أطفالنا مشاغبين قصص يومية لاتنتهي تعالوا نتناقش

انا اتمنى اكون اول المشاركات معك
انا عندي ولدي عمره ثلاث سنوات الله يحرسه بس مشاغب بس فيه حياء شوي من اجداده واعمامه وخواله
بس مع الاطفال والاولاد اللي بعمره تقولين مافيه ذره حياء
انا ساكنه بالقصيم وماعنده احد هناك بعمره بس اعمامه كبار شباب واجداده من ابوه وعمته اذا جت من الرياض عند اهلها يعني عند اجداد معها اولاد بعمر ولدي وبعدهاخلاص تبدا الصجه واللجه والعناد والصياح واتعب منهم مره
ونفس الحكايه اذا جيت عند اهلي بالرياض يتعاند مع خواله الصغار(ثاني ابتدائي وتوائم)
وتزيد المشاكل على العابهم والعاب ولدي


اتمنى احد يدلني على المعامله الطيبه علما باني أم عصبيه مره مره واحمق على ولدي لما يبدا يبكي من احد
وهل تعتبر حاله ولدي مشاغبه ام طفوله مايعرف بالحياه

انتظركم اخواتي

ام فهد وجنى

يعطيج العافيه عزيزتي على مشاركتج بالموضوع

اول شي الله يخلي لج ولدج ان شاء الله

شوفي مشكلة الالعاب انا بعد اعاني من نفس المشكلة مع ولدي :22:

يلعب شوي معاهم وبعدين يقعد يصرخ هاذي لعبتي وخذوها وااااااء :06:

وانا بعد عصبية وايد ماقدر امسك نفسي في هالحالة

وحذرته لا تاخذ اي لعبه معاك لبيت احد اذا بتسوي لنا مشاكل :angry2:

وقلت له بتقعد بدون العاب وبتشوفهم يلعبون ومابيعطونك العابهم لأنك ماتعطيهم يلعبون في العابك :o

وقالي خلاص باخذ العابي والعب معاهم وبين فتره وفتره اشوفه يلعب عادي واحياناً يرجع لنفس العاده ويشتكي منهم :22:

وان شاء الله نقدر نتخلص من هالعاده الكسيفه :p

حبيباتي .. احس الطفل في هالسن الصغيرة طبيعي يتهاوش مع اليهال بخصوص الألعاب .. لأنه بعده ما يعرف مفهوم المشاركة ولا يعرف مبدأ التعاون في اللعب .. وأعتقد ان الطفل بالفطرة وحسب عقليته الصغيرة طبيعي بيحس بشيء من الأنانية وحب الامتلاك .. عشان جذي بتشوفون معظم الأطفال الطبيعيين بيحاولون ياخذون كل الألعاب حتى الألعاب اللي ما تخصهم.

وأعتقد غلط ان الأم تجبر ولدها مثلاً انه يعطي لعبته لحد لأن الطفل الصغير عقله ما بيفهم هدفها وما بيفهم انها تباه يتعلم المشاركة لكنه في هالسن بيحس انها تحرمه من شي يخصه وتعطيه لغيره.

ولدي فديته عمره الحين سنتين وتسع شهور تقريباً .. يوم يلعب مع غيره من الأطفال طبيعي يتهاشون بخصوص الألعاب .. وطبيعي ييني يصيح انه فلان خذ لعبته أو انه هو يبا لعبة فلان .. مع ان تكون في ألعاب ثانية وايدة .. لكن سبحان الله كلهم ما يبون الا لعبة وحدة بعينها .. ويشتغل الصياح والهواش.

اذا كان الياهل اللي يلعب وياه ولدي هو اللي يبا لعبة ولدي فانا اقول لولدي (ما عليه يا ماما انا ادري انها لعبتك .. وهو ما بياخذها منك بس خله يلعب بها شوي وعقب بيرجعها لك) .. وفعلاً اخلي اللعبة مع الولد شوي وعقب انا اروح اخذها منه وارجعها حق ولدي واقول له (خلاص ولدي خلاك تلعب بلعبته شوي والحين لازم ترجعها له) ..... والعكس اذا اللعبة لعبة الولد .. اقول للولد (انا ادري انها لعبتك وولدي ما بياخذها .. بس خله يلعب بها شوي وعقب بيرجعها لك) .. وفعلاً اخلي اللعبة مع ولدي شوي وعقب اخذها منه وارجعها للولد واقول له (خلاص يا ماما انت لعبت بلعبته شوي وسويت اللي في خاطرك والحين لازم ترجعها له)

طبعاً الأمور ما تكون دائماً سلسة .. وأحيانا اليهال ما يقتنعون بسرعة بكلامي .. لكن الحزم مطلوب في هالأمور .. والياهل لازم يتعلم انه في لعبة تخصه ولعبة ما تخصه .. وما فيها شي اذا سمح لغيره انه يلعب بلعبته شوي والعكس صحيح بس بشرط في النهاية كل لعبة ترجع لصاحبها ... واذا شفت ان الأمور مب ماشية تمام وتمو يتهاوشون على لعبة معينة فاقوم واخذ منهم هاللعبة وما اخلي اي حد منهم يلعب بها.

بالنسبة للأكل .. طبعاً ولدي أحياناً يكون اللعب مسيطر عليه لدرجة انه ما يتحمل يقعد على السفرة يخلص أكله .. والحل عندي هو الإعراء والتحذير (كل يا ماما عشان عقب اخليك تروح تلعب في الحديقة) .. أو (اذا ما كلت عدل ما بروح الألعاب) .. وطبعاً مب دايما اسوي جذي لأن شهية الطفل مب مستقرة .. يعني مرة تحسينه يوعان ويبا ياكل وايد ومرة تشوفينه مب متحمس ياكل وايد .. ومثلاً اذا كان ولدي ماكل تفاحة أو حبة موز قبل الغدا بنص ساعة مثلاً فما اضغط عليه وايد عشان يخلص غداه لانه ما بيكون يوعان وايد.

