أفضل أيام الدنيا 📌

عشر ذي الحجة أفضل أيام الدنيا ...ركز معايا بقى في الكلمتين دول ..
خطة عملية للـ١٠ أيام اللي هيقلبوا حياتك إن شاء الله:

١-الـ ٥ صلاوات في وقتهم بدون تأخير وماتنساش أذكار بعد الصلاة كمان

٢- السُنن الراتبة (١٢ ركعة لازم تداوم عليهم يومياً : ٢ قبل الفجر ،٤ قبل الظهر و ٢ بعده ، ٢ بعد المغرب،٢ بعد العشاء )

٣- صلاة الضحى( بتبدأ من بعد شروق الشمس بـ ربع ساعه ... لحد قبيل أذان الظهر بـ ربع ساعه أقلّها ركعتين لحد ٨ ركعات )

٤- أذكار الصباح والمساء ( أذكار الصباح بعد الفجر ،والمساء بعد العصر )

٥- القيام والوتر (بعد العشاء امسك مصحفك وصلي زي التروايح في رمضان ....معاك من أول ٣ركعات لحد ١١ ركعة وياريت تسيب ركعتين تصليهم في آخر ساعة قبل الفجر)

٦- الصدقه ( يوميا ....ولو بمبلغ بسيط)

٧- عمرة و حج يوميا ( بعد ما تصلي الفجر متطلعش من المسجد لحد الشروق وللنساء صلي في أول الوقت وخليكي في مكانك ... قولوا الاذكار واقرؤا قرآن ... وبعد الشروق بربع ساعة تصلي ركعتين ولك أجر حجه وعمره تامه تامه تامه)

٨- قراءة القرآن ( هتقرأ ٣ أجزاء يوميا ..وتختم مرة في العشر الأيام)
(لو مشغول اوي يعني ..مش أقل من جزء كل يوم يعني هتقرأ عشر اجزاء في العشر)

٩_ الذكر (لسانك شغااااال مايبطلش ذكر ..وأهم حاجه التكبير طول العشر :الله أكبر الله أكبر الله أكبر الله أكبر لا إله الا الله الله أكبر الله أكبر ولله الحمد )
(معاك كمان سبحان الله والحمد لله ولا إله إلا الله والله أكبر ولا حول ولاقوة إلا بالله أقل حاجة ١٠٠ مرة يوميا من كل ذكر )

١٠- الصيام (تصوم ال٩ أيام كلها ، ولو عليكي أيام قضاء من رمضان صومي و انويهم بنية القضاء بس ❌ماينفعش نية تانية مع القضاء
هتصومي بنية القضاء بس وده هيبقى من العمل الصالح في عشر ذي الحجة إنك بتخلصي الفريضة اللي عليكي )

١١_ الدعاء ( وأهم حاجة تركز في الساعه اللي قبل الفجر ،والنص ساعة اللي قبل الفطار وانت صايم طول ال٩ أيام)

١٢- صيام يوم عرفة والدعاء فيه (يوم عرفة مش هيدخل فيه نية القضاء ❌
هتصوم يوم عرفة عشان يغفر لك ذنوب سنتين ، اليوم ده للدعاء والعبادة بس ، هتجمع كل أدعيتك وماتنساش:لا إله الا الله وحده لا شريك له له الملك وله الحمد وهو على كل شيء قدير تقولها كتيييير وتلح في الدعاء كتيييير واتفرج بقى على اجابة دعواتك بعد كده )

--------------------

دي شوية حاجات .....لو داومت عليهم....خلال الـ ١٠ أيام ..... هيكون أحسن موسم عيشته في حياتك ....وهتخرج منهم إنسان تاني ..... ويمكن يكون الموسم ده هو نقطة انطلاقك

بارك لنا ولكم ووفقنا الله إلى مايحبه ويرضاه