ما عُدتُ أنا @ma_aadt_ana

محررة فضية

«®°·.¸.•° أعزمك..بس..؟؟!!°·.¸.•°®»

وش رايكم باللوك الجديد؟؟

:biggrin:

لا تفرحون مب عازمة أحد..

أصلاً أنا مسافرة << نصابة :hahaha:

كنت أسولف مع صديقتي..

قالت لي بجي عندك اليوم..

أو أنتي من البنات اللي ينحرجون من أهلهم..

ولا يستضيفون صديقاتهم؟؟

:blink:

قلت بالعكس ..وادخلهم غرفتي بعد :icon30:

مع إن بيتنا جداً عادي وقديم إلى حد ما..

لكن استغربت..

صحيح فيه ناس ينحرجون من أهلهم؟؟

وهل لازم يكون البيت فخم وكشخة حتى تعزم ؟؟

الغريب إن الحاصل العكس..

قبل لما كانت البيوت بسيطة الكل يزور الثاني بدون حتى ميعاد..

الحين لما صارت سيراميك وأثاث فخم وغالي..

محد يزور أحد إلا نادراً..ويشيل هم الزيارة..الزائر وصاحب العزيمة!!..

والغالب يصلحون البيت ويخلونه من أحسن ما يكون..

بعدين يعزمون ربعهم باستراحة أو منتزه..

:confused:

:humm:

وش يحسون فيه؟؟

صحيح كلنا نحب الشي الحلو والمنظر الجميل..

لكن ما جينا نقيّم البيت..

اللي نبغاه نجتمع مع اللي نحب..

ننبسط..

نصل الرحم..

نلاقي الصديقات..

الجمال أساسه النظافة والترتيب..

أما الباقي على حسب قدرة الشخص وإمكانياته..

مو مهم..

مو مهم أهلك بريستيج وياااي وماشين ع الموضة..

من متى كانت المظاهر مقياس لجوهر الإنسان؟؟

من متى كانت المظاهر معيار..ترتفع على حسبه نسبة الصداقة ورفع الكُلفة؟؟؟

على كذا ماراح أصادق أحد لين تخلص فلتي الجديدة << تحلم :icon30:

بس هاه..

أعزمك..بس أول أعزميني أشوف بيتك..

عن سبحان الله يصير أحسن من بيتي..ولاّ أهلك أكشخ من أهلي..

وأهون وأعزمك على مقهى بالسوق :hahaha:

يلزم عليك تسجيل الدخول أولًا لكتابة تعليق.

تسجيل دخول

the*wife • 14 سنة

فعلا البيوت وسعت و القلوب ضاقت يوم الناس بيوتها قديمة و طين و البيبان مفتوحة ما يتسكر لين ينامون و يمكن مايسكرونها
وأنا ما أحب اللي يتكلف و يسوي المستحيل ترا الجلسة تعتمد على البسطة و الونس مو وش حطو لي و قدمو لي
الله المستعان

جوآن الهيلا • 14 سنة

اهلين يالغلا وينك ياشيخة لك وحشة:)
بصراحة انا الملاحظة ان اغلب الناس يتازورون ع يشوفون البيت والاثاث وطريقة التقديم حتى اذا احد راح لاحد مايقول زرت فلان يزين اخلاقه ويحلو استقباله صار يقولون عن الاثاث والبيت والحلا والموالح ووووو
بصراحة صار الغالب ع المجتمع في كل شي مو في الزيارات المظاهر وليس الجوهر:44:

مشككوره ع الموضوع الجميل :26::26:الله يسعدك في الدارين

اوراق من ذهب • 14 سنة

طيب هذا الي حاصل
اول ماتفتحين الباب لصديقتك قبل تسلم عليك ولا حتى تملا عينها منك تتفحص البيت بنظره سريعه بس شامله!!

ياااااالطيف بعض الناس مايستحون تسلم وعيونها بتنقز من راسها

ودك تسالينها مضيعه شيء ببيتنا؟؟

هذا اذا مافزعتي وقمتي تلفتين حولك من الشك والريبه

ولا الي اقوى منها الي بعد خمس دقايق تقول يالله فرجيني على بيتكو
سلامات جايه تزوريني ولا تفتشين بيتنا
الله يرحم زمن اول روح مع اهله معاد فيه علاقات انسانيه للانسانيه

معاد الا مصالح او مجرد ملأ فراغ وتضييع وقت

واصلن البيت الي مو بالمستوى المطلوب للوقت الحاضر ماودك حتى اقرب الناس لك يزورك لانك لابد بتحصلين ذبه ولا تنقيص من خلال النظرات او الهمسات
ووجهة نظر خاصه البيت بناسه مو بجدرانه بس ان ماطاعك الزمان ولا طيعه

شيفون 2009 • 14 سنة

أهم شي النظافه والترتيب واللي عازمني يكون خفيف بشوش
عمر ماكانت المظاهر مقياس

ولا أقاربي ودي أحضر عزيمه ببيوتهم دائما بأستراحات
عادي نزورهم بلحالنا بس كل خوالي جميع مستحيل ولا كل أعمامي جميع مستحيل و السبب لأنهم ماشاء الله كثيرين
حنا لا نحط عزايمنا بالبيت لأن بيتنا كبير بس الحين حنا صرنامثلهم بأستراحات
ياحلو البساطه وياحلو العزيمه بالبيوت طلعت برى الموضوع بس هالشي مضايقني

أكاليل البنفسج • 14 سنة

فعلا هذا اللي صاير