أصـ ع ـب دروس ع ـمري

aomroena • 13 سنة

خالد بصوت واطي : معقــوله .. ماكانت تحبنـي ...؟!! معقول تكون تصرفاتها كلها تجاهي ماكنت تقصد بها حب ..
تسند على الكرسي وهو يمسح على ويها ويرجع شعره على ورى : أأأأأأأخ ...أأخ ....
تنهد بصوت مسموع وقال : مستحيل ترفضني بدون سبب .. أكيد السالفه فيها أن ... اكيييييييد تحب غيري ....

أبليس كان شاطر بهلـ لحظه وقدر يدخل فكره انه أمل تحب غيره ورفضته علشانه
بسهولــه خاصه انه خالد كان مقهور ومعصــب

قطع حبل افكاره صوت جواله وصله مسج
فتحه لقــاه من مشعـل

* وينــك ؟ جوالي زهق عيشته من كثر ماأدق عليك ولا ترد ... أرجع اتصل أبيك بسالفــه *
خالد سكر جوالـه بالمره لانه ماله خلق شي وحذفه على الكرسي اللي جنبه
حط راسه على السكـان ..

مر الوقت وجـا العصــر

وخالد لحد اللحيـن مارجع
وتعرفون أم جاسم وشكثر تحـاتي عيـالهـا
قعدت بالصـاله على نـــاااااااااااااااااار .. تنطر خالد يدخل عليها
مسكينه هالحرمه .. تخاف على عيالها أكثـر من خوفها على نفسها

فـي هاللحظه كان جاسم ناوي يطلع من البيــت
وأول ماشافته أمه الا تقوله : يمه جاسم ..
جاسم جا وباس راسها وقال : هــلا ..
أم جاسم : تحب الكعبه أن شالله .. ماشفت أخوكـ خالد ؟ ماكلمك ؟ ماأتصل لك ؟
جاسم اللي صج صج ماهو بهلـ دنيـا : ليش هو مو بالبيـت ؟!!
أم جاسم : لا يمه .. طلع الصبح معصب ولا ادري وين راح ...
جاسم : خلاص يمه أنتي أرتاحي .. اللحيـن أدق عليـه
أم جاسم : أي يمه .. تسوي خير فيني أعصابي تلفت من اخوانك .. مره مشعل ومره خالد ..

جاسم دق على خالد بس لقى جهازه مغلق ..

جاسم : مسكر الجهـاز
أم جاسم : وي .. لا يكون صار فيه شي ... كله مني أنا خليته يطلع معصب ..
جاسم بتسأل : هو ليش طلع معصب اصلا ؟
أم جاسم : ( قالت له السالفه )
جاسم : ..لا حول ولا قوه الا بالله ... خلاص يمه انتي اللحيـن هدي أعصابج وانا طالع ادور اللحيـن ..
أم جاسم : روح .. روح يمه دور اخوك وطمني عليــه
جاسم وهو طالع من البيت : ان شالله فمان الله
ام جاسم بصوت واطي : فمان الكريم يمه ..

بيت بو ريم

كانت المها قاعده تشعـر .. حق أمـل ..
لانهـا كانت تملك صوت حلو وهي تلقي القصايد ..
طبعـا القصايد اللي تقولهـا مالت شعراء ..
لانهـا ماتعرف تألف بالاسـاس

(( سوري بس ماأعرف أسم شاعر هالقصيده ))

* أكيد أحبه .. أكيد أموت في حبــه
أكيد أنا بفقده لا غـاب عن عينــي

غــلااااااهـ ..

مدري كذا يجيك من ربـه ..
من يوم شفته وحبه ساكنـ ( ن ) فيني

مــوج الـ غ ــلا

صار يلعب بي ويلعب به
أغليه انا .. وزاد قدره يوم يغليـني

الشوق

لا غاب كنه نار مشتبه
ولا في شيـ ( ن ) سوى شوفته يرضيني

هذا لحاله ولحد(ن) فيه يتشبه
مافيه غيره يحركني ويغريني

الزين يذبح

وحتى الخال له حبه
لا شفتهـا فيه ضعت اقول انا ويني..؟!!

غصبـ ( ن ) علي غصب امدح فيه وأكتب به

ان ماخذاني لشعري من يوديني
واااللـه احبه
وأموووت .. أمووووت في حبه

من يوم شفته

وغيره طاح من عيني ..*

أمل اللي اندمج مع كلمات القصيده ..اللي خذتها ليوسف ...
صفقت والابتسامه على شفايفهـا : صح لســانج فديتج ههههه
المهـا بغرور زائف : أحم ..أحم .. صح بدنج ... شرايج ..
أمل : والله صوتج جنــان ....
المهـا : تبين أشعر لج بعد .. ههههه
أمل وهي تسند ويها بيدينهـا الثنتيـن : يلا غردي ..

المهـا وهي تتصفح دفترها المليان اشعار تدور شعر تقولـه
شوي ألا صوت جوالهـا يرن
( شكلك تبي تبدى معااي الخيــانه .. لا ياحبيبي هونك شوي هونك أنا اللي بنهي اللحيـن قصه هوانا وأنـا اللي ببدي

بالخيانه وأخونك....... ) <- رنه جوالها
قامت خذت جوالهـا وطلـعت المتصله ( هيــام )

المهـا : هلا واللـه ببنت العم ..
هيام : هلا مهووووي شلونج ؟
المهـا : الحمدالله بخيــر ...شلونج انتي وشلون منول والشله المشتله اللي عندج
هيام وهي تضحك : يسرج حالهم .. الا اقول مهووي ... انتي تكلميـن أموول بنت خالج ؟
المهـا وهي تطالع أمل : اي فديتهـا واللـه .. أكلمهـا ليش تسأليــن ؟
هيام : لانه صار لي كم يوم أتصل لها ولا ترد علي ...
المها تكلم امل : أمووول ليش ماتردين على هيــام

أمل لما درت أنه اللي تكلمها المهـا هيام حطت يدها على حلجهـا بقوووه
وأشرت لها انهـا تسكت ولا تقول انهـا موجوده عندهـا

بعكس هيام اللي أنقزت من الفرحه لما درت انه أمل عندها : أموووول عندج ؟
المها ماتقدر تنكر خلاص سمعتها قالت : أي عندي
هيام بترجي : تكفييييييييييين عطيني اكلمهـا تكفيييييييييييييييييييييييييييييين ..
المها مستغربه من هالترجي قالت : زيـن لحظه
تكلم أمل : هاااج هيام تبيج ..
امل تأشر لهـا ( مااابي أكلمهـا .. )
المهـا : ليش ؟؟
أمل ( مــااابي ..!! )
المها لهيام : شمسويه للبنت ماتبي تكلمج

أمل عصبت على مها لانها كل ماقالت كلمه راحت قالتها لهيام

هيام : شوفي بجيج اللحيـن أنــا .. وبتعرفين السالفه كلها بس تكفييييييييييييييين وربج لا تقولين لهـا أني بجيج طلبتج
المهـا ( شفيها ذي ..؟! ) : زيــن زيــن ..لا تنتحريـن ..
هيام : يلا مع السلامه

أول ماسكرت ..
وتشب عليهـا أمل : يالحمــااااااااااره .. أ .. أشــر لج اقول لج مابي اكلمهـا تروحين تقولين لهـا ماتبي تكلمج يالدبه ..
المهـا وهي فيها الضحك على شكل أمل : وااااااللـه أسفه ماكنت منتبه عدل لج .. سوري ههههههه
أمل خذت دفتر الاشعـار مال مهـا وحذفته عليهـا بس زين انه ماصاد ويهـا جان تشوهت
المها وهي ميته من الضحك : هههههههههههه شفيج عليهـا
أمل قامت شالت روحهـا وخذت عبايتهـا وقالت : أنا الغلطانه اللي جيتج يالبقره
المها قامت بسرعه وسحبت العبايه من يد أمل اللي شكلها من صجها بترجع البيـت : يه عاد أموول لا تصيرين حساسه زياده

عن اللزوم .. زله لســان .. لا تعصبين عاد
أمل وهي تدزهـا لدرجه انهـا أرجعت على ورى : المشكله ماأقدر اعصب عليج ..
المهـا وهي تحظن المهـا بكل قوتهــا : فديييييييييييييييييييييييييييييييييييييييييييييييي تج أنــاااااا

أمـا عند هيام اللي اول ماسكرت فزت من مكانهـا ولبست عبايتهـا بسرعه
وكانت لابسه ( بنطلون جيــنز أسود وقميص كات اسود مرسوم عليــه دبدوب بالنص )
ولفت الشيــلــه وراحت طيراااااااااااان غرفه يوسف بس مالقتــه
نزلت الصاله بسرعه وشافت منال وشوق يتناحسون كالعاده
هيام بعجله : يوسفووه ويــن ؟
منال طالعتها وقالت : شتبيــن فيه الخايس
هيام وهي تتكلم بسرعه : يوسفووه ويــن منوول خلصينـي
منال : توه ذااالــف يقول بيروح عند ربعه الله والربع عاد .. أهم منــا
هيام حطت يدها على قلبها : من متى طالع ؟
منال : توه اللحيـن قبل لا تنزلين حظرتج بشوي

طلعت بسرعه وشافت يوسف توه محرك بيطلع السياره من البيــت
راحت له سيده وطقت الدريشــه بقوه لدرجه انه يوسف تصرقع

فتح الدريشه وهو يقول : شفيج صبيتي قلبي ..
هيام : توصلنــي اللحيـــــــــــــن .. بيت عمي ..
يوسف ماعجبه كلامهـا : أشتغل عندج الظاهـر .. أنا بروح حق ربعــي ...توها منول قايله لي تبي اوديهـا السينمـا

مارضيت ..
تبيني اوديج بيت عمي اللي بأخر الدنيــا
هيام بترجي : تكفى يوسفووه .. صدقني بتشكرني طول عمرك ..
يوسف وهو يطالعها بنظرات تسأل : ليش أن شالـله ؟!!
هيام : الحب هنــاك ..
يوسف بغى يوقف قلبه لما سمع طاريـهـا : حللللللللللللفــي ..
هيام : وااااالله العظيم ..
يوسف بفرحه مو سايعته : ركبي ركبي .. الله يفرحج مثل مافرحتيني ..
ركبت هيام وعدلت شيلتهـا بالسيــاره
وطلع يوسف على بيت عمه

وهو بيموت من الفــرحه ... وأخيرا بيشوفهــا ..
عاد هالمره بيقول لها انه بيجي يخطبهـا .. مايقدر يصبر أكثر من جذي
بيموت ويوصل لهــا ..

بيت بو جاسم

السـاعه 11 الظهر

أتصل جاسم اللي لف الدوحه .. وكل بيوت ربع خالد ولا لقــاهـ
على مشعـل علشــان يطلع يدور خالد لانه جاسم عيز وهو يدوره ولا لقاه
وقال له اول مايلقى خالد يتصل له علشان يطمن امه

طلع مشعل من البيــت وهو عارف المكـان اللي بيكون فيه خالد هاللحظه
ألا وهو .. البحـر ..

وصل مشعل البحر .. وماخاب ظنــه لقى خالد قاعد قريب من البحـر
وبايـن من شكله أنه متضـايق
مشعل وهو يحط يده على كتف اخوه : قلوا الاماكن بالديره جاي هنـي .. ( يسكت شوي ويستنشق نسيم البحـر البـارد )

بس تصدق الجو عجيب ..
خالد مارد عليــه
مشعل قعد جنبه وقال : اتصدق أنصدمت لما دريت انك طلعت من البيت معصب بس علشان أمل رفضتك .. أنا صج كنت ادري

انك تحبهـا بس مو جذي ..؟!!
خالد من غير نفس : مشعل واللي يرحم والديك روح أبي أقعد بروحي .. مالي خلق شي كلش
مشعل: .. خالد .. انت العاده اذا ضايقك شي ماتتردد لحظه بأنك تجي تقوله لي .. ولـه مـاني أقرب أنسـان لك ؟
خالد تنهد وقال : متضــااااااااااااايق يامشعل متضايق ..
مشعل بتسأل : علشـان امل ..
خالد اللي عينه مافارقه البحر : .. لما كنا صغــار كانت تقولي أنهـا تحبنــي .. واذا حد زعلهـا ماتلقى غيري يمسح

دموعهـا ويقلب حزنهـا فرح ..
ليش اللحيـن لما كبرنـا تغيرت علي ....( طالع اخوه ) ليش ؟
مشعل ببتسامه : مافي شي يبقى على حالــه وانا اخوك .. وبعدين انت بنفسك قلتهـا كنتوا صغــار واللحيـن كبرتوا ولا

تنسى انك تربيت معاهـا .... يمكن رفضتك علشان هالشي
خالد : ياليتنـي ماتربيت معاهـا .. علشان مايجي اليوم اللي ترفضني فيه علشان هالسبب لما اكون أبيهـا
مشعل : أستغفر ربك ياخالد .. كلمه ياليت ماراح ترد اللي فات .... ومن يدري يمكن فراقهـأ خير لك وقربها شر
خالد ضحك بسخريه : أأي .. أنت تتكلم بهلـ طريقه لانه اللي حبيتهـا مارفضتك .. ولا تغيرت عليك علشان سالفه

تاااااااااااااااااافه والله تافه
مشعل : أنـا وضعي غير عنك ياخالد... أنا متأكد من مشاعر دلال ناحيتـي .. بس أنت لا ... أنت حتى مافكرت تسألها بالاول

علشان ماتنصدم هالصدمه
والنتيجه شوف نفسك اللحيـن معصب ومتضايق ولا لك خلق شي
خالد : بس أنــا أحبهــا ..
مشعـل : دامهـا تبيك كأخو .. كون لهـا الاخو اللي تبيــه ... وأنسى حبك لهـا وصدقني اذا كان لك نصيب فيهـا

بتاخذها حتى لو قالت ماتبيك من اليوم لين بكره
خالد تنهد بصوت مسموع
مشعل وهو يطبطب على ظهر أخوه : يلا بو وليـــــــد ماأبي اشوفك مكشر وزعلان وكاره الدنيــا .. نبي خالد

المربوش اللي ماخذ الدنيـا بعبط
خالد أبتسم وقال : أن شاللـه ..
مشعل : .. وبعديـن تعال قول لي وين اللي يحب بثقــل .. وله هذا كلام بس علشـان تسكتنـي
خالد مارد عليـه وقال : الوالده اللي مطرشتك صح؟
مشعل : ومن غيرها اللي مبتلشه فينا .. والله مسكينه الوالده شايله همنـا وجنا يهال صغـار مو كل واحد فينا صاك

العشريـن
( يسوي روحه عصب ) وبعديـن وشحقه تطلع من البيت معصب هــااا .. تبي تاخذ غلاتي بقلبهــا ... لا تحاول الافضليه

لأخر العنقود ياحبيبي
خالد ضحك بالخفيف

الا جوال مشعل يرن

مشعل وهو يشوف المتصل : اللحيـن تلقى جسووم مفووول علينـا ههههههه
خالد : ليش ؟
مشعل : قال لي أدورك واذا لقيتك اتصل له وأنا من شفتك نسيت الناس والدنيـا ولكن ماقويت أنساك ههههه قول صح لساني
خالد هز راسه على ثقل دم اخوه بس بعد فرح لانه عند اخوه مثل مشعل

مشعل وهو يرد على جاسم : هلاااا جسووم ..
جاسم اللي مازال يدور خالد : هــاا بشر لقيتــه ..
مشعل يتصنع الحزن : والله مادري شقولك ..
جاسم أخترع : شسالفه ؟ شصــاير مشييعـل ...
مشعل يطالع خالد ويبتسم أبتسامه عريضه ويرجع يكلم جاسم بحزن : والله لقيت سيارته على بحر .. و ...
جاسم : وشنو؟!!
مشعل : في شباب كانوا هني الصبح ويقولون شافوا خالد وهو ... أأأأأأأه .. ماني قادر أكمل لك
جاسم تلفت أعصابه قال بصراخ : وشنــو .. ماتحجى ..؟
مشعل : في سمجة (سمكه ) قرش متحلفه فيه ليش انه صايد وجبه الغداء مالته .. وحطته بدلهــا ...
خالد ماقدر يسكت هني ضحك على أسلوب مشعل مع انه كان بايخ : هههههههه
جاسم بغضب : قسما بالله يالتبن أنك سخيييييييييييييييييييييييييف ومن قلب بعد ...
مشعل بعبط : لا قلبيــن .. ههههههههههههه
جاسم وصل حده : مشيييعل ماني متفيق لك ترى ... لقيت خلووود وله لا ..
مشعل لخالد : ولــــع قمت أشم ريحت دخان هههههههههههههههه ( يكلم جاسم ) أي لقيته .. متسدح لنا على البحر

هههه يقول من زمان ماشافه
جاسم : أقــول .. أنا الغلطان اللي قاعد اتفاهم معاك يلا يلا باي
مشعل : تعال جسووم شفيك اتغشمر
جاسم : هذا وقت غشمره .. انا وراي دواام الظهـر.. ولين اللحيـن ادور بالشوارع وانت وخلووود بطاليه وقاعدين تسولفون
مشعل : بل بل بل ... لا ينط لك عرج زين ....والله خالد قام يسمع صوتك ههههه

خالد اخذ الجوال من عند مشعل وقال : هلا جاسم
جاسم : لا هلا ولا مسهلا .. اللحيـن تطلع من البيـت علشان وحده رفضتك والله ماعندك سالفه ..
خالد : خلاص زين لا تزف .. اللحيـن برجع
جاسم : اللحيـن ترجعون الوالده قلبها شب عليك .. ياهل انت ياهل ...
خالد اللي حس من أسلوب جاسم وكأنه أبوه لانه كان واضح انه خايف عليه : قلنــالك زيــن ... شوي شوي على صوتك

والله أحبالك الصوتيه تعبت ..
جاسم : انا راجع البيت اللحيـن عندك نص ساعه وتكون بالبيت ... ولـه ...
خالد : ولييييييه .. لا تصير حنان عـاد ..... بنرجع اللحيـن
جاسم : يلا اقلب ويهك خل أطمن الوالده عليك .. حشى..يهال كل مازعل واحد طلع من البيــت فوضى هي فوضى
خالد وهو يبعد الجوال عن اذنه لانه صوت جاسم أرتفع قال بصوت عالي : قلنــاااااااااااااااااااااااااااالك زيــــن ... بطيييت

أذون
جاسم سكر بويهـا

خالد وهو يعطي مشعل الجوال : حشى كلاني بقشوري ..
مشعل مات ضحك : ههههههههههههههههههه ياحلاته لما يكون مو بالدنيــا ..
خالد قام وقف وقال : قوم يامعود خل نرجع البيت لا يكرنا عند باب الحوش شكله من قلب مولع
مشعل قام وهو ينفض التراب اللي تعلق ببنطلون : يلا يلا ..

ركب مشعل سيارته وخالد ركب سيارته
مشعل وهو يفتح دريشه سياره : تسابق ..؟!!
خالد هو يشغل سيارته : اذا مشتاق لمستشفى حمد .. سابقنـي ..
مشعل وهو يشغل المسجل ويطول عليــه : أووووووووه قام يتحدى الاخ .. توك كنت مو طايق الدنيــا ..
خالد وهو يسكر باب سيارته : أقول أقلب ويهك ..
مشعل قعد يترقص على أنغام الاغنيـه
خالد طالعه وصد عنه وسكر الدريشه وهو يقول : واااالــلـه استخف وقعد

وحرك خالد من على البحـر
شوي ألا يشوف مشعل مار من صوبه مسرع والغبــره من وراااااهـ
ويقعد يسوي له حركات بالسيــاره

خالد أتصل على مشعل
مشعل : ألوووو
خالد : هييييه أنت ناوي ترجع المستشفـى سوق عدل مثل النــاس ..
مشعل وهو يضحك وصوته بلـ يالله يبين من صوت الاغاني : ههههههههههههه .. كلللللش اللي يسمعك يقول ماعندك

هالسوالف .. يلا يلا سابقني ع البيــت
خالد : مشعلووه .. مالي خلق اللحيـن هبابه اوصل البيـت .. يلا وخر سيارتك هذي قوطي الحليب من جدامي .. خلـني

اطوف
مشعل : ههههههههههههه أوكي أوكي .. فمان الله
خالد : فمان الكريم

بيت بو ريم

نزلوا امل والمهـا الصـاله لانـه المهـا ملت من قعد الغرفه ( حسب كلامها لأمل )
بس بالحقيقه أنـها نزلت الصاله علشان أول ماتدخل هيام تلقى أمل ماتضطر تروح فوق لهـا
وكفايه انه غرفه المهـا حوسـه

المهـا كانت تفكر بردت فعل أمل لما تشوف هيام
المهـا بقلبهـا ( هههه والله لا تدوس ببطني هههههههه بس يلا أنـا أسوي عمل خيري هههه وبصالحهم على بعض

وبيشكروني طول عمرهم
فديتني طيوووبـه .. )

شوي الا صوت الجرس يرن
أمل التفتت على مها وقالت بتسأل: أنتوا تنطرون حد ..
المهـا قامت وقفت وقالت ببتسامه عريضه فيها لمحه خبث : لا فديتج .. احنا بيتنا مفتوح ... وبعدين تلاقين عيال الفريج

قاطين كورتهم بالحوش ويبونه نوديها لهم ..

سحبت شيلتها اللي كانت جابتها معـاها من فوق ..
رغم انه امل ماتشوف لها أي لزمه .. لانها بتنزل الصاله تتحجب عن من ؟؟
شكت بالموضوع بس ماأهتم وايد ولما رن الجرس زااادت شكوكهـا

طلعت المهـا وفتحت البـاب ألا هيام بويهـا ووراهـا يوسف اللي متسنـد على سيارته
هيام لمهـا : راحت ولـه موجوده ؟!!
المهـا : النــاس تسلم اول ..
هيام اللي كانت متخسبقه .. تبي تلحق على امل قبل لا تروح قالت : وووي نسيت .. بنت خالج ماخلت فيني عقل
سلمت عليها بالخد ودخلوا داخل وسكروا الباب بوي يوسف

يوسف فتح عينه على كبرهـا : ياجليلات الحيـا اللحيـن انا واقف برى يرضخون الباب بويهـي صج ماعندهم ذوق ...(

تذكر أمل وقالـ )
بس يلا علشــانهـا بس بصبر

دخلت المها ومعاها هيام

أول ماشافت أمل هيـام وقفت مصدومه ومقهوره ودهـا تذبح المهـا

هيام لأمل : شلونج امل ..؟!!
أمل تكتفت وقالت بنبره باين منها انها زعلانه ومتضايقه من وجودهـا : بخير ..
هيام قربت صوبها : اموله فديتج سمعيني واللـه ماكنـ .....
قاطعتهـا أمل : لا تحاوليـن حركتج اللي سويتهـا مالهـا أي مبرر .. وأنا ادري وواثقه انج انتي اللي معطته الرقم ....
هيام وهي تحط يدها على صدرها : أأي أنــا عطيته .. وأعترف بس واااللـه قصده شريف ... قال لي بيكلمج وبيقول لج

انه يبي يخطبج
امل بستهزاء واضح : واللـه ؟؟....ليش مايعرف الاصول أخوج ..؟ وله يعتقد اني من البنات اللي في باله ..؟؟؟؟؟
هيام : أموووول واللـه والله والله .. أحلف لج انه ماكان في باله شي من اللي تفكرين فيه اخوي واعرفه عدل

قاطعتها المهـا اللي ماتدري شسالفه : شسـالفه فهموني

أمل لمهـا : السالفه يامهـا .. انه بنت عمج العزيزه ... رايحه معطيه رقمي لأخوهـا على بالها اني رخيصه لهدرجه ومن

البنات اللي ماعندهم كرامه ولا اخلاق
المها بصدمه : أي واحد فيهم ..
هيام بيأس : يوسف .. بس وااااااللـه قصده شريف
المهـا بعصبيه : ماتستحين انتي ..؟ ولج وي تسألين ليش ماترد عليج وماتبي تكلمج ... ينيتي أنتي ينيتي ...؟؟ ترضين هي

تعطي واحد رقمج وتخليه يتصل عليج ؟؟
هيام وعينها بالارض : طبعـا لا .. ( ترجع ترفع عينهـا ) .. كاهو يوسف جا معاي ومستعد يستسمح منج .....
أمل وصل حدها قالت بصراخ : هيييييييه أنتي مب صاحيه ..؟ شنو يستسمح مني أعرف يعرفني علشان أكلمه ؟؟
هيام عيونها دمعت : امول تكفين سامحيني والللـه .. قصده شريف أحلف لج يبي يجي يخطبج ...
أمل اللي صارت مثل البركان اللي على وشك الانفجار : لا تقوليـن لي واااقف برى ....
هيام : اي
أمل بدون ماتشعر : ويعيـــه .. أن شاللـه ... ( تكلم مهـا ) هذي بنت عمج بترفع ضغطي
( صوتها أرتفع زياده والحمدالله انه بوريم وام ريم مو بالبيت وله كان صارت سالفه ....ترجع تكلم هيام)
ابوي اللحيـن بيجي شلون بطلع له واخوج واقف برى ...
هيام نزلت دموعهـا : امول تكفين سامحيني والله أسفه ..
أمل اللي أرتبكت زياده ابوها في أي لحظه ممكن يوصل ويوسف واقف برى قالت وهي ترجع شعرها على ورى : هيوووم كفي

شرج وخيرج وطلعي حق أخوج خلـ يروح ( بصوت عالي ) أبوي بأي لحظه بيوصل ..
هيام قلبها عورهـا خسرت البنت اللي عدتهـا رفيجتتهـا بسبب تصرف متهور من أخوهـا
مسحت دموعهـا وطلعت من البيـت

أمل قعدت على الكرسي وهي حاطه يدها على ويها وأبتدت ترجف من الخوف
المهـا جاتهـا تهديهـا : خلاص أموول .. هدي أعصابج
أمل بخووف: مهوووي أبوي بيوصل بأي لحظه .. بموووت اذا شافه وحس انه بينا شي ..
المها أستغرب من أخر كلمه قالتهـا ( بينا شي ؟؟!! ) : بينكم شي ؟ ليش أنتي تكلمينه ..؟؟
أمل ماكانت تقدر تتكلم من الخوف .. عمرها ماخافت كثر هاللحظه ..حاسه نبضات قلبها كل مالها وتزيد

المهـا قامت جابت لها ماي ورجعت لهـا

المهـا لأمل : هااج شربي مااي ..
أمل شربت مااي وسكتت شوي وقالت : مهووي والله بيذبحني ابوي لو شافه
المها : وليش خايفه جذي ..؟!!
أمل بطريقه شبه هستيريه : مادري مهوي مادري ...( سكتت شوي وقالت ) سمعي مهوي .. أنا أحبه .... و أخاف لما أطلع

لأبوي أرتبك لما اشوف يوسف ويحس بهلـ شي أبوي
المها : تحبينه ؟ من متى هالكلام ..؟!!
أمل : من أول يوم شفته فيه ..
المهـا : خلاص ... خلاص .. أنتي هدي أعصابج .. كاهي هيوم طلعت له وان شالله بيروحون ..اللحيـن

في الطرف الثاني وخصيصا عند يوسف وهيام

طلعت هيام ودموعهـا على خدهـا
اول ماشافها يوسف قال : هـا بشري شصــار ؟
هيام وهي تصيح : ودني البيت يوسف ... ( ركبت السيــاره )
يوسف اللي مستغرب من صياحها ركب السياره وقال : هيووم شفيج
هيام وهي تصيح من قلبها : مافيني شي ... انت دوومك جذي ماتخليني أتهني بشي .. كله مخرب علي وبس .. زين جذي

البنت كرهتني ماتبي تشوفنـي
طحت من عينهـا ومن عين مهووي بعد ... وكله منك أنت كله من تحت رااسك
يوسف : ليش شقالت لج ؟
هيام بصراخ : ماتبي تشوفني .. صارخت علي وقالت لي اروح اللحيـن لانه ابوها بيجي بأي لحظه
يوسف بقلبه ( اوكي ياأمول شكلج ناوي تتحديني .. بس مصيرج بتكونين لي ) : خلاص حبيبتـي لا تصيحين ..

