في البداية أحب أقول لكم ترى السكر البني أطعم من الأبيض في السترول وقبل كل شي ترى أول مرة أشارك بطبق المقادير :6 م ك زبدة
1 1/2 ك ماء حار أو ساخن
3 م ك زبادي وممكن تعوضينها بلبن إذا ما عندك زبادي بس زيدي الكمية شوي
3 م ك عسل
4 ك دقيق
1/4 ك حليب بودرة
م ك خميرة فورية بس أنا زدتها شوي تقريبا زدت نص ملعقة
بيضة واحدة
م ص ملح
فانيلا
مقادير الحشو :الحشو من عندي مش على طريقة منال
سكر بني
دارسين ناعم
زبدة لينة
جبن كيري
وإذا بغيتوا حطوا عين جمل مدقوق أو بندق مدقوق مقادير السكر:
سكر بني
فانيلا
حليب بودرة
ماء قليل
الطريقة :
في وعاء نحط الماء والزبادي والزبدة يعني تصير الزبدة ذايبة والعسل
والفانيلا
ثم نضيف الخليط الدافئ " لازم يكون دافئ مو حار علشان الخميرة ما تخرب ترى كم مرة خربت علي بعض العجاين بسبب هالطريقة"
نضيف كأسين الدقيق الدغعة الثانية بالتدريج الى أن تصير العجينة متماسكة ما تلصق " إذا لزم الأمر زيدي كمية الطحين لأنه يختلف من طحين لطحين أنا استخدمت دقيق الكويت وزدته"
بعد العجن نغلفها ونخليها تتخمر "طبعا أنا عجنتها بيدي مو بالخلاط"
إذا تخمرت نفردها وندهنا بالزبد اللين والجبن الكريمي والسكر البني والقرفة والمكسرات إذا حبيتوا ونلفها رول ونحطها في صينية ونحززها بالسكين من فوق بس ما نقطعها راح تفهمون قصدي إذا شفتوه في الصوره
نحطها في الفرن على نار متوسطة وبعدين نشغل من فوق وإذا طلعتوها تكونون مجهزين خلطة السكر وتصبونها عليها
وطبعا في النهاية لازم تكونون مجهزين دلة قهوه علشان تاكلونه وهو ساخن ولأن الحلى مايمشي الا بقهوه
وبالعافية مقدما
وأعتذر عن باقي الصور لأن الفوتوشوب مو راضي يشغل
وتسلم ايديك مشاركة جميلة