وعليكم السلام والرحمة والبركة اهلا وسهلا بالاخت ليين
انا انصحج تكلميين دكتورتج بهذ الموضوع لانهم عادتن يحطون نظام غذائي للحامل على حسب صحتها ووزنها .
ولكن عندنا اعتقادات خاطئة بان الحامل لازم تاكل اكثير لانها تغذي شخصيين
علشان كذي تلقين الحامل تكتسب وزن زايد اكثير وبعد الولادة تلقى صعوبة في التخلص منه
الزيادة الطبيعية تكون بين 12 الى 15 كيلوا تكون متضمنة وزن الجنيين والمشيمة والماء والرحم ودهون تتخزن في جسم الحامل علشان تتحول الى حليب عند الولادة شوي حكمة رب العالميين ... فالامهات الي يرضعون رضاعة طبيعية ومستمرة يرجع جسمهم الى طبيعته قبل الحمل اما الي يرضعون متقطع مع استخدامهم الحليب الصناعي او مايرضعون بتاتا
هم الي يتوهقوووووووون في الوزن الزايد .
فانتي كلي وجبات خفيفة ومفيدة مثل السلطات والفواكة التمر والحليب البقوليات
بيض اسماك لحوم الخبز الاسمر وحاولي تخففي من النشويات مثل الرز والمعكرونه لانها تمتن ووووووووووووايد ، والنصيحة المهم اسمعي نداء جسمك يعني اذا جعتي كلي بس كلي اشياء غنية بالفيتامينات ووالالياف . اشربي اكثير من المااااااااااي والعصاير
خاصة البرتقال لانه يساعد على امتصاص الحديد وايضا يخفف من مشاكل الامساك الي تصيب الحوامل .
اتمنى اني افدتج واتمنى البنات يساعدونا ويقدمون لنا مافي جعبتهم؟

اختي الحلوه- سوووم- لاتخافيين لان المكتوب على الجبيين بتشوفة العين
بصراحه ما الومج اذا خفتي لاني مرت علي ايام كنت مرعوبه واحلم افلام رعب
بس ايام وعدت الحمد لله وانا اليوم كملت اسبوع في التاسع بس والله مب خايفة لان هالشي مر على نساء العالم على امج وامي والله رؤوف رحيم وتجربة بتكون ساعات او ايام وبتمر انا عندي قاعدة براسي او مثل امشي علية في كل شي - اذا التعب مؤقت وفترة بس فالراحه دووووم- فالحمد لله ان الم الولادة شيء مؤقت بتنسينة وبيروح
وبعدين نحن باذن الله مأجووووووووووريين تخيلي بعد الولادة ترجعيين كم ولدتك امك خالية من الذنوب ... فكر في الاشياء الايجابية بتستانسين وبتدخلين الولادة بقلب قوي انشالله ويكفيـــــــــــــــــــــــــــــــــــــــــــــــــــــج انج بتستويين -امــــــــــــــــــــ -
وبعد اشهور في طفل بيناديج وبينطق او كلمة له وبيقول ماما
ويكفيج انج حققتي افضل شي تحصل عليه المرأة الي اهي الامومة .

طولت عليج :)
ولاتخافيين في وايد بكريات ماكملوا شهرهم كله انا خواتي عادتن بعد اسبوعيين من التاسع يولودن ودامج في التاسع لا تخافيين
الله يقومج ويقوم كل حامل بالسلامة .

هلا بحبيتي الخوافة نجــــــلاء
تصدقين كنت لو حامل ببنية بسميها نجلاء اسم يجنن
علشان اشعر فيها واقول الخد راوي والعين نجلاء :)
.......................................................ياناس انا فايقة ورايقة...................................
قوي قلبج يا نجوووولة ولا تخافيين الم وبيروح واجر غير ضائع انشالله
جربي شربي شي من وصفات الاخوات الخروع مثلا لان حتى الدكاترة يوصون به
مابقى لج شي عن العاشر / تصرفي يابنت :)

اختي blue sky
هلا فيج الله يخلي لج البنوت والوليد ويبارك فيهم ويعطيج الصحه والعافية
الحين تاكدنا بكلامج ان مافية قاعده في طلق والولد والبنت الطلق طلق سواء بنت او صبي
يختلف الالم من الله ويمكن بعد على حالت الحامل والظروف ورحمه الله
الله يرحمنا ويخفف علينا ويرزق كل محرومة

وانتي بطلة يا بطلة بس دعواتج الطيبة نكون ابطال :)

شكرا على الموضوع مرره فكرته روووعه ..

واستمتعت جدا بقراءه تجارب الاخوات مع الولاده عليهم خفة دم ماشا الله عليهم .

ان شالله ربي يسهل للجميع ويرزقهم بالذريه الصالحه .

حسن الخلق وهون الطلق ياربي..

ابحكيكم عن تجاربي في الحمل طبعا تجارب شخصيه مالها اصول علميه :)

شوفي ياماما الولاده تبدا بشي من ثلاثه .
1- اما طلق يجي فجأه يزيد بالتدريج وتبدا تتقاصر المده اللي بين الطلقات

بس يسبقه نشاط غريب يعني تحسين انك نشيطه وذاك اليوم تقومين تنفضين بيتك وتغسلين ملابسكم يعني على غير العاده تحسين بنشاط.

واذا عندك طفل في البيت تلاحظين انه يلزق فييك ذاك اليوم ولا يبعد عنك لو دقيقه هههههههه كأن قلبه حاس انك بتولدين وتنشغلين عنه بالضيف الجديد.

2- او المويه عاد المويه حدث ولا حرج فجأه تنفجر لو انك نايمه ولا في السوق ولا في الشارع فجاه الا الدنيا غرقانه.

هذا من المواقف المحرجه للحامل خاصا ان مامعه اي الم في البدايه مويه كذا وانتي في اتم العافيه ومنتي حاسه بشي

لكن المويه تخوووف وتلاقين نفسك تبكين مع انك ماتتألمين ..بس تدرين ان العلم وصل :)

هنا اذا كانت المويه كثيره لازم في اسرع وقت تروحين للمستشفى لاينشف الجنين ويتضرر.

3- اما الثالثه فهي سداده عنق الرحم وهي ماده مخاطيه فيها خطوط دم ..

هذي غالبا تبدا ولادة اللي متأخره في الولاده يعني اللي دخلت العاشر او على وشك.

ويكون معها طلق خفيف بداااية الطلق تنزل هالماده ان شفتيهاا اعرفي ان اللي فيك ولاده ميه في الميه ..

لان اللي يخلي الوحده ماتدري هي ولاده ولا لا الطلق الكاذب اللي هو الطلق اللي يجيك في التاسع كاستعداد من الرحم للولاده سبحان الله ..

اما بخصوص طلق الولد والبنت انا من رايي انه يختلف تماما .

طلب البنت باااارد وفي البطن.

والولد حااااار وفي الظهر يعني تحسين بالام مثل الحزام اللي ملتف على جسمك ظهرك وبطنك .

والله يسهل لكل حامل وتولد بالسلامه ياااارب فعلا لحظات صعبه لحظات الولاده بس الله يساعدنا يارب.