بقي والاكبر
لما هدومي عليا بتصغر
يبقي ضروري عليا ولازماً
غصباً عني ورغم الانف
ادخل حكم الكعب الداير
حكم الحيره يا ناس واللف
ويفوت ويا اللف ساعات
وافضل ادور ع المقاسات
الي محال القاها في حته
الا في حالة
ان التاجر اصلاً زيي
من اصحاب الحجم الفالت
فيدكنلي طقم تملي
لكن قدي تمام بالملي
وادفع تمنه تملي الضعف
اهون عندي يا ناس م اللف
بص يا عم اسمعني هقولك
اخر حاجه خلاص معلش
ده احساسي الكامن فيا
وده احساس اصحاب الكرش
وحياة مامتك لما تشوفنا
ارجوك يعني
ما تعيبش
قلم بكرش محمد السيد عبد العزيز
منـــى غالية @mn_ghaly
محررة
يلزم عليك تسجيل الدخول أولًا لكتابة تعليق.
assmaa :
هههههههههههه دة احساسي الكامن فيا ودة احساس اصحاب الكرش :01:هههههههههههه دة احساسي الكامن فيا ودة احساس اصحاب الكرش :01:
شكرا يابنات :icon30:
الصفحة الأخيرة
صحيح ...
الله يخلصنا من الكرش متعافين يارحمن