وعليكم السلام والرحمة يا أم حفصة ..


ولي الشرف أنا أيضاً بكسبكم وكسب المنتدى الأكثر من رائع ..

مشكورة حبيبتي .. وإن شاء الله أكون عند حسن الظن ..


كوني بخير .. :) ..

نوااااااااااااااة

وين الطريقه :(

أفا عليج يا أم عزيزان ..

ولايهمج نطريني بس شوي ..

وأنزلها لج ..

وأبغيج في خدمة بعد .. :) .. تحمليني ..

في رابط ماني عارفة ادوره وهو عن الكراكيش شفته بالمنتدى هني من فترة .. من يوم عملت فيه الشال يعني من سنه .. :) .. إذا ما عليج كلافة دوري معاي .. وضيفيه هني بالموضوع .. أختج احتاست ..! :( ..

الطريقة لعيون أم عزيزان الغالية عندي .. لأني استفدت منج وايد بشهر رمضان .. وخصوصاً طبخاتج الحلوة .. :) .. يعني لج فضل علي .. ما أنساه .. وأنتي ماتدرين :) ..

راح أشرح لج الطريقة الحين .. وبعدين راح أنفذه لج بالخطوات بشكل مصغر بعون الله مع الصور ..

بها الشال عزيزتي ومثل ماذكرت لكم انه من الصوف المتين .. وأذكر انج يا أم عزيزان مره نفذتي شغله بنفس نوعية الصوف .. وتفاجأت لما شفت نفسه النوعية الي استخدمتها انتي بعد استخدمتيها بس الألوان مختلفة .. :) .. الذاكرة قوية .. !! عشان جديه راح يكون عندق فرق بعدد الغرز .. يعني على حسب الصوف الي راح تستخدمينه ..

نبدأ بعون الله .. ثرثرنا واااااااايد .. ولاحظي ثالث صورة .. اني اشتغلت هالمفرش بالطول مو بالعرض ..!

1. أول شي اشتغلت 50 غرزة سلسلة ..

2. طلعت غرزتين سلسلة عشان نبتدي بالحشو .. لأنه الصوف متين ..

3. كل غرزة سلسلة نعمل عليها حشو ..

4. لما نخلص من السطر الثاني أي الحشو .. نطلع 3 غرز سلسلة ..

5. وبعدين نعمل عمود .. يعني صار عندنا الحين 3 سلاسل وعمود .. (يعني نعتبرعهم عمودين ) ..!

6. نعمل 2 سلسله .. وعمودين وهكذا لين ما يخلص السطر ..

7. ونكرر العملية بس بالعكس وهكذا .. لين ما نوصل الى الطول اللي نبغيه ..

8. وبعدين بالنسبة الى الكراكيش .. نعمل على قص الطول المناسب لنا ونعمل بكل غرزة كركوشه .. والطريقة إذا حصلت اليكم الرابط .. وأتمنى يا أم عزيزان انج تساعديني عليها ..



وأي شيء يا أم عزيزان مو واضح قولي ولايهمج .. بشرح لج .. وتابعيني بالشرح المصغر للشال .. :) ..

هجورة ..


مشكورة اختي .. ويا هلا فيج انتي بعد ..


سعيدة لمرورك ..