أطفالنا ما فوق ال6 سنوات كيف نتعامل معهم (معدل بواسطه المشرفه)

السلام عليكم ورحمة الله وبركاته

وأول شي حابه اسلم عليكم من زمان عنكم اشتقت لكم بالحييييييييييييييييييييييييييييييل

المهم ما فيني اكتب مقدمه تعرفون برد موت الوحد بس وده يدخل جوية البطانيه الله يعين

ارجع لموضوعي حابه اتكلم وستفسر منكم كيف تعاملون عيالكم سواء صغار او كبار يعني اذا اعمارهم من 7 وما فوق كيف تتعاملون معهم يعني تسولفون معهم تنقشونهن عن حياتهم مستقبلهم مشاكلهم وذا صغار تلعبونهم تضمونهم تحبونهن اليوم جاء ولدي من المدرسه وضمني وحبني وقال انا احبكي يمه انا صراحه زمان ما ضميته بعدين بنسبه لي ولصديقاتي احس ما عرف اخذ وعطي معه يدوب البي طلباته من كل شي اما اني ابي اقعد وسولف معه لا ما عرف او بعض الاوقات مالي خلق

كانت لي جاره اردنيه بنتها صغيره عمره 5 سنوات تقول بنتي زي صديقتي اسولف معها عشان كذا بنتها سم الله عليها طالعه ذكيه حنا اذا الواحد تدخل في سوالفنا كسحناه قلت سوالف كبار وش دخلك بعدين نقشاتكم انتي ورجلتس اومشاكلكم تقلونها قدام عيالكم انا احس لازم العيال يحسون

طيب اذا العيال كبرو هم والبنات ودخلو سن المراهقه كيف تتعاملون معهم

الله يعين احس صعب التعامل معهم انا ولدي احسه يفهم اي شي ويحاول دام ينا قشنا بس ما نعطيه اهتمام على فكره والله ماني قاسيه بل عكس حنونه ما حب ولدي حتى انه يزعل لكن وش تقلون

الزبد الموضوع طويل وبي كل وحده تدخل وعندها عيال تنا قشنا وتعطينا رايه من الواقع

ويا ليت ما ينقلون موضوعي لني ما عرف اكتب الا في هاذا القسم