اختي شام موضوع رائع


الحقيقة انا بدأت اعاني هذه المشكلة تعلق اطفالي وخصوصا الكبير بالتلفاز

ما فعلته هو اني فهمتهم مضاره على الصحة وقلت لهم ان كثرة مشاهدته تضعف العين وتوجع الراس وتمنعكم من اللعب باشياء اخرى ....... سالتهم عن اكثر الاشياء الي يحبوا يشوفها وقالوا برنامجين على نوغن وبرنامجين على قناة ثانية

الي على نوغن ما فيهم خوف مثل مايزي وبلوز كلوز اما الي على القناة التانية فمشكلة هما بينك بانثر وتوم وجيري لكنهم للاسف مليانين بغرس حب النساء بالاطفال مع انه في حلقات منيحة ما فيها شي وفي منها مليانة بلاوي

انا وعدتهم اذا هم قللوا من مشاهدة التلفزيون والتزموا بالمواعيد الي اتفقنا عليها ان استاجر لهم كل ويد اند شريط نتفرج عليه سوى .....

طبعا احيانا بيسمعوا الكلام وما بيجلسوا كثير واحيانا لما اتركهم وما انتبه لهم ما بردو

نقط اخيرة رح اضيفها ...اعتقد اهم سبب لهذه المشكلة هي الطفش والملل ...يعني لو فرضا اخذنا الاولاد مشوار حينسوا الكرتون والتلفزيون كله.......وانا جربتها مرة وجبت لهم العاب جديدة صاروا يلعبوا فيها من الصبح لليل ونسيوا شي اسمه كرتون ....طبعا ماممكن نجيب لهم العب جديدة كل يوم او نطالعهم مشوار كل يوم ...بس قصدت اوضح ان في راي السبب الرئيسي هو الملل

الان انا عندي سؤال ....هل من الصحيح ان نشتري للاولاد المتعلقين بالكرتون جهاز مثل الاتاري او البلايستيشن او السيكا ...... يعني احيانا افكر هذا اكيد رح يبعدهم عن الكرتون وهو على ما اعتقد مافيه خوف من ناحية العقائد الفاسدة هذا من ناحية لكن من ناحية اخرى اخاف اخلصه من ادمان مشاهدة الكرتون لاقع في مشكلة ادمان اللعب على هذا الجهاز

فما رايكم اخواتي ؟؟

اهلا اختي شام

يعني دائما مواضيعك علامة التميز ما شاء الله و مش مسايرة


بصراحة يبدو انه كلنا بنعاني مع الولاد بمسألة التلفزيون من كرتون و برامج اطفال

و تعلقهم فيها



انا شخصيا مش ضد الكرتون بشروط تحديد وقت معين و هو نفسه يكون مختارين موضوعه جيد و نضمن انه الولاد رح يستفيدو منه يعني مش مجرد انه نحطه للولد حتى يشوف شي و يلتهي عن امه اذا كان عندها شي بدها تعمله او شي شغلة بالبيت لان بهالحالة متل ما قلت انت افضل تعطي اوراق و اقلام تلوين و تقول له يقعد يرسم و يلون او يفتح كتاب بعمره حتى لو ما بيعرف يقرا او يلعب بلعبة تثقيفية و ما اكترهم بالسوق

و متل ما قلت بمقدمة موضوعك انه له مضاره و منافعه

مضاره كتيرة و كتار بيتفقو عليها من شان هيك اللي عم قوله ممكن يكون مكرر و يعني مش فلسفة مني بس اهمها

شلل المخ كليا قدام شاشة التلفزيون بتحكي مع الولد لا بيسمع شو قلت و لا عارف شو عم يدور بالغرفة اللي هو فيها