أما اذا رمى شي على الأرض فانا له بالمرصاد :S_45: .. ومن وقت ما صار عمره سنتين وشوي ما صرت اسمح له يرمي اي شي على الأرض .. يعني مثلاً الكلينكس بعد ما يستخدمه لازم هو اللي يرميه في سلةالزبالة وانتو بكرامة .. ويوم ادخله عشان يتسبح اخليه يفسخ ثيابه ويحطها بنفسه في سلة الغسيل .. والحين فديته خلاص تعود انه هو المسؤول عن سلة الغسيل وكيس الزبالة .. وكل يوم الصبح هو اللي يطلعهم من الحمام ويحطهم عند باب الغرفة عشان الخدامة تنزلهم الطابق اللي تحت :wink: .. بس طبعاً أنا اللي اربط كيس الزباله لانه بعده ما يعرف.
وطبعاً المسالة تحتاج لمتابعة مني ووصلة مديح وشكر يوم يتصرف بطريقة صحيحة عشان يتم متحمس للتصرفات الإيجابية .. أما إذا حاول التمرد ـ وهذا شي طبيعي أحياناً ـ فاتم وراه لين يتصرف بالشكل الصحيح وعقب اشكره وامدحه.

في شي ثاني حابة اضيفه لأني اعتقد ان معظم اليهال يمرون بنفس التجربة.

من كم يوم كنت سايرة مع ولدي الجمعية .. وفجأة سمعنا صوت ياهل يصيح صياح مب طبيعي .. والا في ياهل تقريبا عمره ثلاث سنوات مع امه وابوه .. وفي الجمعية حاطين ألعاب أطفال بأحجام مختلفة والياهل يبا ياخذ لعبة .. فابوه عشان يخليه يسكت بغا يعطيه اللعبة الصغيرة والحبيب راسه والف سيف يبا اللعبة الكبيرة .. وشفته ياخذ اللعبة الصغيرة من ابوه ويرميها على الأرض ويرجع يبا ياخذ اللعبة الكبيرة .. وترس الجمعية كلها صياح وصراخ وعويل لدرجة اني انا نفسي حسيت اني ابا اروح اعطيه كف عشان يسكت. :024:

المهم ان الأب للأسف رضخ لولده وخلاه ياخذ اللعبة الكبيرة مع انه كان رافض من البداية .. وسمعته يقول له (خذ اللعبة واسكت خلاص) .. ويوم الياهل مسك اللعبة سكت وهدا!!!!!!!!!!!!!!!

الشاهد ان الأهل يرتكبون غلط كبير بالاستجابة لكل طلبات عيالهم ـ حتى لو كانو مب موافقين عليها ـ لمجرد ان اليهال يتمون يصيحون ويصارخون .. فالأهل عشان يتجنبون الاحراج والفشلة يلبون طلبات عيالهم!!!!! .. وهذا غلط كبير ... وانا عن نفسي اقول خلي الياهل يصيح لين يمل حتى لو كان جدام الناس ولا اني اقول له لا وعقب اغير رايي لمجرد انه صاح .. لأن الياهل بيفهم نقطة ضعفي وبيستغلها دايماً.

عن نفسي يوم نكون طالعين انا وولدي وشاف مثلاً لعبة سيارة فطبيعي يقول لي (ماما ابا هالسيارة) .. لكني طبعاً ما اشتريها على طول .. يعني اذا كانت عنده سيارة أو سيارتين في البيت اقول له ( يا ماما انت عندك سيارة في البيت فماله داعي نشتري سيارة ثانية) .. فيقول لي (ماما ما ابا هذيك السيارة ابا سيارة يديدة) .. فارد عليه (لا يا ماما .. ما دام عندك سيارة في البيت خلاص ما بنشتري سيارة ثانية)

طبعاً بتقولون انه احتمال يرجع يكسر السيارة اللي في البيت عشان نشتري له السيارة اليديدة :rolleyes: .. بس هذه نقطة ثانية لازم ننتبه لها .. يعني اذا شفنا الياهل يتعمد يكسر ألعابه لأي سبب فالمفروض ما نسكت له .. وعن نفسي مرة حاول ولدي يسوي هالحركة فقمت شلت عنه كل ألعابه وقلت له (ما دام تكسر العابك يعني انت ما تباهم فخلاص بنشيل كل الألعاب وانت اقعد جذي بدون العاب) .. ومن يومها احترم نفسه وما حاول يكسر أي لعبة مرة ثانية :icon20:


وسامحوني على الإطالة :redface:

يا ام الهتون انا مثلك معوده ولدي ثلاث سنوات مايرمي الزباله
حتى الالعاب لما ينتهي منها اخليه يشيلها وتعود
اما انه يتعود على الحمام تكرمون هذي عجزت عنه تخيلو يلبس البامبرز للحين والمشكله إذا بغيت اروشه يبدا الصياح والصراخ مايبغي يدخل الحمام
علشان كذا ماتعود للحمام
عطوني حل والله تعبت منه في الترويش والمشكله احنا على الصيف ولازم يتروش كل يومين مره او بالاسبوع مره

ساعدوني هذي مشكله ثانيه ابثها لكم ولكم جزيل الشكر على ردودكم

انا من المتابعات لهذا الموضوع بالذات لانه عجبني وبارفعه لكم يوميا

ub