أفصل في السعودية أو البحرين

ساعدوني

السلام عليكم ورحمة الله


أخواتي بنات السعودية انا قريب بفصل غرفة نومي وأفكر أفصلها في السعودية لأن موديلاتهم أحلى وأسعارهم أرخص من البحرين شنو رايكم؟

و يا ريت إذا تعرفوا محلات تفصل غرف نوم حلوه في الدمام أو الخبر تعطوني أسمائها ووين تصير بالضبط
7
913

يلزم عليك تسجيل الدخول أولًا لكتابة تعليق.

تسجيل دخول

غيتا
غيتا
أختي الغاليه

أنا أعرف ورشة نجاره بالبحرين بس جدا روعه أنصحج تسوين عندهم

موديلاتهم جدا راقيه وعندهم صور كثيره حق غرف نوم أمريكيه راقيه

اذا تبين أعطيج رقمهم أو العنوان.

وحاضرين لج.
فاهمه
فاهمه
عيوني عندك في الدمام في سوق التلفزيون
محلات لبيع الأثاث اذا تبين جاهز او تبين تفصلين واسعارهم مرة رخيصه
أم روان الحلوة
اختي ماركة جس انصحج بالسعودية بس مشكله النقل شوية صعبة ..
عن نفسي فصلت بالبحرين في مفروشات اسمها مفروشات مونتانا بالرفاع صوب شارع البوكواره وشلغهم لاباس فيه..
بس لو يرجع فيني الزمن اخد من هوم سنتر غرفهم كشخه وناعمه وان كانت موب بقوة الشغل البحريني او السعوديلانهم صناعة ماليزية بس شلج بالتفصيل وعوار الراس بروحج راح تتمللين من غرفة نومج بعد 5 سنوات مثلي وبتين تبدلينها..
غيتا
غيتا
هلا أختي راني حبيبات

اليوم حبيبتي رحت لهم ، مسويين غرفة نوم تهبل روحي بسرعه وشوفيها راح احاول

أعرض لكم صور خلال هالأيام لأن السكنر خربان

بالنسبه للورشه اسمها الوسمي للنجاره والديكور في منطقة ( البسيتين ) اتصلي فيهم

ويشرحون لج بالضبط والرقم هو (0097317333499) وحاضرين لج حبيبتي.
GUESS
GUESS
شكراً لكل من مر ورد على الموضوع ويا ريت أخت قيتا تقولين لنا حدود أسعارهم كم؟

أم روان أنا أبي غرفة تكون قوية مو سنتين ولا هي صايرة مثل البيت الهزاز هههههههههه

وشكراً لج أختي فاهمة بس وين يصير سق التلفزيون بالضبط؟ وشنهي أسعارهم تقريباً؟

ومشكورين مرة ثانية