أغرب خلطة لأنعم شعر على الإطلااااق >>عن تجربة @ مرحبااااا فراشات
عندي لكم ليوم خلطة سهلة جدااااااااااااااااا وبسيطة
وهي طبعا كالعادة من اختراعي خخخ الله يعينكم على اختراعاتي
بس صدق عاد انا مجربتها على شعري مصبوغ ومتكسر وخشن
والحين الحمدلله صار نااااعم مرررة يهفهف على خدودي
صدق وربي ان الربطة تنزل منه من نعومته ماشاء الله
الخلطة هذي يابنات تخلي الشعر مثل الحرييييير وعلى ضمانتي ان شاء الله
بكل بسااااااطة اليكي المقادير :>> حست انها ببرنامج طبخ خخخ
فنجان ( قهوة ) لكل من :
حبة سوداء مطحونه + زعتر مطحون ( حق الاكل )
+
علبة زيت حبة البركة + زيت زيتون بنفس الكمية
والطريقة تاخذين ملعقتين من حبة السوداء وملعقتين من الزعتر
وتحطينهم في بطل زجاجي وتضيفين عليهم زيت حبة البركة وزيت الزيتون
يعني يابنات لما تفرغون زيت حبة البركة ارجعو املؤ بنفس
زجاجة حبة البركة زيت زيتون وفرغوها عليهم
اخلطيم زين وبعد 3 ايام ابدي باستخدامهم براحتك مرة او مرتين
بالاسبوع او اذا كانت عندك مناسبة
ومدتها توضع على الشعر نصف ساعة الى ساعة وتغسل
بالشامبو واذا حبيتي استخدمي بعدها حمام الزيت او البلسم
وتمتعي بأنعـــم شعــر على الإطـــــلاق ماراح تفارقين المراية خخخ
ملاحظة
بنات ماأحلل اي وحدة تنقل خلطاتي لمنتديات اخرى بدون ذكر اسمي
لأن جميعها والله من اختراعي وتجاربي على نفسي
واللي ينفعني واستفيد منه ع طووووول اسجله بالمنتدى لكم ياحبيباتي
ابدو بتجربتها وعطوني رأيكم
دعواتكم لي ياخواتي الفراشات ربي يوفقكم كلكم
* قسم الترجمة : خخخ
زعتر الأكل : زعتر يجي مطحون ومعاه سمسم اللي نحطه على
الخبز وبالفطاير مع زيت الزيتون هذا معروف عند اهل الشام >>المنقوشة
انتبهو مو الزعتر الاعشاب اللي نحطه بالشاي
بطل = علبة زجاجية مثل حقت العصيرات
زيت حبة البركة : من اي مصنع بس مو تحطون اللي عليه صورة الجمل هذاك للجسم
زيت الزيتون : يفضل طبيعي واذا مو طبيعي ماكو مشكلة اي مصنع بعد عادي
منقول