أطلبكم المشورة في ميزانية التجهيز و الوقت و غيره

السلام عليكم و رحمة الله وبركاته

الحمد لله أولاً و أخيراً على نعمة الحمل و اللهيرزق كل من اشتهت نفسها الذرية قولوا آمين

صويحباتي حوامل عالم حواء

البكريات أو الأمهات من زمن

أريد فزعتكم ( بس مو فجعتكم :42: >> يعني اعرف انكت هههه)

في بالي موضوع شاغلني عن التجهيز للمولود وبقول لكم سالفتي من الأول للأخير عشان أشوف مقترحاتكم

و آرائكم


أختكم في الله >> MOooOon Ray

أول ما تزوجت سكنت في جدة و لظروف عمل زوجي الغير مستقرة صرت اتنقل بين جدة و الرياض كل شهر


يعني ما زال بيتي في جدة موجود و أنا حاليا عند أهل زوجي في الرياض صار لي تقريبا 3 أسابيع

طبعا غير الشهور الماضية زي ماقلت بين جدة و الرياض

لما كنت في بداية الشهر الرابع كنت متحمسة أني اجهز للبيبي حتى قبل ما اعرف نوع الجنين ولما قلت لزوجي

قال خليها لما تصيري في السابع ، قلت ترى من ألحين وأنا حاسة أني ثقلانة أجل كيف في الشهر السابع >> كنا

في الرياض



وعلى نهاية الشهر الرابع رجعت جدة ورحت لدكتورتي وقالت لي حامل ب ( بنوتة ،، الله يفرحني بشوفتها سليمة

معافية ) ، ثم عدت بعدها بكم يوم للرياض ( :09: تعبت من الروحة والجية )

ألحين أنا في منتصف الشهر الخامس و زي ما أنتو عارفين فيه إجازة منتصف الفصل الدراسي الثاني بعد كم يوم

وأنا ودي أروح مكة أقعد عن أمي ( وحشتني ماما :44: ) وقلت لزوجي أبغى أروح أقعد شهر عند أهلي و بعدين أجي عندك في الرياض أجلس شهرين وبعدين أرجع عند أهلي أولد ان شاء الله على رمضان

تفاجأ بمخططي ماشاء الله عليا مجهزة خطط لكم شهر بس قال ان شاء الله بس حسيت انه يعني طيب يسير خير

يعني مو أكيد

أنا في الاجازة هذه عندي شبكة قريبي في مكة ودي احضرها بس زوجي مو متشجع يقول خليه بعدين لما

يسووا الزواج ، رفضت وأقله وش يضمني اني اقدر احضر الزواج يمكن ننقل الرياض ويمكن مقدر اروح الزواج

عشان الاصوات العالية وبنوتتي

المهم نرجع للتجهيز ، اللي محيرني في الموضوع من وين أجهز ؟؟:(

من الرياض ولا جدة ولا مكة ؟؟؟ أو من الثلاثة كلهم

حماتي تقول لالا خليكي احنا نجهز لك >> حسيت انه استقلال بذوقي لانه ما عجبهم شي من تجهيزي للعرس

ما علينا كل من و نيته ، أنا قلت عادي انتو تقضوا لي للبيبي بس اعرف وين اولد والحمد لله زوجي يبغاني أولد في

مكة عشان الرسول اتولد في مكة و لفضل مكة وعشان اهلي هناك كمان

وأخاف أروح مكة أجهز مع أمي وأهلي ما عندهم سواق و اتعب أبوي في المشاوير

و نفسي اجهز من جدة عشان اسعارهم احلى وارخص من مكة والرياض بس من يكون معاي ، زوجي بيكون في

الرياض عشان العمل

وخوفي من ميزانية التجهيز تكون فوق 5000 ريال لأن لسنا ورانا مصاريف الولادة وملابس النفاس و العقيقة و

الضيوف

انا ما كنت اعرف ايش اشتري بجهاز المولود بس المواضيع في المنتدى ساعدتني و كتبت كل شي في ورقة و

كل النصائح اللي كتبوها البنات الله يجزاهم الخير

بس طبعا الاسعار مو كلها مكتوبة ، يعني قبل شوي شفت وحدة حاطة صورة سرير للبيبي بدون الفرش ب 300

ريال والسرير حلو وعملي ، بس لسه احتاج اشياء تانية غير السرير

يعني زي العربية و كرسي السيارة و دولاب الملابس و حوض الاستحمام و الرضاعات و الملابس و و و و و و


يعني من جد ميزانية وأنا بكرية يعني ما عندي شي من اول اعتمد عليه ويخفف الميزانية لا

يعني لو رحت عند أمي في مكة بكون على التاسع ويمكن ما يمديني اخلص تجهيزات وما ادري قد ايش اطلب من

زوجي فلوس للتجهيزات

ولو جهزت دحين انا لسه بالخامس ولسه المحلات ما فيها تخفيضات وغير كده اذا جيت اروح لامي على التاسع

بيصير معي عفش كثير من الرياض لمكة يعني ملابسي وملابس البيبي و السرير و الاغراض

فكرت اني اروح السوق هنا اشوف الاسعار بس المشكلة ما في احد يوديني ، زوجي عمله ليلي و اخوانه كل

مين مع اصحابه ولا شغله ولا دراسته ولا مااعرف ايش


وعلى فكرة انا جالسة ببيت حماي في الريان ، اذا نصحتوني اروح هنا السوق ايش احلى و انفع الاسواق المولات

بالرياض والقريبة مني

احس اني حتجنن :(


ساعدوني وريحوني الله يريح بالكم


عارفة دوشت دماغكم بس ارتاح لما افضفض لكم واستشيركم