أطلبكم مساعده قبل حلول الشهر الكريم

السلام عليكم ورحمة الله وبركاته

شخباركم
بنات مشكلتي الوقت في رمضان العام حست وماقدرت أنظم وقتي حتى القران يدوب ختمته نهاية الشهر والعبادات النوافل طبعا نادرا ما أسويها أما الفروض فالحمد لله ما أقدر أتهاون فيها

بقولكم جدولي وقولولي كيف أقدر أعدله

أصحى الساعه 9 الصباح أروح المدرسه واصلي الظهر في فترة الصلاه وارجع البيت الساعه3 ونص تعبانه يدوب أغير هدومي وادخل المطبخ أنا وأختي نساعد أمي في الطبخ وشوفوا متى نطلع طبخ غسل مواعين وترتيب واحنا ما شاء الله عايله كبيره ولمن يجي وقت الفطور نفطر ونشيل مواعين الفطور ونغسل ونرتب البيت وبعدين نروح صلاة التراويح بس مو كل يوم بعد مانرجع أقعد اذاكر بعدين أساعد أمي في تحضير السحور وما أنام الا وأنا هلكانه تقريبا الساعه 2 يدوب أنام 3 ساعات أصحى اتسحر واغسل المواعين وأصلي الفجر وأنام
ولاتنسون الأعمال الثانيه غسل الملابس ترتيب البيت مذاكرة أخواني الصغار هذا من غير السوق عشان مقاضي العيد
وكمان لإختبارات هذي السنه في رمضان يعني من جد حوسه

خواتي كلكم تعانون من هالمشكله ولا بس أنا