السلام عليكم ورحمة الله وبركاته
في البداية يسرني أن أنظم إلى أسرة المنتدى وحقيقة إستمتعت بقراءة مواضيعه000
في الحقيقة إني أعاني من مشكلة الشعر الزائد على الوجه وخصوصا ظهور
شارب ذو شعر كثيف ما أدري هل هناك طريقة يمكن أن أزيله بها
تحياتي لكم

صمت القوافي @smt_alkoafy
عضوة جديدة
هذا الموضوع مغلق.
الصفحة الأخيرة
الشعر الزايد مشكله والها الف حل
1_ فيه مكينه جديده من برون ممتازه اتشله بس كوني حذره عشان ما تقرصج :)
وحاولي يكون الشعر قصير
هيه لها ثلاث روس واحد للاماكن الحساسه وواحد للجسم وواحد يخف طول الشعر ويشله مثل الموس
اول شي تقصرين طوله مب تشيلينه بالموس لا تقصرينه
وبعدين تجيبين الراس للاماكن الحساسه وتشلين فيه بشويش تحطين لسانك في الجزء الي بتشلينه تسوين بلونه وتشلين بشويش وحذر لين تخلصين
الكينه لونها رمادي مع كحلي مائل للبنفسجي
2_ممكن تشيلينه بالخيط في الصالون بس المشكله يطلع حب
عندي الحل اول ما تخلصين من شل الشنب بالخيط
تحطين عليه كريم اسمه senophile
لونه اصفر من برى والكتابه بالخضر
الكريم فرنسي وموجود في المغرب بكثره واكيد في الصيدليات الي عندهم منتوجات فرنسيه
ممتاز حتى في الاماكن الحساسه
نجي رقم
3_ مكن تشيلينه بالشمع بس لازم تعرفين تشيلين زين عشان ماتحرقين شفتك
احسن نوعيه الشمع السوري
4_ ممكن تشيلينه بالوكس زين
5_ في حد يشيل بالحلاوه بس مش زين ترهل المنطقه وتسبب مشاكل وتجاعيد في المستقبل
6_ ممكن تشيلينه باليزر
ممتاز وامن وانا مجربتنه
واسعاره الحين اخص من اول بكثر في الامارات مادري عن باقي الدول
وانشالله اكون افتج
:)
سلام
اختج نجوووووووله