افتح معها الموضوع وتناقشو

وقلها النقاط اللي تبيها وتحتاجها منها

لازم حوار بينك وبينها مع التعبير بالاحترام والتقدير

اذا مافي تجاوب قلها انك ترغب في الزوجه الثانيه 

وهي عندها وظيفتها شاغلتها راح تشيل عنها الحمل 

وراح هي تكون عندها وقت اطول تقضي وقتها بالخارج مع صديقاتها 

احس يناسبها التعدد اذا هي وظيفتها وقت طويل وغلب وقتها مشغوله 

لكن اول شيء خذ رأيها بالاول لان ممكن ما تقبل و تتعدل او تغير الوظيفه 

او تجدون حل يرضيك ويرضيها 

لازم حوار بينكم واتفاق

متزوج من ١٥ سنة
يعني عندك عيال ومراهقين
التفت لهم وقوم بيهم
عادي زي مالزوجة تصبر على بلاوي ماتنصبر في زوجها
عشان عيالها
فأنت اولى انك تصبر عشان عيالك
وخاصة ان مافي سبب قوي
هذا بحال كنت صادف
مع اني اشك في ان سارد الموضوع رجال

اخوي مشكلتها انها ضامنتك تحبها وتتنازل عشانها فشافت الوظيفة اهم منك فاتحها ف الموضوع ومو تخيرها بينك وبين الوظيفة لأنها بتختار الوظيفة وبتحس انك كلمتها عشان تتركها وبس واهم شي توقع وتحمل نتايج الزواج الثاني خلع ومشاكل وتصير بمشاكل اكبر من اللي انت فيه الحين

عجبتني ارجع نشوف حل دي ههههه

راح اقول لك اللي قلته للنساء مليون مره
لا تجعل زوجتك محور كونك واكسجينك وبدونها تختنق وتموت ان اعطتك وجه سعدت وفرحت وان انشغلت او امتنعت تكتئب وتضيق
الحياه مو كلها حبني واحبك وغازلني واغازلك وعشق وغراميات ودلع
واللي يقرأ الموضوع يقدر ببساطه يستنتج ان الخلل فيك وليس في الزوجه
تتعذر ان اصدقائك مو فاضيين لك ومو قادر تلاقي ربع عذر لعدم تفرغ زوجتك لك !
مع اني شبه متأكده ان زوجتك غير مهمله او مجافيه بالطريقه اللي انت صورتها
وبس اقول الرجال الفاضي اللي ماعنده حياه خارج البيت من جمعة اصدقاء وزيارة اهل وتمشيات طبيعي يحس بالفراغ ويدقق في الصغائر ويختلق مشاكل مضخمه من لا شيء
صحح الخلل اللي في شخصيتك واطباعك ووسع مصادر المتعه والبهجه والتسليه في حياتك لا تحصرها في زوجه وامورك كلها بتزين لا زوجه ثانيه ولا عاشره بتصلح لك حياتك
وترى الزوجه المتوازنه المعتدله اللي يغلب عليها التعقل والمنطق ماراح تتردد بطلب الطلاق او الخلع اذا زوجها تزوج عليها الامور بسيطه وسهله عندها لانها مو حاطه مصدر متعتها واكسجينها مصدر واحد بالحياه البلاء في اللي متعته حريم فقط
الله يعين ويصلح الحال