بسم الله الرحمن الرحيم

أختي الوحداوية ......... سمحيلي حبيبتي بس ما تلاحظين إنك تأخرتي كثير في طلب النصح ؟؟؟
أو يمعنى أصح في نصحك لصديقتك ؟؟؟؟؟؟؟

إنتي تقولي إنها مثل أختك يعني معقووووووولة كنتي راح تشوفي أختك تغلط هالغلظة وإنتي واقفة تتفرجي عليها ؟؟؟
وبما إنك مثل اختها فأكيد بتخبرك بهالشئ ؟؟؟؟؟؟؟؟؟؟؟

ولكن بالأخير أنا برأي إن كل شئ يبدى غلط وحرااااااااااااااااااااااااااااااااااااااااااااااااام أكيد نهايته بتكون غلط
أختي اشلون يحبها وهو حتى ما يقدر يفتح الموضوع أمام أمه ؟؟؟؟؟؟؟

يا ويلي هذا ما كلف نفسه مجرد المحاولة ؟؟؟؟؟؟؟؟؟؟
شو تتوقع ربيعتك منه ؟؟؟؟؟؟؟
بالله عليك هذا ريال ممكن تقبل فيه زووووووووووووووووج ؟؟؟ حبيبتي هم شو فاهمين الزواااااااااااااج حب وعشق وغرام ومن هالقصص إللي يشوفونها ويقرؤا عنها ؟؟؟؟ من المسلسلات والأفلام !!!!!


وشو حكاية ما يقدرووون يودرووووووون بعض هذي بعد ؟؟؟

سبحان الله وين الله من كل هذا ؟؟؟وين الحياء من الله ؟؟
وين الله بقلووووووووبهم ؟؟؟؟ وين انتهاك الحرمات ؟؟؟
ليش مخليين الله أهلون الناظرين إليهم ؟؟؟؟؟

و عليكم السلام ورحمة الله و بركاته

المفروض تقطع علاقتها معاه .. واهو اذا يحبها يخطبها .... و اذا قالت لج ما أقدر أحبه ومن هالكلام ... خل تصادق اخت الي تحبه و تتواصل معاها و تقطع علاقتها معاه وبجذي تكون ما بعدت وايد و لا سوت شي يغضب الله سبحانه :27:

والله يا اختي الشباب كلهم جذا اول شي يهبون بالبنت ويطيرون فيها واذا حسوا انهم خلاص تمكنوا من عواطفها

وجردوها من كل المشاعر لدرجة يخلونها حتى لوبتفكر تعيش مع زوج ثاني بتعيش معاه جسد بلا روح

واذا حسوا البنت ملزمة على الزواج طلعوا ظروفهم اللي لاتعد ولا تحصى يمكن حتى الفقير ماعنده مثل ظروفهم. هالظروف ا للي مدري من وين ييبونها يسوون فلم هندي والبنت عاد تكمل الفلم وياه وتقعد تداريه وتراعيه وهو يتطمن من ناحيتها. واذا عاتبته البنت سواها ظالمته وماتقدره ولاتقدر ظروفه وماتحس وانها تفكر بس بنفسها وكل شي يحطون فيها.