حرك سيارته ووقفها بعيد شوي عن البيت .. علشان ماتبين
وهو ناوي لأمل بنيــه ..
..__ الجزء الرابع عشـر ___..

كلهـا دقايق معدوده ألا تلفون الصاله يرن
أمل ألتفتت على التلفون مفزوعه ..وقالت : أمبي .. أكيد ابوي ...
المهـا قامت من جنب امل وراحت ترد على التلفون ونفس ماتوقعت خالهـا المتصل

بو حمد : ألووو
المهـا : هلا خــالي
بو حمد : هلا .. من أنتي ؟
المهـا : أنا مهـا خالي .. شلونك
بو حمد : يسرج الحال .. شلونج انتي
المها : تمام
بو حمد : دوم ان شاللـه .. يلا يابنتي نادي امل خل تطلع لي أنا برى ..
المهـا تطالع أمل اللي ميته خوف : أوكي اللحين اخليها تطلع لك ..
بو حمد : يلا مع السلامه .. وسلمي على امج وابوج
المها : يوصل مع السلامه

سكرت من عنده وراحت عند أمل وهي تقول : يلا قومي خالي ينطرج برى
امل قامت وقفت وهي خايفه : مهوووي بموت من الخوف ..
المها تمسكها من يدها : أنتي لا تخافين جذي وجنج مرتكبه جريمه ... كوني عاديه .. وتلاقينهم هيوم ويوسف راحوا
أمل بقهر : حسبي الله على ابليسهم ياليتني ماعرفتهم ... كل المشاكل اللي بتجيني من تحت راسهم
المهـا مادرت عليهـا ..
أمل راحت فوق خذت عبايتها وشلتها ولبستهم وهي طالعه سلمت على المها اللي وصلتها لباب البيت ودخلت

امل طلعت من بيت عمتها وعينها تتفحص الشـارع ...
تبي تتأكد انهم راحوا ..

بس صوت هرن سياره ابوها ماخلها تتأكد من خلو الشارع تماما
ركبت السياره
بو حمد : شفيج تأخرتي سنه لين تلبسبين عباتج ..
امل بخوف تحاول تخفيه : .. لا بـ ..ـــس كنـ..ــت أسلم عـ..ـلـ....ــى عنود ومهووي ..
بو حمد مارد عليهـا وحرك من جدام بيت أخته

عند يوسف وهيام

أول ماشاف السياره اللي ركبتها أمل تحركت لحقهـا بس بطريقه انه بو حمد مايحس فيه
هيام كانت ندمانـه على اللي سوته .. ندم مو طبيعـي ..
* لو أني ماسمعت كلام هاليوسف كان علاقتي استمرت مع امل .. بس أستاهل ... أنا حماره .. ليش عطيته رقمهـا ..*
أما يوسف اللي كان طاير من الفرحه مو مصدق أنه أخيرا بيعرف عنوانهـا .. وهذذا طرف الخيط اللي بيقدر يوصل لها به ..
* أأأأأأأأأأأأأخيــرا .... *

نرجع لأمل اللي لو كانت ثلج كان ذابت من زمـان من هالخرعه اللي فيهـا

ثواني مرت والجو هادي عندهم ..
وأمل لافه على الدريشه اللي صوبها تحاول تخفف من الخوف اللي أقتحم قلبها بدون سابق أنذار
قطع هالهدوء صوت ابوها الرجولي الضخم : أمــل
أمل ألتفتت عليه بسرعه من الخوف : هلا يبه ..
بو حمد اللي مازالت عينه معانقه الطريج اللي قدامه ولا ألتفت عليها : فكرتي بالموضوع ..؟!!
أمل برتباك : أي موضوع ..؟!!
بو حمد بحزم : هو في غيــره ..؟!!
أمل قامت تبلع ريجها وقالت : سالفه خالد ..!!؟
بو حمد : أي خالد ..؟!! فكرتي بالموضوع ولـه ..
أمل بصوت واطي : يبه .. ماأبي خالد
بو حمد هلكلمه جاته وكأنها سجاجين يدخلونها بأذنه قال بصوت أعلى شوي من اللي قبله بس مو بصراخ : شنــو ..
أمل وقف قلبهـا ..قالت : يبه خالد مثل أخوي ....
بو حمد مارد عليهـا لانه أساسا متنرفز ليش انها رفضت ولد اخته
لما شافته مارد صدت عنه
وقعدت تراقب السياير الرايحه والراده
وهـي حــاســه قلبها بيوقف ..

كلها دقايق ووصلوا البيــت

نزلت أمــل من السيــاره .. ألا بسيــاره خالد ومشعــل توهم واصليــن ..
دخل مشعل سيارته أول وخالد ورااه
بدون ماتقصد جات عينها بعين خــالد اللي طالعهـا بنظرات مافهمت معنــاهــا وصد عنهـا ودخل سيارته بالبيت ..

دخلت البيــت وهي ودها توصل غرفتها بسرعه علشان ترتمي بحظن أختهــا ..

رغم انها أستغربت من هدوء البيــت

راحت فوق غرفتهـا دخلت مالقت أحد
فصخت عبايتهـا ورمتها على سريرهـا
وطلعت على غرفه حمد لقته يلعب بليستيشن

أمل لحمد : حمووود .. وين دلول ؟
حمد وهو مندمج باللعبه : خذتها امي المستشفى لانها تعبت شوي ..
أمل : من متى ؟
حمد : من زمــاااان ..

أمل طلع من غرفه حمد
وراحت سيده المطبخ فتحت الثلاجه طلعت لهـا عصير
وقعدت تشرب شوي علشــان يخف الخوف هذا شوي
ويهدى قلبها اللي يرتعش من هالخوف
أمل بقلبها * يااااااا ألــلله .. شفيني خايفه جذي .. ومو على بعضي كلش .... ماسويت شي غلط علشـان هذا كله ..
ياربي بموت من هاللي حاسه فيــه *
جا فبالها خالد ونظرته لهــا
* وشفيه هذا يطالعني بهلـ نظرات .. ماني اول ولا اخر وحده ترفض واحد تشوفه مايصلح لهـا ...*

بيت بو جاسم

نزل خالد من سيــارته وسكر بابهـا بكل قوته أنقهـر لما شافهـا
جاله مشعل وهو يقول : هوووب هووب .. شوي شوي على الباب لا تكسره ..
خالد طنشه ولا كأنه سمع حرف من اللي قاله ودخل وكانت أمه بأستقباله
أم جاسم : حسبي الله على أبيسك من ولد ... حرقت قلبي عليك
خالد وهو يسكر باب الصاله : اسف يمه
أم جاسم راحت له : اللحيـن يمه تعصب وتقلب الدنيـا على راسك علشانها رفضتك .... قول لي شتبيني اسوي ؟؟ أجبرهـا عليك يعنـي ..
خالد : لا يمــه .. ماتبيني ماأبيهـا .. بدالهـا ملايــن دنيتي ماراح توقف عند حظرتـهـا
أم جاسم مسكت خالد من يده ودخلت معاها الصاله
أم جاسم : وين كنت يمه ..

وأبتدت تسأله .. أسألت كل أم خايفه على ولدها
وتحاتيه ومن تشوفه تهلـ عليه بالاسأله

أما مشعـل اللي تيبس عند باب الحوش ..
كان بيدخل بس يوم شافها ماقدر يتحرك شبر
راح عند باب حوش بيتهم وتسند عليــه وعينه عندهــا

* أأأأأأأأه .. بس .. أأأأأأأأأه متــى بس تخلصيــن دراستج وأجي أخطبج متـى ..*

أم حمد نزلت من السيــاره ومعاها دلال ولما شافت مشعل
قبل لا تدخل البيــت وقفت تسلم عليــه

أم حمد اللي تبعد عن مشعل كم متـر ..: هــلا يمه مشعل ...
مشعل : هلا خالتــي ..
دلال مازال قلبها ينتفض من تسمع حسه .. تحبه وتموت فيــه وتتمنــى أنه الكلام اللي قالته لها أمل جذب ..
ألتفتت عليــه وشافته جااي صوبهم
كانت ماتبي تكلمه ... كانت تبي تدخل .. تبي تبين له انهـا مو ميته عليــه
وأنها راح تستعمل معاه أسلوب الكبرياء والغرور ..
لكــن شي فيهـا كان يأمرهـا انها ماتخطي خطوه .. تبتعد فيها عنه ..
ريلها ماكانت راضيه تخليها تتحرك شبر ..

تبي تشوفه .. أي ..!!
أشتــاقت له ..
بس ماتدري اذا هو أشتاق لها وله وجودها كعدمهـا

كلها ثواني معدوده وصار مشعل واقف جدامهـا بعيد عنها بكم شبر بس ..
باس راس مرت خاله
ومد يده يسلم على دلال اللي لا أراديا فرحت أنه يدها بتعانق يده ..
وفوق هذا أرتبكت وحزنت .. لانهـا تعتقد انه يتلاعب فيهـا ..
* بس أحبك .. ياربي شسوي .. أحبه .. والله احبه *

مدت يدها الصغيره النــاعمه الحــاره رغم انه الجو بارد ..
..بس هذا سببه الصخونه ..
لتـلــتقــي بيد حبهـا الاول والاخيـر

aomroena • 13 سنة

مشعل اللي كان بياكلها بنظراته ماشال عينه عنها ..
وأول مامسك يدها ضغط عليهـا وماكان وده يهد يدهـا
دلال قلبهـا أنتفض وسحبت يدها بسرعه

مشعل ببتسامه ساحره : شلونج دلال
دلال وعينها بالارض : بخيـر ... شلونك أنت ..؟
مشعل: أنـا بخير دامج بخير ..
أم حمد : شلونها أمك ياوليدي ؟ وشلونهم اخوانك وريل امك
مشعل تغيرت ملامحه وقال : الوالده واخواني بأحسن حال ... وسالم .. مادري عنه ..
أم حمد : أوكي عيل يبه .. سلم عليهم
مشعل : يوصل أن شاللـه
أم حمد : عن اذنك
مشعل : اذنج معاج ..

راحت ام حمد وبنتهـا وعين مشعل مرافقتهم وكأنها توصلهم لبـاب بيتهم

لفت أنتباهه سيــاره كانت واقفه بعيد شوي عن صفت بيتهم ..
فيها واحد وجنبه وحده ..
من دخل الفريج مشعل مع خالد وهذا واقف هناك
* شفيــه هذا واقف يراقبنــا ؟؟!! *
ألتفت عليه مشعل يقصد انه صاحب هالسيــاره يدري انه مشعل أنتبه لــه
يوسف هاللحظه لما شاف راعي البيت اللي جنب بيت حبيبته أنتبه لـه
حرك ومر من صوب مشعل بسرعه لدرجه انه مشعل ماقدر يشوف ملامحه كلش

ماأهتم وايد له ودخل البيت
وأول مافتح باب الصاله لقى أمه متعلقه بيد خالد وماخلت سؤال الا وسألته
مشعل وهو يتنحنح : أحم أحم ... اللي محتلين مكاني يوخرون شوي ..
أم جاسم طالعته وأبتسمت وقالت : تعال يمه أقعد
مشعل يتصنع الزعل : ماني يـاي .. اللحيـن خلوود أغلا مني يعني أنا صار لي ساعه واقف بهلـ برد ولا حد عبرنـي .. لو أني مادخلت كان ولا دريتوا عنـي
أم جاسم : وووي يمه .. كلكم نفس المعزه والغلا .. خلـ عنك هالدلع وتعـال
مشعل رفع واحد من حواجبه : اللحيـن أنا صرت دلوع ....
خالد : ياشيــن الغيــره بس ..
مشعل يأشر حق خالد : أنت أسكت ولا كلمه انا قاعد اكلم الحكومه .. خلـ عنك شغل اللقافه ....

شوي الا صوت سياره داشه البيت والاكيد انه جاسم

دقايق الا باب الصاله مفتوح وصوت جاسم داش قبله
: هــاي يمه وصلوا ..؟!!!
مشعل بعبط يقلد صوت الحريم : لا ياوليدي ماوصلوا ......
جاسم دخلت وشاف خالد جنب امه ومشعل مرتز بنص الصاله : مابغيتوا تجون ..؟ كان نمتوا ع البحر
مشعل : قول حق أخوك .. مو تقولي...
جاسم لأمه : يمه عمي طلع ؟!!
أم جاسم : اي يمه طلع صار له نص ساعه ..
جاسم وهو رايح صوب الدري : اوكي عيل .. أخليكم أنـا
أم جاسم : على وين يمه ؟؟
جاسم وهو يركب الدري : بروح اسبح ع السريع وأروح الشغل قبل لا يكتبون فيني تقرير ..
أم جاسم : الله يوفقك ياولدي ..( راح جاسم فوق ) .. فديت هالوالد يكرف صبح وليـل علشـان يكون نفســه .. انا يامه ماقمت أشوفه وايد
مشعل : هو خل يلقى المره .. عقب يكون نفســه ....
أم جاسم تطالع خالد : والله اذا خالد مايبي مهـا بخطبها حق جاسم وكيفك عـاد ..
خالد بلا أهتمام : الله يوفقهم أن شاللـه ..

بيت بو حمد

دخلت أم حمد بعد دلال وقالت وهي تسكر باب الصاله : يلا يمه روحي أكلي لج شي .. واكلي دواج بــعده
دلال بتعب : أن شالله يمه ..
توها بتروح فوق ألا أمل طالعه من المطبخ
اول ماشافت اختهـا راحت لها وقالت : شفيج دلول ..؟!! حمود قال لي انج رحتي المستشفى ..
دلال : تعبانه شوي ..

راحت دلال فوق غرفتهـا
جات بتلحقهـا أمل بس صوت امها وقفها
: أبوج .. بالبيت وله طلع ؟؟
أمل اللي ركبت درجتيـن ووقفت لما سمعت صوت امها : نزلنـي وراح ..( سكتت شوي وقالت ) يمه أبوي زعلان علي ..؟!!
أم حمد وهي تفصخ عبايتهـا : لا يمه .. وليش يزعل عليج ؟
أمل : يكلمني بدون نفس .. وكله معصب علي .... هو زعل ليش أني رفضت خالد ..؟!!!
أم حمد قربت من بنتهـا : ووي أموله حبيبتـي شهلـ كلام .. من حقج تقبلين وله ترفضين اللي يتقدمون لج .. أنتي اللي بتعيشين معاهم لو قبلتيهم مو أحنـأ .. بس اكيد ابوج تضايق شوي لانه كان يتمنـى أنج تكونيـن لخالد وفرح لما درى انه خالد تقدم لج .. ورفضج له حطم فرحته .. بس كله كم يوم وينسى يعني ماتعرفين ابوج
أمل بغصه : بس ليش يكلمني بصراخ ..
أم حمد : ليش هو صارخ عليج ؟
أمل اللي بالغصب مسكت دموعها : لا .. بس صوته كل ماله ويعلى ولما يحس بروحه يسكت عني ولا يكلمني ....
أم حمد وهي تسحب أمل لحظنهـا بحنـان : تعالي يمه .. تعــالي .... ولا تزعليــن حبيبتـي .. بس أبوج يـبــي لج الزيــن
أمل اللي صاحت لما قربت من حظن امهـا : بس أنــا ماأبي خالد .. غصب ..؟!!
أم حمد وهي تمسح على شعر بنتهـا : خلاص يمه خلاص ... لا تصحين حبيبتـي ...... أنا بكلم ابوج اليوم ..

فوق بغرفه دلال

دخلت غرفتهـا وتسندت على البـاب بعد ماسكرته
* آآآآه ياربي .. أنا أتعذب كل يوم والسبب هو ... يارب لو لي نصيب فيه قربه منــي .. وحنن قلبـه علي ..... وخلـه يحبنـي بجنون مثل ماأنا مجنونه فيــه
وأذا مالي نصيب فيه .. ياارب أعمي عيني عنه .. خلي ماأشوفه ولا أحس بوجوده .. ولا أشتاق له أذا غاب ....... *

بصوت هادي ناعم مسموع مليـان بكاء : واللـه تعبــت بمووت من كثر التفكير فيــه .. ليش يامشعل تسوي فيني كل هذا .. ماسويت فيك شي يستحق هالعذاب اللي عايشته بأسبــابك .. حراااااام عليك...( وغرقت في بحر من الدمووع ).. واللـه حرام

اليـوم التـالي

السـاعه 8 ونص الصبح

يوم يديد ونهــار يديد ..
قام يوسف من الصبح سبح ولبس وكشخ
ونزل الصـاله وهو فرحان ولقى امه قاعده بالصاله تعدل أظافرهـا
وتغني بصوت واطي مع الاغنيه اللي حاطينها ع التلفزيون

يوسف وهو يبوس راس امه : صباح الخير ياأحلا أم بالدنيــا
أم راشد وهي لاهيه بأظافرهـا : صباح الخير
يوسف : يمه عندي موضوع بفاتحج فيــه ..
أم راشد : شنو هالموضوع ؟
يوسف : أبي اكمل نص ديني
أم راشد بلا مبالاه : هممم ..؟!! زيــن ..كمل ...
يوسف بستغراب : شللي يلا كمل .. أبي أتزوج ....
أم راشد وهي تبعد يدها شوي عنها علشان تشوف اظافرها عدله وله لا وقالت : يعني تبي أخطب لك ؟؟
يوسف * هااا ؟ شكلها مو مهتمه كلش * : لا .. اللي ابيها جاهزه بس اللي ناقص انج تخطبينها لي
أم راشد طالعته وقالت : من بنتــه ؟؟!!
يوسف : واللـه هي تصير لنــا .. بس من بعيــد
أم راشد بتسأل : من ؟
يوسف : هي بنت اخو مرت عمي ..
أم راشد مافهمت : شنــو ..؟!! شوي شوي علي ..
يوسف وهو يحاول يفهمهـا : شفتي عمي بو ريم ..؟!!
أم راشد : ايــوه
يوسف : هذي تطلع بنت أخو مرته .. ( تطالعه امه يعني ماوصلت المعلومه تنهد بصوت مسموع ) مرت عمـي ... موزه عرفتيهـا ؟؟
أم راشد : اي ..
يوسف : بنت أخوهـا
أم راشد وأخير وصلت لها المعلومه : أهــااااااا قول جذي من الصبح قاعد لي بنت اخو مرت عمي .. وين أفهم بسرعه أنــا
يوسف ببتسامه عريضه : المهم وصلت وخلاص ... هااا شقلتــي ....
أم راشد : شلون تبي تتزوج وانت ماتشتغل ؟ من وين بتصرف عليهـا أن شاللـه
يوسف يغمز لها وببتسامه جذابه : أأأفاااا عليج حاسب أحسابي ... بشتغل مع رشوود وأبوي .. بالشركه
أم راشد ببتسامه : مخطط حق كل شي مع ويهكـ ...
يوسف وهو يطق على صدره : أفاا عليج ... هذا زواج مو لعبــه ..
أم راشد : بس تعال قول لي .. شلون تعرفت عليهــا ووين شفتهــا ..
يوسف : يووووووه هذي سالفه طويله لج خلق تسمعيــن
أم راشد : يلا شورانــا .. قول

قال لهـا يوسف السالفه من طق طق لين السلام عليكم

أم راشد : وووي طلعت موهيــن ..
يوسف وهو يضحك : ههههه هــاا شقلتـي بتخطبينهـا لي ولــه بتزعلين ولدج ..؟!!
أم راشد : وأنا اقدر .. اللحيـن بكلم مرت عمك تكلم أخوهـا
يوسف وقف مستانس : تسلمييييييييييييييين لي ... ماأدري وين أطلع من يزاااااج والله
أم راشد : ووي خلني أفرح شوي فيك .. فرحنا براشد وشفنا بنوته قمر مثله .. يلا أبي اشوف عيالك قبل لا اموت
يوسف تضايق من اخر كلمه قالتها : لا تقولين جذي اللي يخليج لي ان شاللـه ...
ام راشد : لك بروحك بس ..؟!!
يوسف : أنا أنـاني شسوي بعد ههههههههههههه
أم راشد ضحكت عليه
يوسف : أوكي أخليج اللحيـن بروح اراضي ناس زعلانه علي

راح يوسف سيده على غرفه أختــه هيام اللي حاسه الدنيـا كله ضيقه عليهــا
والسبب يوسف .. تسكت شوي .. وشوي تنزل دموعهــا ...

طق يوسف عليهـا البـاب
هيام بصوتها المبحوح من الصياح : مــــن ..
يوسف : حبيبج وقلبج وعمرج ودنيــاج
هيام بحزن وصوت عالي علشان يسمعها : ماأأأأبي أشوفك ..
يوسف حاول يفتح الباب بس الباب مقفول : يلا عاد فتحي عند لج مفاجأه
هيام : مفاجأتك مثل ويهك كلهـا تجيب المصايب ...
يوسف * أأوووف قويه * : يلا عاد هيوووم صدقيني بتموتين فرح ..
هيام بصراااخ : ماأبي اشوووووووووفك فارج ..
يوسف : السالفه فيهــا أمـــل ...
هيام ماردت عليــه ..
يوسف بصوت عالي : الوالده بتخطب لي أمل اليــــوووووووووم ..
هيام : جذااااااااااااب .. وأكبر جذااااااااب بعد ..
يوسف : أحلف لج .. واااااااااااااااللـه العظيم ماأجذب ..

هيام قامت فتحت له البـاب وويهـا متنفخ من الصياح
يوسف أول ماشافها : بــلـ هذي أمل تسوي فيج جذي
هيام وهي تمسح دموعـهـا : كرهتهـا فيني يالخايس ... طفشتهــا ..
يوسف : لو ماتصدقين انه الوالده بتخطبهـا لي نزلي سأليها..
هيام وهي تضربه على صدره بكس بالخفيف : يالدب .... أكرهك ..( حظنت أخوهـا بكل قوتهــا )
تموت فيه وتعشقه رغم انها كله نجره وهواش معاه
بس بعد هو توأم روحهــا واللي يفهمهـا أكثر من منال وراشد
يوسف وهو حاظن أخته : لا تستانسين وااايد يمكن ترفضني ...
هيام اللي مازالت حاظنه اخوها : هو بكيفهــا ... تتمنــاك أصلا ..
يوسف : شدراااج ..؟!!
هيام : أحساسي يقول جذي ..

تحت بالصـاله أتصلت أم راشد على أم ريم وكلمتهـا
وقالت لهـا انها تبي تخطب بنت اخوهـا لولدهـا يوسف ..
وأول ماسكرت من عندهـا أتصل أم ريم على أم حمد
وقالت لهـا السالفه ..

أم حمد بقلبهـا * وي فديت بنتــي الخطاطيب قاموا يتناثرون عليها ... كبرت واللـه *
سكرت من عند أم ريم

وراحت حق بو حمد تبشره
أول مادخلت لقته واقف يمشط شعره جدام المنظره
بو حمد مع انه في الاربعيــن الا انه يهتم بمنظره وريال زقرت ( يعني كشخه )
أم حمد ببتسامه : أووه أووه ... كااشخ شعندك
بو حمد وهي يضحك : هههههه دومي كشيخ .. توج منتبهه
أم حمد : بتطلع ..؟!! وله كاشخ لي
بو حمد طالعهـا وقال : شقصدج ...؟ اكيد لا... ماخذ أجازه من الدوام اليوم علشــان أطلعكم نتغدى برى ..
أم حمد : فكرت بكلامي لك أمس
بو حمد : أي واللـه يا حصه ... هذي حياتهـا وهي اللي بتعيشهــا بس تعرفين انا شكثر اعز عيال هيـا وأتمنى تكون وحده من بناتي لواحد من عيالهـا
بس يلا .. اللي الله كاتبه بيصير
أم حمد : ووووي فديت اللي قام يقط درر ... شعندك اليوم هههههه متغير 180 درجه .. لهدرجه عندي قدره على الاقنــاع
بو حمد : هههههههه عجيييبه قدرتج صراحه ...
أم حمد وهي تدخل وتقعد على السرير : زين ماعلينــا توني مسكره من عند أختك ..
بو حمد وهو يجيك على شكله : هيــا ..؟!!
أم حمد : لا موزه ..
بو حمد : شفيهــا ..؟!!
ام حمد : متصل لي تقول في خطاطيب بيجونـا اليوم العصــر
بو حمد التفت عليهـا بستغراب وتسأل : خطاطيب ..؟ حق من ..؟!!!
أم حمد : من بعد .. بنتك أمل .... والله أنا خايفه يصكونها بعين هالبنت مايمديهـا خلصت الثانويه ألا الخاطيب طوابير على البــاب ..
بو حمد بغشمره: كلش اللي يسمعج يقول بنتج ملكه جمال على غفله .. ومن هالمقرود اللي بياخذها
أم حمد بعصبيه : حمووود .. يلا عاد .... بنتي ولا كل البنــات شيختهم ..
بو حمد وهو يضحك : زين خلصينــا من ..؟!!
أم حمد : من أهـل ريل موزه ..
بو حمد : والله مادري .. أخاف أوافق تشتغل لنا بنتج ليش وانا مابيه .. غصب .. ومن هالكلام .... روحي فاتحي بنتج بالموضوع واذا رضت فيه
سألنــا عنه .. واذا لا .... البنات تارسين الديره
أم حمد وهي تقوم : أوكي

طلعت من غرفتها على غرفه أمل ودلال
توها بتفتح باب الغرفه الا أمل فاتحه البـاب

أمل ببتسامه : هلا يمه صبــاح الخير
أم حمد : صباح النور ..
أمل : ميييييييييته يوع ابي اتريق ..
أم حمد : تعالي الريوق جاهز تحت ..

نزلوا أم حمد وأمل لحد ماوصلوا غرفه الطعام

اول ماقعدت أمل الا ام حمد تقول : اليوم جونـا خطاطيب ..
أمل اللي تحنطت مكانهـا ( وللللللي ... ومن هذا بعد ) رفعت نظرها لأمهـا بتسأل : خطاطيب ..؟!!
أم حمد وهي تطلع لها روتي : أي يمه .. هو من اهل ريل عمتج
أمل بغت تموت ( لا يكــون ....) : همم ..!!؟
أم حمد : اليوم بيجونـا يخطبونج ... هاا شقلتــي
امل تحاول تخفي أرتباكهـا : هــااا .. شقول .. انا ماشفته ولا حتى أعرفه شلون احكم عليــه ..
أم حمد طالعتهـا بنظرات وقالت : بتشوفينه أن شاللـه ..
أمل : أن .... شـــ...ـــاللـ...ــه

مر الوقت وجــات حزت جيت الخطاطيب

بيت بو حمد

.. كانت أم حمد تبخر البيــت وتعدلها بمساعده دلال وامل ..
أم حمد بالصاله ودلال وأمل بالمطبخ يسون عصير

دلال الي كانت تراقب أمل اللي تجول بالمطبخ .. تجيب الـ تانج .. وتطلع المـاي من الثـلاجه
دلال بصوت واطي ببتسامه هاديه ناعمه : ياحظج أموول اللي تحبينه .. بياخذج ...
أمل وهي تسوي العصير : يمكن مايكون يوسف ... ولا تنسيــن أنه أهل ريل عمتي واايد .. وأمي ماحددت من بالضبط ...( ببتسامه ) بس لو يطلع يوسف مادري شبيصير فيني
دلال بهدوئها المعتاد : تحبينه ..؟!!
أمل طالعتهـا بخجل ورجعت تسوي العصيــر ..
دلال بقلبهـا * متى يجي هاليــوم اللي يخطبني فيه مشعــل .. هو أصلا ماتعنى وخطبني ... أكيد مايحبنـي أأأه ..*

ماوعت ألا بحمد داش المطبخ وسيده عند دلال
حمد : دلووول عدله غترتي ؟

حمد اللي كان شكله جنــاااااااااااان وهو مبهدل كانت الغتره غلط .. والعقال مو عدل كلش ..
وأزرت ثوبه مفتوحه

دلال وهي تنزل لمستواه وتسكر أزره قميصه وتعدل غترته : اللحيـن جذي الناس تلبس الغتره
حمد : أأي ابوي يلبسها جذي ..
دلال وهي تضحك بالخفيف : جذي ؟؟؟ ماأظن ههه
حمد عصب : لا تطنزين وعدليهـا
دلال بعد ماضبطت الغتره جات تعدل العقال قالت : ووي يتشرط بعد ..

