انا بنتي توها مكمله سنه ..... تخيلو تحب ابوها الله يخليه لها اكثر مني
قااااهرتني ... بس مزاجية درجة اولى طبعا تعرف اسمها بس اذا نادينها ما ترد تطل علينا وتبتسم ... ابوها يقول اذا في يوم ضاعت البنت مننا انسي انها ترد اذا قعدنا ندورها
بس دمها خفيف طبعا الحليب تقول نانا وبابا ام انا ممممممممممم بس هذا الي ربي قدرها عليها
بس اذا غنيت لها الاغاني تسوي الحركات الي علمتها عليها
وتعرف اسامي العابها لانه كل لعبه مسمينها بااسم ... معليش قراوى
والتلفووووووووون تحطه على اذنها وتسوي انها تحكي طبعا هذي الصفه على ماما
طبعا ما تمشي الا على الكراسي تعبت فيها مافي امل خوافه
وبس كاني حكيت واجد

صح ان الأطفال يفهموا كل شيء انا لي رجعة في الموضوع

انا بنتي عمرها 6شهور واسبوعين
اذ ناديتها احيانا باسمها تقول اااااا
ماشاء الله عليها
وتفهم اسمها
واذا جينا ناكل تفهم انه اكل تقعد تصارخ الين اذوقها من الاكل
وتميز الاشخاص تستنكر الاغراب تبكي
والوجيه المألوفة تضحك لها
........
الله يحفظها ويخليها ويا عيالكم

موضوعج حلو اختي

انه بنتي عمرها 6 شهور واسبوعين
تطورها الحركي انها صارت تقعد وتزحف خطوات كبيره وبسرعه
بالنسبه لاسمها اذا اناديها تلتفت وفرحت انها تعرف اسمها بس طلع اي اسم تسمعه تلتفت له
والاكل من نلبسها المريله تصيح وتفزعنا من الصراخ واذا ماتبي تاكل تسوي روحها نايمه
بالنسبه للاشخاص فهي تعرف العائله وبالخصوص الوالد الله يحفضه من نقول لها وين جدي تقعد تدور واذا شافته تضحك وتعرف اختي الصغيره وعمتي لانهم على طول يحملونها من تشوفهم واقفين ترفع ايدها يعني حملوني

اي ذكرت تراها تعرف فروحه ......... عندها لعبة فروحه وتغني دقدي تحبها ومن نقول وين فروحه تدور عليها

هذا الي اتذكره الحين

أنا ولدي دوبه كمل سنة من كم يوم والحين بدأ يقول ماما بابا ننا على الأكل و يسمي الكورة توت يعني شوت عاد عارفين الأولاد و الكورة:) و مسكين يحاول يكلمني كلام كثير بس المشكلة ما أفهمه مهما حاولت فيبدأ يبكي و كمان يغني بعض أغاني الأطفال نفس اللحن بس الكلمات من تأليفه:) و بدأ يحاول تقليد أخوه الأكبر في بعض الأشياء مثلا يحب يمسك قلم و يشخبط في الورقه كأنه يلون بس الصراحة احس فرق كبير بينه و بين أخوه الأكبر لما كان في عمره علشان كده أختلف مع الأخت اللي تقول كل الأطفال بنفس الذكاء