حسبي الله على هالاشكال وخليها تبتعد عنه وصدقيني الريال اذا بغى الشي يجيبه ويوصله لومهما كان مكانه
ما احد يقدر يمنعه لا ام ولا ابو .
الحين البنت بهالزمن ماتنغصب على شي ماتبيه هالمرة الولد .و ماشاء الله عليه وشنو هالطاعة العمية والبر اللي نزل عليه من السماء لامه.
خليه يولي وهذا واحد لعاب ويمكن خيره لها واذا قالها بتزوج خليها تقوله الله يوفقك بدم بارد ولاتهتم له .
وتنهي علاقتها وياه اللي يبيعها تبيعه وبرخيص . ولا تفكرتوافق اذا قالها بتزوج بس بنستمر بعلاقتنا ترى صدقيني بيخليها بس مجرد منفذ لهمومه او متعته .
خليها تعوفه ويوليييييييييييييييييييييييييييييييييي.
مالت عليه وعلى اشكاله. قال شنو قال امه جابرته .طيب اذا امه جابرته صحيح يرفض مبدأ الزواج من اساسه هذا الصادق واذا هو صج يحبها ولا يفكر بغيرها ومتى مارضت امه يتقدم لها.
يعني معقولة ماخطر باله فكرة رفض مبدأ الزواج . ترى ولا اسهل منها.(يقول لامه:ماافكر بالزواج الحين)وبس.
والا بعد امه بتسحبه من ايده وتلبسه الدشداشة وتغصبه والله هالشباب مساكين خلاص ترى كل افكارهم وخباثتهم صارت معروفة عند البنت الصاحية والواعية .
والله يوفقها ان شاء الله . واذا كلش ماقدرت. تاخذه على قد عقله مثل ماهو ماخذها على قد عقلها بظروفه الوهمية وعدم رضى امه وهالسوالف الي ما تقنع اي شخص حتى لوهو سكران ماصدق .:(خليها تختبره تقوله انخطبت مثلاً واهلي بيغصبوني وتشوف ردت فعله.)
لازم تعامله مثل مايعاملها لانه موكفو تقعد تتوسل فيه وتونون عنده و كلما هي تلقى حل يسد البيبان بويهها وصدقيني مادام هي لحالها تدور حلول مامنه فايدة هذا .جذاب بس قاعد يبين لها انه بينسحب شوي شوي وبأسلوب على شان يبين لها انه مظلوم ولاتدعي هي عليه هذا اللي خايف منه. والله يوفقها واسفة اذا شديت عليها بالحجي..

اختي هذا موعذر انه يقولها صعبة اقول لامي ليش وين الحب الي يتكلم عنه صعبة يعني علية يقول لامه ان شافها بالصدفة وعجبتة وسال عليها صعبة يصارح امه مافي ام بهاالدنيا توقف عند سعادة عيالها بعدين هو الي بيتزوج والا امه الي بتتزوج اسمحلي احنا بعصر تطور كل شي فيةحتى الزواج مايتم الابشوفه ورضا من كل الطرفين وبدون ضغط من الاهل كيف يرضى اصلا انه ياخذ ويعيش حياتة عمرها مع انسانه عجبت امه وماعجبتة
انا ماانكر ان الام لها دور بس بهالامور لا وبعدين مدام هذي اولها وش تبي فية يمكن يضحك عليها والايكذب الباب الي يجي منه ريح سده واستريح وسامحيني على صراحتي

المشكلة الرسميات اللي بين الاهل هي اللي تضيع العائلة

والله لوتصير ميانة بين الام وعيالها جان قلة شوي مشاكل العيال وانحرافهم.

اكيد شي صعب عليه يصارح امه انه يحب وحدة لانه ماتعود ولا امه تعودتها منه

صدقوني مايفكك العلاقات بين العائلة الا الرسميات الزايدة عن حدها ومن زود هالرسميات اي شي الولد او البنت يفكرون فيه لو هو صح هذا الشي اللي يفكرون فيه تلقونهم يخافون يصارحون امهم او حتى الاخوات بينهم او الاخوان . ليش لان الام او الاهل ما عودوهم على هذا الشي.واذا طاح الفاس بالراس قالوا الاهل ليش ماعلمتونا من البداية على شان نقدر نساعدكم وبس وعلى هالحال الحمدالله وليش ما انتوا يال الام ويا الابو ما عودتوهم على الديمقراطية بينكم وبينهم والا فيكم بس تهاوشون وتضربون وتحرمونهم من اشياء.
واذا هو صج يحبها شلون يرضى انه يظلم بنت الناس الثانية اللي مالها ذنب حرام عليه واذا هو صاج فعلاً يصارح البنت اللي بتختارها له امه بأن يرسلها احد من اخواته وتشرح لها الوضع هذا اذا هو صاج ويبيها يسوي هالشي.
بنات الناس مو لعبة .
وهي بعد لا تستسلم له مرة وحدة ولاتقدم له اي حلول هي تقوله انا بنت مابيدي شي كل شي بيدك.
وانا اللي فهمته من مشكلتها انها مابينت اي شي ايجابي صدر منه لو على الاقل مجرد يلمح تلميح لاهله. مالت عليه.