دقايق ألا أهل المعرس واصليـن أقصد الخطاطيب

وقعدوا يسولفون وتعرفون الرسميات اللي تصير بمثل هالمناسبـات
وكل شوي أم راشد تمدح بدلال اللي كانت قاعده معاهم
وبعدها دخلوا أهل المعرس بالموضوع على طول
ولما تناقشوا بهلـ موضوع طلبوا يشوفون العروس

أم راشد : ألا وين العروس ..؟
أم حمد ببتسامه : اللحيـن تجي فديتج .. ( تكلم حمد ) يمه قوم ناد أختك ..
حمد : ان شالله يمه

قام وراح فوق ينادي أمل

طق باب غرفتها فتحوا له
حمد : أموول أمي تبيج ..
أمل اللي كانت لابسه وكاشخه ومسويه شعرهــا قالت : أوكي اللحيـن بنزل بس لحظه شوي
تعطرت وتكحلت ع السريع بس كانت روعه

نزلـت الصاله وكــانت فوق ماتتصورون من الجمــال
واول وحده ألتقت عينها بعين أمل هي هيام اللي فرحت لما شافتهـا
أمل كانت منحرجه منهـا ومنقهره منهـا بنفس الوقت قالت بصوت ناعم : السلام عليكم
كلهم : وعليكم السلام
أم راشد : بسم اللـه ماشــاء اللـه ... تيــنن بنتج ياوخيتــي ...
أبتسمت لها امل وقعدت جنب هيـام لانه ماكان في مكان غير جنبهـا
وأشتغلت أم راشد بالمدح والتغزل بجمال أمل .. وأمل شوي وتذوب على الكرسي
وأم حمد ماغير قاعده تقرى على بنتهـا لا تصكها أن راشد بعيــن

شوي وطلعوا بس هيام تمت شوي مع أمل
هيام لأمل : أموول بليز سامحيني ماكنت أقصد شي من اللي سويته واللـه ... أدري اني غلطانه وأعترفه ..
أمل ببتسـامه لهـا : أنا تضايقت من الحركه لانهـا مو عدله بحقي فديتج .. بس أنتوا سويتوا الصح .... وأن شالله مابيصير الا كل خير
هيام ببتسامه عريضه : يعني مو شايله بخاطرج علي ...؟!!
أمل تسوي روحها تفكر : أممممممم ... كنت .. بس اللحيـن لا
هيام بفرحه : تسلميـن فديتج .. يلا أترخص انا اللحيـن ... وردي على أتصالاتي مو تطنشيني
أمل : أوكي حياتـي .. الله معاج

طلعت هيام وهي مستــانســه أنهـا صلحه غلطتهـا
ورجعت الميــاه لمجاريهــا
رغم جو الفرح اللي كان في بيت بو حمد

كان الجو عكسه عند خالد
كان مقهور من قلب ... لما درى انه اليوم جو لها ناس يخطبونهـا ..

..___ الجزء الخامس عشـر ___..

مرت فتره خطوبه أمــل اللي وافقت بعد ما أوهمت أمهـا وأبوهــا أنــهـا بتاخذ مهلـه تفكر فيهــا
علشــان لا تثيــر الشكوك حولهــا على أحسن مايكون
وتقدرون تقولون انهــا خذت أسبوع ونص وهي تسوي روحها تفكر بينمــا هي بينهـا وبين نفسهــا موافقه على يوسف من البدايــه
تمت الخطوبــه وصــارت رسميــه أمل ليــوسف ويوسف لأمل ..
باقي على زواجهم أسبوعيــن بس

أمــا خـالد اللي كرهــا كثر ماحبهـا .. أو .. نقدر نقول أنــه حاول يقنع نفسه أنه كرهــا كثر ماحبهــا لانهـا ماتستاهله ..
باعته علشان الغريب
رفضته ورضت بالغريب
كـان يتجاهلهـا كل ماشافهـا فـ بيتهم جايه زياره مع ام حمد
ويتحاشه أنه يفتح أي حوار معــاه .. حتى السلام ماقام يسلم عليهــا
ومستحيل تلاقونه قاعد في مكــان .. امـل فيــه
عافهـا وعاف طاريهــا حتى
الكل لاحظت تغير خالد الواضح تجــاه أمــل والكـل عارف السبب ولا يبون يكلمونه بهلـ موضوع
لانهم ماصدقوا يرجع مثل قبل يضحك ويتغشمر مايبونه يرجع للعصبيه والحزن مره ثانيــه

مشعـل يوم ورى يوم حب دلال بقلبــه يكبــر ...
ودلال حزنها يكبر والسبب انتوا عارفيــنه ..

جاسم الانســان الغامض اللي لحد اللحيـن ماعرفنا شخصيته عدل بسبب أختفــاءه الشبه دائم عن الاجـزاء هو وســالم
راح نلتقيهم كثير بالاجزاء الجــايــه .. ولأسبــاب راح نعرفهـا أثنــاء الاجزاء

ريم وفهد .. عصــافير الحب .. توهم راجعيــن الديره وسكنوا عند أهل فهد اللي يتكونون من أم وأبو فهد + فهد نفسه و أبراهيم ونايف و غاده
.....

بيت بو حمد

الســـاعه 10 الصبح

وبغرفه دلال وأمــل
اللي كانوا نايميــن ... رن جوال أمــل اللي كان هديه من يوسف لهــا علشــان يكلمهـا كل يوم
وكـانت هيام المتصلــه

مدت أمل يدها لجوالهـا بكسل وهي مازالت مغمضه عيونهـا وردت عليه وبصوتها الناعس قالت : ألـوو
هيام : صح النوم ياعروستنــا .. يلا قومي بلا كســل
أمل ببتسامه باهته تبي تنام : هــلا هيــووم ..
هيام : يلا فديتج قومي بسج نوم .. يوسف يبي يطلع يغدينـا برى ..
أمل بتسأل: كم السـاعه اللحيـن ؟
هيام : 10 .. بدون زوائد ههههه
أمل ضحكت بالخفيف وقالت : تو النــاس فديييتج .. الغداء الظهر مو الصبح
هيام : مو أحنـا على مانلبس ونتكشخ .. يبلنــا 4 ..5 ساعات بالكثيــر
أمل : هههه والله فيني نوم عيوني مو قادره أفتحهم
هيام : ههههههه والله محد قال لج سهرانه طول الليــل
أمل : قولي حق أخوج .. أقوله بسكر يقول لي لا ..
هيام بخبث : ليش ماتسكريــن وله ماتقدرين على زعل الحبـايب
أمل : هذا أنتي قلتيهـا ههههه يلا سكري بقوم اللحيـن
هيام : هههه أوكي يلا سي يو .. بس هاا لج 10 دقايق وأرجع اتصل فيج
أمل : أوكي ... يلا سي يو
هيام : سي يو تو

سكرت امل من عند هيام وقامت خذت لهـا شور وحست روحهـا نشيييييييطه حيــل
لبست وكشخه ونزلت الصـالــه وسيييييده على المطبخ

بيت بو جاسم

كان خالد واقف جدام المنظره يعدل شعره بيده
مجرد يدخل يده بين شعره وخلاص يضبط ..
عدل ثوبــه ولبــس الكــاب
تعطر ع السريع وطلع سيــده على بيت خالــه لانه مرت خاله تبيه يجيب أغراض للبيــت بمــا أنــه بو حمد بالشغــل
عاد خالد ماعنده شي متفرغ قال يدور له شي يلتهي فيــه

فتحت له الخدامه ودخل سيده الصــاله لقى أم حمد بأبنتظــاره باس راسهـا وقعد جنبهـا وهو يقول : يلا غردي .. شتبين أجيب لج بالضبط
أم حمد اللي حاسبه أحسابهـا وكاتبه كل شي بورقه لانها بسرعه تنسى قالت : شوف يمه كل شي أبيه كتبته بهلـ ورقه
خالد أخذها وشــاف الورقه مترووسه من اولها لاخرها : اووووف خالتــي شدعوه ثلاجتكم كللللش فاضيه مافيهـا شي ؟
أم حمد ضحكت على طريقه كلامه وقالت : لا ووي يمه .. بس بعد نشتري نترس الثلاجه زيااده الخير خيريــن
خالد بعبط : بس هذا أســـرااااااف ياخالتي
أم حمد : هههههههههههه ألا أنت بخيــل عندك كل شي أسراف × أسراف
خالد يطالعهـا بطرف عينه : أنتي قد هالكلمه
أم حمد وهي تضربه على كتفه بالخفيف : وووووي .. قدها وقدود
خالد وهو يعدل كابه وعينه بالورقه : المشكله ماأقدر أرد على حرمه ..

طلعت أمل من المطبخ وشافت خالد قاعد مع أمهـا رجعت دخلت المطبخ بسرعه
أمل : هذا شعنده جاينا من صباح الله خير ؟؟

خالد اللي أنتبه لهــا لكنه مارفع عينه من الورقه متجاهلهـا تماما

أمل راحت ورى باب المطبخ وطق البـاب علشان تلفت انتباه امها وخــالد وقالت بصوت عالي : أأأأبي أطلـــع .. لو سمحتووا ..
أم حمد لأمل : طلعي يمه روحي فوق على طووول ..
أمل وهي تتعمد تقول : بس يمه خالد مهما يكون ريال غــــــــريـــــــب .. حرااااااااااااام يشوفني مو متغطيــه ..

خالد بقهر بقلبه ومازالت عينه بالورقه ( اللحيـن أنــا صرت غريب ..؟!! .. واللي مايتسمى القريب ؟!! )
أم حمد : يايمه طلعي على فوق سيده خالد مو معـاج كلش لاهي بالورقه ..
أمل طلت من ورى باب المطبخ وشافته يقرى شي بالورقه اللي بيده ( يسوي روحه مو مهتم مع ويهــا أنا أوريك حرق الاعصاب عدل اللحيـن )
طلعت طيران فوووق

خالد اللي مسوي روحه مو مهتم كلش رفع عينه لمرت خاله وقال: ماتبين شي غير ذولا ؟
ام حمد : لا يمــه ماأبي شي ... كلفنــا عليك
خالد تضايق من كلمتهـا : لا خالتي مافيهـا كلافــه وله أنا مو بحسبه ولدج ..؟!!!!!
أم حمد : ألا بحسبه ولدي والدليل قاطعه نومتك علشــان أخليك تجيب أغراض البيت
خالد وهو يضحك : عيل أخذي راحتج لو تكرفيني كراااف ماأعترض ...
أم حمد : وي فديتك ..
خالد قام وهو يقول : عيــل يلا أستأذن انــا بروح أجيب هالاغراض وراجع لج طيران هههههههه
أم حمد تذكرت شي : ووووي لحظه بعطيك الفلوس
خالد قاطعها بسرعه : لالالالالالا عندي واللـه .. انا بدفع
أم حمد : لا يمه وين تدفع أنا بعطيك الفلوس يمكن تنقص عليك وله شي
خالد : لالا .. ماله داعي انــا عندي اللي يكفي ذولا وغيرهم بعد
أم حمد تجاهلت كلامه وقالت : والله ماتطلع ألا وأنت ماخذ الفلوس صبر ..شوي

نزلت امل اللي لبست شيلتهــا وجايه تتمخطر على الدري
خالد أنتبه لهــا بس مازال مطنش لحد ماصارت واقفه جنب امهــا

خالد لأم حمد : خالتــي تكفيــن .. خلاص أنــا أدفع واذا صار ماصار بجي اخذهم منج
أم حمد وهي معطته ظهرها وفي نيتها تروح فوق : لا يمه انا حلفت .. صبر شوي

راحت فوق تجيب الفلوس

خالد أول ماراحت راح صوب باب الصاله على أنه بيطلع بس صوتها وقفه : خالد
خالد وقف قريب من باب الصاله بدون مايلتف عليهــا ولا يرد
أمل : شلونك ..؟!!
خالد ( تبي تقهرني يبلفيت ) ألتفت عليها وقال ببتسامه مصطنعه : شوفت عينج ..؟ بأحسن حــال ..
أمل : دوووم أن شاللـه .. شفيك لا تسلم ولا تسأل عن اخباري ولا كأني موجوده ؟ ولا حتى كأني تربيت معاك في يوم ..؟
خالد يرد عليها بمثل أسلوبها الاستفزازي : واللـه لاهي مع الدنيــا .. مو قادر أنتبه على شغلات صغيره مالها أي داعي بحيــاتي ؟؟
أمل جاتها كلمـاته الاخيره وكأنه ماي بارد أنصب فوق راسهــا لكنهـا حاولت ماتبيـن له : أهــا .. شغلات صغيــره ...؟!! المهم .. انا بس حبيت اقولك
أنك اذا نويت تتزوج .. ترى عروسك عندي ....
خالد طالعهـا من فوق ليــن تحت وقال بستحقـار : دامهـا من طرفج ماأظن بتصلحلي ..
أمل وهي تطالع أظافرهـا : لا لا .. تنــاسبك عدل ... هي رفيجتي الروح بالروح .. وأبي لهـا الزيــن وهي خلصت دراستها قاعده لا شغله ولا مشغلــه
قلت أرشحها لك وتكون مرت ولد عمتي وجارتي بنفس الوقت شقلــت ..؟!!

نزلت أم حمد بسرعه خايفه خالد يطلع
أول ماشافته مدت له الفلوس وقالت : خذ يمه
خالد اللي طالع أمل بكل نظارات الاستحقــار وصد عنهـا وقال لأم حمد : لا خالتــي تكفيــن مايحتــاي واللـه
أم حمد : تكسر كلمتي ياخـالد .. خلاص انا حلفت واذا رحت شريت وخلصت الاغراض وبقى منها تقدر تردهم ..
خالد أخذ من عندها الفلوس وبـاس راسهــا وهو طالع من البيــت ولا عبر أمل .. ولا حتى سلم عليها قبل لا يطلع

امل انقهر من هالحركه وانبطت جبدهـا
ماتدري ليش ماكانت تبيه يطلع .. تستــانس لا شافته يكلمهـا وسمعت حسه وصوتــه ..
رغم انه نظراته لها تضايقهــا ..

عند خالد اللي ركب سيـارته سيده وهو مقهور من قلب ..
أسبـاب وايد خلت الدم بعروقه يغلي وأولـهم رفضهـا لــه ورضاها بواحد غريب
* أكيد رفضتني علشــانــه .. وله شلون ترفضني وترضه بواحد غريب ... أأأأأكيد تعرفــه *
أنتبه على روحه وتعوذ من أبليس مايبي يحط بذمته ...

طلع الورقه وقعد يشوف الاغراض اللي بيشتريهــا تنهد وهو يشغل السيــاره
وحرك من جدام بيت خالـه

بيت بو ريم

كـانت الدانـه قاعد بغـرفتهـا وتقـرى قصه مألفتهــا مشاعل ...
.. لابسه برموده بنيــه ومنسدحه على بطنهـا فوق السرير ..
ورافعه شعرهـا القصير بطريقه ذيل الحصــان

ومندمجه مع القصــه حيـل

دخلـت عليهـا المها اللي كانت متمللـه ..
وقالت بملل وهي واقفه عند باب غرفتها : دنوووي متملللـــه ...
الدانــه وعينها بالقصه : طلعي الحديقه ..
المهــا : توني جايـه من الحديقــه ..
الدانه: كلمي أموول ..
المها وهي تتسند على باب الغرفه : من يوم ماأنخطبت وهي ناسيتنــي .. وكل ماأتصل لها ألقاه مشغوول .. يوسف خذاها مني ..
الدانه : قعدي ع النت ..
المهـا : من الفير وانا ع النت ...
الدانه : طلعي تمشي ...
المهــا : مالي خلق أطلع من البيــت ..
الدانه اللي تمللت منهـا : مادري مادري مهووي ... خليني اللحيـن أبي اكمل قرايه ..
المها بتسأل : شتقرين ياحظي ..
الدانه وهي تسكر الدفتر : قصه خطت بأنامل شعول ..
المهـا بستهزاء : دام شعولتج اللي كاتبتهـا لا بالله كدينـا خيــر
الدانه وهي تتكلم بحالميه : لاااااا ... هذا قبل قصصها تجيب الهم ... اللحيـن تعالي أقري هذي ... رومنسيه درجه اولــه ..
المهـا مو من عشاق القصص ولا تحب تقرى وايد : وووي قالت رومنسيــه .... حبني واحبك .. عذبني وأعذبك ... أندم علي وأندم عليك... سامحني وأسامحك .. وتنتهي بزووااج .. واذا كانوا منحوسيــن بالفراق .. هذي القصص الرومنسيه اللي تقوليـن عنهـا
الدانه وهي تستعدل بقعدتهـا : والله أشك انج بنت .. مافيج ذره رومنسيــه كله دفشه وبس ..
المهــا وهي تدخل وتقعد على كرسي المكتب : لاني ياعيوني واقعيه مو خياليــه .. مافي شي أسمه رومنسيه بهلـ زمن ..
الدانه : والله اذا انتي أوهمتي روحج بهلـ شي ماراح تلاقين ثلث رومنسيــه ..
المهـا ماعجبها الموضوع وقالت : زين زيــن غيري الموضوع .. ماعندج شي أتسلى فيــه ..
الدانه وهي تفتح الدفتر وترجع تقرى من يديد : مادري مهووي ... ( تتكلم باللبنـاني ) حلي عني ..

المهــا لما شافت الدانه طنشت لهــا
فتحت الدرج تدور اي شي يسليهــا لانهـا كانت من جد طفشــانه ومتمللـه ..
طاحت عينها على البوم صور كبيــر ..
طلعته وحطت ريل على ريل وأبتدت تتصفحه ..
كل الصور اللي فيــه كانت لهم بعرس الريم ..
وفيه كم صوره لهم وهم صغــار ..

كانوااا فهد وريم .. ولا أحلى بالصور
لايقيــن على بعض حيـــل
فهد الشــاب الاسمرانــي الوسيـــم .. والريم البنت الحنطاويــه الأنيقــه الرائــع ..
كانوا من جد يهبــلــون

قعدت تتصفح الالبــوم لحد ماطاحت على صور ( فارس أحلام الطفـولــه ) .. بس للأسف
هو صغير بهلـ صور .. كان عمره 16 سنه فيهــا ..

خالد كان يتميــز بالوســامــه من صغــره ...
ومهــا تقدرون تقولون انهــا مغرمه فيها من صغرهم ..بس هي دايما تفسر شعورهـا تجاهه على أنه أعجــاب لا غيــر
وخاصه انه خالد بصغره كان وايد يقعد مع بنات العيلــه ( أمل , ودلال , الريم , المها , العنود , الدانه )
والسبب واضح .. لانه ماكو شبـاب بالعيلــه الا هو وأخوانه ... لانه أبوه كان وحيد امه وأبوه يعني ماعندهم أعمـام ولا عيال أعمام..
وأم جاسم ... أخوانها الاثنيــن ماعندهم شباب بعمر عيــالــه
وهذا هو الســبب اللي مخلي خالد ملازم البنــات ..((( بصغــره )))

وهو صغير كان هو أســاس سوالف كل بنات العيلــه ..
ولما كبر صار معذب قلوب العذاري .. بس قلبه مايبي الا أمــل ..

المهم خلـ نرجع لمهــا اللي أبتدت تتفحص ملامحه بكل دقــه ..
وكل صوره تقعد تتأملهـا بأدقاااااان ..
جا في بالهــا خالد لما طلعوا البحر .. شلون كان شكله وهو يلعب بالكوره مع جاسم ومشعل وحمد
وشلون كان صوت ضحكه مالي المكــان ..

aomroena • 13 سنة

قطع حبل أفكارها صوت الدانه وهي تقول : مهوووووووووووووووووووووووي ..
المهـا أخترعت وألتفتت عليها بسرعه بعد ماسكرت الالبوم من الخرعه : ويــع .. شتبيــن ..
الدانه : ماتسمعين امي تناديج ...
المهـا حطت الالبوم فوق المكتب وطلعت من الغرفه تركض أكيد اللحيـن امها عصبت
نزلت الصاله ولقت امهــا مفوووره عليهــا
أم ريم بغضب : مهووي صمخه انتي ماتسمعيــن ؟
المها بترجي : أأأأأأأأأأأأأسفه يمه والله أأأأأأأأأسفه ماسمعتج .. بلييييييييييييييييز لا تعصبيــن بلييييييز بلييييييييييز
أم ريم وهي طالعه الحديقه : أمشي معاي بنظف الحوش والحديقه
المهـا ردت بسرعه وبمعارضه : لاااا يمه تكفيــن لا .... والله تعب .. أنا أخر وحده منظفتهــا دور عنوود ..
أم ريم : سمعي الكلام وتعالي نظفي معاااي ....
المهــا : زيــن والخدامه شغلتهــا أكل ومرعى وقلة صنعه ؟
أم ريم طلعت الحديقه بدون ماترد على المهــا
ومعنات الحركه ... ( سمعي الكلام وتعالي بالزيـن وله مايحصل لج طيب )
المهـا طلعت معصبببببببه ع الاخر

بيت بو جاسم

كان الجو مشتعل صرااااااااااخ بالصــالـــه
والاثنيـن هم ..( مشعل , سالم ) ...
مشعل بغضب : أسمعني أنت عدل .. ماني ولدك ولا واحد من اللي تتحكم فيهم بشغلك ..علشــان تقعد تقول لي شللي أسويه وشللي ماأسويه فاهمنــي
هذا البيت بيتي وأنا اللي اقول شللي أبيه ( يرص على الكلام ) وشللي ماأبيــه
سالم اللي كان طول هالسنيــن الهدوء اللي يسبق العــاصفــه .. حان وقت هالعاصفه اللي أعصفت بكل غضبهــا
خلاص مو قادر يستحمل تجريح مشعل الدايم له قال بغضب وصوت عالي أول مره يتكلم بهم : أنت اللي أسمعني طول هالسنيــن وأنا ساكت عنك .. لا زعلت طلعت من البيــت وحرقت دم أمكـ .. ولا رضيت ريحتهــا .. لا كلمتك صرخت بويهــي .. ولا ضحكت لك بادلتنــي العكس تمامـا .. أذا أنا مستحملك كل هالسنيــن مو معنــاته بصبر عليك طول عمري
مشعل وكأنه كان ينطر هالكلمه تطلع من سالم وقال : أأأي قولهــا من الاول .. تبي تطردني من بيتـي .. يلا مارس سحورك على الوالده خل تطرد ولدها
اللي منها وفيها من البيــت .. وترضى بناااس ماتسوى فلس فيه...
سالم : مشعــل احترم نفسك ... ترى أذا سكت لك قبل ماني ساكت لك اللحيـن..
مشعل بستهزاء : والله وطلع له لســان سكان مرته .. العاده كله منخش ورى الوالده اللي تدافع عنك وتاخذ حقوقك ..... اللحيــن صرت ماتقدر تستحمل
ولد .. االلي معيشتك من خيرهـــا ...
سالم بغضب : جـااااااااااااااااااااااااب ولا كلمه يا .....
قاطعه مشعل : أنت اللي تنجب ولا تنطق بحرف يالشيبــه ..

نزل جاسم على صوت الصراخ اللي عكر مزاجه من الصبح
وشاف الحرب اللي بالصــاله

جاسم بتسأل : شفيكم ... شصــاير ...
مشعل بغضب وهو يأشر على سالم : سكت هالحقيــر وله واللـه لا أدوس ببطــنـــه
جاسم اللي فتح عينه على كبرهـا على اسلوب أخوه : مشعل شهلـ كلام ... أستح على ويهك
سالم بغضب : وهو يعرف الحيــا .. ماحشم ريال كبر أبووه بيحشمك أنت
مشعل بغضب : قلت لك أنت تنجب ولا تنطق بحرف .. أبوي أكبــر من أشكال أشكالك وطوايف أهلك ..
جاسم بصوته الرجولي لمشعل : مشعــــــــــــل ...!! خلاص .. شهلـ الاسلوب
مشعل بصوت عالي : ماني ساكت .. اليوم أنــا ياذابح يامذبوووح ... وأن شالله ذابح ..هالحشره اللي من دخلت حيــاتنــا وجو البيــت كله منقلب ضدنــا وصاير لصالحه هالـتبــن
مايمديه يكمل جملتـه الا بكف جاله من ســالم ..

مشعل ساعتهــا صار مثل الثور الهـــايج ..
مسك سالم ولا أهتم لكبر سنه .. ولا قدر شيبــاتــه
وطــاح فيه ضرب وسالم يحاول يقاااومه ويبعده
لكن وين يقدر عليــه وهو شايب في نهــايه الاربعيــن
ومشعــل شاب في بدايــه العشريــن
وجاسم اللي مادرى بنفسه الا وهو يمسك مشعــل ويسحبه عن سالم اللي ماقدر يتنفس ..
ومشعل يصــارخ بكلمه وحده ( خلني أذبحه ..)
نزلت ام جاسم من فوق وشافت هالمنظر ..
تيبست مكـانهـا حتـى ماقدرت تنطق بحرف
وهي تشوف زوجهـا وحبيبهـا .. ينضرب بيد مشعـل اللي كانت معزته مختلفه شوي عن اخوانه

لحد ماسحب جاسم ..مشعل من سالم

وصرخ فيــه : شفيك أنت ... ماتستحي تضرب ريال كبيــر ماتحشم أنت
مشعل وهو يلهث من التعب وبصوت عالي صرخ بوي جاسم : ولا راح أحشمه ... هو سبب كل مشاكلنــا وأكبر خايـن وغدااار ..
( يصرخ بصوت أعلى ) نسيت ابوك ياااااااجــاسم ... نسيتــــــــــــــــــه
جاسم وهو يدفع مشعل بكل قوته : أنت اللي نسيته مو أنـــا .. على بالك اللي تسويه بيفرح ابوووووكـ ....
قطع كلام جاسم صرخت امه اللي أتجهت صوب سالم بسرعه لما شافته توقف عن الحركه
أم جاسم وهي تهز سالم الي طايح على الارض بدون حركه : ساااااااااااااااالم .. سااالم ... سالم تكفــى قوم .. لا تخلين يــا سالم ..

