اخت زوجي تزوجت وحيد امه وحرمت امه تشوف عيالها وظلمتها وتجبرت عليها ومنعت ولدها يكرمها ويهديها وعمتها كانت طيبه وانطوائيه لابعد حد بعدها مرضت عمتها وتوفت ،، وتزوج عمها وحده ثانيه وكأن ربي سلطها عليها وشافت منها الويل واللحين كل مانجلس معها تذكر عمتها انها كانت طيبه وماراح يجي احد مثلها

وقصه ثانيه بعد واحد ظلم زوجته ٣٥ سنه بسبب اخته وزوجة ابوه واللحين رفعو عليه مو قضيه قضايا وهو رجع لزوجته ذليل مكسور بعد ماكان في صفهم ضدها وهي كلمه طيبه ومسالمه قليله في حقها فعلا ربي يمهل ولايهمل

وبعد قصه ثالثه 🤣🤣
اعرف وحده عندها اخوات زوجها اربعه ثنتين طيبات معها جدا وثنتين يظلمونها ويتبلو عليها يوميا ويزرعون الفتنه بينها وبين زوجها كل يوم تقريبا ،،
اللحين تزوجو كلهم الاربع ،، الطيبات ازواجهم عايشين بعيد عن اهاليهم وهم مثل الخاتم بيد زوجاتهم ،،
والشريرات ههههه كل وحده عندها ٧ و٨ اخوات زوج وعايشين في جحيم لايطاق كل يوم ضرب واهانه من ازواجهم ومشاكل وفتنه من اخوات زوجهم

يارب انصرني على من ظلمني عاجلا غير اجل

الله لا يجعلنا من الظالمين ولا المظلومين،
مايحضرني شيء حاليا ، بس حبيت ارفع الموضوع