أعمال يدوية بالأصداف البحرية

الفن والأشغال اليدوية

اليوم فكرتنا عبارة عن أعمال يدوية كلها باستخدام الأصداف البحرية

أول عمل

عبارة عن اطار للصور من الأصداف

الأدوات

اطار صور سادة


مجموعة أصداف بحرية متنوعة

صمغ قوي

ورنيش

الطريقة سهلة جدا

راح نبدأ في تثبيت قطع الأصداف بالشكل المرغوب فيه على الأطار الخشبي باستخدام الصمغ ثم يترك ليجف وبعد التأكد من جفافه يطلى بالورنيش سواء اللامع أو المطفي

والنتيجة

اطار صور من صنع يديك


ها أيش رايكم ؟؟؟

أذا عجبكم راح اوريكم بقية الأعمال اللي نقدر نسويها بأستخدام الأصداف

تحياتي للجميع
25
3K

يلزم عليك تسجيل الدخول أولًا لكتابة تعليق.

تسجيل دخول

ام ريتا
ام ريتا
شكرا عالموضوع،
ناطرين الباقي :27:
أم علي_2005
أم علي_2005
نورتي حبيبتي ام ريتا ومششكورة على مرورك
أم علي_2005
أم علي_2005
فكرة اليوم سهلة ومعظم أدواتها متوفرة في بيوتنا وتعتمد مثل الفكرة اللي قبلها على الصدف

شموع ميزنة بالأصداف

نحتاج الى

شموع عادية بدون اي زينة ومن أي لون تفضليه


مجموعة أصداف

مادة لاصقة

الطريقة

جدا سهلة راح تثبتين كل قطعة صدف بمادة لاصقة على الشمعة مع غرزها قليلا في الشمعة حتى تثبت بشكل مرتب أو عشوائي على حسب رغبتك والنتيجة

ايش رايكم ؟؟؟

تحياتي للجميع
أم علي_2005
أم علي_2005
انا راح أكمل

اليوم راح نسوي أبجورة مزينة بالصدف

اللي راح نحتاجه

*مجموعة أصداف



قاعدة للأباجورة تكون شفافة

* غطاء للأبجاورة

الي راح تسويه انك تعبين القاعدة بالأصداف ( وتقدري بعد تضيفين كمية بسيطة من الرمل النظيف الجاف

بعدين تثبتين الغطاء وطبعا القاعدة تجي جاهزة مع اللمبة والدارة الكهربائية

والحين شغليها وشوفي كيف يكون شكلها

أو تقدرين تستخدمين الصدف على غطاء الشمعة





هالمرة عاد أبي رايكم

يالله انتظر لا تفشلوني
أم علي_2005
أم علي_2005
فكرة جديدة تستغلين فيها الأصداف بطريقة عملية

عمل مفرش لطاولة مزين بحواف من الأصداف البحرية

كل اللي راح نحتاجه هو الأصداف والمفرش والمادة اللاصقة

راح تبدأين بتثبيت الأصداف على المفرش



والنتيجة

ايش رايكم ؟؟؟؟

اذا عجبوكم راح أكمل

تحياتي