أعاني من مشكلة مع أولادي ساعدوني

السلام عليكم ورحمة الله وبركاته

هذا أول موضوع لي في هذا الباب وأرجوا منكم المساعدة اذا احد له خبرة في مجال تربية الأولاد
أنا متزوجة والحمدلله وعندي ثلاثة أولاد الكبير 13 سنة والثاني 10 سنوات والثالث 6 سنوات مشكلتي تكمن بين اولادي الكبار فهم شخصيتين مختلفتين تماما الكبير شخصيته قوية متسلط وأناني وصاحب مشاكل لا تنتهي ومقصر في دراسته وديما يضرب أخوه ويهزأه هذا سببه معروف لأنه مراهق لكن مشكلة الثاني أصعب لأنه صار سلبي ويخاف منه لدرجة انه لو ناداه يترك اللي في يده ويروح له في حال اذا انا امه ناديته مايسمع لي يعمل لأخوه ألف حساب ولا يقول له لا ولا يعارضه لدرجة ان يأخذ حتى أصدقاءه منه وما يقدر يقول له لا تصوروا!!! ومرة من المرات تهاوش معاه الا يصرخ في وجه ويصيح ويقول له خلاص اتركني في حالي ابي أعيش حياتي بعيد عنك وهم بيشق حتى ثيابه من حر مافيه وصار انطوائي ويبتعد عن حتى أهلي عشان بس مايسبب له اي احراج وأنا وزوجي حاولنا بكل الطرق ولازلنا نحاول اصلاح الولد الكبير بس الثاني أحسه سلبي وهل يحتاج الى طبيب نفساني ؟؟؟؟؟؟؟؟؟؟؟؟؟

الولد الثاني ذكي وشاطر ماشاءالله ومخه نظيف بس خايفة عليه لأنه صار متوتر والسبب أخوه مايخليه في حاله يعني أعاني وصايرة بين شخصيتين الأول قوي والثاني سلبي وانطوائي ياريت تساعدوني لأني بالفعل كل الطرق جربتها وليل نها أدعي الله يهديهم بس يمكن أحد يساعدني منكم .
ولدي الكبير مراهق ولازم أكسبه وما أوبخه أو أضربه ولكن بعد هذاك ولدي الثاني يعاني من أخوه وأنا في حيرة من أمري

أبي مساعدتكم وأكيد مابتقصرون معاي والله يهدي الجميع

وآسفة طولت عليكم