ماشاء الله 
ربي يعينك ويقويك ايوه كذا اهتمي في بيتك وسمعنا الأخبار الحلوه عنك ^_^
ربي يديم عليكي الراحة النفسية 
وكما قالين الأخوات زوجك مابيغير الاثاث لأنه شايفك مهمله لبيته وعيالك مخربين لكن لو يشوفك مهتمه والبيت منظم وريحته حلوه بيرضى يغير الاثاث 
وكوني انتي وفري كل شهر مبلغ واشتري شي جديد 
فيه أشياء حلوه ورخيصه في سوق بن قاسم وفيه أشياء مستخدمه وبحاله ممتازه عندهم
انتي بس كلمي زوجك في وقت مايكون رايق وان شاء الله يرضى يغير الاثاث

الله يسعدكم يابنات ويجزاكم خير على وقفتكم ودعمكم لي
بالنسبه اجمع فلوس هذا مستحيل عند زوجي لانه ما يعطيني ولا ريال بيدي
اذا طلبت عشره حقق معي لايش تبيها هههههه بس ان شاءالله يجي حافز
وأشتري كماليات لبيتي أولها دولاب المطبخ واغير لون بوية البيت شكرًا لكم مره ثانيه
والله أنكم فرحتوني باهتمامكم لموضوعي

هلا اختي .. قريت الموضوع من اوله لأخره .. والحمد لله انه بديتي تغيرين من نفسك ..
صدقيني اختي عيالك .. شايفين منك الاهمال انتي اولا ومافي حد يتعلمون منه النظام ...

حاولي الحين وانتي ماشيه .. توجهينهم بس على خفيف لانه ماراح يتقبلون فجأة .. وخففي الضغط عليه وبالتدريج خليهم المساعدين لك ..

اول شيئ قبل النوم .. اقراي الاّذكار اللي قالوا البنات ضروري ..

والصبح بحول الله وقوته اول شيء خلي الغساله .. تشتغل .. وكل يوم خليها تشتغل .. لان ما شاء الله العدد كبير ..
انا ابدا غسالتي ما توقف .. يوميا تشتغل لو على قطعتين .. صدقيني ما راح تلقين ملابس متراكمة ..
وبعد ما تنشف .. طبقيها وحطيها بالدولاب ..

حطي كل بيجاما مع بنطلونها وطبقيهم مع بعض ودخليه .. وقسمي الدولاب ملابس الخروج بجهه والبيجامات بجهه وملابس النوم والداخليه .. بجهه .. بعد ما رتبتي ونظمتي خلاص ؟؟ خلي عقاب للي يخرب الملابس ويسحب قطعه ويرمي الباقي .. وخففي الملابس الفائض من الملابس لما تكون الكمية كبيرة لازم يخرب مع سحبه كل قطعه ..

المواعين .. اول بأول كل ملعقة اغسلهيا وحطيها ... على طول ..

سوي جدول للتنظيف العميق .. وخليه شهر مرة .. لازم جدول تمشين عليه ... دوري وابحثي افكار تنظيم ..
وقعدتك على النت خليها كلها بالقسم هذا ... وارجوكي اكتبي كل يوم شو سويتي هني وخلينا نتابععك ..

بخري البيت وشغلي فيه قران اثناء العمل ...

شوفي جدولي الشهري ... وقلدي اللي يعجبك ..

يوم تنظيف الاسطح الخشبية من الغبارر ..
يوم تنظيف الابواب ( ابوابي المنيوم بيضاء وبقع الاطفال واضح عليها )
يوم غسيل الحوش الامامي ..مع كنس يوم وترك ..
يوم غسيل الحوش الخلفي ي
وم تنظيف عميق للمجلس واقفله ..
يوم تنظيق عميق لحمام المجلس واقفله ..
يوم تنظيف عميق لحمام الصالة من مسح جدران والارضيات والبانيو وباقي الاسبوع ماانظفه لاني حامل ومااقدر اقعد له يوميا .. بس حطيت بخاخ فيه شوية ديتول وشويه كمفرت وماي ارشه يوميا قبل النوم على الافرنجي تكرمين وعلة المغسله فقط .. اما الارضية ارشها ماي بس ..
يوم
وهكذا ..
وفي اشياء اسويها مثل ما قالوا البنات نظام عشر دقايق ..
اوقف دقايق عند درج واحد من ادراج التسريحه بسس درج صغير انظمه وارمي الفائض اللي يصلح للخير للخير .. واللي قمامه قمامه تكرمين ..
احيانا توقفين عند طبخه تنتظرينها تستوي وما تقجرين تبعدين .. افتحي درج صغير .. درج الملاعق مثلا او درج الاكواب نظميها على السريع ..

