السلام عليكم يا أمهات

بنوتتي الحلوه جنى أكملت الشهر السادس من أسبوع وطعمتها تطعيمة الشهر السادس طبعا

هي تجلس من كانت بالشهر الخامس بسم الله عليها لوحدها
أما الأسنان ما طلع لها شي
وأنا مثلكم مستعجله أشوف أسنانها

بالنسبة للأكل بديت أأكلها كل شي لين ناكله
طبعا غير الأشياء اللي أطبخها لها مخصوص وأهرسها.. فواكه، خضار، دجاج زبادي، زبادي بالفواكه، لبن بالفواكه، عصيرات بأنواعها والسيريلاك اللي يناسب عمرها

الله يحفظها لي ويحفظ لكم صغاركم يارب :)

يؤ يؤ يؤ ذولي خوياتي برحلة الحمل
هلا والله وغلا

شخباركم شعلومكم وكيفكم مع البزارين ؟
ياحبي لكم والله فرحت يوم شفتكم.. أحس انها عشره :)

نريم
والله حركه ............... بس ويني انا ودورات وانا شايبي ((ابو خشم)) ما يبيني اخليه ابد ..
ياحبي لولدك السوري ......تماماً زي ولدي يومه صغير كان يقول امي كنه سوري وبعدين تطور وصار يقول للصاله صوله ((تقولين شيعي خخخخخخخخ)) واللحين سديراوي مقعد ههههههههههه

نعنع
اخبااااااااااااااااااااارك يا قمر واخبار برهوم وعواشه ...... ليه زوجك ما حب ابها ؟؟ والله برادات يالله براد الجنه وسعة صدر وفلة حجاج ...خساااااااااااااره ..الموووووووهيم يا عسل الحمدلله على سلامتكم

ملوووووووووووكه
اخبارك يا حلوه واخبار العسل اللي عندك.... انا وانتي صايرين توم وجيري ...ههههههههه

ام النور
هلاااااااااااااااا والله وغلا اخبار الزين يا ام الزين ... هاه متى نجي وترا ابشرك بيسكنون عندي (( امحق بشااااره )) هههههههههه

بطوووووووووووووونه
ما تلاحظين يوم انهم هالمبزه بكروشنا واحنا نتجمع ونسولف وموسعين الصدر وفاااااالينها ... وهاللحين ما نلحق .... وش رايتس كل وحده عندها بزر والا بزره تزلطه ونتفرغ لبعض ... وللسويليفات يالله من فضلك ..خخخخخخ

نجاااااااااااااااااااااااااااااااااوي
هلا برفيدزتنا ايام الكروش والصياعه والسهر للفجر والصياعه والتحشيش مع هرمونات الحمل ههههههههههههههههههه
اخبارك يالغلا
يا حبيلك ... وش اخبار بنيتك ..... وينك انقطعتي ...
يا حليلك
سبحان الله .............. والله يا ان ذيك الايام صداقتها وخوتها ما تنسى ...فيني الضحكه وانا اكتب ومبسوطه والله انك اخت يا عسل ..
يا حبيلك داخله رسمي ويوم عرفتينا ...طلع الانشكااااااااااااااح خخخخخخخخخ

الله ياااااااااااااااالدنياااااااااااا


اووووووووف

انتي فيذا ولا تجين تسيرين علينا

ولا توسعين صدوووووورنا ؟؟

افااااااااااا بس والله اسمحي لي علللللللليتس شررررررررررررررهتن كبر

كرشتي هع هع هع



المممممممووووووووهيم وش اخبارتس ؟؟

ووش الدنيا بتس يااااابعدي عطينا علووووووووومتس وعلوووووووووم السديرااااااااوي ..

تخبرين انا وانتم حب اززززززلي

خخخخخخخخخ

عطووووووووووووووووووووره
يا حبيلتس والله والله وما حلفتيني تطرين على البال انتي وكم وحده بس شسوي ذا الشايب السديراوي متعنقط فيني قبل ولا احطه بمكان الا شغل الونان....خخخخخخخخ انتبهي تضحكين ترا يجي نسخة ولدي هههههههههههههههههه
اتخيلتس اللحين تسدين اثمتس وتقولين لا ان شاء الله ..الله لا يقوله ...خخخخخخخخخخخ

يا حبيلتس تكفين
وش اخبارتس ووش اخبار اهل سدير خخخخخخ
انا ازقح وكلشن منيح ((سديراويه تحكي لبناني )) .... ووليدي بسم الله عيه وسيييييييييييييييييييييييييييم وسامه بشكل واللحين ماخذ كذا وحده والباقيات بالطريق... ههههههه
ما دريتي هالايام كنا نتقهوى انا وابونا والعيال وقلت لابونا شف الابتوب موب راضي يحمل ..قال هاتيه وعطيته الابتوب وهو مد لي ابو خشم وجلسه على الارض وانا قعدت اطالع في الابتوب علشان اعرف شلون اصلحه ونسيييييييييييت ابو خشم .... وما درينا الا نسمع
قرباااااااااااااااااااااااااااااااااااااااااااااااااااااااع
الا واصوات فناجيل تتناثر وحوسه
ما درينا الا ابو خشم منتسفي (( طايح على وجهه )) على الصينيه ...الحمدلله بس اننا نشرب من ترمس موب من دله ....
شلته واهو موب مصدق اننا ناسينه قعد شوي يطالعني وانا والله شكيت انه بيتفل علي ويقول ((انتي ام انتي !!! ))
وصااااااااااااااااااح
وصار نص الجبهه ونص الخد احمر ..... والابو يهوش ,,قلت يا بن الحلال الحمدلله ماجت في الخشم خخخخخخخخخخخ
ياعمري الله يجعلها حاسمة الشر ويخليه لي
وه ودي اكله ...حمش وعصبي ومربوش ...

انتي وش اخبارتس
هااااااااااااااااااه وش سويتي ووش باقي لتس ...(( يوووووووووووه ياقدمي ذكرتيني بطير ياللي )) خخخخخخخخخخخ

والله فرحت من شفت اسمتس ...ياختي فيه ناس الواحد ما ينساهم وانتي منهم والله ...