مشعــل لما شــاف هالمنظر زاااااااااااد كرهه لســالم وتمنــى لو أنــه يموت ..
صرخ بأعلى صوته وقال : أأأأأحســن عســـاه بهلـ حاله وأردى أن شاللـه
طلع من البيــت وهو معصب

بينمــا جاسم طلع جهز السيــاره وشال سالم على المستشفــى
وأم جاسم معــاهم ودموعهــا ماوقفت عن الانهمار على خدهـأ ..
أم جاسم اللي قاعده ورى وراس سالم بحظنهــا قالت بصوت واطي وهي تبكي : تكفي ياسالم لا تروح وتخلينـي ... تكفي .. أنت وعدت مبـارك بهلـ شي ..
نسيــت ..؟
جاسم رغم انه كان مستعيل الا انه سمعت أخر جمله قالتهـا امه ( أنت وعدت مبـارك بهلـ شي ....؟؟ ) قال بستغراب بقلبه ( أي شــي ؟؟ )
أم جاسم بترجي اكثر : حبيبي تكفى قوووووم لا تتركنــي مثل ماتركني مبــارك ... ماأقدر أعيش بدونك سالم ... حرام عليك

بيت بو راشد

يوسف كان مستعيــل ع الاخر يبي يروح لعمره وحياته بسرعه
وهيام مأخرته

ولما طفح الكيــل توه بيروح لهـا فوق يسمعهـا زفه من زفــاته الكثــار
الا هي نازله وتعدل شيلتهــا : كاااااني نزلــت لا تعصب علينــا .. أأوف الله يعين أمل عليك
يوسف : الا يابختهـأ فينــي هههه يلا جدامي على السيــاره ترى تأخرنــا
هيام : الساعه اللحيـن 11 ونص تو النــاس
يوسف : لا واللـه ..؟ وبيتهم لازق ببيتنــا .. مو جنه بأخر الدنيــا
هيام : المهم تو النــاس تلاقي الحب ماكملت كشختهـا
يوسف وهو يطلع جوالــه : لحظه
هيام وهي تطالع السقف : اللـه يستر من اللي بسمعه ... دروس بالحب من اللحيــن
يوسف طالعها بنظره جذابه وأبتسامه روعه ولا رد عليهـا

رن جوال أمل وردت عليه : ألوو
يوسف : فدييييت راعيه أحلا ألوووو أنـــا ..
أمل بخجل : هلا حبيبي .. شلونك ؟
يوسف : من عرفتج انـــا بأحســن حاااال شلونج أنتي
أمل : نفس حالك ..
يوسف : هـــا حيــاتي خلصتـي لبس ؟ لانه اللحيـن بنمر عليج أنـا وهياام.. بعد مانقد نجيج والبرنسيسه أمل ماكملت لبس
نخاف على سعادتكم بالانزعاج ههههههه
أمل بدلع: ياكثر ماتجامل.. المهم حياتي انـا اللحيـن بخلص لبس وأرجع اتصلك
يوسف : أوكي .. مع انه ماودني أسكر ههه ... يلا كلهم اسبوعيــن ..
أمل أستحت وقالت : سي يو
يوسف : فحفظ الرحمن

هيام اول ماسكر : هااا تطمن على الحب .. يلا خلـ نروح لهـا
يوسف طلع ولحقته هيام

دقايق ووصلـوا يوسف وهيام
ودق لهـا علشــان تطلع ..
هيام اللي قاعده بالسيـاره : يوسفووه تعال شفيك مرتز عند باب بيتهم اللحيـن بتجي ..
يوسف : لا ياقلبي أنتي .. أنا اللي بوصلها لحد السيــاره .. هذي حيــاتي مو أي شي ..
هيام وهي تتسند على الكرسي: كلش ياروميو... ماعندك سالفه ..
تم واقف يوسف عند باب البيــت

الا بخــالد اللي كان توه مخلص مشتري أغراض بيت خالــه
شاف واحد واقف جدام بيت خالــه
وقف سيارته ورى سيــاره يوسف
ونزل ..

راح صوب يوسف وقال : السلام عليكم
يوسف ألتفت عليـه وقال : وعليكم السلام ..
خالد : خير أخوي ؟؟.. عسى ماشر ..شعندك واقف هني
يوسف : وليــش تسأل ؟ أنت من الاهل البيــت ..؟!!
خالد : ايــوه ..؟ بغيت شي ؟
يوسف : أنطر مرتي ..
خالد على طول عرف انه هذا يوسف حس بشعور غريب تجاه هالانســان لكن مابين هالشي ليوسف مد يده وقال : أنت نسيبنــا .. يوسف ؟
يوسف ببتسامه مليـانه تسأل وهو يسلم باليد على خالد : أي انــا يوسف .. أنت أخو أمل ..؟
خالد ببتسامه : لا أنــا ولد عمتهــا .. ( ويأشر على بيته ) وصاحب هالبيــت .. يعني جارها بنفس الوقت

طلع أمل وأنتفض قلبهــا لما شافت خالد ويوسف واقفيــن مع بعض

يوسف لخالد : تشرفت بمعرفتكـ
خالد طالع أمل ورجعت طالع يوسف وقال : أنــا أكثـر يالاخو .. والله يهنيكم أن شاللـه ..
يوسف : تسلم الشيخ .. وعقبالك أن شاللـه
خالد ببتسامه لمحت الحزن ماكانت واضحه فيها : أوكي أنا أستأذن اللحيــن ..
يوسف : أذنك معاك

راح يوسف فتح دبة السيـاره بكل قوته من القهــر
حس بالغيـــــره من يوسف .. لانه سلب حبه .. بكل أنــانيــه ..
لو عليــه ماكان سلم على يوسف ولا كلمه ..
بس مو من طبع خالد هالشي

طلع الاغــراض ودخل بيت خاله لانه أمل ماسكرت البـاب أصلا
توه بيدش ألا يوسف يهرن له ألتفت عليه
يوسف فتح الدريشه وقال : مع السلامه الطيب ..
خالد أبتسم : مع السلامه

ودخل وهو في دااخله عوااصف ..
ولما نزل كل الاغراض في بيت خاله وعطااا مرت خاله الفلوس اللي ماصرف منهم ولا فلس ..
طلع من بيت خاله ولا راح بيته ... راح عند ناصر وربعه بالدوانيــه على الاقل يشيل الهم هذا عن قلبه

بيت بوفهد

كانت الريم قاعده مع غاده اللي مطلعه فضايح فهد لما كان صغيــر
غاده وهي تضحك : هههههههههههه واللــه ماأجذب عليج .. حتى مره .... كان متهاوش مع أبراهيم تتوقعيـن شسوى فيــه
الريم وهي مستمتعه بمعرفت مغامرات ريلها بصغره قالت : شسوى؟ أكيد ضربه
غاده : لالا .. وي أكثر... أخذ المقص وقصقص شعره خلاه نصه طويل ونصه قصير ههههههههههههههه
الريم وهي تضحك : هههههههههههههههههههه حلفي ..
غاده : واللـه ... حتى ابراهيم يومها كان عمره تقريبا 8 سنيــن .. بس شعره وايد يامــال العافيــه .. ههههه قعد يصيح صيــاح له اول ماله تالي
ومتحلف بفهوود
الريم : هههههههههههههه

نزل فهد على صوت ضحكهم وقال : عساها دوم هالضحكه .. ضحكوني معاكم
الريم لفهد : فهوودي .. كنت مجرم وانت صغير هههههههههههه
فهد طالع غاده بنظره وقال : أكيد هالدبه قالت لج ..
غاده اللي كانت مليــانه شوي بس تينن : أي هالدبه طلعت فضاايحك ههههههههه خل تعرف ريلها شكان يسوي بصغره
الريم وهي تضحك : ههههههههههههههههههههه وواااي فهوود لهدرجه عاد .. تطيح ولد جيرانكم بغيت تكســره .... وتحط قزاز ( زجاج ) جدام سيــاره
خالك علشــان بس مايروحون عنك ويخلونك وفوق كل هذا .. تقص شعر أخوك ليش انك متهاوش معااااه ... مجرم هههههه
فهد اللي تفشل قال وهو يحاول يخفي احراجه : بعد شعلى بالج ريلج مو هيــن .. ههههههههههههه
غاده : هههههههه تبي أقول لهـا عن سالفه الجيرااان ..؟ وله اسكت
فهد طالعها بنظرات يعني ولا كلمه وقال : اقول بلا كلام فاضي وقوموا سوى لي ريوق ...
غاده وهي تطالع ساعتهـا : ريوق هالحزه ..؟ الا قول غداء
فهد بستهزاء وهو يقلد طريقت كلامهـا : (( أي ريوق هالحزه )) يلا جدامي انتوا الاثنيــن قاعديـن تحشون فيني بدل ماتترسون بطني
الريم وهي قايم : اللي يسمعك يقول متيــن مو جنك ضعيف معصقل ..هههههههه
فهد : افااا عليج كلهـا كم شهر وأصف جنب غااده هههههههههههههههههاااااااااى
غاده اللي أنحرج قالت : هيهيهييهيهيهههيه ياخف دمك .. ( قامت وهي تقول لريم ) تعالي تعالي ريموه خل نسوي له بلعه لا يبلعنــا .. وبالمره نسولف بعيد عن المراقبه ..

راحوا غاده و الريم المطبخ

الا صوت فهد يقول : هالله هالله بالريوق السنع .. ههههههههههههههه

..___ الجزء السادس عشـر ___..

دخل الميلس ومثل ماتوقع أغلب ربعه وربع ناصر متجمعيــن ..
ناصر اول ماشاف خالد فز وقال : هلاااااااااااااااا واااااااااااااااااااالله بالقــاطع خشمك ..
خالد وهو يسلم على ناصر بالخشم : هلا نصور شلــونك ..
ناصر ببتسامته العريضه : والله دامني شفتك .. شي اكيد بكون بخيــر ..
خالد لشبــاب اللي بالميلـس : سلاااااام شبــاب شلون الصحه ؟ عساها بخير ..؟!!
الاغلبيــه لانه بعضهم يتكلمون بالجوال : والله تمام .. تعال شرف ..

دخل خالد بعد ماشقح هالمسند اللي محطوط بنص الميلس..
وقعد على الكرسي

جا ناصر وقعد جنبه وقال : واللـه خلووود انك ولد حلال .. توني بسيرتك ..
خالد ببتسامه : عساهــا خير بس ..؟ مو حش فيني ههههه
ناصر : هههههههههههههه حش على مدح .. المهم .. اليوم أتفقنــا أحنــا والشبــاب نطلع الستــي تجي معــانــا
خالد بعد تردد قال : وااللـــــــه ..؟!! أوكي ليش لا .. بس متى بتطلعون ؟
ناصر يغمز له : لو تقول اللحيــن .. اللحيــن ..
خالد بتسأل وهو يضحك : ههههههههه شفيك صاير ذرب اليــوم ..؟ مو من عوايدك .. قمت أشك انك مبدل مو نصور اللي أعرفه
ناصر وهو يضرب خالد على ريله : ياأخي مشتــاق لك ... الا مشعلووه شلونه ؟ مايرد علي صار لي فوق المليون مره متصل ولا يرد
خالد : مادري عنه واللـه ... انا طالع من الصبح من البيــت مادري عن اللي فيــه

واحد من شباب الميلس : هاااا نصور متى حددتوا الطلعه ؟!! علشـان أكلم الاهل ...
ناصر : اللحيــن ...
الشاب : عيـل شتنطرون يلا قوموا ..

قاموا كل الشبــاب اللي بالميــلس اللي يتكونون من 8 ...
3 منهم لابسيــن بنطلون .. وتي شيرت .. صايرين جنهم أجانب مو عرب
والـ 5 البــاقيــن غتره وعقــال ... وخالد من اللي لابسيــن ثوب و كــاب مثل ماتعرفون ..

طلعوا الشبــاب كل واحد بموتره ..
بس نــاصر أصر أنه خالد يركب معاه بسيــارته ..
لكن خالد رفض هالشي وقال لناصر : الميلس في بيتك يعني لو تخلي سيــارتك فيه وتجي بسيــارتي أحسن ..
ناصر : بس أبي اسمعك شريط توه نازل لعبدالمجيد ...
خالد بغرور زائف : سيــارتي مايشتغل فيها الا CD بس..... أشرطه مالت أول هههههههه
ناصر وهو يضحك : ههههههههههههههههههههههههههه يابو CD أنطرني شوي بروح اجيب الـ سي دي من داخل وراجع لك ..
خالد : بسرعه مو تنقعنــي ..
ناصر : اوكي ..

ركب خالد سيــارته ونطر نــاصر لحد ماوصــل لــه
وركب معــاه
ناصر وهو يضحك : هههههههههههه طلعت روحهــا ياشيخ
خالد وهو يشغل السيــاره : من ؟
ناصر وهو يسكر باب السيــاره : أختي .. الـ CDهذا مالهــا لاني واحد ماأشتري الا أشرطه أخذته بالغصب ههههههه
خالد وهو يضحك : هههههههههههههههههههههههه حرام عليك ..
ناصر : مااراح أكله بسمعه وبرجعه .. المهم شغلــه .. يلا وحط على أغنيــه .. أنســان أكثــر ..
خالد وهو يدخل الـ CD : شوف اذا حزن وعوار قلب مو ناقص ترانــي ...!! راح أطلعه على طول اوكي
ناصر : أفــا عليك لا تحــاتــي ان ماخليتك تستطرب ماكون نــاصر هههههههه شغل بس شغــل

خالد شغل الشريط وأبتدت الاغنيــه

إنت منت إنسان أكثر

قلبي مو من قلبك أصغر

ومثل ما تشعر تأكد إنّي أشعر

فيني منك .. فيك مني

غصب عنك غصب عني

التقينا واللّقا قسمة مقدر

خالد لنــاصر : عجييييييييييييييييييييييبـــه ... يسلم لي هالذوق

لا فعل الزيف ولا فعل الكلام

من الحبيب اللّي وسط حضني ينام

نــاصر وهو يضحك : هههههههههههههه أعجبك أسمع اللي بعده ..

( قعد نــاصر يرقص على ألحــان الاغنيــه لحد ماأبتدى المقطع الثــانــي وقعد يغنــي وهو يأشر على خالد اللي بادله بالضحكه من قلبه )

ناصر : ما لي غيرك وما لك إلاّ أنا حبايب

يكرهك نصفي ونصفي فيك ذايب

الهوى غلاب وأمر الله غالب

ألزمك طول العمر لا جي ولا أروح

كنّي مقيّد قيد مو سلاسل

قيدي إخلاص ووفا وإلاّ إنت قايل

لو يقوم الكون تخسف بي زلازل

ما أحرك ساكنِ بك مير مسموح

نــاصر وهو يصفق : هههههههههههههههه أهداء خاص مني لك .. لا سمعتهــا مره ثاني تذكرني
خالد وهو يضحك : هههههههههه تسلميلي يالحبيب

نـــاصر رجع يغني : لا فعل الزيف ولا فعل الكلام

من الحبيب اللّي وسط حضني ينام

من الحبيب اللّي وسط حضني ينام

خالد وناصر مع بعض : أنت منت أنســان اكثر قلبي مو من قلبك أصغر

مثل ماتشعر تأكد اني أشعـر

فيني منك فيك مني غصب عنك غصب عني

ألتقينــا واللقه قسمه مقدر

اول ماخلصت الاغنيــه كانوا واقفيــن عند أشــاره مرور قال خالد لنــاصر : روعه ياشيخ .. عجبتنــي ( رجع عادهــا )
ناصر : أفــا عليك بالخدمه ..

بقوا على هالجو .. ونسى خالد أمــل شوي ..
هذي هي الصداقــات وله بلاش ..

بالمستشفــى
عند ام جاسم وجاسم ...
قال لهم الدكتــور انه قلبــه سالم ضعييف ومايستحمل مثل هالصدمــات
وأكيد انه انصدم من شغلــه ... بس ام جاسم رغم غضبهـا على مشعل الا انها ماتجرأت تقول لدكتور انه مشعل اللي سوى هالشــي
وكــان على وشك ذبحه .. لانه معروف شبيكون مصيــره ...

( ولا تنسون ان سالم أنضــرب وهو ماكان حاسب حساب هالشي كان متوقع يسمع كلام جارح بس ..
لكن اللي صار كان صدمه قويه قويه بالنسبه لــه )

المهم ..

كــان مكــان سالم هاليــوم العنــايه المركزه ...
ومابقى واير الا وحطوه على صدره ... وهذا غير الاكسجيــن اللي حاطينه له علشــان يتنفس
كان شكله يعور القلب ..

وأم جاسم منعوهــا الدكــاتره تدخل عليــه لانها شايله المستشفى على راسهــا
ومسويه أزعــاج مو طبيعــي ... وهي تصيح وتنوووووح على حبيبهــا .. ماتبي اللي صــار قبل يرجع يصير لها مره ثــانيــه
ومع من ..؟ مع سالم اللي عوضهــا عن حنان وحب مبــارك .. وأستحمل عيالهــا من صغرتهم ..
وحاول قد مايقدر يكسب حبهم .. ولما وصل عند مشعل وحاول يملك قلبه وحبه
وماقدر .. ماأستسلم .. لانه كان يدري بطيبه قلب مشعــل خاصه انه كان يلعب معــاه لما كان بصغره على حياة بو جاسم
وكان مشعل يحب سالم كحبه لأبوه .. لكن لما توفى ابوه وتزوج سالم ام جاسم
...كل الحب اللي بصدره لسالم تحول لكره وحقد وغيــــــــره ..
والاسبــاب واضحه .. ومقنعه على قولت مشعــل

المهم جاسم بالغصب طلع امه من المستشفــى
اللي قعدت تحن وتحن عليــه ماتبي تروح لكنه طلعهــا من المستشفــى بالغصب ..
علشــان صحتهــا اللي قربت تدهور وكل هذا بسبب مشعــل
واول ماركبت السيــاره اشتغلت بالحنه بس هالمره تبي تروح لبو حمد ...
تبي أخوهــا .. تبي تشتكي له ..

جاسم لما يأس منهــا وداهــا بيت بو حمد
وعلى ماوصلوا من المستشفى ليـن بيت بو حمد
كان محمد توه مدخل سيــارته البيــت وتوه راجع من الشغــل مايبي الا الفراش لكن أم جاسم
ماخلته يذوق لراحه طعم

نزل من السيــاره الا يشوف سيــاره جاسم وراى
قال اكيد جايــن زيــاره ...

سكر باب سيــارته وألتفت عليهم بيقابلهم ببتســامه
لكـن ام جاسم اللي نزلت قابلته بدموع وصيــاح
بو حمد بخرعه : هيــا شفيج ؟ليش تصيحيــن ؟!!!!!!!!!!!!!
أم جاسم وهي تنوح : سالم يامحمد ... بالمستشفــى .. سالم بالمسشتفــى ...يامحمد
بو حمد وهو يهديهــا : هدي يام جاسم .. هدي شوي خليني أفهم شفيه وليش هو بالمستشفــى ..
أم جاسم وهي تصيح : حسبي الله عليك يامشعـــل ... حسبي الله ونعم الوكيـــل فيك من ولد ..
بو حمد وهو يسكتها وهو نفسه مايدري شسالفه : هيــا ... أستغفري ربج هذا ولدج مايصير تدعيــن عليــه ..( يكلم جاسم ) يبه جاسم بند سيــارتك وسيــارتي وتعال داخــل .. خل اشوف شفيهــا أمك .. وشمسوي أخوك هالمره ..

جاسم اخذ سويج سيــارة خاله وقفلها وقفل سيــارته
ولحقهم داخل ..

قعدهـا بو حمد على الكرسي يبيهـا تهدى ..وخلا أم حمد تجيب لهـا ماي ..
راحت بسرعه ام حمد جابت لهـا ماي ورجعت الصاله شافت بو حمد يهدي فأخته اللي مو راحمه عمرهـا من الصيـاح
ام حمد وهي تمد الماي لصديقه عمرهـا : هاج ياهيــا .. شربي شوي ..
أم جاسم وهي تبعد القلاص عنهـا : مااابي .. مابي ماي .. مابي شي ... ( تكلم بوحمد ) أبي سالم يامحمد .. ابي سالم
بو حمد بنفاذ صبر : أأأي شفيه ســالم ...؟!!!
أم جاسم : مشعل لا بـارك الله فيه ضربه .. ضربه يامحمد .. ضرب ســـالم
بو حمد بصدمه : شنـــــــــــــــــــــــــــــــــــــــــــو؟
أم حمد أنصدمت من اللي سمعته ...( معقوله ؟ توصل فيه الوقاحه لهدرجه .....؟؟!!!!!! )
بو حمد يكلم اخته وهو مازال مو مصدق اللي سمعه : شتقــوليــن أنتــي ؟ مشعل .. مشعــل ولدج .. ضرب ســالم .. شهلـ كلام
لكن ام جاسم ماردت عليه وبقت تصيـــح
بو حمد اللي يبي يفهم السالفه صرخ بجاسم : شقــاعده تقول أمك؟ مشعلوه ضرب ســـالم ..... صج هالكلام
جاسم اللي متوتر ع الاخر : أي ياخالي صج .. بغى يذبحه لـ ....
قاطعه بو حمد اللي وقف بغضب : شتقــول أنت ...؟!!!
جاسم اللي أخترع من صرخت بو حمد قال : أأي ياخالي ضربه ... صراحه مشعل مايحشم أحد ..
بو حمد بغضب : وهالجلب وينه اللحيــن ؟!!!
جاسم : طلع من البيــت بعد ماضرب سالم
بو حمد : وماتعرف مكــانه ؟؟!!!!!
جاسم : لا واللـه ماعرف ...
بو حمد فلتت أعصــابه : وأنت شتعرف ؟؟ هــا ؟؟ قول لي شتعــرف ؟؟ عايش معاه في بيت واحد ولا تدري عنه ... منت اخو ؟؟
جاسم توه بيرد ألا بو حمد كمل كلامه قايل : والله مامنك فايده صراحه ... خويلد أخوك وينه .. محد يعرف مكــان مشعلوه غيره ...
جاسم مارد عليه مفتشل يقول له بعد مادري وينه ..
بو حمد فهم من سكوته انه مايدري عن هوى داره قال وهو يطلع جواله : أشك انك اخوه صراحه ... ماتدري عن أحد كلش ..
جاسم حز بخاطره كلام خالــه ... بس شيسوي هو بنفسه زين منه يرجع البيــت مكروف كراااف بالشغــل ..

بو حمد أتصل على خالد اللي كان توه واصل الستي هو وربعه

خالد وهو قاعد يعدل الكــاب بالسيــاره : ولييييي .. مالي خلق أحد اللحيـن أنــا ..
ناصر : سكر جوالك بالمره دام مالك خلق أحد ...
خالد وهو يطلع جواله من مخبــاه ويحطه بالسيــاره : تدري شلون بخليــه هني وايد أبرك .. أنزل أنزل .. بس ..
نزل خالد وناصر وخلا جواله بالسيــاره
وألتقوا الشبــاب الثمان ودخلوا الستي ..

بو حمد بغضب : هذا وينه مايرد ...؟ لا حوووووووول ولا قوه الا باللـه ... ( يكلم جاسم ) طرش حق اخوك مسج خل يرد لو طرشت له أنا زفيته ..
جاسم سمع الكلام بدون مناقشه وطرش وهو ساكت وشايل بخاطره على خاله ... بس ماينلام موقفه حرج في هاللحظه ومعصب
وأكيد مايقصد اللي يقوله ... الله يعيــن مشعل بس لا طااح بيد بو حمد شبيصير فيــه ..

بو حمد لأم جاسم : خلاص ياهيــا بسج صيــاح ونيــاح .. لا توترينــا اكثر من جذي ..
أم جاسم : شلون تبيني أسكت وأنا اشوف هالريال الطيب ينضرب بيد واحد من عيــالي .. وينضرب من من بعد ..؟ من مشعــل ..( رجعت تصيح ) اااااااه حسبي الله ونعم الوكيــل .. حسبي الله ونعم الوكيل فيه ..

بوحمد أتصل على مشعل اللي كان ناسي جواله بالبيـت أصلا ..
وأعتقد انه مشعل مايبي يرد وزاااااااااااااااااااااااد غضبه وكأنه نــار تزيد كل مازااادو حطبهــا

عند يوسف وأمل وهيــام

يوسف كان عـازمهـا على مطعم مثل ماتعرفون ..
وطول القعده وده يتكلم ينطق بحرف بس هيــام محكره لـــه قاعده له قعده ..

يوسف اللي كان قاعد ويتأمل أمل .. وناسي الاكل جدامه وعلى شفاته أبتســامه عريضه جذابــه ..
مو مصدقه انه امل خلاص صــارت لــه ....
بينمـا أمل اللي خلاص بتموت من الحيــا .. ماتدري ليش بين كل لحظه ولحظه صوره خالد تجي فـ بالهــا ..
كانت حاطه عينها بصحنهـا ولا تبي ترفعهــا علشــان لا تلتقي بعين يوسف اللي كلاهـا بنظراته ..
أمــا هيــام كانت قاعده لهم قعده ماتبيهم يتهنون بأي لحظه نحاسه فيهم بس

هيام ليوسف : يوسفووه عطني فاين لو سمحت ..؟!!
يوسف طالعهـا ورفع واحد من حواجبه ومد لها فايــن : هــاج
هيام وهي تاخذه : أحم .. الحمداللـه .. شبعت ..
يوسف مارد عليهـا وقعد ياكل لانه فهم معنى حركتهـا ذي خاصه انهـا قالتها وعلى شفاتها أبتسامه خبث
أمل وهي ترفع راسها متعمده ماتطالع يوسف وتحاول تركز نظرها على اي شي بس مو على يوسف ..
لكن ماتدري ليش طالعته : الحمداللـه ..
يوسف : هنــي ... بالعـــافيــه ....
أمل بخجل : الله يعافيك ...
هيام تسوي روحها تغار : أحم أحم ... نحنوا هنــا .... مادري ماننشــاف ولــه غيرنــا أخذ مكــانــا ؟؟ ( تقصد أمل )
أمل ألتفتت عليهـا وقالت : لا وي محشومه فديتج .. أنتي القمر واللي حولج نجووووم ..
يوسف بطنازه : قمر أخر الشهــر ههههههه
أمل ضحكت لا أراديا على كلامه : ههههههههه
هيام تسوي روحها عصبت : هيهييهيههييهيهيه ياملاغتكم .. يلا يلا خلصتوا بلــع ؟!! قوموا خلـ نروح نلعب بالالعــاب ..
يوسف فتح عينه على كبرهــا : يــاهـــل ...؟!!!!!!
هيام : أعيش عمري ياعمــري .... لا تحاتي ماوصلــت الـ 21 .......للحيــن ...
يوسف : من صجج أنتــي ؟؟!! ولا تتغشمريــن ..
هيــام وهي متكتفه : اي من صجي .. حتى أمول بتجي معــاي ...
يوسف على طول قال : لا ..
أمل بصدمه لانها كانت ناويه تروح مع هيام : ليـــش .......؟!!
يوسف طالع أمل وهو مستغرب ع الاخر : لا تقوليــن تبين تلعبيــن معاهـا أنتحر ..
أمل ببتسامه : أي حبيبي .. شفيهــا عادي ....
يوسف ذااااااااب من كلمه ( حبيبي ) قال : عيدي عيدي ....
أمل ببتسامه كلهـا خجل : شعيد ؟!!
يوسف : اللي قلتيها توج ...
أمل بسذاجه : شقلــت ؟
يوسف : اللي توج نطقتيهــا ماصدقت سمعتهــا ......
أمل فهمت قصده بس تسوي روحها مو فاهمه : أي شنهي الكلمه ؟؟
يوسف يطالعهـا بخبث : تبدأ بحرف الـ حاء ... وتنتهي باليــاء ....
هيام اللي ماتطيق تسمع كلام الحب تحس انهم فاضين وماعندهم سالفه : أوهووو .... قولي له حبيبي وخلصينــا أبي العب يانـــاس ..
أمل صار ويها طماطه من الاحراج ...
يوسف وهو يضحك : هههههه كاهي هيوم قالتهــا ... يلا .. غردي ... أبي أسمع ...
أمل بخجل : يوسف ... خلاص عاد ..
يوسف وهو يضرب على الطاوله : أمووووووت أنــا اسمي ينقط عسل من تنطقه ...
هيام اللي قعدت تضحك على شكل أمل صارت حمررره من الفشيله
أمل وهي تعدل شيلتهــا اللي كانت عدله بالاســاس : خلاص عاد ... شفيكم أستلمتوني ..
يوسف : ماراح أتحرك من هني ألا لما أسمعهــا
امل بخجل : حبيبي ... هــا ارتحت ؟؟!!!
يوسف بغى يطير من الوناسه : بعد مره ...بعد مره ..
أمل : لا ... خلاص ..
يوسف بترجي : تكفيــن .. علشــان خاطري ...
أمل ذابت من الحيــا .. وصدت عنه تحاول تخفي خجلهــا اللي واضح وضوح الشمس ..
وألتقت عينهـا بعيــنه .. كان واقف يطالعهــا .. وكان ناوي أصلا يدخل يقعد بهلـ مطعم .. لكنــه بسرعه أشر لربعه أنهم يغيرون المطعم ...
أمل أنصدمت لما شافته وعلامات الغضب والغيره والحزن كلها متجمعه بويهــا ... حست قلبهــا توقف عن النبض ...

