أصحاب خبرة الأراضي في الرياض، الرجاء المساعدة؟

اختي بالسعر هذا صعبه شوي...........ماراح تلاقين الا باماكن رخيصه وبعيييده.........ومااتوقع راح تكون استثماريه!! ان شاءالله الي عندهم خبره يفيدونك.........ز

طيب احسن شي البعيد بس الي له مستقبل شوفي الربيع والصحافه كانت الاراضي فيها 15000 او20000 الف الحين المتر هناك 900 ريال انصحك خذي في العقيق او الصحافه او الربيع له مستقبل رائع هناك مدارس المملكه وبيفتع هيبر بنده واليورمارشيه اذا تبين ممكن ابحث لك

شكرا لردودكم

الأخت أم سلطانة:
تتوقعين الحين فيه أراضي بالعقيق أو الصحافة أو الربيع بالأسعر هذه! اللي أعرفه ان اسعارها ارتفعت وما تنطال الحين!

أفيدونا! اللي عنده خبرة يعلمنا لأن الفائدة تعم؟
مو مشكلة تكون الأرض بعيدة وأصبر عليها 3-4 سنين وبعدين أبيعها. يعني تكون قطعة لها مستقبل.

اختى دايم جوعانه انصحك تستثمرين بشكل افضل الاراضي زمان كانت استثمار الان خلاص والمساهمات العقاريه حلوه اعرف وحده جربت دار الاركان وتمدحهم وربحت ربح كويس لكن وين تحصلين الصادقين اللي مايلعبون على الواحد
انصحك في صناديق الاسثمار فيه صندوق الرائد في البنك الامريكي وفيه صندوق الامانه في البنك البريطاني وفيه الاسهم 2 في بنك الرياض هذولا شرعيات ولافيهم ربا
وربحهم افضل من انك تستثمرين بارض
عند صندوق الرائد نسبه الاستثمار فيه الفتره الماضيه 40% والبريطاني الامانه 44% شي حلو يعني خلي 100الف سنه تطلع باذن الله 144 الف

طبعا هي معرضه للربح والخساره لانها تشتغل على الاسهم المحليه وحسب ارتفاعاتها لكن بإذن الله انها ماتخسر لان المستقبل الان للاسهم
وروحي للبنك البريطاني او الامريكي اذا عندك فيهم حساب او افتح حسابي واستفسري هناك عن اللي قلتلك

سلام