بسم الله الرحمن الرحيم
السلام عليكم ورحمة الله وبركاته
هذا موضوع قريته في احد المنتديات وأعجبني
فحبيت أنقله لأن فيه فائدة كبيرة
=============
في منتصف الليل في ليلة البارحه , وفي كورنيش مدينة الخبر تحديداً ، كنت أقضي وقتي مع صديقي (( سلطان )) كنا مستمتعين بالنقاش في الجانب الرياضي , قطع حديثنا أتصال لهاتف صديقي سلطان , أجبرني ذلك الأتصال على السكوت والأستماع فقط :
سلطان
(( هلا والله بالغاليه , ما بغيتي تقومين من النوم , ما تسوى علينا هالأختبارات اللي حرمتنا سماع صوتك وشوفتك يا حلوه , أكيد الحين شكلك يخوف وشعرك طاير لأنك نايمه من المغرب للحين , هاه وش سويتي مع دكتورتك الغبيه اللي رفضت تعيد لك أختبارك , عساها قبلت العذر الطبي اللي دبرته لك , قبلت العذر ؟ الحمدلله , شدي حيلك ولا تروح عليك نومه مره ثانيه ثم يفوتك الأختبار, توصيني شي , شنو بغيتي , بغيتي أجيب لك عشاء من هارديز الحين , تأمرين أمر , بس ترى بجيبه وأنزله عند باب البيت وأمشي لأن معاي صديقي يالله نشوفك على خير والله الله بالمذاكرة ))
أنا :
أفاااااااا يا سلطان , مسوي محترم وولد ناس واخر شي تغازل ؟ ?
سلطان
: أنا اللي مفروض أقولك افاااااا , لأنك تشك فيني وأنت تعرفني زين ياصديقي ? .
أنا : أيه أعرفك زين والقهر أني ما أدري أنك راعي غزل ومكالمات اخر الليل , ماعلينا المهم وين بيت البنت عشان تودي العشاء لها ? .
سلطان :
البنت يا طويل العمر بنفس البيت اللي ساكن فيه أنا , وتحديداُ بالغرفه اللي بجني غرفتي , لأن هذي المتصله أختي ? (( وعلامة الثقه تملئ محياه)) .
أنا
: من جدك تكلم أختك كذا ؟؟ تستهبل ؟؟ والله أنك منتم صاحيين يالحضر , أجل فيه أحد يكلم أخته كذا ويعرف كل شي عنها ? ؟؟
سلطان
: نعم فيه ناس تكلم أهلها كذا , تدري ليه ؟؟
أنا : ليه ؟؟
سلطان :طيب , لأن البنات يحتاجون للحنان ومعامله طيبه من أخوانهم عشان ما يلجؤون أنهم يدورون عنها خارج المنزل مع الصالح و الطالح , فهمت الحين ليه أعامل أختي كذا ? ؟؟
إنا : ايه فهمت
===============
سؤال/ لو كل أخ يعامل اخته مثل سلطان ، أو كل اب أو أم يعاملون بناتهم مثل سلطان .. هل سيسكنون في قلوب الغرباء؟؟
تعليقي الخاص : انا عن نفسي اشوف اللي سواه سلطان عين الصواب
لان البنت ما تبغى غير العطف والحنان والمعامله الجيده والحلوة من قبل اهلها وبالأخص اخوانها
ولو كل اب و اخ تعاملوا مع بناتهم واخواتهم بالطريقة هذي كان ما شفنا بناتنا انحرفوا
واتجهوا الى الطرق الخاطئة ومن جد سلطان أخ رائع بكل ما تعنيه الكلمة
والله الاخ ما يخسر شي لو تعامل مع اخته كذا على الأقل يوفر جو الحب والحنان الذي تحتاج إليه حتى لا يستدرجها الشيطان ويوقعها في شباكة..
أنا لا أعمم على جميع البنات ولكن غالب من تتوب أوينكشف أمرها تلوم أهلها
بأنهم أهملوها ولم يعطوها ما تحتاجه من عطف وحنان..
وقد يوجد من البنات المحرومات من ترفع نفسها عن ذلك الأمور بكل بساطة عفتها وحشمتها وكرامتها لاتسمح لها بذلك الفعل المحرم المشين...
رسالتي الى الاخوان :
لا تتركون اخواتكم يضيعون وانتم قادرين على حمايتهم بمجرد كلمات ومعاملة جيدة
أنت ممكن تكون أقرب الناس لها
وما تخسر شيء الله يهدي الجميع ..
===============
الأسئلة للشباب و الفتيات..
هل طريقة تعامل سلطان مع اخته صحيحة ؟؟؟
وهل فيه طرق افضل في التعامل مع الجنس الناعم واحتوائه ؟؟
ما هي نظرتك للفتاة التي تغازل الشباب؟؟؟
ماهي الطريقة اللتي تريدين أخاك أن يعاملك بها ؟؟؟؟؟
تهمني تعليقاتكم جداً جداً...
حفظ الله عورات المسلمين أجمعين....
أرجو التفاعل لأن الموضوووووووووووووع يهمني ويهم كثير من الناس المتابعه للمنتدى .....:27:
kزورق الأملk @kzork_alamlk
عضوة جديدة
يلزم عليك تسجيل الدخول أولًا لكتابة تعليق.
ياليت كل الشباب زي سلطان
كان البيوت عمرانه بالحب والاخوة الصادقه
بس للاسف الاغلبيه يسوون العكس الله يسعدك موضوع روووووووووووووووووووعه وتستاهلين التقييم
كان البيوت عمرانه بالحب والاخوة الصادقه
بس للاسف الاغلبيه يسوون العكس الله يسعدك موضوع روووووووووووووووووووعه وتستاهلين التقييم
أصلا ديننا يوصي على التعامل باللين مع الجميع ، كما قال عليه الصلاة والسلام ( ماكان الرفق في شيء الا زانه ) فيجب إحترام الكبير وتوقير الصغير 0
الصفحة الأخيرة
ياليت رسالتك تصل لكل شاب واب
حتى يحافظون على بناتهم
موضوع رائع