أمي .. أمي جعلها ليه تدوم ......... أفتخر لاجبت طاريها وأقوم
أشهد أنه ماتشبه بالبشر ......... عاليه والله على كل النجوم
تخرس الأبيات ينهار الشعر ......... والمعاني في وصايفها تعوم
لو كتبت بحسنها مية سطر ......... ما تجيب اللي على القلب العزوم
جعلني فدوة لها طول العمر ......... تحت رجليها عسى وقتي يدوم
أطلب رضاها ولو دربه عسر ......... وأطلب الكايد ولو بالبحر عوم
جوهره .. دره.. شبيه للقمر ......... أمي .. أمي جعلها ليه تدوم
ياعسى الأحزان فيها ماتمر ......... مايكدر صفوها حر السموم
أحضنتني بأول أيام الصغر ......... من لذيذ فراشها لمي تقوم
لامرضت أشوفها تزفر قهر .........ماتذوق الزاد من حزنها تصوم
الأدب والشعر والله والنثر ......... مايوازي صاحب القلب الرحوم
والله أنها روح روحي والنظر ......... للسعاده في محياها رسوم
ياعذابي من يشبهها ببشر ......... غاديا دربه وعايش في الحلوم
الحبيبه العظيمه لي فخر ......... أفتخر لاجبت طاريها وأقوم
أمها مدلعتها @amha_mdlaatha_1
محررة فضية
يلزم عليك تسجيل الدخول أولًا لكتابة تعليق.
الصفحة الأخيرة
على رد الجميل00قولي ااااااامين:26: