مشكور أخوي أبو أحمد أنا عندي مشكلتين ....؟؟
1-المشكله الأولى إنى سويت فورمات للكمبيوتر وطبعا الماسنجر انحذف وكل ماأحاول أحمل أحمل الماسنجر باللغه العربيه يطلع لى تم التحميل هو ماحمل وإذا حملت باللغه الإنجليزيه يتحمل عادي
2-فى الماسنجر فى المحادثه مايجتمع الصوت مع الصوره فإما الصورة الطرفين من غير الصوت أو الصوت من غير صورة أحد الطرفين
والله مانى عارفه وش السبب ....

أم التوأم

النسختين اللي اعطيك اياهم لنظام ويندوز 98 وملينيوم وانتي قلتي ان هذا اللي عندك .. واذا تبين ماسنجر للاكس بي
موجود في الصفحات السابقه ،،

ومادري وش قصدك نظام معين كيف يعني برنامج والا ويندوز؟ والا ايش ؟؟؟؟

*********************
حياك الله اختي // ابنت الخطاب
السبب الاول انك اذا حملتي تركتي الويندز يختار مكان التحميل والمكان موجود فيه نسخه سابقه فكل مافتحتي تجيك الرساله نفسها لو قعدتي لبكره .
والحل :: انه اذا جاك مربع التحميل اختاري حفظ > وبيفتح على مربع سطح مكتبك هنا غيري المكان من الايقونات
اختاري مثلا سطح المكتب او المستندات أو حقيبة الملفات او غيرها .

اما بالنسبه للصوت والصوره هي تجتمع بس حسب : سرعة جهازك وكبر الرام وكبر ذاكرة كرت الشاشة والصوت
مع نوعية اشتراكك .. واهم شيء هو ان الاتصالات عندنا مع انهم حراميه فخي سيئه .. طبعا اذا كان اشتراكك dsl بتلاحظين الفرق حتى مشاهدة التلفزيون على الانترنت .

وبالتوفيق ،،،،،،،،،،،،

صبحك الله بالخير....
ودي اسأل لو سمحت ....كيف اكتشف الشخص اللي عندي بالمسنجر حاطني حظر؟
والله يوفقك لا تحطلي رابط لاني دخلت الموقع 77 اللي انت حطيته ولا عرفت....

وسؤالي الثاني الحين اذا حطيت الظهور دون اتصال ممكن احد يكتشف اني موجوده بالمسنجر؟ وكيف يكتشف؟

وسلامتك
والله يوفقك
ويجزاك خير
ويخلي لك احمد حماده:26:

باطلع عن المسنجر

بسأل ما اسهل طريقة لتجهيز اتصال انترنت لوندوز اكس بي
لاني دائما اقضي وقت طويلا لاعداد الاتصال عن طريق اي بطاقة وما هي احسن البطاقات سواء نسما زجول مرحبا..الخ

لمعرفة من قام بحظرك على الماسنجر

هناك عدة حلول سبق ان قمت بتجربتها وقام بها بعض الاخوه وبعضها قد ينفع وبعضها لاينفع :

1- نفتح بريد جديد في الهوتميل ..ثم نضيفه الى ( الماسنجر القديم ) ثم نفتح الماسنجر القديم ونعمل حظر للماسنجر الجديد ،،،، وبعدا نشوف هل تم حظرك والا لا.

2- نذهب الى ادوات >> خيارات >> الخصوصية >> ثم نذهب الى اسم الشخص اللي نتوقع انه حظرنا وبالزر الايمن على اسمه ونشوف اذا وجدنا كلمة ( حذف Delete) باسم تمكين يعني منشطه يعني تستطيع تحذفه..فهذا معناه ان الشخص الثاني قام بحظرك..
واذا كان كلمة ( حذف Delete) باهته او غير ممكنه اعرف انك باقي ما انحذفت

3- وهي لاحد الاخوه :
((احبتي عندي طريقه لكن مو دايم تنجح... وهي... لو رفيقك ( واضع ارقام هواتفه في الاعدادات الشخصيه له) ... بحيث اذا نقرت بالزر الايمن للماوس على اسمه واخترت خصائص.. ظهرت لك الارقام ان كان واضع الارقم وانت نقرت خصائص ولم تظهر .. فهو عامل عليك حظر.....هذه مجربه من عندي ... ))

ماجربتها:01:
-------------------------

4- نذهب إلى >> ابدأ Start ثم >> تشغيل Run وفي سطر الأوامر >> نكتب الامرregedit >> ثم يفتح لنا صفحة الريجستري محرر التسجيل ::

وهنا فيه عدة طرق :

# اما البحث اليدوي في المجلدات أو البحث بـ F3 وهذي اسهل :

1- HKEY CURRENT_USER
2- SOFTWARE
3- MICROSOFT
4- MESSENGER SERVICE
5- LISTCACHE
6- NET MESSENGER SERVICE

سنشاهد قائمه ونجد في صفحةالقيم العبارات التالية ::

AL COUNT وهي تعني عدد اللي معك بدون حظر

ALLOW تجد بها اللي لم يحظروك ولم تحظرهم

BLCOUNT عدد المحظورين

BLOCK وهنا تجد الجماعة اللي حظروك .... واللي أنت حظرتهم جميع ....

هذولا انقر على الملفات مرتين وشوف بريدهم وبعدها نكرشهم كلهم:42:



وعلى قولتهم : ( اللي يبينا عيت النفس تبغيه ... واللي نبيه عيا البخت لايجيبه )

وكنا مره على الماسنجر في محادثه ثلاثيه فكان واحد من الاصدقاء مقهور:42: وده يعرف
واحد مسوي عليه حظر المهم طال الكلام فقال واحد كلمه مره مره اعجبتني :

قال وليه انت متعب حالك ياخي دامه مايبيك لاتبيه .. واللي يبيعك بالرخيص بعه بالتراب :41:



## اما طريقتي المختصره وهي اذا فتح محرر التسجيل نضغط F3 ونكتب هذه العباره :

NET MESSENGER SERVICE ونكررها لين تطلع لنا القيم السابقه وفيها نشوف عناوين البريد ومثل الطرق السابقه .......
-------------------------------

5- يقال بأن فيه برنامج يفك الحظر بالماسنجر للي مسويه لك زميلك واسمه statusviewer وماجربت هالبرنامج .

هذه بعض الحلول وان شاء الله يستفيد منها الجميع .... واي شخص يجربها ( بشكل صحيح ) يفيدنا بتجربته حتى نسنفيد حميعا ..

اطيب التحيات :21: