مساء الخير والمسرات
طبعا كلنا عارفين ان الصوابين والكريمات استهلاكها دايم مثل الهوا وطول الوقت وبكل مكان بالبيت بالسياره بالدوام بالطريق الخ
والحين خلونا نقارن مابين انك تشترين صابونه بروحها وليفه بروحها وشامبو بروحه
ومابين الأطقم
:المفرق:
هذي صابونه بروح واسفنجه بروح فكرتهم حلوه ويسمونها توفير بس منظرهم موحلو وكل وحده بسعر 
هذي ليفه بصابونه بدمج حلو وسعر واحد 
هذي عبوه فاضيه ب35 ريال ولازم تشترين لكل عطر عبوه خاصه فيه علشان لاتختلط الروايح 
وهذي طقم من 18 ميني عطر تقريبا نفس حجم العبوه الفاضيه 
وهذا طقم فيه ميني عطر وصابون يد للجنطه وعطر وكريم للتسريحه وصابونه وبودر للحمام اكرمكن الله +انك ممكن تستغلين العلبه لترتيب اغراضك بدولابك ودروجك 
وهذا طقم من عطر وكريم لجنطة الزيارات ومرفق بجنطه تستفيدين منها وشكلها حلو 
وحتى لوازم زوجك وعيالك وأهلك وبناتك تعاملي معاها من هالمبدأ مثلا طقم لعيالك فالكلونيا لتعطير ملابسهم وغرفتهم وجناطهم والبيت الشامبو و الزيت والبودر تقدرين تشاركينهم باستعمالها البخور والمباخر :في الغالب تشترين كل شي بروح 
لكن هل جربتي تشترينهم كطقم بسعر طيب لبيت لسفر لاستراحه لزيارة أهل بمدينه ثانيه أوكهديه فلاتاخذ مكان ولاناقصها شي وتستفيدين منها بنفس الطريقه لوخلص بخورها وفحمها
وفيه منها كذا موديل
وهذي أطقم للسياره للسفر وتقدرين تستفيدين من جناطهم وعلبهم بنفس الطريقه 
وهكذا دايما قارني سعر المفرق بسعر الطقم واشلون تستفيدين منهالشي لجنطتك وشي لتسريحتك وشي للحمام من ليفه من شامبو الخ
للمطبخ ولتوفير الغاز :شتري قلايه مقسمه لقلي كذا صنف بوقت واحد وكذلك القدر اشتريه طبقات طبقه للعيش طبقه للمرق طبقه للجريش بوقت واحد وهذا بيوفر لك الغاز والمجهودونفس الشي أكلات الفرن جهزيهم بوقت واحد ودخليهم الفرن بوقت واحد ونفس الشي القلايه من غير زيت مجرد تستعملين بخاخ اوفرشاة لتزييت الاكل وهذا يوفر جالونات الزيت 
أداه رباعيه جميله لتجميل الأظافر فهي تختصر لك عدة أدوات بأداه وحده
أوقات شراء المقشرات والصوابين والملح ووووو مفرق مكلفلكن لو تشترينهم كطقم فيكون السعر أقل فلما تقررين اتسوقين اكتبي احتياجاتك وشوفي محلات البودي شوب والعطور والبخور
وقبلها احصري عدد أغراضك المتشابهه واللي ممكن تكون بديل لشي ناويه تشترينه وتأدي الغرض ونظفيهم ونشفيهم بدرج خاص فيهمعلشان يسهل لك الحصر والبحث
وهكذا كل شي بغرفتك وبيتك وبتكتشفين انه عندك كميات وأدوات تأدي الغرض واكثر
وبعدها تروحين الهايبر لأغراض البيت المختصرهمثلا برميل شامبو جسم وشعر وايدين تقسمينه للاستعمال العام وتجهيز حنفية الضيوف ولخدامتك
فتلاحظين انك شريتي المطقم والمدموج والأحسن وبسعر أقل من المفرق
الأطقم هذي اول ماانزلت كان اقصاها 3 دنانير ويجيبونها مغلفه كهدايا وبمحلات ابو 100فلس لقيتها ب1750 لذلك قلت لكم تسوقوا لها أول هي والبخور وبعدها الهايبر لانه يدبل أسعارها فتوصل ل9و10دنانير واكثر !
هذي ليفه لارج ممكن تقسمينها بعدة طرق 
فيه عطورات نسائيه رجاليه تختصر لك شراء عطرين غالين وهذي لعيد لمناسبه أوكهديه 
طقم بخور منوع بدال لاتحتارين وياخذ فتره وكل شي بحياتك ومشترياتك حاولي تستفيدين من مبلغها بطقم فيه اللي تحتاجينه واكثرفشي حلو ان مع كل طقم جنطه صغيره تستفيدين منها بدال لاتشترينها بروحها وقيسي على هالشي فتكونين اسثمرتي المبلغ احلى استثمار
وترى المنتدى ماشالله عليه هو اللي نسق لكم هالتنسيق والله موانا ههههه حاولت مره مرتين بس مصمم الا يوريكم تنسيقه ههههه
ويارب الموضوع يعجبكم
