أعاني من الخطوط البيضاء

حبيبتي جربي خل التفاح المخلوط مع ماء الورد(كميتين متساويتان) بعد كل حمام تاخذينه..البنات وايد يمدحونه..انا جربته مرتين بس ريحته لوعت جبدي..خخخخخ
وفي بنات يمدحون زيت الزيتون الاصلي..تفركين مكان الخطوط بالليفه..للعلم ماجربتها
الله يعينا :(

والله انا استمريت على خل التفاح

بس بدون اي نتيجة مع الاسف

تعبت نفسي واتحملت الريحه على الفاضي

عزيزتي

هذه مشكلة 4:3 نساء العالم اذا كان بهالمعلومة عزاء لكي..........

جربت خل التفاح مباشرة على المناطق المنكوبة حسيت ان بشرتي شيء بسيط انشدت ولكن الخطوط لم تختفي ولا ذرة

قالوا زيت الزيتون مفيد وجربناه ولم يفد قط


قالو كريمات خاصة لهالمعضلة بالصيدلية شريناها وبرضوا كنك يازيد ماغزيت


بقى اخر شيء ماجربته واتمنى يكون هو الحل ألا وهو طريقة الاخت الموسوسة

تشققات الجسم تعتبر قصة كفاح طويلة يبغالها صبر وثبات وإذا هالعنصرين مو موجودين عندك لاتتعبين نفسك

لو تدخلين غرفتي تحصليها عطارة وصيدلية ومركز تجميل لكن يغلب علينا الكسل
التشققات يبغالها نظام غذائي ثابت وكريمات ترطيب عاليه اهتمام بالغ

وكذلك رياضة مستمرة : اشتري لك سير متحرك وامشي يوميا لمدة 5 دقائق وزيدي المدة الى الحد الي ماتملين منه

واستخدمي طريقة الموسوسة عندي إحساس انها مفيدة لانها منطقيا مقنعة

اتمنى تلقي علاج فعال بس لا يضيق صدرك هذي مشكلة اللغالبية وليس انتي وحدك

دكتور المنتدى يقول انها تروح بالليزر العميق

ولازم ترطبينها من الداخل ومن برا

الترطيب الداخلي استخدمي لها كبسولات كولاجين لانه التشققات عبارة اساسا عن نقص الكولاجين وفقدانه اللي يسبب فقدان مرونه الجلد او كمان فيه كبسولات ثانية في جي ان سي

تقول وحدة انها اشترتها وقالت لها الفلبينيه انها توخر الخطوط البيضا

وكمان الترطيب الخارجي بالكريمات والمداومة عليها خصوصا بعد الحمام والليفة والبخار وكل هاذي الاشياء

وفيه وحدة تبيع في المتدى زيت للتشققات تمدحه وحده جربته وتقول يعطي لمعه ونعومة ويخفف من

الخطوط

في النهاية هي حكاية مواظبه

انا زيك مهملة وحاسة الخطوط كل مالها تزيد وان شالله راح ابدا اركز على العناية بس الله يبعد عني

الكسل