العنف اللي بيشوفه بالافلام و يطبقه على الارض


تصديق اللي بيشوفه يعني بعرف ولد هون معلق ب"باتمان" لدرجة قولي عقله مسلوب فيه
و نصحت امه تخلصه منه قال ما فيها شي و اساسا ابوه هو اللي بيشتري له كل شي بيتعلق بالرجل الوطواط و دي في دي بتعرفو اول ما بينزل شو بيكون غالي يعني اقله ب 30 يورو
و هو مقتنع تماما انه باتمان بيطير و هو نفسه عم يجرب ...........يا عيني

و من مضاره كمان انه يصير مشاهدة الكرتون ادمان و متل ما صعب علاج مدمن المخدرات بيصير صعب تخلصي الاولاد منه

و لتجنب المضار لازم متابعة تصرفات الطفل المكتسبة من الكرتون و تخليصه منها شوي شوي باستبدال الكرتون بشي تاني و هون بنرجع للرسم و المطالعة و ما فيي قول الخروج في تمشية لان ظروف الكل مش متل بعضها ممكن تنفع عند ناس و الباقي لأ و ما الى ذلك من بدائل

و غيرها من مضار

اما المنافع حسب رايي منها و اللي اركز انها تكتسب من الكرتون الهادف و الي مختارينه منيح
فاهمها

اكتساب اللغة و تخزين كم هائل من المفردات (في اللغة الاجنبيةخاصة) لان دماغ الولد خام يلقط اللي بيسمعه و تساعده على تعلم لغة البلد اللي هو فيها بسهولة فبصير تلقائيا يخزن العربي مع الاجنبي و الولد بطبيعته سميع بتشديد الميم من هون لازم الاهل يحكوا عربي بالبيت و اللغة الاجنبية جايي جايي بحكم السكن


تنمية المواهب لانه يكتشف اللي يستهويه من اللي بيشوفو و يا ما ولاد كبرت مواهبهم و انصقلت من وراء الكرتون اخص بالذكر موهبة الرسم و كتابة القصص و حسن سرد القصص
(التسلسل المنطقي بالسرد)

مساعدة الولد على التخيل و انماء القدرة على ذلك لان الولد بيشوف و لازم نحن نشرح له
و نساعده على فهم الاشياء اللي مش عارفها حتى لو كانت خيالية(الخيالية الجيدة طبعا)
و بيصير يشغل خياله باشياء كتيرة

حب التعرف و الاستفسار و هاي بالفطرة موجودة عند الولاد لكن الكرتون يزيدها

اما فيما يتعلق بالبرامج العربية فانا معك اختي شام خاصة افتح يا سمسم كنا نحنا و صغار نحضره و ننبسط فيه
خاصة انه البرامج العربية توجيهية و تربوية(فقرات الاطفال في التلفزيون)
لكن مشكلة العرب انهم مستهلكين مش منتجين و برامج الاطفال الهادفة قليلة كتير و يمكن يكون صار في اشياء جديدة و ما بعرفها

و التركيز عند العرب على المدبلج الفصيح و بصراحة بتصير اللغة الفصحى اثقل منها على القلب ما في
بتعرفي شو بيقولو بلبنان عن الفصحى المكسيكية و لما نسمع حدا بيحكي فصحى بيقولو عم يحكي مكسيكي

مثلا زوجي جاب لبنتي سي دي و دي في دي عربي لكن ما طاقتها ابدا اللي حبته فعلا هو اللي باللهجة المحكية اللهم باستثناء حديقة الحروف

و ما بتقدري تخلي الولد على الكرتون اللي بالمحطات من دون رقابة متل ما قلت انت في الدعايات انا بلاقيهم كارثة على محطات الاطفال و شي خارج عن حدود العقل و المنطق

بصراحة تعبت من التفكير و الكتابة و لي رجعة بإذن الله

أهلا ماوية عزيزتي

أسعدتني مشاركتك صحيح مضارها اكثر من فائدتها

قناة المجد يا خسارة ما بتطلع عندي

وقناة اقرأ فيها برامج لكن وقتها لا يتناسب مع اطفالنا
والشي التاني هو أنه أطفالنا ما بيندمجوا بنوب معها بسبب الغة الفصحى وبسبب ضعف الصوت احيانا


في مرة حملت أفلام كرتون من قناة المجد على النت وفرجيتهم ياه كتير انبسطوا

الله يلهمنا الخير يا رب


عزيزتي فتاة ......

