انا امر بنفس المرحله ولدي عمره 2 ونص واتبع وياه نفس اسلوب اختي صباح النوروالله يعين اعصابي انهارت من كثر التنظيف وصار جسمه املح من كثر السبوح ..

في نقطة مهمة ما ذكروها الأخوات غير انك لازم تشيلي الحفاظ تماما ..
وهي انك ما تعتمدي عليه وتحمليه المسؤولية في انه هو يجي يقوللك : ماما أبروح الحمام ..
لا .. المفروض انت كل ساعة أو كل ساعة ونص ( حسب طفلك وانت أدرى به وراح تعرفي الفترة المناسبة من التجربة ) انت توديه الحمام من غير ما تسأليه .. لأنه لو سألتيه راح يقولك : لأ مافي ..
واذا كان ما يسويها في الحمام رشيه بالمويه عشان يبرد واعمليله ايحاء .. ( يعني مثلا .. قوليله ياللا ياللا جات جات ) وصرخي وصفقي وسوي كل حركات المجانين عشان يتحمس معك ..

آخر شي لازم أبدا ما تعاقبيه ولا تصرخي فيه ولا حتى تأنبيه .. خصوصا اذا كان توه يتعلم .. يعني لسة ما يتحكم بعضلاته .. ترى شعوره بها قبل لا يتحكم زي شعور الوحدة فينا لما تجيها الدورة .. تقدر أي وحدة تتحكم في نزول الدم ؟؟

أما اذا كان كبير وكانت الشغلة كلها عناد أو غيرة أو أي حالة نفسية فالأفضل تكشري بوجهه وما تكلمينه .. بس تنظفي وراه وبعدين تتجاهلي الموضوع ولا تجيبي سيرته وتعيريه به كل شوية ..

الله المستعان هم متعبين في هذا الموضوع ويبغاله صبر وانتباه ..
أنا لاحظت على ولدي انه اذا وديته كل ساعة ما يسويها على نفسه فصرت اذا دخلته مثلا الساعة 2 أطالع بالساعة وأقول لنفسي الساعة 3 أوديه مرة ثانية عشان ما أنسى ..
أما هو عمره ما يقولي عندي حمام ما عدا الكبيرة .. الله يكرمكم ..

أتمنى لكل أم انه ربي ييسرها عليها في هادا الموضوع ..

لبسيه جلابيه بدون ملابس داخليه وخليه كذا عشان لما يعملها وتصير على الارض ينصدم بس تحمليييييي

واللي مايدري اصلا عن هذا اللي يطلع منه !!!!!!!!!!!!!
ولدي عمرة سنتين واربعة اشهر وودي اعلمه او حاولت لكن مافيه فايدة احس انه مايعرف اصلا السالفة وهو مابعد تكلم زين حتى يقول او يعرف
احيانا اقول توه صغير لكن لما اشوف ناس اصغر منه وتعلموا احس بالنقص !!!!!!!!!!!
مرة قرات لاحدى الاخوات هنا تقول ضعي قطنة صغيرة في الزيت وضعيها له تحت الله يكرمكم
لكن اخاف يصير له مضاعفات لكن حتى البول اكرمكم الله مايدري عنه
اللي اقصده مايعرف ان هذا صح والا غلط او حتى يتضايق منه الامر عادي جدا !!!!!
مع انه ذكي ما شاء الله عليه
استخدمت طرق عديدة كالكلوتات البلاستيكية والحفاظات اللي على شكل كلوت ابدا مافيه تقدم
لكن احنا يالخوفات من النجاسة ما ينفع معنا حريصات بزيادة لكن اشوف ناس يالطيف عادي جدا ولا يهمها !!!!!!!!!!!!!!!!!

مساء الخير
أخواتي أنا أكتب الحين لكن حاسة أن أعصابي بدت تنهار مع بنتي ... أنا بنتي بنفس أعمار عيالكم لكنها مع أن عمرها سنتين وماشاء الله تفهم أيش معنى كلمة حمام وانتوا بالكرامه لكنها مجرد ما تدخل من بابه تعمل انا زوبعه
صراخ ووصياح وترفض أنها تقعد حاولت أدخل معاها لعبها أو أشياءها المفضلة لكن بدون فايده والأمر من هذا كله أنها ترد علي بعبارات توضح لى أنها أساسا ما تريد الحمام مثل لما أقول أن البمبرز مو حلو ترد لاغلط بمبرز حلو وتأشر على ملابسها الداخلية أنها وسخ:29: