حياكُن الله ويا هلا
زمان لي عنكم
وحشتوني ..
معليش تحنِّيت .. والحِنَّاء ماسكة يدي عن الكيبورد
من العيد إلين هالحين
المهم ..
هذي أربعة من أعمالي جمعتها لكم هنا في موضوع واحد
والبقية بإذن الله في مواضيع ثانية
لمن أرادت النفع والإستفادة ..
أدري ما فيكم تفكرون
وما عليكم شرهة
هادتكم الوزارة من كثرة الأنشطة والطلبات
عشان كذا .. تفضلوا عليكم بالعافية
يارب تلاقون فيها ضالتكم وخصوصاً اللي يبحثون في القوقل
عن شيء ينقذهُم ولو بفكرة
،
هذا أول ستايل ..
مثل ما تعرفون .. دعوة الوزارة للمساهمة بالأنشطة المساهمة في الفخر بالوطن
ودام عزك يا وطن
والله يحفظك لنا يا ملك الإنسانية
هذي مجموعة المكونات اللي وضعتها في عمل لإحدى طالبات المرحلة الإبتدائية
طبعاً الإهداء كان للطالبات
فحبيت إن يكون كافة الأشياء طفولية
أخذتها كلها أخضر .. عشان خاطر هذا الفيس >>
أما هذي الشوكولاتة فما تتخيلون لقيت عليها عرض
اشتري واحد واحصل على الثاني مجاناً
وما صدقت على الله
لا تفوتون عليكم العروض تراها تنفع في الزنقات
وخصوصاً بعد العيد
وكتبت بطاقة في خارج الكيس
بإسم الطالبة وعبارة إهداء
،
اللي حابة أساعدها في تنسيق عبارة إهداء حياها الله
على قلبي زي الوطن
الإستايل الثاني :
هذي سلة سعف خضراء
داخلها مجموعة حلويات مجففة منوعة
ووضعت معها ( سِبحة ) من باب
إن ذكر الله يُعـمـِّر الأوطان
ممكن تستفيدين من هالفكرة في الجنادرية أو في أي نشاط توعوي ديني
وهذي أكياس بدوية
وضعت فيها تعليقة ذكر
تستفيد منها المُهداء إليها سواءً طالبة أو معلمة بتعليقها بالإضافة للزنبيل اللي فيه الحلاوة .. والسبحة
بس هم عملين في سلتين .. كل سلة غير
ما أدري أحس كلامي مو راضي يترتب
بس انتم فاهميني .. صح
وهذا الإخراج النهائي
تسلم يدك هـــدوو على التصوير وعلى الإخراج
ترى اللي محلِّي أعمالي كاميرتك