بسم الله الرحمن الرحيم
و الصلاة والسلام على رسول الله و على آله و صحبه أجمعين
الملوخية طريقتها سهلة كتير و سريعة
اول شي بنحتاج ملوخية مجمدة ( في حالة ما توفرت الطازجة)
انا بستخدم نوع مونتانا او ادفينا احسن تنين
و بنحط تقريبا لتر و نص مرقة دجاج ،، بعد ما تغلي بنحط البكيتين ملوخية و بنحركهم باستمرار عشان يدوب عنها التلج
بعد ما يدوب بنتركها تغلي على نار هادية
انا بتركها تقريبا تلت ساعة مع الاستمرار بالتحريك كل فترة
هلأ بنحضر تقلية التوم ( خمس او ست فصوص توم مهروسين + شوية كزبرة مطحونة ناعم و ملح )
بنقليهم سوا عالنار لحد ما تطلع ريحتهم الروووعة بعدين بنديرهم عالملوخية و بنحركها خمس دقايق على نار هادية
و بنطفي النار و بنقدمها سخخخخخخخنننة
انا بحبها تغميس بخبز او مع رز صنوايت و اكيد الشطة الغزاوية
ملاحظة: في ناس بحطو بندورة مقسومة من النص مع الملوخية عشان ما بحبوها تكون تمط بس انا ولا مرة جربتها لئني بحبها على طبيعتها :D
و صحتين و عافية
*رتاج* @rtag_14
كبيرة محررات
يلزم عليك تسجيل الدخول أولًا لكتابة تعليق.
الصفحة الأخيرة
شهيتيني