عند خالد .. : ياشبــاب .. نغير المطعم أحســن ..
واحد من الشباب : لا ليــش .. هني أحســن أكلهم عجيييييييب ..
خالد : مو لازم نتغدى بنروح كوفي شوب أحســن خف شوي صاير طبل من كثر الاكل ..
الشاب وهو يضحك بعبط : هههههههههه ياخف دامك ...
خالد يأشر لشبــاب اللي توزعوا بالمطعم كل أربع على طاوله : شباب .. قوموا بنطلع ....
ناصر اللي قعد قال : لا.. وين بتودينــا ..
خالد اللي يتحاشى أمل قال : كوفي شوب
ناصر ماعجبه الكلام : طير زيــن يوعــان يأأخي ...
خالد عطى ناصر نظره وقال : عيل تدري شلون ... لا خلصتوا غدى أنا بستــار بكس .. فمــان اللـه
ناصر اللي قعد ولا تحرك من كرسيه : تعـال خلـ ...... ( أختفى خالد لانه طلع من المطعم )
ناصر لواحد من الشباب اللي معاه ع الطاوله : شفيــه ..؟!!! مسرع ماتغير مزاااجه .. على قولته لا خلصنـا اكل نروح له .. يلا شبــاب طلبوا .. انا بدفع ..

عند طاوله يوسف وأمل وهيام
هياااام عيونها لصقته بخــالد من دخل ليــن طلــع ..
( وااااااااااي يهبل .. هذي ثاني مره اشوفه فيهـا .... مره عند باب بيت امول ومره اللحيــن ... ياقلبي عليــه قمر .... )
أما امل اللي تضايقت لما طلع خالد من المطعم الي هي فيــه وخلا ربعه بس ..... نست يوسف ولا جاااا على بالهــا حتى ... أحتل تفكيرهــا خالد
يوسف اللي كان يتكلم وأمل مطنشته قال : ياهوووووو ...
أمل ألتفتت عليه بسرعه : هــمم ..؟!!!!
يوسف ببتسامه : اللي ماخذ عقلج يتهانى فيه
أمل ماردت عليه وأكتفت بالابتســامه
يوسف لأمل وهيام : يلا خلصتوا ..؟!!!
هيام ليوسف : شرايك؟
يوسف : لا قالت أمل انهــا خلصــت ... راح نطلع ..
أمل : خلصــت ...
يوسف : أوكي عيــل اللحيـن أقدر ادفع الحسـاب وأنــا متطمن انج شبــعانه ...

دفع يوسف الحســاب وقاموا كلهم طبعــا يوسف خلا أمل وهيام قدامه وهو وراهم لحد ماطلعوا من المطعم ..
لانه مثل ماتدرون المطعم أنترس شبــاب وهم ربع خالد .. ويوسف يغــار على أخته وقلبــه أمــل ..

فـي .. ستــار بكس

قعد خالد على وحده من الطاولات بعد ماطلب له كبتشينــو ..
وأمــل مـافــارقت بــالــه ... كــانت الفرحه بايــنــه على ملامحهــا وهي مع يوسف ..
تضــايق لمــا شافهــا وأنقلبت أبتســامته لعبوس وحزن ...
ماكــان متصور أنــه في يوم .. أمل اللي حبها من صغره ماراح تكون لــه ....
طلعت تنهيده من جوارح قلبــه وقال بصوت هادي وواطي : نصــيب ...!!

مر الــوقــــت وجــا العصـــر ..

والجو في بيت بو حمد متكهــرب ع الاخر مثــل ماتعرفــون ..
ودرت دلال عن اللي سوااااه مشعـــل .. أنصـــــدمـــت ...
وأهتزت صوره مشعــل بعينهـــا ... للمره الثــانيــه .. أو يمكن نقول للمره الثــالثــه ..
المره الاولى .. ضرب أختهــا .. وغلط على أبوهــا وصرخ على أمهــا ..
المره الثــانيه جرحهــا لما سمعته امل يتكلم عنهــا وماقدر حبهــا له ...
والمره الثالثه يضرب ريــال كبيــر .. بعمره ابوه .. معقوله توصل فيه قلة الادب لهدرجه

أبتدت صوره مشعــل اللي كانت راسمتهــا لــه ..
أنــه طيب .. وحبــوب .. وصاحب أخلاق .. ومحترم .. تنمحي تدريجيــا ...
وتحل محلهــا مشعــل .. اللي يتسلى بمشاعرهـا .. ومايحترم حد .. لا كبير ولا صغيــر ... وقليل أدب مع مرتبة الشرف ..

دلال اللي كانت قاعده ع الكرسي اللي بغرفتهــا حطت ويهــا بيدهـا الصغيره ورجعت بهــا شعرهــا
وهي تقول بقلبهـا : معقــولـ كل هذا يطلع من مشعــل ..؟!! معقوله يكون مشعــل بهلـ وقــاحه كلهــا ..

دخلــت عليهــا أمل اللي كانت توهـا راجعه البيــت
وفي يدها كيستيــن .. وكلهم هدايــا من يوسف ..

أمل ببتســامه : الحلــويــن شلونهم ..؟!!
دلال ماردت عليهــا بنفسها مهمومه
أمل دخلت وحطت الكيس فوق سريرهــا وراحت جنب أختهــا : دلول شفيج ياقلبي ؟
دلال رفعت ويهــا ودمعه على خدهــا : دريتي مشعــل شسوى ؟؟
أمل بتسأل : شسوى ؟؟
دلال : ضرب ريل عمتي ســالم ... وطلع من البيــت ولحد اللحيــن مارجع ..
أمل حطت يدها على حلجهــا وقالت بصدمه : حلــفي ..
دلال أبتدت تصيح : أأأكرهه .. أأأكـــرهه ...
أمل حظنــت أختهــا وهي تقول : ليش ضرب سالم ؟!!
دلال : ماادري .. ولا أبي ادري ... ولا أبي أسمع اي شي عن مشعــل ..( أبتدى صوتها يهدى تدريجيــا ) أأأبي أنســـاه ..
أمل تبتعد شوي عن أختهــا .. : لو صج تبين تنسينــه المفروض تقويــن روحج مو طول الوقت مسكره عليج الغرفــه .. وتتصفحيــن الالبوم اللي من اوله ليــن أخره صورهـ ..
دلال طالعتهــا بنظره بدون ماترد
أمل : أي .. لا تقعديــن تطالعيني جذي ... من صجج أنتي لين اللحيـن تحبينه عقب كل اللي سوااهــ هذا أخلاق ماعنده .. شلون تبينه يصونج
لا أفترضنــا انه خذااج .. اذا على قولتج انه ضرب سالم ولا أحترمه ... بحترمج أنتي ؟؟؟!! ( وهي تهز راسهـا أستهزاء بمشعــل ) ماأظــن ؟؟

دلال قامت وقفت وقالت بغضب ودموعهـا على خدهــا : شتبيــني أسوي يعنــي .. قلبي مو بيدي .. ولا أنــا اللي أقدر أقرر اذا بنســاه وله لا ...
قاطعتهـا امل بصوت عالي شوي بس مو بصراخ : توج تقوليــن أنج تكرهينــه .. واللحيــن قلبج مو بيدج ...؟؟ حددي .. أنتي شتبين بالضبط ..

دلال وهي تمسح دموعهـا ومازالت بحالة هستيريه وهي تصيح لكن صوتها مو عالي لانها لو علته وسمعوا أمها وابوها بتروح في ستيـن داهيه : أأأبيـــه ... أبيـــه يحس فيني حرااااااااام عليــه .. مــاني تمثــال .. بدون مشــاعــر ...... عندي قلب يانــاس احس مو جماااااااد
أمل قامت وقفت وقالت : المفروض انج تنسيــنه وتخليــن هالكلام عنج لانه مابيوصلج لــه ... هذا ماينفع معـاه شي الحقراان .. يمكن يفيد
دلال بصوت يرجف من الصيــاح وعالي شوي : أأأنــــــــــــــــــا مانـــــي مثلـــج ...
أمل أرتسمت ملايـيــن علامــات الاستفهــام على ويهــا (( مثلي بشنو )) .. طالعتهــا بدون ماترد عليهــا
وكأنهــا تبي تسمع شبتقول .. (((( مثلــــــــــي بشنــــو ...؟!!!!! )))))
دلال وهي ترجع شعرهــا على ورى : على بالج عندي قلب مثل قلبج .. ؟؟!! أذا انتي قدرتي تنسيــن خالد أنــا ماأقدر أنسى مشعــل ...
أمل أرتبكت ماتدري ليش وقالت على طول وبسرعه : شتقوليـن أنتــي ...
دلال : أذا أنتي هــان عليج خالد .. انا مايهون علي مشعــل لو شيسوي .... مافي حد يبقى على ماهو عليــه مرده بيتغير ..
أمل زاد ارتباكهـا وقالت بغضب : شدخل خلوود اللحيــن .. وشجااب طاريه من الاســاس ... ومن قال أصلا أني أحبـــه ..
دلال : قصي على غيري مو علي ... أنــا أكثر وحده فاهمتج ..
أمل بغضب : دلووول ... سمعي روحج عدل قبل لا تتكلميــن .. شنو أحبه وماأحبه .. خالد مثل أخوي لا أكثر ولا أقل .... وبعديــن لا تغيري السالفه ..
دلال : أمول واللي يرحم والديج طلعي مالي خلق شي ترى .. ماأبي اشوفج ..
أمل بمزيج مابيــن الغضب والارتبــاك : كل هذا علشان مشعلووه ... صدقيني مايسوى .. وكل اللي قاعده تسوينه بروحج مابيفيدج .. مابقى شي على المدارس .. بتروحيــن وشكلج جذي ..؟!!!!!!!! شوفي ويهج بالمنظره .. جنج وحده بنهــايه الثلاثيــن مو وحده توها مادخلت العشريــن ..
دلال بعنادهـا الطفولي الممزوج بحزنهــا : مو شغلج انتي بشكلي .. كيفي .. أنا حره اذا بهتم فيه وله لا .. رجاءا لا تدخليــن وخلي وقتج كله حق حبيب القلب ....
أمل طالعتهــا بنظرات قهــر وراحت قعدت على سريرهــا عناد ..
دلال وهي تضرب الارض ببريلها : اموووول ماأبي اشوفج بالغضب يعنــي ..
أمل ببرود : والله الغرفه مو لج بروحج .. وأنــا ابي ارتــاح شوي ..
دلال طلعت من الغرفه ورضخت االبــاب بكل قوتهــا

اول ماطلعت ضربت أمل بكل قوتهـا على سريرهـا : خالد ... خــــالد .. خــــــالد .. وين مارحت طلع لي هالخــالد .... مايسوى على رفضته ..أأأف ...
كل اللي اسويه علشــانهــا وبعد مايبيــن بعينهــا .. بس مردهـا بتعرف انه كل هذا علشــانها ..

قطع حبل أفكــارهــا صوت نغمه المسج

خذت شنطتهـا وطلعت جوالهــا وكان المسج من العــاشق المتيم .. يوسف
يقول فيــه

*
لوغبتي لحظة كل مافيني تمناج ،
صعبه حياتي ياحياتي بدونج ..
أهيم في صوتج وهمسج ولقياج ،
حتى مع الأحلام ماقدر أخونج ..*

رمت الجوال جنبهــا وصدت عنــه .. بعد ماتكتفت بقهــر ..
لكنهــا بسرعه لفت على جوالهــا وأستغربت حركتهــا ... ليش حذفته ..؟!! ماتدري ..
يمكن مقهوره من دلال .. وله من خالد ...؟!! رجعت خذته وقرت المسج مره ثــانيــه
ألا الجوال يرن ... والمتصل هو نفسه راعي المسج

أمل ردت عليــه : ألووو ...
يوسف : هلا واللـه بهلـ صوت ..
أمل : هلا يوسف ...
يوسف : لا يكون مشغوله وقاطعتج ..
أمل : لا مو مشغوله .. بس كنت بنــام .. الا اشوف المسج ..
يوسف برومنسيه : شرايج فيــه
أمل : حلـو ..
يوسف : حلو بس ..؟!!!
أمل : أيــنن ..
يوسف : بس ..
أمل : يوسف حبيبي .. بنــام اللحيــن ... تعبــانه طول اليوم معاك لا قعدت أتصل عليك أوكي ..
يوسف : بس ..؟!! ماطلبتي شي .. نامي حيـــاتي أرتــاحي وأسف اذا ازعجتج ..
أمل : لا مافيهــا أزعـاج ... ولا شي ...
يوسف : أول ماتقعديــن من النوم أتصل لي ...
أمل : أن شاللــه ..
يوسف : أأأكيـــد ..؟!!
أمل : أكيــديــن ...
يوسف : يلا ... نوم العواافــي ..
أمل : الله يعافيك .. مع السلامه
يوسف : في حفظ الرحمــن ..

سكرت من عنده وحطت الجوال جنبهــا
ونااااامـــت وهي ماتبي تفكر بشي ... ولا شي ...
لا دلال
ولا خــالد
ولا حتــى يوســف ..

عدى هاليوم على خيــر
ومشعـــل مازال محد .. مارجع لحد اللحيـــن ..
محد يدري وينه أو شبيصير فيه لا رجع وطاااح بيد بو حمد

اليــوم التــالي

بـ مستشفــى حمد وخصيصا قسم العنايه المركزه ..
كانت أم جاسم قاعده برى على الكراسي بصحبه جاسم اللي أخذ اجازه من الشغــل ..
وبو حمد ...
كانت أم جاسم قاعده تقرى قرآن ..وكــان صوتهــا حيـل حلو وهي تقــرى ..
كان صوتهــا خاشع .. وهادي .. يسر السامع ..

أمــا في بيت بو جاسم
كان خالد رايح في سابع نومه ولا يدري شصــاير في البيــت لانه رجع امس 3 الفيــر
ودخل سيده نـــام ... اول مافتح عينه راح غسل ويهــا وأخذ له شور ...
ولبس بنطلون جينز وقميص أسود وكاب أسود بعد
ونزل الصــاله ولقى البيــت هــادي .. لا صوت تلفزيون .. ولا صوت أمه تتكلم بالتلفون مع ام حمد مثل كل يوم ..
ولا حتى نفس بالبيــت الصاله هاااااااااديــه
أستغرب من هالهدوء المفــاجئ قال بقلبه : وين راحوا ؟؟!!!

راح المطبخ مالقى لقمه أكل ...
العاده يقوم الصبح الاكل جاهز ماعليه الا يقعد وياكل ..
خالد زاد أستغرابه : شســالفــه ..؟!!
فتح الثلاجه يدور له على لقمه ياكلهــا .. أخذ له تفاحه وسكر الثلاجه
وقعد ياكل .. يسد جوعه شوي أول ماخلص قط اللي بقى منها بالزباله ( الله يعزكم )
وطلع أتصل على مشعل بيشوف هو ويــن بس محد يرد ..
أتصل على جاسم .. مغلق ..
أتصل على سالم .. مامن مجيــب ...

خالد زاااااااااد أستغرابه وخاف شوي : هـااا ...؟؟ ويــن راحوا ذول ...الله يستــر ..

راح فوق وطق البــاب على غرفه امه وريل امه ... بس محد رد عليــه
دخل مالقى حد ... الغرفه بارده .. ومعفوسه بعد .. وهذي مو من عوايد امه ...
راح غرفه جاسم لقاهـا كالعاده مقفوله ..
وشي أكيد راح غرفه مشعل اللي كانت مفتوحه ..
دخل وأول ماطاحت عليه عينه جوال مشعــــل ..
خالد بصدمه ( معقوله مشعل ينسى جواله وله حتى يطلع بدونه ؟؟)
راح أخذ جوال مشعل ولقى مكالمه منه ومن خاله وكم مكالمه من ربعه ...
هني خالد وقف قلبــه .....
وين راحوا أهل البيــت ..؟؟

aomroena • 13 سنة

..___ الجزء السابع عشـر ___..

طلع من غرفته ونزل الصاله وهو متوتر ع الاخر .. معقوله ولا حد بالبيــت
الا باب الصاله ينفتح ويدخل مشعل اللي كان مبهدل عــدل ..
شعره معفوس وازرت ثوبه مفتوحه ...
دخل سيده ولا كأنه شاف خالد وكان ناوي يروح فوق بس خالد مسكه من يده
خالد : شســالفــه ..؟!! .. محد بالبيــت ..؟!!
مشعل نفض يده من خالد وراح فوق غرفته ..
خالد : هــاااا ..!!؟؟
لحقه خالد لحد غرفته لقااه ماخذ جوالــه .. وفتح الكبت بكل قوته وطلع له كم ثياب وحطهم بشنطه الصغيره..
خالد بتوتر : مشيعل شصــاير فهمنــي ....
مشعل: قعده في هالبيت ماني قاعد .....
خالد بصدمه : ليــــــــــــش ..؟!!!
مشعــل وهو يفتح الدرج ويطلع اغراضه المهمه ويحطهم بالشنطه : بيت فيه سلووووم ... ماأقعد فيــه
خالد بتسأل : وشدخــــــــــــــل سالم اللحيــن ..؟!!! ماتفهمنــي
مشعل بغضب : مو لازم تفهم ... واللحيــن فكني واللي يرحم والديك ... مالي خلق نسمه الهوى
خالد : شنو أفكك ..؟!! أمي وسالم وجسووم ويــن ؟
مشعــل : تلاقيهم عند اللي مايتسمى بالمستشفــى
خالد وكأنه حد معطيه سطاااار : شنــــو ؟ المستشفــى ..؟!! من اللي بالمستشفــى ؟؟
مشعل وهو يشيل الشنطه : ريل أمــك .. سلوووم ..
خالد بذهووول وصدمه : لــيش ..؟!!
مشعــل وهو يوقف جدام خالد بشموخه وغروره : أنــا دخلته المستشفى على يدي .. ولو أشوف رقعت ويهــا لـ أخليه يشيلونه من البيت ع المقبره ..
خالد عقد حواجبه يحاول يفهم شسالفه قـال : لا تقــول ...أنــك
قاطعه مشعل اللي مقرب ويها من خالد ومعطيه نظره تحدي : اي ضربته ... كفرت فيــه ... علشــان يعرف انه أشكاله ماتمد يدهــا عــلي ....
قاطعه خالد بدفعه قويه خلته يطيح ع الارض وصرخ قايل : أنت شسويييــــــــــــــــت ...
مشعل اللي طاح بصوب وشنطته بصوب قال وهو يوقف بغضب : سويت اللي يربيــه .. هاللي مو متربي
خالد عطااه بكس خلاااااه ينسى الكلام وطااح فيه طق بعد ماطاح مشعل على الارض مره ثانيــه وهو يقول : يالحقيـــــــــــــــــــــــــر ...
أنت اللي مو متربي .....
مشعل كان يحاول يبعد خالد عنه بس مو قادر ...
خالد وهو يمسك مشعل من ثوبه ويرفعه يقربه منه : تـــــــــــدري لولاه كـــان أنت بـ أعدااااااااااااااااد الموتــى ..
مشعل وهو يدز خالد عنه : شقاعد تقول أنــــت ...
خالد وهو يوقف : تبرع لك بدمــــه يالغبــي ... فدااااااااااااااااااااااااك بدمه .. وانت تروح تضربه يالحقيـر
مشعل يحاول ينفي هالكلام : اللي تبرع لي بالدم جاسم .. مو سالم ... وسلووم بنفسه قايل لي هالكلام
خالد : يكوووووووون بعلمك جسووم أخر واااحد درى بالموضوع .. ولو ناطرينه لين يتبرع لك .. كان أفتكينــا من همومك .. وأخلاقك الزفت
مشعل وهو يوقف : خلووووووووود أحترم نفسك ..
خالد قاطعه : علم روحك شلون تحترم الغير علشــان النــاس تحترمك ... يــاأخي أستح ريال كبير كبر ابوووك .. تضربه ..
طالعه خالد بنظره احتقــار من فوق لتحت وطلــع من البيــت على المستشفــى

اول ماوصل المستشفى وسأل عن سالم وعرف مكانه راح سيده للمكـان اللي فيه سالم
الا وهو العنايه المركزه ..
لقى امه وجاسم وبو حمد ..
راح لهم وقال : ويـــنــه ..؟! عمي وينــه ..
ام جاسم رفعت ويهــا عليه بعد ماسكرت كتابه القرآن وعيونها مليــانه دموع ..
وبو حمد وجاسم طالعوا خالد مستغربين من طريقه دخوله عليهم ..
جاسم : داااخل بالغرفه ..
خالد : يصير أشوفه ....
بو حمد : اي يبه يصير .. بس لا تطول عنده .. حالته ماتسمح

دخل خالد عليــه وانصدمت اكثر لما شاف سالم متمدد على ذاااك السرير الابيــض ...
في هالغرفه الشبه ظلمه ..وصوت الاجهزه المزعج مسيطر ع الجو ..
والتنفس الاصطناعي اللي حاطينه له .. هذا غير الوايرات اللي تارسه صدره ..

قرب صوبه ومسك يده .. كانت اول مره يمسك خالد فيها يد سالم بهلـ حنــان ..
وكأنه مايبي يفقده ..
خالد همس له : عمــي ..!! عمي ...
سالم ماكــان يرد عليــه
خالد وهو يضغط على يده بس مو بقوى : عمــي .. سامحنــي .. مادريت الا اللحيــن .. بس لا تحاتي اخذت لك حقك من مشعلووه ..
سالم كان يرد عليه بالصمت ..!!!
خالد قعد يتأمله ملامحه ...

تعور القلب .. وتليــن أقسى قلب ..
معقوله مشعل قدر يضرب هالانســان .. شلون طاوعه قلبــه ..
دقايق مرت وخالد يتامل سالم ...جاته غصه .. دموعه على وشك الانهمــار
لكنه تدارك الوضع ومسحهم .. مايبي حد يشوفه يصيح ويزيدهم ..

ترك يد سالم بنفس الحنــان اللي مسكهـا فيهـا
وتأكد انه خدوده ناشفه تماما من أي دمعه .. وطلع لخاله وامه واخوه ..!!
خالد بصوت فيه غصه يحاول يخفيهـا : ليــش ماقلتولي ..؟!!
جــاسم : وأحنــا شفنــاك علشــان نقولك ..
خالد : ع الاقل أتصلتوا لي ..
قاطعه بو حمد : أتصلنـالك .. مارديت واخوك طرش لك مسج .. جيك على جهاز وبتعرف انه احنا كنا بنقولك
خالد بقهــر : المشكله عرفت من هالحيوان مشعــل ...
بو حمد وقف وقال : وين شفتــه ..
خالد : بالبيــت جاي ياخذ ثيابه مايبي يقعد بالبيــت الله لا يبــه ... يجيني شور ارجع له وادفنه بالبيــت أبرد خاطري بس ...
بو حمد اللي كان ينطر هالفرصه من يوميــن وده يدوووس ببطن هالمشعل قال : اقعد مع امك واخوك .. خلني انا اربيه ....

طلع من المستشفــى على بيت ام جاسم

وأول ماوصل لقى مشعل قاعد على الدري اللي جدام باب الصاله وحاط يده على راسه يحاول يخفي ملامحه بهلـ طريقه
بو حمد شافه ثاااار غضبه راح صوبه ومسكه من ثوبه ومشعل ماقاوم ..
وضربه ضـــــرب سنه بيوم ..
ومشعــل ماقــاااااوم كلــش ... بالعكــس دموعــه نزلــت .. ومع كل ضربه تزيـــــــــد ..
مو من الالــم ... لا ... بــل من النـــدم

لما طفت شوي نيــران الغضب اللي أشتعلت بخفوووق محمد
ومشعــل ماتلقى اي ضربه بعــد صرخ قــايل : لــــــــــــــــــــــــــيـــش ... لــيش ماقلتوا لي ...
بو حمد بغضب : لانك مورااااااااااضــي تسمع حــد .. يامــا قلنــالك هالريـــال أطيب منه ماافيــه ماكنت تسمع .. تجرحه بكلامك اللي مثل السم ..
وهالمره تضربــه ... هذي تربيتي لك يامشيــعـــل
مشعل رفع روحه بصعوبه من كثر الطق اللي جاله من خالد وخاله وقال : واللـــه مــاكـــنت أدري ..
قاطعه بو حمد : تدري بشنو ..؟!! أنت ماتحس أنت ؟؟ ماعندك قلب ؟؟ تكلم رد .. دافع عن نفسك .. وله ماتعرف تتفاهم الا بالضــرب ...
مشعل اللي كان يبكي بمرااااره مانطق بولا حرف ....
بو حمد كمل كلامه وقال : انا أبوك الله يرحمه وصاني أني ماأتكلم .. بس أنت مصختهــا وراح أقول .. علشان تحس شوي وتعرف انه هالريال اللي بغيت تذبحه سوى اللي مايتسوى عشــانك ..
مشعل ماكان يجيب
بو حمد : هالريــال اللي ضربــته .... كان بيدفع حيــاته علشــانك .. تذكر يومك صغيــر .. مو بغيت تروح فيها بحادث سيــاره ..
من اللي حمــاك وأندعم بدالك ؟؟ مو ســالم ... من اللي ترقد بالمستشفى أسبوع وكسر بريله ... ؟؟ مو ســالم ..!!
من اللي سدد كل ديووون أبوك بعد وفاته وبنى لكم هالبيــت وسجله بأسمكم .. انتوا وأمك .. مو ســالم ..؟!!
من اللي تبرع لك بدمه يومك بحــاجه ضروريه لدم .. وله كان رحت فيهــا مو ســالم ...
من اللي كان واقف معاكم على حياة ابوك بالحلوه والمره .. مو ســـالم ...
من اللي كان يرفض وبقوه انه أبوك يهاوشك وله حتى يضربك ... حتى لو كنت غلطان .. مو ســالم
تبي أكمل ولــه خلاص ..!!؟؟
مشعــل بغصه وصوته الباكي : وااااااااللــه العظيم ماكنت أدري .. واللــه .... أنــا أعتقد انه كــان طمعان فينــا من جذي مستحملنــا ...
بو حمد : بشنو يطمع ماتقول لي ؟؟ بشنو يطمع ... هالخير اللي عايشين انتوا منه كله حلال سالم .. مو أبوك
مشعــل : ألا أبــوي .. هذا حلال ابوي
بو حمد : حلال أبوك أبوك من وينه له حلال علشان يطمع فيه سالم ..؟ ماتقولي ..؟ صج انك منت كفو حشيمه ..
مشعل : نـــــدمت واللـه العظيم ندمت ...
بو حمد : بعد شنو ... بعد ماسدحت الريال بالطواااري .. الله العالم اذا بيعيش وله لا ...

مرت ثــلاث أيـــام على هالســالفــه ..
ومشعـــل متحسف على كل كلمه قالها جرح فيها سالم
ومتمنى لو انه يدى انكسرت قبل لا يمدها على سالم ..
وكل يوم يكون عنده بالمستشفــى ...

