أفضل اخصائي أطفال في الرياض

السلام عليكم

بما انه في هذا الوقت تكثر أمراض البرد
حبيت افيد خواتي بطبيب أطفال يتميز بالامانه ويخاف الله في الاطفال
مو مثل بعض الاطباء ماغير صرف للمضادات واغلاها واقواها لو الطفل مايحتاج شي
زي الدكتور محمد الي بمستوصف حي السلام من جد حاقدة عليه مدري وش فيهم الناس زحمه عليه يصرف مضادات قويه وقطرة انف وقطرة اذن ومذيب بلغم و و و و و تطلعين منه بكييييس مليان ادوية
اذكر من كثر مدح الناس له رحت ببنتي كان عمرها 4شهور عطاها اجمنتين وطارد بلغم وفولتارين للبخار ونقط انف والله ماارتحت له وكان مافيها الاكحه!!!!!!!

المهم الطبيب هذا دلني عليه خالي الله يحفظة عياله الحين شباب يقول كنت اوديهم له
اسمه طه طبيب اردني كبير يعني موشاب خببببرة ومعروف الاردن الطب عندهم مو لعب واي كلام
المهم من مواقف كثيرة عرفت ان هذا الطبيب عنده خوف على عيالنا من هذي المواقف

راحت له اختي عندها ولدها تعبان حرارة ولايمكن يشرب مضادات حتى الخافض لازم تحاميل قالتله اكتبله إبر هنا صار وجهه كذا:mad: قال انا مااكتب ابر للاطفال تبي ابر روحي لغيري الابر لها اعراض جانبية ولايمكن اصرفها

الموقف الثاني ياويلك وياسواد ليلك اذا عندك طفل بسن الرضاعة وتساليه وش أفضل نوع حليب صناعي راح يعطيك محاضرة طويلة وعريضة ويقول ماراح يكسب الا شركات الالبان وأنا يقصد نفسه يعني تكثر امراض الاطفال وبعد المحاضرة اذكر اختي قالتله طيب انا اعطي ولدي بليميل بلس عاااااد ارتفع ضغطة قال انا احكي مالبورو تحكي كنت اظنه يقصد الحليب الصناعي مثل انواع السيجارات لاتحكي انك تفضل نوع عن نوع

يعني مو مثل بعض المستوصفات الاهليه مثل حي السلام كل طبيب يروج لنوع من الحليب الصناعي ويمدح فيه طبعا مدفوع له لزوووم الدعاية



الشي الثاني مايروج لشركات ادوية وادويته سعرها معقول يعني مره يصرفلك من الدوائية ومرات انواع ثانية وتلاحظين انها رخيصة مو مضادات ب60 او90 ريال لا تلقين المضاد ب30 او ب25 هذا اذا صار غالي ودوا كحة ب5ريال
واتحداك تلقين مستوصف اهلي يصرف من الدوائية الي هي صناعة سعودية

اهم شي عنده ان الدواء مايضر الطفل يعني لاتستغربين اذا عطيتي ابنك الجرعة الثانية من المضاد والحرارة ترتفع لانه مايحب الادوية القوية واهم شي صحة الطفل


يعني طبيب مو تجاري نهائيا



والله العظيم حلفتلكم ماقصدي دعاية له والله كله حبيت افيدكم وبس:)