السلام عليكم..

أخت سمورة الدلوعة..
و الله صعبة أحط صور.. يعنى انا ممكن انزل صور بس ما أضمن انج بتلاقينها في المحل إذا رحتي لأن البضاعه تتغير دايما..
انت جربي و ادخلي على موقع Mothercare و Next و بتشوفين امثله..
واتمنى انج تلاقين الي تدورينه..
ترى ما أعتقد ان نزله وحده تكفي..

أخت ماء المطر..
اذا جايه من دوار الساعة.. اعتقد انج بتمرين على الشارع الي فيه المصممين.. و بيكون على يمينك... و قبل ما توصلين حمر عين... في تقاطع.. و اخر محلات المصممين في محل قرقفي.. الي يبيع باروكات الشعر .. عرفتيه؟؟؟؟ تلفين يمين عند قرقفي في التقاطع.. و بعدين امشي على طول و دوري المحل على اليمين.. ترى ما بتشوفينه على طول.. يعني مو مره بعد التقاطع.. لا بعيد شوي.. انت ركزي و بتشوفينه..
و ان شاء الله تحصلينه..

بنت رأس الخيمه..
هلا و الله بأهل رأس الخيمة.. و اتمنى انج تلاقين الي تبينه..

بس ترى أخواتي... انا الأسعار الي ذكريتها للشراشف .. مب للأسره.. ترى سرير البيبي يمكن تلاقينه غالي شوي.. يعني أنا سأليتها عن واحد و قالتلي ب 2300 .. هو صح حلوه وايد.. بس غالي شوي..
المهم انتوا روحوا و شوفوا البضاعة.. عندهم أكياس بيبي حلوه وايد على 350 و 400... و ترى هذا مو غالي مقارنه بالمحلات الثانيه و بالنوعيه.. لولا اني مفصل, كنت بأشتري من عندهم..
و عندهم ملابس بس ترى غاليه شوي.. لكن الي .. ان شاء الله .. الله بيرزقها بنت.. ترى في فساتين بنات حلوووووين.. النوع الي فيه دانتيل.. و طويل وايد.. انا ما اذكر اسعارهم بس يمكن في حدود 700 أو 500..

و الله يوفقكم جميعا.. و يسهل عليكم.. و علي.. ان شاء الله..