عندي وايد افكار بس نسيتهااا .. لما اتذكرر برجع اكتب بس الله يخليج اكتبي لنا تفاصيل اليوم لين ما ينتهي الاسبوع القادم وتقولين ارتحت وصار عندي وقت فرااااغ ,, العب فيه مع اطفالي ,, ونفسيتي تحسنت ...

هذا الموضوع أجليه حاليااا ...
ونصيحه حاولي مع زوجك بالاقنااع .. وان شاء الله يقتنع ويشتري لو اثاث نظيف مستعمل ..

بس نصيحه انا زوجه اخوي واطفالها مهملين لأبعد درجه ... البيت فخم من برى وزباله من دااااخل ..

تعرفين شو يقولون الناس عنها للاسف .. يقولون ما تستاهل هذ البيت .. وكل الاثاث معدم واخوي موراضي يشتري يقولون ما تستاهلون ...

صدقيني .. الاطفال تربيتك انتي انتي انتي .... الاب دايمااا برى ولوم الناس دايما على الام .....

الحين الاجازات جاية ..
خلي مكان لعبهم مكان واحد ..
مكان الاكل مكان واحد ...
اشرفي انتي على الاكل .. ونظمي نومهم وقعدتهم وحتى متابعه البرامج ..
غرفهم لما تروحين تقومينهم من النوم .. عطيهم نص ساعه وكل واحد يبدل ثياب النوم ويرميه بسله الملابس .. ثم وقفي على راسي وبالمدح والثناء الكثير .. كل يوم خليهم يرتبون السرير .. وانتي امشي معاه يطلع لبس وعلميهم كيف يسحبون قطعه الثياب ..

خلاص خلصوا لبس ورتبوا الفراش افتحي الشبابيك وخلي الغرفة تتهوى طلعيهم واقفلي الباب لاخر النهار او وقت القيلولة .. واذا شفتي القيلولة تخرب نومهم بالليل الغيهاا ..

وخلي لك يوم اسبوعي تنظيف غرف الاطفال ..
وانتي طالعه خذي معاكي سلة الملابس الوسخه وسله القمامة ..
الملابس على ظول خليها بالغسالة .. والقمامة جمعي غرفة غرفة وبعدين كيس كبير ... وبرى على ظول لا تخلينه يبات في البيت ..

غرفه نومك نفس الشيئ ... هي نفس سلة الملابس وكيس القمامة خليه يدور معاك كل صبح ..
افتحي الشبابيك ..
اجمعي ملابسك وملابس زوجك .. رتبي مفرش السرير ..
اقفلي الباب واطلعي ... لازم تفلين كل غرفه .. امي مسويه مسمار فوق كل باب غرفه .لكل مفتاح. ما يوصولن له الاطفال ..

الصالة ..
حاولي قبل النوم بالليل تمشين عليهااا ...
وخلي العيال يساعدونج .. يلمون الالعاب .. اوراق واكياس الشيبس والكاكاو اول باول اللي ياكله عينك عليه وقولي يالله عفيه على الشاطر خذه للزبالة ...

ومع الوقت انتوا كلكم بتصيرون مثل النحل ما شاء الله ... جهد وعمل ونشاط وفائدة كبيرة ونفسيه مرتاااحه ...
وادعي لزوجك كثير الله يسخره لكم ويسخر اطفالك لك .. وانتي غيري من نفسك لانك جزء من الخطأ بعد ..

عطي وقت لنفسك .. شوية اهتمي بنفسك وطلعي طاقاتك وهواياتك صدقيني بيصير لك وقت ...
ولي رجعه مرة اخرى ان شاء الله

جيبي بساعات شغاله وتنظف كل البيت ويطلع شي ,وبعدين سوي الجدول ونظفي ع مهلك وعيالك حاولي تحرمينهم من الشي الي يحبونه او قولي لهم اذا جلستو عاقلين راح اجيب لككم شي يحبونه هم , وحاولي تجسلين معاهم وتسمعين لهم وانتي حاولي زوجك يساعدك بتربيتهم مب معقول بتتحملين تنظيف البيت وتربين عيالك والله يعينك بس لاتنسين الجدول .