أطفالنا والترفيه 🎉💛📢 للنقاش

السلام عليكم ورحمة الله وبركاته
ترددت وين اكتب هالموضوع فيه ووجدته انسب في الحياة الاسرية كون الاطفال جزء لايتجزأ
المهم بشرونا عنكم؟ عساكم مرتاحين ومروقين
الي دخلت عقب وحده من المواضيع الي فيها نقاشات قاتلة ياليت تشرب لها فنجال قهوة تروق وترجع لنا
ياحبيباتي دائم دائم شغلي الشاغل هالاولاد شلون نرفهم بحيث انه مافيه ضرر عليهم لا من الناحية الاخلاقية ولا الصحية
وخاصة ان بعض الأمهات او الأخوات مرتبطات بأشغال كسب العيش وهي اكيد مو اهم منهم
شلون ترفهونهم
يعني ياليت تفيدونا بأفضل القنوات مثلًا
افضل الأجهزة الألعاب الالكترونية او ألعاب حسية او حتى البرامج الي نحملها على اجهزتهم
كانت طفولتي مع قناة المجد وبسمة والله يجزاهم خير اهلي ماقصروا كنّا نستمتع جدًا فيها وفادتني في حياتي قيمي مبادئي حتى الصلاة والعادات السيئة والحسنة
كنّا مانستمتع الا بالتلفزيون وكان قبل ثروة الأجهزة الالكترونية
لكن الحين الله يصلحهم مايسكتهم الا ألعاب السوني والاجهزة اللوحية
بالنسبة لي حاولت معهم بالسيارات يلعبون فيها بالحوش بس يملون بسرعة
وفكرت اشتري لهم اجهزة بشرط انه يكون اوقات محدده لكن شاغلني وش أحط لهم ألعاب وش أحط لهم مقاطع
شاركونا خبراتكم مع اطفالكم من دون حصر يعني من سنة الى ١٢ سنة
علمونا اذا فيه معاهد او دور تحفيظ ودورها الإيجابي
بإنتظاركم ياحلوات