صارلي زمااان وانا افكر انزل هالموضوع بس فيني عجااازة مو طبيعيه واليوم خلاص قلت إلا انزلهم يكفي حابسه هالصور من زماان ف الجوال :icon28:
المهم نبدأ ع بركة الله .. وطبعا هالاطباق شي مسويته ف رمضان وشي بأيام ثانية ولأني مو مره مبدعه ف الطبخ أتقبل انتقاداتكم بصدر رحب علشان لاصرت ربة منزل أكون سنعه وكل حاجه> هـع
نببببدأ بمعكرونة الجبن والدجاج وكل شي :icon28: > مدري وش اسمها بالضبط بس ترا طعمها روووووعه وناااايس
وان شاء الله اذا حبيتوا بنزل لكم الطريقه بالخطوات المصورة > اذا حبيتوا بس :biggrin:
المهم هذي هي الطريقة مع الصور
المكونات :
معكرونة ، 2 جزر مبشور، 1 فلفل رومي (فليفله) مقطعة مكعبات صغيرة، 1 بصل متوسط مقطع مكعبات صغااار، 3 حبات ماجي، فلفل اسود& ملح ، نصف دجاجه ، جبن (سائل و مبشور) ، مايونيز
الطريقة:
اسلقي المعكرونة مع ملقة ك زيت ومكعب ماجي وملح
وايضا اسلقي نصف الدجاجه في ماي فقط
ذوبي مكعبين ماجي في كوبين كبار ماي ساخن وخليهم على جنب
شوحي البصل في زيت ولما يشقر لونه اضيفي له الجزر و الفليفله وخليهم شوي وبعدين اضيفي نصف الدجاجه المسلوقه بعد ما تقطعينها لقطع صغيرة وشوحيها معاهم وبعدها اضيفي الماجي اللي ذوبتيه واضيفي عليهم رشة فلفل اسود مع رشة ملح ( قللوا من الملح لان الماجي فيه كمية ملح ف انتبهوا لا يطلع مالح ) المهم خليه مع بعض لحد ما ينشف الماي >> طبعا الماي مع الماجي اضفناه علشان نكهة الماجي وعلشان الدجاج يستوي زين
نروح للمعكرونة ونضيف عليها ( اهي وحاارة وفيها رطوبه بنات لازم لاتخلونها تجف ) اضيفي لها 4-5 م ك جبنه سائلة و 3-4 م ك مايونيز واخلطيهم وبعدها اضيفي له الدجاج اللي سويناه واخلطيه بالمعكرونة
واخيرا خليه بصواني وصبي عليه خلطة الباشميل وانثري عليه الكثير من الجبن المبشور ودخليه الفرن ( لو حبيتي اول خلي بالصينيه طبقة معكرونة وفوقها جبن مبشور وبعدين اضيفي معكرونة وفوقها باشميل وجبن مبشور بتطلع اللللذ )
للي ماتعرف خلطة الباشميل :
1 مكعب ماجي، 6 جبنات مثلثات، 6 م ك حليب بودرة، 6 كوب صغير ماي ، فنجان زيت , كوب صغير طحين رقم 1 وشوية ماي
اخلطي الطحين مع الزيت و الماي وخليهم شوي ع النار بعدها اخلطي باقي المكونات وصبيهن على الطحين واخلطيهم مع بعض بس انتبهي لا يتكتل الطحين ضلي حركية لحد ما تشوفي انه الخلطه صارت شبه ثقيله وبببسسس
والحين الصوور >> طبعا مو لازم اقول تصوير جوال وبجد الصور ظالمته :rotaeye:
برررررررررب بكمل
جاري التنفيذ