أنا انصح بالقص ثم القص ثم القص بس الموضوع يبيله صبر بس قصيه كل ست اسابيع بس الأطراف ولا تقصرين من طوله كثير.......وبتشوفين الفرق
وبعد استخدمي القهوه لأطراف شعرك شوفي موضوع(شعري ناعم شوفوا جدتي وش كانت تحط فيه)
وبعد حطي في اطراف شعرك ما يونيز
والله الله بالتزيت الدائم

أدهني أطرافه زيت اللوز الحلو مررررة مفيد كانت مشكلتي زييك بالضبط والحمد لله الان راحت

استخدمي زيوت وادي نحل الاصليه بانواعها
واستخدمي سيروم كريستال للاطراف
وبالتوفيق:26:

أنا من رأيي انك تقصين اطرافهلانه على ماقلتي شوك والظاهر ماراح ينفع معه شي غير القص
واذا قصيته اهتمي فيه لين يطول...
وبعدين انتبهي تتحممين بماء بارد وتتطلعين في هالجو الحار ولا تستشورينه
او انك تتحممين بماء حار وتطلعين في جو بارد
كذا مضر للشعر وبس..:27:

هلا فيكم ....الاطراف المتقصفه مشكله كثير من البنات يعانون منها
لكن يااختي انا بقولج تجربتي وانتي براحتج ... أنا أطراف شعري كانت ناشفه ومتقصفه لكن موب وايد ورحت
وا ستخمدت سيروم كريستال اللي البنات يكتبون عنه وحتى لما اخذته من الحرمه قالت لي ممتاز حطي منه كل يوم
ولكن للأسف اللي صار إن الأطراف صاااارت ياااااااابسه بشكل فضيع وكأنها محروقه حتى زوجي لاحظ والله العظيم
صار شكل شعري شنيع ورحت للحرمه وقلت لها نشف شعري قالت ليش انتي تحطين منه كل يوم؟؟؟ قلت ايوه انتي
قلتي .....قالت لااااااااا أصلا هو قوي على الشعر مايصير كل يوم .. والله انقهرت وقلت لها الله يسامحج :06:
وماكان فيه طريقه الا القص وهذا اللي صار :(
أحيانا أقول غريبه كل البنات يمدحونه ليش انا بالذات اخترب شعري منه ؟؟:confused:
بس الظاهر ماناسبني يمكن انتي يناسبج الله أعلم