وثالث يوم .. فتح عينه سالم .. بس صحته لين اللحيــن مو منتضمه ..
مايسمحله بالكلام واايد علشــان صحته ..
كانوا الكل عنده يبون يتطمونون على صحته

ومشعل كان توه دااااش غرفه سالم وعينه بالارض ماله وي يشوف سالم
بس لازم يعتذر منــه ..
اول مادخل الغرفه كل العيون تركزت عليــه
وسالم طالعه بعينه بدون مايتحرك ... قلبه انقبض لما شافه .. ماوده يشوف مشعل
بعد ماضربــه ..

قرب صوبه مشعل ومسك يده وباسها وهو يقول : ســامحنــي ياعمــي .. أنــا أسف ( نزلت دمعه على يد سالم ) واللــــه أسف ياعمي يعلني ماعشت لهلـ يوم اللي امد يدي فيهــا ..
سالم مارد عليــه أكتفى بأنه ينظر له بس
مشعل كمل أعتذاره : عمــي واللـه أسف.. أنا أدري الغلط راكبني من راسي لـ ساسي .. بس واللــه واللــه راح أتغيــر ... ماراح أكون مشعل اللي تعرفــه راح أرجع مشعــل اللي أنت تحبــه .. ( صوته بلـ يالله بين من الدموع والخنقه ) ويحبــــك
سالم سحب يده من مشعل ..
مشعل تم على نفس الوضعيــه ماتحرك وهو منصدم انه سالم سحب يده منه .. يعني مو راضي عليــه
بس المفاجأه انه يد سالم جات على راس مشعل برفق وحنــان وقال بصعوبه : لا تصيــح يامشــ ـ ـ عـــ ـ ـ ل ماأحب أشوف دموعـ ـ ـ ـ ـك يبـه
مشعل غمض عيونه بندم فضيــع يقطع أحشــاءه
* يااااااااااااااا لله .. شكثر كنت قااااااااااسي على هالريــال .. شكثر كنت اجرحه وأغلط عليــه .. لهدرجه ماكنت اشوف هالطيبه .. لهدرجه كنت عمي ماأشوف ... *
سالم ببتسامه : مشعل يبه .. أقعد أبي أكلمك .. بقولك شغل ..
الا بو حمد يقول : استريح ياسالم مب زين لك الكلام
سالم لف صوب بو حمد وقال : تكفى يامحمد .. ماأقدر اكتم بقلبي أكثر مرده بيعرف .. وداام كلهم هني .. خلهم يدرون
جاسم وخالد طالعوا سالم بأصغــاء ومشعل سحب له كرسي وقعد قريب من سالم
قال سالم بعد ماكح بصعوبه : سمعوا .. أدري انكم بالبدايه كرهتوني لسبب واحد ... وهو اني أخذت أمكم بعد عدتهــا على طوول
جاسم قاطعه : ياعمــي احنــا
قاطعه سالم : خلني يبه أكمل ..
جاسم سكت ..
سالم : زواااجي من أمكم خلاكم تعتقدون .. أني السبب بوفاة أبوكم .. وخاصه اني كنت على خلاف مع مبارك الله يرحمه قبل الحادث بيوم ..

( قال لهم السالفه كلهــا .. بس أنتوا راح تعيشونهــا لحظه بلحظه .. )

رن تلفون ولقى المتصل ( صديق عمره )
مبارك بتنرفز : خير شبغيــت ؟!!
سالم : بروووك ... شووف أدري انك زعلان وواااصل حدك منــي بس أنا متصل أ ... أتأسف .. ماكــان قصدي واللــه هم اللي قالو لي بيسون خوش مقلب وشاركتهم ..
مبارك : بس ياسلووم المقالب مو جذي ... بغيت أطلق المره امس .. كله منكم ومن مقالبكم ..
سالم : شدعوه مو لهدرجه ...
مبارك بتنرفز : لو أنك سامع صوت ابراهيم بالتلفون جان قلت حرررررررمــه مو ريــال
سالم ماات ضحك : هههههههههههههههههههههه
مبارك : أي اضحك شعليك مو أنت اللي ولع البيت عندك أمس ..
سالم : المهم ماعلينــا .. أنا متصل أتأسف ... وأعزمك على مطعم ..
مبارك : اذا ابراهيمووه معاك ماني ياي
سالم :هههههه لا لا تحاتي مو معاي ..هالـ طلعه انا وانت وبس شرايك
مبارك : والله أنك عارف شلون تراضيني ... هههه زين زيــن أمر عليك وله تمر علي ؟
سالم : أفاا بس افااا انت تسوق وانا موجود .. ماتصير ذي ..
مبارك : ههه أنطرك
سالم : دقايق واكون عندك ..

ودقايق ألا سالم عند باب بيت بو جاسم ( مبارك )
نزل وطق الجرس الا مشعل فاتح البــاب وكان صغير حزتها
مشعل بفرحه : عمي سالم ..
سالم : هلا واللـه مشعل شلونك ؟
مشعل : بخير شلونك انت عمي
سالم : تمام ( يغمز له ) شرايك بـ دسكات السوني فله مو ..
مشعل : أتينن ..
سالم : جهزهــا لي ..بطلع مع أبوك شوي وراجع لك .. أوكي مو تنام
مشعل : لا بنطرك ..

الا مبارك جااي ..
سلموا على بعض وطلعــوا ..
وطول طريجهــم ضحك وسوالف وغشمره .. وصار اللي ماكانوا متوقعيــن
ماقدر سالم يسيطر على السيــاره بسبب السرعه القويــه ..
وأنتهت السياره وأحترقت بينما سالم ومبارك طلعوا من السياره من قوة الضربه
ترقدوا الاثنيــن بالمستشفــى كل واحد منهم فيه رضوووض ..
تعــافى سالم قبل مبــارك بشهــر .. بس بعد ماكان يترك رفيج عمره .. كان كله عنده متنقع ..

وفي يوم مبــارك
كان حاس انه يومه قريب قال لســالم اللي كان توه بشبابه طبعا منسدح على الكرسي ويطالع التلفزيــون يحاول يونس مبــارك
مبــارك بتعب : سالم تكفـى .. لا صار فيني شي .. أهلي أمــانه برقبتك ..( يكح بصوت عااالي ) وهيــا .. هيــا تكفى ياسالم .. من بعدي أنت ريلهــا
سالم قام من كرسيه معترض على كلامه وقال : لا تقول جذي .. مرتك لك .. وعيالك بعد لك .. وبتعيش لهم .. وأن شالله بتحضر عرسي بعد..
مبــارك : سالم ... هيــا توهــا صغيره مابيها تترمل وهي بعز شبابهــا .. أبيك تعوضهــا عني .. أبيها تنساني ياسالم .. طلبتك ..
سالم خاف على رفيجه : بروووك .. لا تقول هالكلام ..
مبارك : سالم .. عيالي يحبونك .. وماأبي يجيهم ريل أمه يبهدلهم .. عيالي معااك ضامن سعادتهم ....
سالم عصب من اسلوب مبارك :مبــارك الله يهداك بس ... مافيك الا كل عافيــه لا تدلع عارف حركاتك
مبــارك زاااد بكح وبطريقه خطره عليه
طلع سالم ينادي الدكاتره اللي جو لــه وحاولوا يهدونه ..
وألتقى بهيــا ( أم جاسم اللي كانت جايه تطمن على ريلها مثل كل يوم أخترعت لما شافت سالم مختبص ودخلت لقت ريلها يلفظ انفاسه الاخيره )
وسالم ماسك يد مبــارك .. وهيا تمسح على راسه وهي تيح من الخااااطر

مبــارك وهو يضغط على يد سالم : ســــــالم أهلـــي أمــــانـــه برقبتـــك .. أمـــــانــه
سالم يخفي دموعه بصراخ : مبــارك شقلنــا أحنــا ..
مبــارك يأس من سالم لف على هيــا اللي ميته صيــاح على حبيبهــا : حياتــي ... من بعــدي .. لا ترفضيــن سالم لا تقدم لـــج .. تكفيــن هذي وصيتي
سالم صرخ من كل قلبه بقهر : مبــــــــــارك .. خلاص عــاد ..
هيا حاولت تحظن مبارك لكن الدكــاتره مو معطينها فرصه لدرجه انهم أبعدوهــا عنه
اما سالم اللي للحيــن ماسك يد مبــارك
قال له مبــــارك : لو لي معزه عنــدك .. لا تتخلى عن أهلــي .. أنت ريل هيــا وأبوي عيــالي من بعدي .. طلبتـــ ـ ـ ـ ـ ـ ـ ـك

كانت هذي أخر كلمــات مبــارك
..___ الجزء الثامن عشر ___..

وبعـد ماأنكشفت كل الاوراق .. وكل واحد عرف الســالفــه ..
صفت القلــوب تمــامــا تجــاه ســالم ..وبالاخص قــلــب مشعــل
اللي مافــارق ســالم من بعد هاليــوم .. طول وقته عنده ..
وان راح عنه .. ساعه ساعتيــن 3 بالكثيــر ويرجع لــه .. يحــاول أنــه يتغيــر للأحسن مـع ســالم ..
اللي صحته كل يوم تتحســن ...

.. كلهــا 3 أيــام ورجع ســالم البيــت متعــافي لكنه مايقدر يمشي بدون عكــاز لمده أسبوع ..

عــدت هالايــام بســرعه ...
وجــا اليــوم المنتظــر .. اليــوم اللي بيجتمع فيه يوسف مع حبه الاول والاخيــر
واللي راح تحقق أنتقــامهــا فيه أمــل من خــالد أكثر وأكثــر .. وتجتمع بيوسف اللي تحبــه ..
واليــوم اللي بينمحي فيه أخر أمــل لخــالد انــه حبيبته وبنت خاله .... ممكــن بيوم تكون لــه ...

هاليــوم كــان سعيــد لنــاس كثــار .. بس حزيــن لشخص واحد وأنتوا عارفيــنه ..

....

الصبــح الســاعه 6 .. كانت أمل قايمه اول وحده مو قــادره تنــام ..
خلاص اليــوم أخر يوم لهــا في هالبيــت ..
مستــانســه .. وزعلانه بنفس الوقت ..
مستانسه لانها بتجتمع بيوسف .. وبتنتقم من اللي حطموا قلب أختهــا وبالاخص خالد
وزعلانه لانها بتفــارقهم .. بتفارق كل اللي حبوهــا ..

وفـ البيــت اللي جنبهم .. خالد كان منسدح على سريره وعينه معانقه السقف ..
مــانــام ولا جاله النوم .. سهرااان لحد ماطلعت الشمس ..
خلااااص .. أمل ماراح تكــون لــه ولا راح تكون من نصيبــه ..
قلبه يعتصر من القهــر .. وحب أمل رغم كل اللي سوته .. كل ماله ويزيد ..
مشكلته مايقدر يمنع روحه من حبها .. مايقدر يكرهــا ..
ولا يقدر حتى ينســاهــا ..
ليــش كل هالكره فجــأه جاله منهــا شسوى هو علشــان كل هذا ..؟!!
ماضرهــا ولا أذاهــا بشي ... ليش تستلذ بتعذيبــه ..

بس .. هذي الدنيــا

لو كل واحد حب نصيبه .. مــاكـــان أنجرح قلب .. ولا بكت عيوون من الـحـب وعذابــه

تذكر أخر مره كلمهــا وجها لوجه ..
وشلون كانت تستفزه بفرحه .. وتستلذ بغضبه اللي يخفيــه

غمض عيونه بقهر وقال ( تبي تخطب لي ..!! لهدرجه هنت عليهــا .. لهدرجه كارهتني .... تدري اني أحبهــا وترفضني علشان واحد غريب ..
ليــش كل هذا ... ليش ..؟؟؟؟؟ )

مــر الــوقــت ويات الســاعه 11 الظهــر ..
وأم حمد متفقه مع أم جاسم وأم ريم انهم يجتمعون كلهم في هاليــوم ..
وبالمره البنــات يروحون مع بعض الفندق.... ويتجهزون حق العرس سوى ..

الكــل راح وأجتمعوا هنــاك بستثنــاء خــالد اللي رفض يروح
ورفض يروح حتى العــرس .. مو قــادر يتخيل مجرد تخيــل انه يشوف أمــل بجنب واحد غيره

عند دلال وأمل فوق بغرفتهم ..
كانوا متجهزيــن وكاشخيــن وكل وحده تنافس الثانيــه بالجمــال

تجمعوا الاهل كلهم تحت
وأول ماوصلوا أم ريم وعيالها راحوا سيــده المهــا والعنود والدانه فوق الغرفه عند دلال وأمل
فتحوا البــاب ودشوا الا أمل بخرعه : وووويع جذي يفتحون الباب ...؟!!
المها وهي تضحك : ووووي عدلي أسلوبج شنو ويــع .. لو يسمعج الريل بهل الاسلوب طلقج بالثلاث قبل العرس ..
ضحكوا كلهم
دخلوا سلموا على بعض
المهــا : ووواااااااااااي ياحضج أموووول .. متى يجيني الدور وأتزوج ..
دلال : الفــال لنــا كلنــا أن شالله ... هههههههههه
الدانه بغشمره : لا واللــه .. دلول بتاخذ مشعل .. وأمول خذت يوسفوووه .. ومهوووي بدون تفكير بتاخذ خلووود حبيب القلب .. انا من لي ؟؟
أمل سمعت ( خلووود ) التفتت بسرعه على الدانه لكن محد أنتبه لهــا
المهــا بحالميه : وهو حاس فيني علشــان تقولينهــا بوثوق بياخذنــي .. يلا كل واحد ونصيبه .. ( تطالع دلال ) بس دلول أف كورس مشعل بدون لا لف ولا دوران هههههههههه
دلال ماردت عليها وأكتفت بالضحك ...

وقعدوا يسولفون ويضحكووون وأول ماخلصوا كشخه البنــات
نزلوا الصاله بعد مالبسه كل وحده شيلتها لانه مشعل وجاسم و فهد ( ريل الريم ) وأبو ريم وسالم
تحت ولازم يتحجبون عنهم .. نزلوا وسلموا
وتوزعوا بالصاله اللي أنترست ..
واللي عباره عن صالتين مفتوحين على بعض .. صاله فيها الريايل وصاله فيها البنــات
مشعل من نزلت دلال وهو يطالعهــا ببتسامه عريضه .. وهي تحاول تخفي ابتسامتهــا .. لكنها مو قادره ..
ماتقدر تكاابر .. تقول بتنساه وبتكرهه بس من تشوفه تنسى كل اللي قالته
شكله يدل على انه يحبها صج .. مو لعب .. بس المظاهر خداااعه ساعــات

وأول ماقعدوا وتجمعوا البنــات أبتدت أمل تدور على خالد بعيونهــا ودهــا تشوفه ماتدري ليــش ..؟؟!!
مالقته بينهم .. تقول أكيد راح شوي وبيــرجع ...
أأأكــــيـــد ..!!؟

لكن الوقت راح وجااا وقت الغدى وحطووه ..
وخالد ماجــا ..
أمل لفت على العنود اللي كانت جنبهــا : عنوود ؟؟ خالد وينه ..؟!!
العنود : ماجى مع خالتــي مادري ليش ..
أمل بصدمه : مااجــى ....؟!!!!!!!!!!!!
العنود : لا .. ( شوي الا صوت دلال )
دلال : يلا صبــايــا الغدى جـاهز ..
قامت العنود وكل البنــات وأم جاسم وأم ريم وأم حمد وراح يتغدون
الا أمل اللي قاعده بمكــانهــا منصدمه ( شدعوه مــا جــى ..؟ ما بشوفه يعني ؟؟؟ لهدرجه ماوده يشوفني كلش ...)
قطعت حبل افكارها الريم : يالعرووس تعالي قبل لا يخلص عنج الاكل ..
أمل أبتسمت لها أبتسامه ماتحمل أي شعور وقامت وراهــا

بعد ماخلصــوا غدى وسولفوا شوي .. تجهزوا كلهم علشان يروحون الفندق ع 2 ونص جذي
ووصلت لأمل هداايــا شكثر من رفيجاتهــا اللي مطرشينهــا لها مع السيــاق ومايقدرون يجون هم بنفسهم ..
باقــات ورده جنــان شكلهم .. وكل وحده تقول الزود عندي
حطووهم لها بغرفتها ... وأمل قالت بتفتحهم بعد ماتطلع من الحمام لانها بتسبح
وأول ماطلعت من الحمام كانت حزت طلعتهم جاات خلاص .. بس هي قعدت تفتح الهدايــا لحد ماينادونهــا ويقولون لها خلاص بنطلع

فتحت أول هديه لقتهــا من حبيبتهــا نوف كاتبه لها على بطاقه صغيره
( مــبـــروك ياقلــبــي .. منه المــال ومنج العيــال .... بتوحشيني يالدبه .. أختج .. نوف )

والثانيه من نوره رفيجتهــا ( مبــروووووووووووك ياقلبي ألف ألف ألف مبروك .. الله يوفقج ان شالله ويهنيج .. ولا تحاتيــن جايه عرسج جايته ..)

والثالثه والرابعه و واااايد غيرهم ..
توهــا بتفتح وحده بعد الا العنود فاتحه البــاب : أموول يلا نزلي بنحرك اللحيـن
امل : جهزتوا خلاص ؟؟
العنود : ايوه .. يلا حركي روحج .. لا تأخرينــا ههههههه
أمل وهي تضحك : ان شاللــه . هههههههههههههه

طلعت العنود وقامت أمل لبست عبايتها وشيلتهــا ورجعت قعدت ع السريع تفتح وحده من الهدايــا عن خاطرهـا
وأأأأأأأأأأأأأأأأأأأأأأأأأأأأأأأأأأأأنصـــــــــــ دمت لما لقت باقة الورد هذي من خـــالد ..
( كانت عبــاره عن باقه مزيــج مابيــن الاحمــر والاصفــر ومنسقه تنسيــق حلــو .. وتدل على الحب والغيــره )
قرت المكتــوب بالبطاقه وهي مو مصــدقه عينهــا

قال لهــا (مبـروك .. ويهمني تعرفيــن .. أنــي متمني لج كل الخيــر معــاه .. أخــوج خــالد .. )

رجعت قرت البطاقه مره مرتيــن وثلاث ..
... كلمــات قليله .. بس .. أثرت فيها وايـــد .. معقــوله هالباقه من خالد ..

دخلت عليها أمها
أم حمد : أموول ..!!؟ يمه .. صار لي ساعه أنــاديج .. وانتي قاعده تشوفين الهدايــا لحقه عليهم يمه قومي بسرعه بنتأخر
قامت أمل وفتحت الدرج ع السريع وطلعت دفترهــا ودعست هالبطاقه فيه ع السريع
وطلعت وهي تقول : كاني خلصت .. كان ودي اشوف الهدايــا
أم حمد اللي تمشي جدامها : لاحقه عليهم يمه ..

راحوا كلهم الفندق وخصيصا فوق الغرفه اللي حاجزينها للعروس ..
واول مادخلت لقت الكوافيره و الممكيجه .. قاعديــن ينطرونهــا
وبالغرفه الثانيه اللي جنب غرفه أمل ... في ثنتيــن يمكيجون ويسون الشعر بعد
تمت أمل بروحهــا بهلـ غرفه وبلشووا فيهــا على أقل من مهلهم ..عندهم اليوم كله ..
أم الغرفه الثانيه اللي صارت زحمه ..
كان الوقت قصير وااايد عندهم ..
لانه ما شالله واايد اللي هنــاك
( أم جاسم , أم حمد , أم ريم , دلال , العنود , المها , الريم , الدانه )
فستغلت الفرصه المهــا وخذت الريم وأم جاسم وام ريم معاهــا وراحوا الصالون ..
علشان يخلصون بسرعه .. وبصدفه لقوا أهل المعرس هنــاك بنفس الصالون اللي راحوا له هم

مـــر الوقت ... ورساله خالد مافارقت بال أمل ..
طول الوقت تفكر فيــه .. كم كلمه قالها بالبطاقه لخبطت كيانهــا

جــات حزت العــرس والصاله مشتعله
وخاصه صوت الطق كل ماله ويعلى .. كانوا الفرقه اللي جايبينهــا روعه ..
وكل البنــات قاموا يرقصــون والضحك والونــاسه مسيطر على الجــو ..
لحد ماجــات حزت زفه العروس ..
كانت أمل متوهقه بعمرهــا ترجف من راسها لريلهــا مو مصدقه أنهــا أنحطت بنفس موقف ريم ..
صوت الاغــاني يعلى كل ماقربت صوب الكوشه وكل العيــون عليهــا
هذا غير المصوره اللي تصورهــا وبهدلتهــا بالفلاش اللي كل دقيقه طالع بويهــا ..
ووحده ثانيه جايبينها تصور بالفيديــو ..
تمت على هالحال لحد ماوصلت بأمان للكوشــه .. زين ماأغمى عليهم بنص الطريج ..

عدت ســاعه وأمل ماغير توزع أبتسامات كل ما لفت لصوب لقت وحده تطالعها وتبتسم ..
شوي ألا زفت المعرس هنــي زااااااااااااااادت دقات قلب أمل ..
وهي تشوف يوسف يتقدم بخطوات بطيئه تجاهــا .. وقفت وابتسامه الخجل على شفايفهـا وتحاول تلتهي بأي شي بس ماتشوفه وتسيح من الحيــا
وصل يوسف جنبهــا والابتسامه شاقه ويهــا شق ..
خذت نظره خاطفه سريعه على يوسف وصدت ..
وهي تطالع الشبــاب اللي يضحكون ويرقصون .. ومشعلليــن الجو ..
واخوها حمد ضايع بينهم ..

ومــن بين هالشبــاب كــان خــالد .. أيــوه خــالد الكل حوله كان يرقص بحمااس والضحكه على شفاته
الا خالد واقف وهو مبتسم أبتسامه كانت غامضه بنسبه لأمل مو فاهمه معنــاهــا هل هي فرحه أم حزن ..
أما بالنسبه لكم فأكيد واضحه .. معقوله يفرح في هاليــوم ؟؟!! مستــحيــل

ومشعل وجاسم يبونه يرقص معاهم مــاكو أمــل ....
لحد ماطلعوا الشبــاب
عطى خالد نظره لأمــل خلت الدم بعروقها يتيبس وهو طالــع

مــر وقت العــرس ..
وتزوجوا يوسف وأمل .. راحوا فوق الغرفه اللي حاجزينهــا للعروسيــن ..
دخلــوا وكل واحد بدل ثيــابــه واول ماطلعوا مايمديهم يقعدون مع بعض شوي الا العشــا واصــل
قعدوا تعشوا ومع شوي ضحك وسوالــف وغشمره من يوسف
ودخلــوا ناموا على طووول من التعــب ..
واليــوم التــالي ..

راحوا يوسف وأمل بيتهم ( الا وهو ) بيت بو راشد
لانهم راح يسكنون هني حالهم حال راشد ومرتــه أول مادخلــوا كانوا هيــام ومنــال وأسمــاء بستقبالهم
هيام بفرحه وهي تشيل شنطه أمل عنهــا : هــلا وااااااااااااااللــه تو ما نــور البيـــت ياقلبــي
أمل بخجل : منــور بأهلــه ..
منال وهي تسلم على أمل بالخد : هلا واللـه بمرت أخوي ... الله يعينج عليــه صراحه
يوسف بغشمره : منول شدعوه من أول أبتدينــا تشويه صور هههههههههههههه
أسماء ببتسامه : حياااج .. البيت بيتج ..

أمــا يوسف فقال : عن نفسي أستأذن بروح أكمل أمور تسجيلي بالشركه ورااااجــع بالمره تعوديـن عليهم حياتي ..
أمل أرتبكت لما درت انه يوسف بيروح وبيخليها معاهم .. بنفسها اول مره تقعد معاهم كلهم ..
طلع يوسف بعد ماحط شنطت أمل وشنطته بالصاله
دخلت أمل وحولها البنــات .. طبعا هي ماتعرف تسولف معاهم فستغلت سالفه انها تعرف هيام علشان تسألهــا : ألا هيووم .. خالتي وينهــا ؟ أبي أسلم عليهـا
هيام : تنطرج بالصــالــه ..
راحت أمل الصــاله وألتقت بأم يوسف (( أم راشد )) وباست راسهــا وهي تقول : شلونج خالتــي ..
أم راشد ببتسامه : بخيــر .. شلونج انتي ؟
أمل : أنا زينه الحمداللـه ..
أم راشد : أقعدي يمه ليش واقفه ..
قعدت أمــل .. وبتدت أم راشد تسألها عن اخبــارهــا ..

شوي الا شوق جااايه الصاله ركييييض : وين أــمــي ؟؟!!
أسمــاء : تعالي يمه سلمي على مرت عمــج ..
شوق : انزيـن ... ( جات باست أمل على خدها ورجعت تسأل ) أـمي ويـن ؟
أم راشد : عمج راح بيخلص شغله وراجــع ..
شوق بحزن : ليش ماسلم أـلي ؟!! سلم أـليكم كلكم ألا أونــا ..
أمل أستانست عليهــا قالت لهــا : تعــالي حبيبتـي .. قعدي جنبي ..
شوق راحت قعدت جنب امل
أمل بحنــان : أنتــي شسمــج ..
شوق بخجل الاطفــال وبرائتهم : شوق ..
أمــل : اللــــــــــــه .. حلــو أسمج ... من مسميــج ..؟!!
شوق : مودري ..؟؟
أمــل : يصيــر أخذه ..؟
شوق بسرعه : لااا ..
أمل بتسأل ممزوج بحنانهـا : لــيــش ؟؟ أنــا عاجبنــي اسمج ..
شوق : موبي أعطيج .. تدليــن ( تدريـن ) ليش ..؟
أمل : لـيش ..؟
شوق : لانـه أـمي يحب أسمي واااااايد .. من جذي مابعتيج( بعطيج ) أسمي علشان لا يحبج أنتي أكثل ( اكثر ) منـي اونـا ..
أمل وهي تضحك : ههههههه فديتهــا ( تطالع أسمـاء ) بنتــج ؟
أسمــاء وهي تضحك : ايــوه بنتــي ..
امل : يحليهــا أتيــنن .. ( ترجع تكلم شوق ) كم عمــرج ..
شوق وهي تحرك كتفها بمعني مادري : مووودري .. ( تكلم أمها ) ماما .. كم أ ـملي ( عمري ) أونـا ؟

ماتوا من الضحك على برائتهــا ..

وبين السوالف والضحك دخل راشد ..
راشد : الســلام عليكم
كلهم : وعليكم الســلام
أسمــاء : شفيك راجع مبجر اليــوم .. ؟؟
راشد : اخوي ومرته بيجون اليوم البيــت وماأستقبلهم مايصيــر ..
أم راشد : أخوك ومرته وصلوا من زمــان .. هههههه
راشد دخل وهو يضحك : المهم أنــي وصلت .. وله شرايج يامرت أخوي ؟؟
أمل أبتسمت بخجــل بدون ماترد ..
راشد وهو يقعد جنب أمه : هــاا .. كملوا سوالفكم شكنتوا تقولون ؟؟

كبدايــه تعارف بين أمل وأهل يوسف كــانت جيده جدا .. وتبشــر بخيــر ..
بس ماتــدري شمخبيــه لهــا الايــام بهذا البيــت ..

..___ بعـد مرور شهـر___..

