بنات ...

الوظيفة صعب احصل عليها بالقصيم ...والحين اذا توظفت يبقى 3شهور على الإجازة..اذا ماعجبتني تركتها وأخذت خبرة


وعيالي...أصغرهم 7سنوات..وكلمتهم وفهمتم الموضوع

هم ولدين وبنت


برنامجهم اليومي

بعد مايجون من المدرسة يقعدون على الكمبيوتر أو التلفزيون إلى العصر

وبعدين يبدأؤون بالمذاكره وحل الواجبات

والعشاء ينامون..

والمذاكره يساعدني زوجي عليهم بحكم عمله كامدرس...

^^^
وشذا الإصرار الغريب؟

ياختي انا حاسة فيه سر بقصتك....،،،مو معقوله كل هالاصرار على اربع الاف؟؟....اكيد في شي مهم بس ماتبين تقولينه...،،،الدين اكيد مب لزوجك ماعتقد انك قليله خبره بالحياه لهذه الدرجة

تيتمين عيالك و انتي حيه....وتحرمين زوجك من حقه الشرعي ثلاث ارباع السنة...لالالا اكيد فيه سر....هذا مب قرار امراه عادية بظروف طبيعية


واذا زوجك راضي بذا الوضع اسمحي لي تراه ناوي على شي...،،،عاد شي بالحلال او غيره مادري المهم مافيه رجال بعقله يرضى عشان 4الاف يروح نصها في وسائل و لبس ومواصلاات

الله يكون في عونك

آهات

حبيبتي اذا انتي مقتنعه سوي اللي تبينه

لكن انتي طلبتي المشوره والاغلب قالك ماتسوى الوظيفه

لكن ودك بالوظيفه روحي وربي يسهلك

الوظيفه اذا راحت منك ماتنقهرين كثر اذا تشتت اسرتك

اكتبي الايجابيات والسلبيات وفكري زيييين

ولاتقولين شغالتي كبيره والله لو انها طالعه من قبرها عند الرجال اهم شي حرمه

البنات ماقصرو في ردودهم لكن انتي نفسك في الوظيفه

استخيري وسوي اللي نفسك فيه وربي يوفقك

لا سر ولا شيء...

الموصلات أخوي بيوديني...ومقر الوظيفة قريب من بيت أهلي تقريبا عشر دقايق

زوجي ماعنده مشكلة نهائيا بالوظيفة ,,,بالعكس يقول الوظيفة زينة لك ولي..لأنه اذا طلع لاصدقائه واذا قلت له لاتتأخر او لاتطلع اليوم

يتضايق ويقول الله يجيب الوظيفة الي تشغلك عني

وبعدين أفكر اذا كانت الوظيفة تعطي علاوات ((وفيها إغراءات))...بالمستقبل تكون وظيفة رسمية مو عقد ...ينقل زوجي للرياض