أطلق او شو اسوي؟؟؟ انصحوني جزاكم الله خير

الله يخليكم لا تبخلون على بالنصيحه.. والله يجعله في ميزان اعمالكم انشالله...

بقول لكم قصتي بشكل مختصر.. وشو اسوي:

انا زوجه ثانيه.. الزوجه الاولى لزوجي من اهله ومرتبطه فيهم.. انا طبعا رافضيني.. صار لي سنه ونص معرسه... زوجته الاولي عندها اطفال.. ولد وبنت.. وزوجي وايد متعلق بأطفاله .. وايد حاولنا احمل وما حملت .. والدكاتره يقولون لي عامل نفسي...

المهم .. زوجي ابدا ما يعدل.. وزوجته تحاول تتخلص مني بأي شكل... من عرسنا ما بات عندي غير 5 ليالي بس... يزورني كل يومين نص ساعه او ساعه على الاكثر...

يحبني يعاملني بشكل وايد زين... بس مالي اي حقوق.. ما خبرت اهلي عن هالوضع وعايشه بروحي تماما.... كل مره يقول باجر بعد شهر .. اصبري الحين بعدل .. ولا بين شي..


احبه وايد.. وهو انسان طيب بس مشكلته شخصيته ضعيفه.. انا الوحده ذبحتني.. وايد تستوي بينا مشاكل على سبة اني اريده يعطيني حقوقي.. ودائما ينتهى الموضوع ب انشالله..


آخر مره اخذت موقف حازم بع ما اقترح على يعطيني يومين في الاسبوع(اذا كان فعلا راح يسويها) وهي 5 ايام.. قلت له انا اريده يعدل بينا .. او ننفصل... لاني بحس بالظلم ومشاكلنا ماراح تخلص.

صار له 20 يوم ما قرر ولا سأل ولا اتصل..

هو يوم ازهل يهجرني عادي بالاسابيع...

الحين شو اسوي؟؟ اطلق؟؟؟؟ وهل الله ما عطاني عيال عشان مب كاتب لي نصيب معاه؟؟؟ هل راح اتزوج ويكون لي عايله وعمري الحين 30 سنه؟؟؟؟؟؟؟؟؟ شو راح يكون موقفي مع الناس؟؟؟
انا وايد احبه وهو انسان وايد زين بكل المقاييس بس .. ضعيف

اصبر؟؟؟ لين متى؟؟؟ هل هالصبر رايح يضيع على حياتي؟؟؟؟؟؟؟؟ هل راح يعذبني اكثر لانه يشوف اني اقبل واصبر في الوقت اللي الاولي ترفض وتعاند ويمشي لها امورها بحجة ما يريد يخسر بيته وعياله؟؟؟ مليت الوحده والخوف والانتظار.. وكلام الناس على .. في جيران يتحرونه صديقي مب زوجي.

شو رايكم؟؟؟ شو اسوي؟؟؟