السلام عليكم ورحمة الله وبركاته
حبيباتي بنات حواء
اكتب لكم هذا الموضوع بعد طول غياب ولكني رجعت لكم وانا مشتاقه لمواضيعكم وكلي امل ان يحوز موضوعي على رضاكم واستحسانكم
ندخل دغري للموضوع بدون مقدمات مالها داعي
انا كتبت الموضوع واريد منكم ان تعلقو عليه وتبدون آرائكم في هؤلاء النسوه وهو من واقع عشته ولاحظته من خلال حياتي اليومية وليس من نسج الخيال
المراة الاولى :
صفاتها :تحب كل شيء لها ولاولادها
تحسد الاخرين ان رزقهم الله رزق
اذا كانت في عزيمه او حفله فترينها تصرخ على عيالها تجبرهم على الاكل ولا تقنع لهم حتى لو شبعو تقول لم يذوقو لقمه وترينها تتابع ابناء الاخريات تشوف كم اكلو وتقول لعيالها شوفو فلانه وفلان كم اكلو وانتو لا ؟؟؟(شهابه والعياذ بالله )مع ان عيالها ياكلون ولكنها لاتشبع لهم :7_2_103v:
علاقتها بزوجها :arb::اذا كانت راضيه فابشر يا ولد ابوك بالرضا لكن ان خرج عن طوعها ياويله ياسواد:mad:ليله ....ماتبغاه يقطع برأي الابشورها تخيلو انه ما يودي امه مكان الا بعد ان يشاورها فان هي راضيه وصلها للي تبغاه واذا اعترضت فطبعا يعتذر باي عذره
اولادها :طباع شينه من تربيتها عودتهم انهم يخبرونها بما يصير وما ينقال في بيت اهل زوجها ويعني نقالين كلام
ماترضى اذا احد من اعمامهم نصحهم او هاوشهم وكل شيء تاوله ان اهل زوجها يكرهونها هي وعيالها
اولادها مزعجين كثيرين الخراب لدرجة انهم سكنو بيت جديد والله اللي يشوفه يقول ان الزمن اكل عليه وشرب
اذا تخاصمو البزارين تحط عقلها بعقولهم تخاصمهم لانهم غلطو على عيالها
لاتتقبل اي نقد واي مشكله تحصل وان كانت تافهه تكبرها لين ماتنفجر على الجميع وتتهم جميع الاطراف المشاركه بانهم على خطا وهي على صواب
:30:
اذا شمت ريحة مشكله حتى لو هي ماتخصا تشوفينها توسوس وتنقل كل شيء للي هي صاحبت المشكله وتقلب راسها .....هذا بدل ما تحاول تهدية الوضع واصلاح الشان
اعوذ بالله من شر ما خلق الله
للمعلوميه انا وقفت على كثير من واقع هذة الشخصيه وحبيت انقل لكم هذة الصوره لنتناقش في احوال هذه الفئه من النساء ....
ايش رايكم في هذة العينه من النساء ؟
هل مر عليكم اصناف مشابه ؟؟؟؟؟
انتظر ردودكم ............
دمتم بخير
بقية الاصناف سوف انزلها في حلقه اخرى على المنتدى ....
