أظافري تتكسر ويش الحل....................؟

اهلين اختي اطياف اتمنى انك تكوني بأتم الصحه والعافيه الي باين عليكي ان عندك ضعف وعشان كذا تتكسر اضافرك والجلد الي حول اظافرك تطلع منه زوايد انصحك اما انك تروحي للطبيب او تروحي للصيدلي وانصحك اذا كنتي في الرياض تروحي لصيدلية مستشفى الدكتور سلمان الحبيب لانهم فاهمين شوي لان بعض الصيدليات تروح عنده تقوليله ابغى كريم يعطيك صابون مو كلهم طبعا انا وصفولي فيتامينات والحمد لله سرت تمام وبعدين حاولي تنوعي في اكلك وبلاش الكبسه والدجاج والشوربه نوعي كلي خضار مسلوقه بالبخار كلي فواكه كثير اذا جعتي العصر مثلا كلي فواكه اشربي مويه كثير وبشفاء انشاء الله.

أكيد عندك نقص حاد في الكالسيوم...جربي تزيدين من الجبن والحليب واللبنة و المكسرات مثل اللوز(Almond)والفول السوداني والكاجو لأن فيها زيوت مفيدة، وفي في الصيدليات فيتامينات خاصة بالشعر والأظافر إسمها (هيلثي لايف) عطتني إياها الدكتورة الجلدية..ولو تسيرين الدكتورة الجلدية يكون أحسن عشان توضح لك النقص بالضبط عندك في أي فيتامين.

هلا اختي اطياف نجد

مثل ماقالوا البنات التغذيه بالدرجه الاولى

ومن ثم العنايه الخارجيه عندك الثوم مره يقوي الاظافر بانك تاخذي فص ثوم وتفركيه على الظفر والليمون كمان

لكن اهم شي التغذيه

وشكرا

هلا فيج اختي أطياف نجد الاخوات جزاهم خير ما قصروا بس حبيت أقول لج أن حبوب الخميره اوكي للاظافر انا كنت أعاني نفس المشكله ومن يوم خديت حبوب الخميره الحمد لله

هلا وغلا ببنات حواء

أشكركم على اهتمامكم بموضوعي

وتبون الصدق والله ماخليت فيتامينات ولا كريمات ماحطيتها والنتيجة ممكن يكون فيه تحسن في البداية ولكن سرعان مايرجع مثل أول

عالعموم فكرة صيدلية الحبيب هذة جديدة علي إنشاء الله بروحلها من الفجر


ودمتم لي :41: