أعاني..........وزوجي....!!!!!! !!

السلام عليكم ورحمة الله وبركاته ,,,,بنات حواء الغاليات أنا في حالة لا يعلم بها الا الله متضايقه ومهمومه والسبب زوجي حبيبي آآآآآآآآآه يابنات تعبت وربي تعبت من عدم مبالاته :angry2:هو طيب وحنون وحبوب لابعد الحدود مايحب يزعلني ولا يرتاح الا براحتي بس مشكلته انه عايش يومه فقط مايفكر بمستقبلنا ولا يحب يشيل مسؤلية أبدا يعني انسان مسالم وهادي ويبسط الامور عشان يبعد عن مواجهة المشاكل ..للعلم احنا متزوجين من سنه ونص وسكنا بشقه فوق أهله وبكذا اعتمد عليهم ببعض الامور وأولها الايجار هم يدفعونه لنا لانه ما حاول يجمع للايجار ولا ريال وبكذا اضطر أبوه يدفعه لنا وغير كذا ماااااااااااايحب دوامه أبدا أقدر أقول عنه مماطل بالعمل وكثير تجيه انذارات لكثرة الغياب بلا سبب وعذره ان مكان عمله بمنطقة بعيدة عن منطقتنا ولايجي الا باجازه مرضيه او يترك الدوام بمزاجه بدون عذر والله جنني بكذا ماراح ينقلونه لمنطقتنا لو جلس العمر كله على وضعه واهماله للعمل حتى مديره حقد عليه وصار يرفض يعطيه اجازات وياليت يواجهونه أهله بتقصيره واهماله ويحاولون يوجهونه وينصحونه لا سلبيين من هالناحيه وساحبين أنفسهم من الموضوع.... لا تقولن ليش ماتروحين معاه وتنحل مشكلته ؟؟؟السبب اني أنا نزل لي تعاقد في مدرسه بنفس منطقتنا وما أقدر ارفضها أولا أنا بحاجه للوظيفة وثانيا لورفضتها راح انحرم من حلمي اللي تعبت ما وصلت له ولا أبي أتنازل عنه وثالثا مرتبه نصفه ديون ويطيره أول ماينزل مايفكر كيف راح ندبر امورنا لاخر الشهر وعلى ايش على اشياء تافهه وكماليات مالها أهميه تعبت وربي معاه واذاحاولت اتناقش معاه علشان دوامه يتضايق ويبيني أسكرعلى الموضوع مايبي يناقش ولا يشيل مسؤليه ولا يفكر بشئ وعذره انه تعبان نفسيا من البعدوعدم الاستقرار يحب يعيش بسلام وهدؤ بدون تخطيط للمستقبل ولا كيف يحسن وضعنا وكثير مايوعدني بأمور تخصه وتحسن مستواه ولا يسوي شي ؟؟؟؟كله عجز وتأجيل بتقديم أوراقه يمكن ماتاخذ منه ساعه بالكثير ...........مليييييييييييييت وتعبت نفسيا صار هاجس فصله قدام عيني خايفه يفصلونه بأي لحضه.....:(والحين جتنا بنوته وشايله همها وكيف راح نأمن مستقبلها باقي لي كم يوم واطلع نفاس وحييييل ضايقه أبي أعدل حياتنا بأي طريقه أرجوكن ساعدني كيف أواجهه وأحاول أغير من شخصيته ونضرته للامور بجديه ,كيف يتحمل المسؤلية ويهتم بدوامه ؟؟؟ساعدني خواتي الله يفرج عنكن كل هم
للعلم أنا أخت ماوي 999