الظهــر .. أسمــاء وأم راشد بالمطبخ .. ومعاهم منــال
يسون الغــدى ..
أم راشد بغضب : منووووول .. أنا قلت لج يبي الملــح مو السكــر .. حركي روحج ... شكلنا مابنتغدى الا العصــر
منال وهي تدور بالمطبخ : يمــا مااادري وين حاطته انتي الملــح ... كــانــي كــانــي لقيتــه هــاج ..( تعطي امهــا الملــح )
أم راشد تكلم أسمــاء : خلصتي يابنتي السلطه ؟؟!
أسمــاء : لا يمه.. قاطعه أقطع البصــل ...
أم راشد بغضب : شفيكم تشتغلون شوي شوي .. اللحيـن بيجون العيــال يبون أكل .. وأنتوا سنه ليـن تخلصـون ( جات على بالها أمل ) منوول .. مرت أخوج هذي وينهــا ؟؟ مندعسه بدارهــا تنطر الغدى يزهب علشان ترعى وتاكل ... شنو خدم أبوهــا أحنــا روحي ناديهـا .. واايد دلعنــاهــا ترى ..
خل تجي تشوف لها صرفه هنــي
حطت اللي بيدها منال وطلعت من المطبخ وهي تتحلطم .. نفخت راسها امهـا بالصراخ
راحت غرفه يوسف و أمل وطقت البــاب فتحت لهــا امل اللي كانت تنظف الغرفه
منال : أموول أمي تقول لج نزل ساعدينــا بالمطبخ ..
أمل : زيــن اللحيـن بنزل بس اخلص الغرفه ..
منــال بهمس : ترى واااصــل حدهــا .. خلصي بسرعه ..
أمل رفعت واحد من حواجبهــا بلا مبــالاه وقالت : لما أخلص أنزل اساعدكم ..
منال : اوكي ..
راحت عنهــا وسكر أمل البــاب بغضب ..
طلعت روحهــا أم راشد كل يوم طالعه لهــا بشغلــه ..
كملت تنظيف الغرفه بعد ماشغلت المسجل وحطت على أغنيــه اليسا ..
* ليه ؟ أسمع كلام
وأحلم معاه
وأتشد لي

aomroena • 13 سنة

فجأة الغرام يطلع كلام عشمني بيه
ومين عارف أكيد قابل غرام تاني ومن تاني أوام حبيت
وليه؟
أرضى بعزاب ئلبي الي داب من عشئي لي
.أيام جميلة في عمرنا وهانت عليه
حرام ينسى الي كان بينا وينساني ،
وأنا بس بفكر فيه
بستناك
وبتمنى أعيش العمر كلو حبيب معاك ............. ألـخ *

قعدت تدندن على ألحــان الاغنيــه .. و تمايل معــاهــا وهي تنظف الغرفه بينمــا تحت
اشتعلت أم راشد وقالت : شنو تنظف غرفتها بعديـن تنزل .. خل تهد اللي بيدهــا وتنزل أحسن لهــا ....
وله والله لا اروح لها أنــا
أسماء : يمه خلاص هدي اعصابج ليش معصبه جذي .. البنت قالت بتنزل ..
ام راشد حطت اللي بيده وراحت فوق غرفه يوسف وأمل وفتحت البــاب بكل قوتهــا وهي تقول : بدل هالرقص اللي ترقصينه هنــي نزلي ساعدينــا محنــا خدم أبوج .. مخليتنــا نطبخ لج ..
أمل ألتفتت عليهــا وقالت بصدمه : خالتي الحيـن ليش هالكلام .. قلت لج بنزل اللحيــن خلاص بنزل ...
أم راشد بغضب : لا تعلين صوتج علي وجدامي يلا المطبخ
أمل فتحت عينها على كبرهــا ( شتبي ذي ) : متى عليت صوتي .. اخلص تنظيف الغرفه وأنزل ..
أم راشد : لا تقعديــن تقلين ادبج علي .. بتنزلين بالطيب وله انزلج بالغصب ..؟؟؟
أمل ( متسببه ذي ؟؟؟ ) : يــه خالتــي .. شفيج الله يهداج مفوره علي شسوي اللحيــن ؟
أم راشد : أملووه نزلي دام النفس عليج طيبه ..
أمل بقهــر : زيــــــن .. خلاص بنزل .. أأأأأف ..
طلعت من الغرفه ونزلت المطبخ قبل ام راشد وألتقت بأسماء ومنال بالمطبخ
أسماء راحت صوب أمل وقالت : أستحمليهــا حبيبتي هي شوي دمهــا حــار وبسرعه تعصب بس والله طيبه
أمل بغضب : دمهــا حـــار بس مو علي ..
منال تأشر لهم انه امها جات
راحت أمل فتحت الماي وقعدت تغسل الصحون
دخلت أم راشد المطبخ وهي تتحلطم : واللـه أحنا نتعب ونكرف وناس ترتاح فوق بداارها مادري خدم عندها أحنــا وله يوسف جايبها لنــا علشان نخدمهــا ..
أسماء اللي كانت واقفه جنب امل بس هي تقطع البصل والخضرى .. وأمل تغسل الصحون قالت بهمس : استحمليهـا عشاني
أمل قعدت تغسل ودموعهـا تنزل على خدها وتمسحهم .. بسرعه
أم راشد شالت الجدور اللي مو محتاجينها من فوق الفرن وحذفتهم بالمغسله علشان تغسلهم أمل ..
بس الطريقه اللي حذفتهم فيها أم راشد كانت قويه حيل وطشرت الماااي على وي أمل ...
أمل صرخت : شفيـــــــــج أنتي ..؟
أم راشد بغضب : فيني اللي فيج .. أهووو غسلي بس وانتي ساكته .. هذا اللي ناقص أخر عمري تجيني ياهل تعلي صوتها علي

كمل الشغل بالمطبخ ورجعوا بو راشد وراشد ويوسف من الشغــل .. وهيام رجعت من المدرسه وراحت تبدل ثيابها سيده علشان تنزل تتغدى وتنــام
وأمل ومنال واسماء وام راشد للحيـن بالمطبخ
يوسف بدل ثيابه ونزل المطبخ دخل وهو يشم ريحته الاكل : يه يه يه ... لا لا .. شكلنـا اليوم بنتغدى خوش غدى ..
( باس راس امه وهو يقول ) هاا شطابخه لنــا اليــوم ؟؟
أم راشد من دون نفس : مجبوس لحم ...
يوسف : وأنــا اقول شنهي هالريحه الحلوه اثاريها مجبوس ..
الا صوت امل قطع كلامهم وهي تنثر قطرات الماي اللي بيدها بالمغسله : خلــصت ..
وطلعت من المطبخ ركض على غرفتهــا ..
يوسف بتسأل : شفيهــا ..
أم راشد : مافيها الا كل خيــر .. روح أقعد بالصاله بحط الغدى اللحيــن ( تكلم منال وأسماء ) يلا يمه حطوا الغدى ..

حطوا الغدى وقعدوا كلهم ..
ويوسف قاعد ينطر أمل تنزل بس مانزلـت ..
يوسف بتسأل : أمل وينهــا ؟؟!!!!
أم راشد وهي تاكل : تلقاها مندعسه بغرفتهــا ...
منال طالعت يوسف بنظرات فهم منها يوسف انه امه مهاوشه امل
قام وراح لها
فتح الغرفه لقى أمل متكوره على روحها فوق السرير ودافنه ويها بين ريولهــا وتصيــح
سكر البــاب وراه وقعد جنبهــا وهو يقول بهمس : حيــاتــي شفيــج ..
أمل وهي مازالت على نفس وضعيتها بصوت مخنوق : مافيني شي ...
يوسف : الا فيج شي .. ( يرفع ويهــا ) أفــااا .. ليش هالدموع ذي كلهــا ؟؟ تدرين أني ماأحب اشوف دموعج ..( مسح دموعهـا بصبعه وهو مازال ماسك ويهــا ) شفيج ياقلــبي .. حد مضايقج ؟ حد مزعلج بشي
أمل بقهر وهي تصيح : يوسف أمك شفيها علي .. ماسويت لها شي علشان تكرهني جذي .... كل شوي مهاوشتني وله مهزئتني
يوسف ببتسامه : اللحين زعلتي علشان امي هاوشتج .. يمكن غيرانه منج ليش انج خذيتي منها ولدهــا
أمل بنفس القهر : بس مو جذي ... تبي ولدها خل تاخذه حلال عليهــا .. مابي منها شي خل تخليني بحالي
يوسف وهو حاط عينه بعينها : تاخذ ولدهـا ؟ يعني ماتبينــي ..؟؟ أفــااا .. خلاص عرفت قدري اللحيـن ..
أمل بعصبيه : يوسف مو وقت تدلع .. أنا من جذي منبطه جبدي وانت تتدلع ...
يوسف بضحكه خفيفه : زين خلاص ياقلبي لا تعصبين .. تدللي شتبيني اسوي ؟؟!!أضربهــا ؟ أذبحها ؟؟
أمل بتنرفز : أووووووووه يوسف لا تقعد تستعبط علي واللـه مـ ـ ـ ـ ـ ق ـهوره ( وغرقت بنوبه من البكاء وهي تخفي ويها بيدها )
يوسف قربها لصدره وحظنهــا وهو يطبطب عليهــا : لااا .. أمولــه خلاص عاد .. ماعليج منهــا يمكن غيرانه منج لا أكثر ولا أقل
أمل : ماعندهــا سالفه صراحه .. كاهو راشد تزوج ماسوت بأسماء مثل ماتسوي فيني
يوسف : راشد غير وانا غير .. أنا المدلل ..
قعدت تصيح أمل ويوسف يهديهــا ولما هدت كليــا رفعت راسها عن صدرته ومسحت دموعهــا
يوسف وهو يكمل مسح دموعــها عنهــا : يلا أشــوف أبتســامه ؟؟ يلا .. ترى ازعــل ..
أمل أبتسمت ..
يوسف: أيـــوووووووه .. جذي ابيج .... وماعليج منهـا اللحيـن أنزل واتفاهم معاهــا .. ماأرضه انه أي أحد يزعل أمولتــي ..
قام وهو متجه صوب باب الغرفه
يوسف : يلا تعالي خلـ ننزل نتغدى .. مابنزل بروحي
قامت أمل وقالت : أنزل جذي .. بريحتي هذي .. ثيابي كلها ريحه طبــاخ فشله ..
يوسف وهو يتسند على الباب ويتكتف : اوكي بدلي ثيابج .. وله تدريـن شلون دخلي سبحــي وكشخي وتعدلي بنطلع نتغدى برى شرايج ؟
أمل ببتسامه : حلــو ..
يوسف بخبث : حلو بس ؟؟؟؟
أمل : تسلميلي ...
يوسف يطالع السقف : زيــن أشـ هديتــي ؟؟!!!
أمل ببتــسامه : غمض عيـونك ولا تفتحهــا الا لما اقولك بأمــــــــاااااانــه
يوسف وهو يضحك غمض عيونه : هــااا كاني غمضتهــا ..
أمل : صبر شوي ..

يوسف وهو مغمض عينه يسمع حركه بالغرفه .. وأخر شي سمع صوت أمل تقول له : افتح عينك
فتح عينه لقاها داشه بالحمــام ومطرشته بوسه بالهوى : باااي ..
دخلت وسكرت البــاب عليهــا
يوسف وهو يضحك : أموووووووت فيهـا هالبنــت ..

بيـت بو حمد
العصــر

..كـانــوا كل واحد بغرفته يجهــز لسفــر لانهم كــانوا ناويـن يسافرون الامـارات اسبوع ويردون ..
وبـاجر راح يروحون ..
جهـزت دلال شنطتهــا وشنطــت حمد ... وأول ماخلصت نزلت الصاله بسرعه وهي مستانسه
دلال : يمه ... يمــــــــه .. يمــــــــــــــه ..
أم حمد اللي قاعده بالصاله تشرب شاي من بعد الغدى : هــاا يمــه .. كاني بالصـالــه ..
دلال جات وقعدت جنب أمه : يمه أبي أتصل على أموول ..
أم حمد تأشر على التلفون : كاهو التلفون جدامج تستأذنين بعد علشان تتصلين على أختج ..
دلال : لا مو جذي قصدي .. انا أقصد ابي اتصل لها ع الجوال .. ماأبي اتصل ع البيــت وترد علي أم راشد ..
أم حمد : أأي .. فهمت .... روحي أخذي جوالي بتلاقينه فوق التلفزيون بدااري .. بس لا تطوليــن تخلصين رصيدي .. وبالمره عطيني أكلمهـا أشتقت لها والله
دلال قامت وهي رايحه فوق : أن شاللــه يمه ..

دخلت غرفه امهــا شوي شوي لانه أبوهــا كان نــايم ماتبي تزعجه .. خذت التلفون وطلعت بالممر وأتصلت على جوال أمل
امــل ردت على طول بفرحه : أألـــوووو يمــه ...
دلال : أنا دلال مو أمي هههههههههه
أمل : دلول يادبه أشتقت لج .. ههههههه شلونج ..؟
دلال : أنا بخيــر ... شلونج انتي .. وشلون حبيب القلب ..
أمل تتنهد : آآه الحمداللـــه ... لحد الحيــن ( تساسرها علشان لا يسمعها يوسف ) .. بس أمه مرويتني الويــل ..
دلال : وووي .. صراحه انا ماحبيتها من اول ماشفتهـا الله يعينج عليهـا .. بس سمعي لا سوت لج شي لا تتردديــن تتصلين لنـا ..
أمل : لحد اللحيـن بس تسب وتهاوش .. لا مصختهـا بوقفها عند حدهــا .. شكلها ماعرفتنــي عدل ..
دلال: ايوه هذي أمول اللي اعرفهـا ههههههه ( بتسأل ) انتي وين اللحيـن ..؟ أسمع صوت سيــاير حولج ..
أمل : طالعيــن أنا ويوسف .. تغدينــا برى واللحيـن بيمشينــي ..
دلال بحالميــه : ووووااااااي أمووول قولي أأميــن ..
أمل : آآميـــن ..؟؟ ليش
دلال : يكون مشعل صااادق بحبه لي ويخطبنــي عما قريب
أمل : فال الله ولا فالج .. انتي ماتيوزيــن
دلال : والله أمول شكله يحبنــي ..
أمل : حبج برص انتي ويااه ..
دلال : المهم المهم .. امي تبي تكلمج نطري شوي أودي لها الجوال ..
أمل : أوكــي ...

نزلت دلال الصاله وعطت أمهــا التلفون
وقعدت جنبهـا

أم حمد : أول يمه .. أمل شلونج ياقلبي شخبارج ؟ مرتاحه عند ريلج .. محد مضايقج
أمل وهي تضحك : بل بل يمه وحده وحده علي وين اجاوب على كل هالاسئله .. هههه .. شخبارج انتي
أم حمد : أنا بخير يمه هههه شخبارج انتي
أمل : عال العــال .. ( تسوي روحها زعلانه ) يمه ..
أم حمد : عيونهـا
أمل : تسلم لي عيونج .. بتسافرون بااجر وتخلونــي ؟؟ ماأكسر الخاطر انــا ..
أم حمد : ووي يمه لو بيدي خليتج تجين معانـا .. بس ريلج عند شغل مايقدر يهد اللي بيده ويسافر ..
أمل تعلي صوتها شوي علشان يسمعها يوسف : لا بيهد اللي بيده ويسافر .. مع على كيفه ..
يوسف مارد وأبتسم بس ..
أم حمد : ههههههههه ياحليلج يابنتي .. أشتقت لحسج بالبيــت ...
أمل : اذا تبيني اجيج اللحيـن أجيج ..
أم حمد : حيــاج يمه البيت بيتج ..

وقعدوا يسولفون شوي وسكرت من عندهـا
يوسف وهو يوقف عند مطعم : يلا نزلي ياقلبي ...
أمل : يوسف .. ليش مانسافر مع أهلي ..... أنا بشهر العسل ماسافرت وقلبته علي أمك بصل ..
يوسف : تدريـن أنه شغلي مايسمح لي أسافر .. ألا بأوقات محدده ..
أمل : زين انت ولد صاحب الشركه .. خل ابوك يعطيك أجازه .. يه ..
يوسف : أنا من زمــان كنت معارض فكره اني اشتغل عند أبوي علشان سالفه الواسطه ذي .. أبي اشتغل حالي حال غيري من الموظفيــن ..
أمل وهي تتكفت : أأف .. والله قهــر .. بيروحون الامــارات وأنــا لا ....
يوسف : لا عطوني اجازه لج مني أفر فيج دول الخليج ونرجع .. واذا تبين الولايات المتحده بعد ..
أمل بستهزاء : هيهيهيهييههيههييهيهيهيهيه صدقتك ..؟ بتقول لك أمك أقعد بتقعد ...
يوسف رفع واحد من حواجبه بستنكاار : شقصــدج ؟؟
أمل ( ووي أنا شقلت ) : هــااا .. لا .. بس .. أنــا .. أنـا ..
يوسف لما شافها أرتبكت وقامت تلخبط بالكلام قال : نزلي .. نزلي بس ..
أمل تفشلت ونزلت وهي ساكته ..

( ياربي أنا شقلت .. أكيد بيقول قصدهــا اني سكاان أمي .. واااااي ياربي شلون قلتهــا اكــيـــد عصب .... )

قطع كلامها صوت يوسف اللي واقف جنبهــا : بطولين وانتي واقفه هني ..
أمل : هــااا ..؟
يوسف ( شفيها .. مو على بعضها كلش ؟؟ ) : أمشي يلا خل ندخل ...

مشت أمل جنب يوسف ودخلوا المطعم وهي منحرجه ع الاخــر

..___ الجزء التاسع عشر ___..

رجعوا يوسف وأمل البيــت بعد ماطلعوا من المطعم .. ويوسف نفسيه كلش ... واصله معــاه
دخل وراح سيده الغرفه يبدل ..
أما أمل وقفتها منال
منال : تعالي أمووووول .. برويج شغله .... شريتها لج اول امس ونسيت اعطيج اياهــا ..
أمل اللي قلبها مع يوسف تبي تروح تراضيه بس منال مامعطتها فرصه : اوكي اللحيـن بجي بروح حق يوسف شوي ..
منال وهي تمسكها من يدها وتسحبها : لاحقه على حبج .. امشي ....

ودتهــا غرفتهــا دخلتها وسكرت البــاب ..

فتحت كبتهــا وطلعت كيس كبير .. وحطته ع السرير
وقالت وهي تدور بالكيس عن شي ..: أمممم .. وينه ..( تطالع امل بنظره سريع وترجع تطالع الكيس ) قعدي ليش وااقفه
أمل بقلبها ( أبي اروح حق يوسف لا يزعل علي من صجه .. ومنول موقفتنــي ... لو يطلع شي سخيف صج صج ماعندها سالفه )
قعدت امل على طرف السرير
الا منال مطلع بجــامه نوم عباره عن بنطلون وقميص بلون الوردي على القميص بالنص خروف شكله كيوت لونه ابيض ..
أما البنطلون فيه خرفاان نفس نوع الخروف اللي ع القميص .. بس صغاار ومنثرين على كل البنطلون
ومدته لأمل : هــااااج .. شرايج ؟؟!!!
أمل بفرحه وهي تاخذ البجااامه : يااااااااااااااااي حلــو.. ( تحظن منال ) مشكوووووره فديتج ...
منال : ماله داعي لشكر .. أصلا انا شريت منها لي ولج وحق هيووم .. علشان نطقم في يوم ..
امل وهي تبتعد عنها شوي علشان تشوف البجامه قالت بقلبها ( مع انه امهم قشره ونحيسه بس عيالها قمه بالطيبه )
دخلت عليهم هيام : امووول ...
أمل ألتفتت على هيام : هــلا ..
هيام : شمسويه حق يوسف.. متكدر وحالته لله ..
أمل قامت وقفت : وووي نسيته .. ( حطت البجامه وطلعت من الغرفه )
منال بتسأل : شفيه يوسف ..؟
هيام : مادري رحت له أبي أكلمه بشغله صرخ علي وقال لي مو متفيق لج ... غريبه .. شكله متهاوش مع أمل ..
منال : وانا اقول شفيه دش سيده غرفته بدون لا يسلم ولا غيره حتى ماأخذ امل معااه ..؟!! الله يستر بس ..

بغرفه يوسف وأمل

دخلت عليه أمل لقته قاعد على الكرسي اللي بالغرفه ويقرى جريده ..
سكرت البــاب وقربت صوبه بخطوات بطيئه : يوسف ..
يوسف بدون مايطالعها : همم ..؟
أمل بتسأل كله غباء : أنت زعلان ؟ .... علي ..؟
يوسف وهو يسكر الجريده ويحطها على الطاوله اللي جدامه : لا مو زعلان .. وليش ازعل أصلا .. كل اللي قلتيه اني سكــان امي ..
بس هذا .. فيها شي يزعل ؟؟( يهز راسه ) ماأظن ..
امل : انا ماقلت انك سكان امك ..؟!!
يوسف ببتسامه كلها سخريه : لا واللـه ..؟؟ ( يعيد عليها كلامها ) .. لو قالت لك أمك اقعد بتقعد .. شمعناتها ذي الجمله ؟
أمل : أنك تسمع كلام أمك .. وماتعصي كلامهــا ...؟
يوسف ( تستهبل ذي وله شكلها جذي ؟؟ ) : واللــه ..؟؟
أمل قعدت جنبه على الكرسي القريب منه ومسكت يده وهي تقول : اسفه يوسف .. ماكنت أقصد شي بكلامي ... كنت معصبه و زليت بلســانــي ..
يوسف طالعها بنظرات ما فاهمت معناها
امل تهوس على يده : فديتك يوسف .. أأأسفه والله اااسفه ... لا تطالعنــي جذي عااد ..
يوسف : وأسفه ذي وين أصرفهــا ؟؟
امل بدلع : يلا عاد لا تقعد تتغــلــى علي .. ( ببتسامه خجل ) ماأقدر على زعلك ...
يوسف بغى يغمى عليه .. بس مازال مسوي روحه معصب : أفكــر ...
أمل قامت وقالت : شوف .. انا تأسفت .. اذا طلعت من هلـ غرفه وأنت للحيـن تتغلى .... أنســى اني اراضيك مره ثانيه ولا اكلمك حتى ..
يوسف مسكها من يدها وخلاها تقعد مره ثاني : رضيـــنــا خلاص ... بس لو عدتيها ثاني مره ... لا تلومين الا نفسج ..
امل بدلع : تهدد ؟؟
يوسف يسوي روحه يفكر : أعتبريها تهديد .. تنبيه .. أأأنذااار المهم انــها اخر مره تتكرر فيها هالجمله مفهووم ؟؟
أمل : مفهووم ياقلبي ..
يوسف : ياااااانــاس بيصير فيني شي اليوم من هالكلام الحلــو .. اللي مايطلع الا اذا زعلت ..
خلاص عيل .. بزعل كل يوم علشان اسمع هالكلام ..
أمل : ماتقدر أصلا .. حدك ( تأشر بصبعها ) دقيقه .. وترضى بعدهــا ..
يوسف يغمز لها : يااااوااااااثق ,,,,,

اليــوم التــالي ..

كــانوا الكــل متجهزيــن لروحت المطــار من الظهــر علشــان لا تطوفهم الطيــاره
وعلى فكره اللي بيسافرون هم ( أهل أم جاسم , وأهل بو حمد , وأهل أم ريم (( بستثنـاء ريم لانهـا متزوجه وقاعده عند ريلها )) )
امــا خـالد .. فبـعــد أصرار قوي منه .. رضت ام جاسم انه مايجي معاهم .. لانه كان رافض يطلع من الدوحه
يقول ماله خلق شي ..

أول ماحطت الطيــاره في الامــارت الشقيقــه ..
نزلوا .. كلهم مستــانسيــن ..
وسيــده ع الفنــدق يحطون شنطهم وأغراضهم وبعد مايرتاحون شوي
يبتدون هيــااااتــه ..

حجــزوا لهم جناحيـن
جناح لشبــاب ( جـاسم , سالم , بو حمد , مشعل , بو ريم)
وجناح للبنــات ( أم جاسم , أم حمد , أم ريم , دلال , العنود , دانه , المهـا + خدامه أم حمد )

أمـا حمد على حسب مزااجه يرقد عند البنات وله الشبــاب
الوضع عادي عنده ..

اول ما حطوا اغراضهم ورتبوهــا
طلعـوا هجووم ع الاســواق يتشروون ..
اول ماوصلـوا السوق ..
نزلوا الشباب ودشوا أول وبعدها نزلوا البنات ورااهم ..
ومــاخلــوا شي ألا وشرووه ..

من ملابس وأكسسورات وعطورااات ..
اما الشبــاب شروا لهم عطور وملابس .. ومشعل اخذ له كابــات شكثر له وحق خالد
وسط هالدواره قعدوا يتأملون المجمعـات والاســواق التجاريه الراااااائــ ع ــه

وكل شي تطيح عيونهم عليه .. وبعد هالتعــب من هاليــوم الطويل شروا لهم اكل وهم راديــن الفندق
وتجمعوا بجنــاح البنــات ..
كـانوا طالبيــن من هارديز .. وأشكالهم من الجوع جنهم في سباق من يخلص أول ..
خلصــت دلال وقامت وهي تقول : الحمــداللـه ..
أم جاسم : ووي يمه .. على وين ماكلتي شي ..
دلال : لا عمتي بسي شبعت ..
بو حمد : خليها ياهيــا تدلع ماعليج منهــا ...
أم حمد : تبين أغطي سندويجج واحطه لج بالثلاجه اذا تبين تاكلينه بعديــن ؟؟
دلال ببتسامه : لا يمه شدعوه .. خلاص بسي شبعت .. وأصلا بروح انــام بعديــن ..
العنود : أحلااااا ... على اللي يبون ينامون خفاف هههههه
دلال طالعتها بنظرات وراحت عنها المطبخ .. كانت عيزانه تروح الحمــام فختصرت الطريق وسيده المطبخ عشــان تغسل يدهـا

بالصاله اول ماقامت دلال الا مشعل : الحمداللـه ..
أم جاسم : هووو ..؟ يمه مشعل ؟؟ كليت انت الحيـن ؟؟
مشعل وهو يوقف : مسوي رجيم قاسي الله يسلمج هههههه
ضحكوا كلهم
سالم : يعني هذا أكل ولدج .. ماتعرفيــنه ..
مشعل : كاهو عمي قال لج .. هذا أكلي بعد شسوي ... ههههه

عطاهم ظهره وهو متجه للمطبخ ..الا أم جاسم : يمه الحمام ( الله يعزكم ) من ذاك الصوب مب من هني
مشعل توهق قال : لا .. بروح اخذ لي عصيــر
أم جاسم : أاهـاا .. روح يمه روح

بالمطبخ دلال كانت تنثر قطرااات المــاي اللي بيدهــا
وسحبت لها كم حبت فاين ومسحت يدها أستدارت بتطلع الا مشعــل : الســلام على أحلا بنت بالوجود ..
دلال أخترعت : مـ ـ ـ ـشـ ـ ـ ـعـ ـ ـ ـ ل ؟؟
مشعل وهو يوقف جنبها علشان يغسل يده : أأأي مشعل .. خرعتج ؟؟؟
دلال تبتعد عنه ماتبي توقف قريبه منه : شعندك جااي تغسل يدك هنـي ؟؟ ليش مارحت الحمــام ..
مشعل سحب له فاين ومسح يده : أنا جيت هني علشان اشوفج واكلمج .. طول الوقت مع البنات وامج وامي .... مو معطيني فرصه أتكلم معاج ..
دلال جااا في بالها كلام أمل ...( مايحبج ..؟ ماااتفهميــن ..)
طالعته بنظرات قهــر والود ودها تصيـح بس متمالكه روحها لأخر درجه ..
مشعل بستغراب : شفيج تطالعيني جذي ..؟؟!!!!! ( بصوت هادي ) .. ماعلينــا ... حياتي شلونهـا ؟؟
دلال أستجمعت قواها وقالت بصوت وااطي بس كله حزم : مانــي حياات حد ..؟ ورجاءا كلمني بأحترام ..
مشعل قرب صوبها شوي وهو حاط يده بمخباه : يتغلى الحلو ؟؟
دلال بغضب : مشعــل ... ماله داااعي تكمل هالتمثيليــه .. انا عارفه انك مستغل فرصه اني أحبـك و قاعد تتسلى بمشاعري ..
( غرقت عيونها بالدموع بس بدون ماتنزل دمعه ) حرااام عليــك
مشعل بصدمه : أنــا ؟؟؟
دلال بغضب أكبر من اللي قبله بس مو بصرااخ : أأي انت .. مااني لعب بيدك ..تتسلى فيها ولما تمل منها تبدلهـا أنا حبيتك وماكنت أبي منك شي
الا انك تبادلني هالحب ..( بخنقه ) تروح تلعب علي ..
مشعل بستـغراب سيطر على ملامحه : شقاعده تقولين انتي ... متى لعبت عليج يادلال ...أنــاااا ....
دلال على صوتها شوي بس هم مو بصراخ : أنت شنــو ... أنت ماعندك لا أحترام ولا أدب ولا أخلااااق .. خســاره والله أني حبيتك ..
نزلت دموعهــا على خدها مسحتهم وطلعت من المطبخ سيده على غرفتها
وخلته بحالته ذهوول وصدمه

دخلت غرفتهـا شوي الا العنود داااشه عليهم
تبي تناام .. سمعت صوت أنينهــا وهي متغطيه كلها بللحــاف ..
جات بسرعه صوبها وقعدت على السرير جات بالتشيل اللحاف عن ويها بس دلال مسكته بكل قوتها : خليني بروحي ..
العنود وقف قلبها لما سمعت صوت دلال الباكي سحبت اللحاف بكل قوتها الا تشوفها
وشافت ويها غرقان بالدموع وصاير حمر
العنود بخوف : دلول شفيج ..؟؟
دلال وهي تخش ويها بيدها : مافيني شي
العنود : الا فيج بتقولين .. وله أنادي خالتي ..
دلال بغضب : مافيني شي شفيييج .. أبي انام خليني
العنود وهي تمسك يد دلال وتوخرها عن ويها : شوفي ويهج شلون صاير من الصياح وكل هذا مافيني شي ..
دلال قامت حظنت العنــود بقوه وقعدت تصيح
العاده تطيح بحظن أمل وتبجي .. بس أمل اللحيـن بعيده عنهــا
ماعندها من تشكي له ..
العنود وهي تحظن رفيجتها وبنت خالتها وأغلى الناس لها : حبيبتي شفيج ..
دلال : أحبــه .. وهو يلعب علي ..
العنود عرفت على طول انه مشعل : يلعب عليج ؟؟؟؟
دلال : أمول قالت لي ... سمعته وهو يتكلم عني ويقول انه مايحبني
العنود : بس تصرفاته كلها تبين العكس ؟؟ شلون يلعب عليج وانتي وحده من أهله .. ولا بعد بنت خاله اللي دووم معاه ..
دلال : مادري .. سأليه ..( أبتعدت عنها )..
العنود : يمكن سؤ تفاهم .. يمكن امل سمعته بالغلط .. ليش حكمتوا على طول انه يلعب .
دلال وهي تمسح دموعها : امول سمعته وهو يتكلم علي مرتيــن ..

اليــوم التــالي ..
بالدوحه ..

كانت أمل نــايمه .. غرقاااانه بالنوم
ماوعت الا بـ بــاب الغرفه ينطق شوي ويكسرووونه
فتحت عينها بتعب الا أم راشد دااااشه ..: هييييه انتي الـ ساعه 11 ونص ... لين متى بتمين نــايمه .. يلا قومي بسج نوم
امل بتعب : أن شالله خالتي اللحيـن بقوم .. تعبانه شوي
ام راشد : مافيج الا كل خيــر .. يلا قومي
أمل وهي مغمضه عيونها (( آآآآف ))..
أم راشد بصرااخ : قووومي ماتسمعيــن ؟؟ ( راحت صوب المكيف ) انا بعرف شلون اقومج ..

طفت المكيف .. وشغلت الليــتــات ... وراحت صوبها وسحبت للحاف : يلا قومــي ... لج 5 دقايق واشوفج بالصاله
أمل قامت قعدت وهي معصبه : خالتي شفيج .. صبح وليل صراااخ .... 24 ساعه تبيني أشتغل .. يوسف جايبني مرته وله خدامه لج
أم راشد بغضب : لا تطوليـن لسانج .. لا أقصه لج ..
أمل بغضب : ماعاااش اللي يقص لســان ... أنا أحترمتج وااايد .. لانج كبر يدتي .. بس أشوفج تعودتي كل يوم تصارخين علي ... صدعتيني تراج
أم راشد فتحت عينها على كبرها : كبر يدتج .. يللي ماتستحيـن .... ( راحت صوبها ومسكتها من ثيابها وهي تقول ) قووومي بالزين لا أربيج
أمل قامت وقفت وقالت بغضب : أووووووووه .. مو عيشه هذي ..

دخلت عليها هيام : شصـاير شهلـ صراخ
أم راشد : تعالي شوفي مرت اخوج اللي ماتحترم لا كبير ولا صغيــر ... أمحق تربيه ربوج اياها أهلج مثل ويهج
امل : عن الغلط خالتي ..
قاطعتها : لا غلط ولا بطيخ ... يلا ذلفي غسلي ويهج ونزلي تحت بتنظفين معاي الحوش الحيـن
أمل وهي متخصره : واللــه ؟؟ واللي يقولج ماني منظفه الحوش .. بشوف شبتسويــن
أم راشد توها بتروح تسنعها بكم طراق الا هيام مسكتها : خلاص يمه .. اللحيـن بتنزل تنظف الحوش معاج وانا بساعدكم
أم راشد : لج 5 دقايق وتنزلين وله صدقيني امج دااعيه عليج لا أدفنج هني يامسودت الوي

وطلعت وخلت امل تحترق بنار غضبها
جات صوبها هيام ومسكتها وهي تحاول تهديها : خلاص أموله فديتج .. أستحمليها .. كسبيها بالطيب ..
أمل بصراخ وصوتها راح من كثر ماتصارخ : تعــبااااااانه واللـه تعبـانه شفيكم انتوا ؟؟ ... وهالمره هذي ماتفهم .. أنا أهلي ماسووا فيني اللي تسويه عيوز النار ذي
هيام ( عيوز النــار ؟؟!!!!!!!!! )
أمل شالت روحها ودخلت الحمــام تسبح وهيــام طلعت من غرفت امل
وهي تقول : لا حول ولا قوه الا بالله ... الله يعين أمول على امي اذا بتقعد ترد عليها كل مره
عزت الله راح يصير الصراخ شي بنتعود عليه ..

وأول ماخلصت سبوح نزلت الصاله الا ام راشد تنطرهـا

طلعت بالطيب قبل لا تبدى بالصراخ أم راشد
وأبتدت تغســل الحوش اللي شكبــره بمساعده هيام اللي نظفت شوي وتعبت ودشت دااخل
.. وأم راشد ماغير تصب المــاي
..وحاطه لها كرسي وقاعده تطالع أمل اللي أنكرفت كرااااف اليهـــد ..

أبتــدوا بغسيل الحوش السـاعه 11 ونص وخلصــوا 1 ..
.. والضحيــه ... (( أمــل )) ..
أول ماخلصوا تنظيف دخلت دااخل ودموعها على خدهـا ..
خلاص ماتقدر تستحمل أكثر .. هذا وااايد عليها ماتقدر تسكت أكثر ..
اللي يصير لها أفور ..
دخلت غرفتها ومسحت دموعهــا وهـي تنطر يوسف يفتح باب الغرفه ويدخل عليها ..
شوي الا ام راشد فتحت الباب وهي تقول : ارتاحي 5 دقايق ونزلي جهزي الغدى ع السفــره .. أسماء تعبانه ..
أمل بغضب فجرته بويها : مااني مسويه شي واللي تقدريـن تسوينه سويــه ..
ماني خدامه عندج .. أظن عندج بناتج يساعدونج ..... فكيني واللي يرحم والديج .. زهقتيني عيشتي
أم راشد : والله لا صرتي راعيه البيت .. يمكن تنسمع كلمتج ... أنا راعيه هالبيت وكلمتي اللي تنسمع ... مو عاجبج الباب يوسع جمــل
أمل راحت صوبها ودزتهــا برى الغرفه ورضخت الباب بكل قوتها وهي تقول : قــطـــع ... الله يلعن الســاعه اللي رضيت فيها اعيش ببيت وااحد مع هالنسره
أم راشد وهي تضرب الباب ضربه وحده طلعت من قلبها : هييييييين ياأمول ... خل يوصل يوسف أن ماكرهتج عيشتج ماكون هند ..

أمل راحت ورمت نفسها على السـرير .. وهي تقول بصوت أشبه بلـ همسه ودموعها على خدهـا
: لو أني رضيت بخــالد ماكان صار لي كل هذا .. ماكانت سوت فيني عمتي مثل ماتسوي هالعيـوز .. كانت بتحطني بعينهــا .... وخالد ماكان بيقصر علي بشي راح يدللنــي ويحفظ كراااامتــي مو مثل يوسف ... مايقدر يقول (( لا )) حق أمه ... ( طلعت أأأأأه من قلبها ) .. آآآآآآآآه يـاخــالد ... صج ماعرفت قدرك (( بنــدم فضيــع قالت )) .. أأبيـــك ..

تمت على هـالـ حاله وهي تصيح لحد مادخل عليها يوسف اللي منهد حيله من الدوااام ..
وشافها تصيــح وكان عارف من قبل لا يدخل انها متهاوشه مع امه لانه أمه ماخلت ولا بقت عليها قالت كل الي بقلبها
يوسف : السلام عليكم
قامت أمل اول ماسـمـعت حسه وقالت وهي تصيـح : شوف يوسف ياأنـا ياأمك بهلـ بيــت ... خلاص تعبت طقت جبدي ماأقدر استحملهـا أكثر ..
يوسف وهو يهز راسه : خلاص ياقلبي بكلمهـا لج اليــوم ..
أمـل بهستيريه : وين تكلمهــا كل يوم بكلمها بكلمها بكلمهـا .. ولا شفت شي .. أذا انت ماتقدر تقول لها شي أنا مو مجبوره أستحملهـا ..
يوسف قرب صوبها يبي يحظنهــا بس أمل دزته : لاااااااااا تمسكنــي ... مابيك تمس شعره منــي ...... خلاص أنا عفت العيشــه هنــي ...
كرهت اليوم اللي شفتك فيه وعرفتك .. كرهت الساعه اللي جذبت فيها على روحي وقلت ....(( غرقت بنوبه بكــااااء ماقدرت تكمل كلامهـا ))
يوسف قرب صوبها وحظنهــا لما حس بألمهـا وضعفهـا ..
هو متأكد انه امه السبب بس مايقدر يسوي شي .. هذي امه مايقدر يصارخ عليهــا
حاول يهديهـا بس مافي امل كل مالها وتزيــد ..
قعدهـا على السرير وطلع من الغرفه نزل تحت حق أمه .. لقاهم يتغدون ..

بو راشد : تعال يبه أكل ... بسم الله ..
يوسف : مابي أكل .. شبعــان .... أبي الوالده بكلمة راس ..
ام راشد بلا مبالاه : اذا عن هالعقربه اللي تصيــح دااخل ... مو متفيقه لكم اللحيــن ..
يوسف بغضب خفيف : يمــه ... ابيج بسالفه ..
أم راشد طالعته وردت تاكل : لا خلصت أكل يصير خيــر .. ( تأشر لها بيده ) روح .. روح لها دااااخــل طب طب عليهـا وراضهـا وأنا يامــك .. بالطقاق
رضيت وله انرضيت
يوسف مارد عليها أكتفى بهلـ كلمه : نــاطرج .. بالصــاله

أول ماخلصت اكل راحت له الصاله لقته قاعد ينطرهــا
جات وقعدت وهي تقول : خيــر شبغيــت ..
يوسف وهو يحاول يتمالك أعصابه : يمه ماصــارت .. كل يوم والثــاني مهــاوشه هالمسكينه ..
قاطعته أم راشد : وسجيــنه أن شالله .. وسجينه .... شحنتك علي وهدتك .. وله بتبــدي مرتك على أمك ..
يوسف : يمه أنا مو قصدي جذي .. البنت ماسوت لج شي علشــان كل يوم والثاني نجره وهواش ...
حرام عليج يمه .. البنت ماتستحمل ..
ام راشد بستهزاء : والله ..؟؟ من صجك ؟؟ وووي أنا وايد قاسيه وعليه .. جرحت مشاعرهــا ( تتكلم بجد ) هذي سوسه .. عقرب رمل ..
تتمسكن لمـا تتمكــن ... دااااشه على طمع .. شافتك ساكت وماتقول شي قالت خل أخذ اللي وراااه واللي جدااامه .. أأي مو أنت مدمغ ..
قصت عليك بكم كلمه حلوه صدقتهــا ..
يوسف بغضب: يمـــه ؟؟ .. اللي عندي عندهــا .. هي مو بنت فقر علشان على قولتج تطمع فيني ....
عندها خير اكثر من الي عندي وعندج .. وبعديـن هذا مو موضوعنـا ..
يمه تكفين طلبتج عدلي معاملتج معاهــا .. أحبهـا يايمه حرام عليج .. والله البنت بتطفش والسبه سلوبج ..

ام راشد : حبتك القراده قول أميــن ..؟ انا اللي أعدل معاملتي معاهـا .. خل تعدل هي معاملتهـا معاي .. وليش ماتصير مثل اسمـاء .. أسماء لو أهزءها من اليوم لباجر ماتقول شي ...
يوسف : ومتى أصلا هزئتيهــا .. وله ليش انها بنت رفيجتج .. مدللتهـا وذيج ماتعرفين امها .. ذليتيهـا ؟؟
أم راشد : مو شغلي .. انا مرتك ذي مو بالعتهــا .. مو مرتاحه لهــا شوفت ويها ترفع لي الضغط والسكر .. وشكلي بتجيني الجلطه منهـا ..
يوسف يحاول يتكلم بهدوء : يمه تكفيـن .. أنــا لازم أســافر باجر .. ويمكن ماأرد الا بعد 3 .. وله 4 أيــام .... تكفيــن أستحمليهــا .. عشاني
لو لي معزه عندج ..
أم راشد : اذا خايف عليها مني .. ودها عند أهلهــا أنا مو فاتحه بيتي ملجأ ..
يوسف : أهلهــا مسافريــن .. وله كنت بوديهــا بدون ماتقوليــن ..
أم راشد : والله لا عدلت ألفاظهــا افكر اعدل معاملتي معاهـا
يوسف : الله يهديج يايمه ...
أم راشد على طول قالت : وليش الله يهدينــي شايفني مينونه جدامك ؟؟ الله يهدي مرتك هالسوسه ..
يوسف بغضب وهو يوقف : أدعيلج بالهداااايــه حراااام .. سويت شي غلط ... يانــاس أحبهــا وأنتي بطفشينهـا أوووووووف .. أستغفر الله العظيم ..

راح عنهـا ودخل غرفته لقـهـا للحيـن تصيح بس بهدوء

يوسف قعد جنبهـا وهو يقول : خلاص ياقلبي .. كلمت الوالده وأن شالله خير ... أنتي عاد أستحمليهــا .. عشاني
أمل وهي تصيح بهدوء: أستحملتهـا وايد يوسف ماأقدر أكثر .. اليوم لو هيام مامسكتهـا كان ضربتنــي .. شنو أنا ماعندي اهل ..
وله ليش أنه أهلي مسافرين قالت تستفرد فيني والله لو يدرون اهلي عنهـا قطعوا لسانها هالطويل ..
يوسف تنهــد تنهيده طويله وقالت : شوفي حياتـي .. أستحمليهـا بس هالفتره عشاني وأنا بحاول معاها عشان اطلع لنا بيت بروحنـا ..
أنتي تجنبيهـا .. حاولي ماتحتكين فيها
أمل : أنا أتجنبها وهي تتعمد تأذيني .. تتعمد تسبني كل يوم والتــالي
يوسف بترجي: بس هالفتره .. عشاني .. ع الاقل بس لين أرد من السفــر ..
مايمديه يكمل جملته الا أمل : بتســافــر ؟؟؟؟
يوسف : أي ياقلبي .. توه اليوم الوالد قايل لنــا .. حاولت معاه بس ...
قاطعته : لاا اااااااااا .. ماتروح وتخليني بروحي مع أمك .. بتذبحني هذي .... ودني عند خالتي ..
يوسف بترجي : أمـل .. عشــااانــي طلبتج ..
أمل : لاااااااا .. والله ماأقعد عندهـا وانت محد .. هذا وانت بالدوحه جذي لو تسافر بتذبحنــي .. مااابي ..
ماأقعد هني بروحي معاهـا ودني عند خالتي موزه
يوسف : خالتج مســافره وين أوديج لهـا
أمل : جذاب .. أصلا خالتي قالت مابتسـافر ...
يوسف ( انــا جذاب ؟؟؟!!!! ) : أشـ مصلحتي انـي اجذب عليج ... خالتج مسافره ... واذا مو مصدقتني قومي لبسي وبوديج بيتهـا وتأكدي من نفسج

بالامـارات ..

كانوا بالألعــاب يتسلون .. وصوت ضحكهم مــالي المكــان ..
دلال والعنود وحمد والدانه والمهـا.. مـاخلوا لعبه الا ولعبوهـا ..
بينمـا مشعل كان يراقب دلال من بعيــد ويفكر بكلامهـا
"" ماله داااعي تكمل هالتمثيليــه .. انا عارفه انك مستغل فرصه اني أحبـك و قاعد تتسلى بمشاعري""

مشعل بقلبه (( انـا اللحيـن ألعب عليج يادلال ...؟؟ أنــا .. أبي أفهم بس من اللي دخل هالفكره براسج ..
وعلى أي أســاس .... ماراح يعدي هاليـوم الا وانا عارف .. ليش تغيـرت 180 درجه تجــاهـي ...
لا تسوي لي مثل أمل وترفضنــي .. مثل مارفضت امل خـالد .. ))

وبعد ماتعبـوا من اللعب .. راحــوا السينمــا ... يحضرون فلم ...
شافوا فلم أجنبي كوميدي منــاسب لهم كلهم .. يعني للعوائل
ودخلوا اصفوا البنات جنب بعض والشـبـاب جنب بعض وأبتــدى الفـلــم
شوي يضحكون .. وشوي يهدى المكــان تمـامــا .. وعلى هالحــال لحـد ماخلص الفلــم

طلعـوا من الفلــم وهم مستــانسيــن
البنــات يمشون جداام والشبـاب وراهم
الدانه وهي تمشي جنب المها: شفتـي مهووووي الاشقــر .. يااااااقلبي عليه يهبــل ...
المهــا : لا والله .. بو شعر بني أحلا ....
الدانه عقدت حواجبها وقالت : لا.. بو شعر بني دفش .. أما الاشقر رومنسي .. فديته ..
المها : الا خديه .. هههههه
الا دلال دخلت معاهم بالسالفه : لا الاشـقـر ولا بو شعر بني .. بو شعر أسود ذاك الابيض افتح واحد فيهم أحلاهم ..
الدانه بدون قصد قالت : ألا بو قميـــص برتقالي وكاااب أسود ونظــاره شمسيــه .... ويبتدي اسمه بالـ ( م ) وينتهي بالـ ( ل )

مشعــل سمعهــا لانه كان قاط اذنه عندهم من اول ماتكلموا .. أبتسم لما سمع هالجمله ..
معنــاته أنهـا تحبه ... ( YaS..!!? )
دلال طالعتها بدون ماترد عليها وصدت ..

وأول مارجعوا الفندق ..
وكلا راح جناحه .. البنات قرروا انهم يبقون بالفندق لانهم تعبوا من الدواااره ..
من الصبح وهم يدوروون .. واللحيـن الساعه 3 ...
فقرروا يبقون بالفندق يرتاحون شوي وبالليل يطلعون ..

أمـا ( أم حمد , أم جاسم , ام ريم ) لما شافوا انه البنات نو وي يطلعون من الفندق
طلعوا هم بعد ماارتاحوا شوي .. راحوا يتشروون ... على راحتهم ..

اول مافضى الجنــاح منهم ..
أحتلــوا البنــات وشغلـوا المسجــل وأبتدوا يرقصــون ويغيرون جــو ...
مرت فتره مو طويله وايد وهم يرقصون وصوت ضحكاتهم تعلى ..
الفرح كان مسيطر على الجــو .. شوي ألا الـبـاب ينطق ..
أخترعوا كلهم ..

المهــا وهي تبند المسجل : أمبي ؟!!
الدانه تتلفت عليهم : وووي من اللي جايــنــا اللحيـن ؟؟
العنــود : واحنا شدرانا وحده منكم تروح تشوف من ..

كلهم : روحي أنتــي ..

العنود ماعجبها الكلام وهي متخصره : لا والله ... أنا اخااف يمكن حد بيخطفنـي ..
دلال : وووي من زينج يخطفج .. ناقص يفقد حاسه السمع من صراااخج ...
العنود : هيهيههيهيهيهييهه ياثقل دمج .. انا ماراح اروح ... كيفكم
( وترمي روحها على الكرسي وهي متكتفه )
الدانه : يمكن خالاتي جاايــن ....
دلال : هم يمديهم يروحون عشان يردون ؟؟

(((( تزيد الطقاات على البــاب )))))

المهــا وهي تضرب ريها ع الارض : حد يشوف من ...
العنود : وليش ماتروحيـن انتي .. انتي اكبرنــا ..
المها طالعتها بنظرات والشرار يطير من عينهـا وقالت : أأف زيــن ..

راحت صوب البــاب مايمديها توصل ألا كلهم ورااهــا ..

المهــا : دامكم بتجوني جذي وله جذاك ليش قاعدين تدلعون من مساعه
دلال وهي تحظنهـا من خصرهــا : نحتمي فيج .. علشان لا طلع حرامي وله شي .. ياخذج انتي
المهـا وهي تدزهـا : ويع .. مالت عليكم اقول .. ( تعلي صوتها عشان يسمعها اللي يطق البــاب ) مـــــن ؟؟؟!!
مشعــل : أأنـــــــا مشــعــل ..

دلال وهي تنااااقــز : ووااااااي مشعـل .. لحقوني .. واااي وااي
العنود وهي تسكتهـا : بس بس .. سكتي فضحتيني .. تلاقينه سمعج .. وكل هذا ماأحبه حبج برص اقول ..
المهـا : يلا ذلفوا ع الغرف تحجبوا ( تكلم الدانه ) وانتي بدلي ثيابج ..

راحوا كلهم تغطوا ولبسوا شيلهم ..
وفتحت المهـا البـاب
مشعل اللي كان متسند على طرف الباب : سنه لين تفتحووووون ...؟!!
المهـا ببتسامه : خير مشعــل ؟؟ بغيت شي ..
مشعل : والله قالوا لي أقعد عندكم ليــن يردووون .. خايفين عليكم ..
المهــا تلاشت الابتسامه تدريجين ( بيقعد عندنــا ؟؟ عزت الله كتم على نفسنا ) : أ .. أوكي حيــاك ..

دخل مشعل وعينه تتنقل بأرجــاء الجناح يدورهــا ..
قعد وهو يقول : الا .. الباقي وين ..
المهــا : دااخل يجيبون شيلهم لحظه اناديهم ..

راحت داااخل ..
فتحت الغرفه الا تلاقيهم مختبصيــن ..
المهـا وهي تسكر البــاب : بيقعد عندنا لين يردون خالاتي ...
دلال بصدمه ممزوجه بفرحه : حلللفــي ..؟
المهـا : أأي شعليج تشققتي من الفرح ... والله ماعرفنالج يوم تكرهه يوم تحبه ..
العنود وهي تدزهـا : تحبه ماعليج بس تكابر ..
دلال وهي ترد لها الدزه : أي احبه فيها شي ...
المهـا : المهم ماعلينا قاعد ينطركم برى .. خلصوني وطلعوا ..
الدانه لبست جلابيه وقالت : مهووي ذي زينه ؟؟
المهــا وهي رافعه واحد من حواجبهـا : لا والله ؟؟ مرصصه .. عليج وااايد ضيقه .. بدليها بدليهـا
الدانه : زيـن ..

طلعوا البنات الصاله وسلموا وقعدوا ..
وكل وحده تطــالع الثانيــه ..
ومشعل ماغير يطالع دلال وله يتصدد ...

عم الهدوء المكــان طلعت الدانه وسلمت على مشعل وقعدت جنب خواتهـا ..
مشعل وهو ينقل نظره بالجنــاح ..: أمممممم ... حلو المكــان ..
محد رد عليه ..
مشعل طالعهم .. وقال : زيــن ... شغلوا التلفزيون وله اي شي ... قبل لا ادخل صوت الاغاني حاشره الفندق بكبره .. واللحيـن هدوء
المهــا برتباك : اغـاني ..؟؟ أي أغــانــي ..؟ متى شغلنـا أغاني ..؟؟
مشعل طالعها بنص عين وقال : زيـن شغلوا التلفزيون .. وله حاطينه زينه ؟؟؟
المهـا : اوكي زيـن ..
قامت شغلت التلفزيـون وردت قعدت
توه بيعلق مشعل الا جواله يرن .. شاف المتصل لقااه خــالد
مشعل : هلا والله بالغــالي ..
خالد : هلا والله مشعلووه .. أشتقت لك يالخايس ..
مشعل ببتسامه : اللي يشتاق يسب ..؟؟هههه ماعلينــا شلونك وشلون الدوحه وأهلهــا ..
خالد : والله ياخوي الدوحه مو شي بدونكم... قاعد بروحي بالبيت مجابل أربع طوف .. زين ماأستخف ..
مشعل : زيــن تعال لنا الامارات والله ونااسه خلوووود ((( نقز قلبها مها لما سمعت اسمه ))) ..
خالد : لا لا .. مالي خلق اسافر .... أجيكم ليش ..؟ اكدركم
مشعل : لا خلوود لا تقول جذي .. ألا بتونسنــا ... وبيني وبينك مكـان مبين ....
خالد : توه جسوم يقولي نفس الكلام .. يلا هانت يوم وترجعون ..
مشعل : طير زيــن هههه نبي نستانس .. نغير جو .. تبينا تعال لنــا ..
خالد : أمحق اخوي .. والله قلت حق جسوم يوم وترجع قال لي أبشر ...
مشعل : يصرفك .. هههه زين دامك متملل وطفشان ليش ماتروح حق الربع ..
خالد : نصور اربع وعشرين ساعه مجابلني أذيت الريال ..
مشعل : هههههه
خالد : ع العموم سلم على اللي حولك .. وخاااااااصه الحب ..
مشعل : ههههه والله لو اني مو عارف انك تستعبط كان رجعت على اول طياره ع الدوحه ونحرتك ههههه
خالد ضحك : ههههههه يلا سلام ..
مشعل : مع السلامه .. ودير بالك على روحك .. اكل زيـن وتحلف عدل .. لا يصيدك برد .. نصايح الوالده ههههههههااى
خالد ضحك من قلبه وقال : اوكي .. يلا اقلب ويهك ترااك خسرتنـي ..
مشعل : يامال القح .. للحيـن انت على بخلك ههههه
خالد : ومابتغيــر .. فمان الله هههه
مشعل : فمان الكريم .. ههه

سكر خالد من عند مشعل اللي قدر يخفف عليه هالـ هم اللي متربع بقلبه ..
يفكر من بقى ماكلمه ؟؟!! مابقى حد .. لف عليهم كلهم من كبيرهم لصغيرهم ..