طبعا هو وقت مشاهدة الكرتون يجب ان نحددلهم ياه نحنا
وإذا كنا متساهلين رح يتفرجوا من الصبح للمسا

أنا ولادي هيك بيلعبوا باللعبة الجديدة كم ساعة وبعدين بيتركوها وبضيق خلقهم

مشان البلي ستيشن ما فيها شي عزيزتي

كلياتنا كنا صغار وكنا نلعب بالأتاري على الأقل بيلعب وبشغل فيها مخه شوي وما فيها مقاطكع سيئة ولا شي

انا اشتريت لولادي بلي ستيشن وجبتلهم سباق سيارات ونيمو كتير حلو وكمان هاري باتر هو طبعا للكبار بس .......!!!!!!

الخروج انشاء الله بالصيف اكتر من هلأ

بتعرفي شتا وبرد ما فينا نروح أي مكان

ساعات الأتاري انت بتحدديها وبدك تكوني صارمة


أنا مشكلتي مع افلام كرتون أنهم بضوجوا كتير وبعزبوني وبيتخانقوا

مشان هيك بفتحهلم أفلام كرتون طبعا لو كانت جيدة ومو أي شي

أحيانا بشوفوا فيري اود بيرنت وجيمي نيوترن .جيمي انا بحبه وبتفرج عليه

توم وجيري حبيتبي كلنا كنا نتابعه ونحبه ونشوف شغلات مو حلوة فيها ندير وجهنا وخلصت السيرة
يعني ما بدنا نعقدهم للصغار

وهي ليكنا ما شاءا لله حولنا لا تأثرنا ولا سرنا فاسدين بفضل الله تعالى

الموضوع لا زال بحاجة لبحث كثير وأنا ان شاء الله سأظل أبحث فيه لنصل خطوات عملية 1-2- 3 وهيك منستفيد من الموضوع اكتر
وطبعا بمشاركتكن أخواتي أسعد اكثر


بارك الله فيك ن

اول شي بحب اشكرك على نشاطك ومواضيعك الهادفة دائما
صحيح ما بشارك كتير لكن بتابع كل فترة وبعرفكم كلكم

الموضوع رائع كتير واكيد كلنا من عاني من هل المشكلة
هو الملل عامل اساسي انه يلجأ الاولاد للتلفويون
ومشكلة اكبر لو كان ولد وحداني

انا كنت مسيطرة على وقت قعدت التلفزيون لكن من وقت
بديت الدراسة صار ابني يقعد اكتر لكن هلا عندي بريك
بدي حاول نظم الامور مرة تانية

بالنسبة للبرامج فهي قناة تري هاوس وكلها برامج بسيطة
وتعليمية للصغار انا بحب شوفها :)

لكن ممنوع اي قناة غيرها
بحاول اشغله بالكرافت والالوان طبعا ما بدك تشوفي
منظر البيت بعدها تحفة بس المهم شي يشغل غير التلفزيون

ممكن نكتب افكار نحاول نشغلهم
متلا روحي على الدولار ستور اشتري ادوات الكرافت والوان
وفي مواقع كتير بتعطي افكار رح دور عليها وجيبها
وخصصيلهم ساعة يلونه ويبتكروا بدل قعدت التلفزيون

او اعملي معجون اللعب في البيت رح حط طريقته
واعطيهم يلعبوا في

ساعة التلفزيون خليها مكافئة الي بسمع الكلام او بساعد ماما

اذا كانوا كبار اساليهم كيف ممكن اتقضوا وقت ممكن يفيد بافكار غايبة عنا

رح ارجع بافكار تانية لكن قولوا بعد ما خلص شغلي

وعليكم السلام ورحمة الله وبركاته

جاية انتظروني.