أعشاش البف باستري باللحم والكريمة وااااااااااو بقووه

مساء الخيراااات


هذا الطبق سويته مره وحده وبعدها الله لايوريكم انواع الإدمااااااااان

نبدا بسم الله..

المقادير

1_ باكيت عجينة بف باستري قليلة الدسم ذات الـ 15 حبــــــه
2_ نص كيلو لحم مفروم
3_ بصل مقطع صغير
4_ ملعقة كبيره ثوم مهروس
5_علبة صلصة حمراء
6_ بهارات مشكلة مطحونة
7_ مكعبات صغيرة بطاطس وجزر مقلية ونخلطها بعد القلي مع بازلا وفلفل بارد وبصل مكشن
8_ كريمة خفق 200 مل
9_علبة قشطة
10_كاس جبن بوك كبير 240 مل
11_ نص كاس صغير ماء
12_ جبن موزاريلا مبشور
13_ جبن بارميزان مبشور
14_ أعشاب إيطاليه (أوريغانو)
الطريقة :

أول شي نحط المقادير اللي في رقم (7) بصينية بايركس بحيث تكون قاعدة للطبق .

بعدها نسوي حمسة حشوة اللحم اللي في المقادير من (2) إلى (6) ونحشي فيها مربعات البف باستري على شكل
أعشاش مفتوحه ونحطها الفرن بصينيه مستقله إلين تتحمر شوي بعدين ننقلها للبايركس اللي فيها خليط البطاطس
والجزر والكشنه ونصفها بشكل مرتب
بعد كذا نخلط المقادير من (8) إلين (11) ونصبها فوق الأعشاش اللي بالصينيه ونرش الوجه بالجبن الموزاريلا والبارميزان والأعشاب الإيطاليه..

ندخلها الفرن ربع ساعه بس إذا كان فرن كهرب درجة الحرارة 400 وإذا فرن غاز 180 درجة وبعدين نحمرها من فوق وألف صحة وعافية على قلوبكم أتمنى تعجبكم واعذروني إذا كانت طريقتي في سرد الطريقة والمقادير لأني من زماااااان ماكتبت في النت ويدي مهي ماخذه على الكتابه كثير



تحياتي لكم