السلام عليكم يا أحلى عيناويات

أول شي حبيت أشكر Lonley soul وبنت أبوية زايد لأنهم دلوني على مركز العناية الملكية

اتشجعت أروح أجرب الصالون لأن راعيته مواطنه..
رحت أتنظف وعقب وأنا عندهم اتشجعت أسوي الباقي.. حمام مغربي وقص شعر وصبغة وحمام زيت وعجبني شغلهم واستايلهم وايد وايد.. وجربت تنظيف البشرة وكان بعد حلو..

رحت البيت وشافني ريلي واتفاجأ والله العظيم قالي عروس مستويه نظيفه وبيضاء..

وفي العيد رحت اتحنى عند وحده يايبينها من عجمان وحناها أحلى من أي حنه في العين. وبطلبها حق عرس شهر 5 بيستوي عندنا..

نسيت ما أقولكم شفت وحده حاطه ميك أب في الصالون يوم رحتله أول مرة وانبهرت صراحه وناوية أحط عندهم في العرس..

جربو الصالون على ضمانتي.. هو مش معروف لأنه يديد وما ياخذون زباين وايد عشان مايكون زحمة عندهم.. وأسعارهم حلوة ومعقوله وينزلون لج بعد والأهم من جذيه إن راعيته مواطنه يعني أولى باهتمامكم

أخذت موعد عشان أسوي حمام الحناء أو حمام النيله والورس الاسبوع الياي وبخبركم بالنتيجه..

مع السلامة

عندنا عرس على آخر شهر اثنين ..
وكنت ناوية أحجز عند حنان شقير ورمستها ..
لكن من كلامكم ترددت صراحة ..
فمادري شو تقترحون علي .. ؟؟
حنان شقير ولا العناية الملكية ؟؟
واذا العناية الملكية منو اللي تسوي مكياج حلو عندهم ؟؟
ومنو اللي تسوي تسريحة حلوة ؟؟
أنا من بوظبي وما عندي خبرة بخبيرات العين ..
وحابة اني أظهر سبيشل في العرس ..
فشو رايكم ؟؟ :27:

فديتني و الله :27:..

yes حتى انا اتحنيت اهناكي في العيد..

و مكياجهم فعلا حلو.. و قصيت شعري و صبغته بعد..

أنستازيا اتوكلي تراها مواطنه..

مشكورين بنات على الموضوع...

في شهر ثلاثة عندنا عرس.. والصراحه محتاره بين حنان شقير و العناية الملكية

انتوا شو رايكم

انا احس احسن اسوي عند العناية الملكية...

سووووووري اتأخرت عليكم وايد ..

بس البنات كفن ووفن ..

و صدق ما عليه كلام ..

و راعيته مواطنه و حبيتها وايد حتى العاملات حبوبات و متعاونات بعد ..

و شكلي بكون زبونه دايمه عندهم ..


شهوده عيوني ..

أول مره أروح صالون و أكون مقتنعه بشغله ..

الحلو أنهم ياخذون رايج بأدق التفاصيل ..



yes ..

شكل بو العيال أسبوعيا بيوديج عندهم ..:23:



pinkie ..

ودري عنج حنان شقير كانت زينه هالحرمه ما أدري شياها تخسفت ..

ابطرت الحرمه أونه أسمها انشهر ..

بنت عمتي حجزت عندها لعرسها تسوي كل شي عندها ..

يوم راحت حق تنظيف البشره حلفت يا أنه إللي يت تسويلها تنظيف إيديها وسخه ..

و ريحتهن ( الله يعزكن ) بصل .. و ظفورها سوود ..

و صارت جدامها مواقف حق عرايس إللي حرقولها ويها و إللي و إللي ....

و أخيرا كنسلت كل شي و ما سوت عندها غير المكياج و التسريحه ..


فودريها عنج هالبطرانه و سيري للمواطنه إللي شغلها نظيف .. و يكفي أسلوبها ..


أنستازيا ..

المواطنه راعية الصالون هي إللي تحط المكياج .. و تاخذ رايج بشكل الرسمه إللي تبينها ..
و الله أنها طيوبه ما تتذمر و عندها طولة بال ..

و التسريحه هن عاملتين و كلهن شغلهن حلو ..و بعد بالهن طويل و لا يتذمرن و مية مره يسألنج إذا فيه شي مب عايبنج ..

و حنان شقير إذا كان عندها عروس ما بتسوي لج شي مرتب و يمكن تقولج و الله ما أكدتي الحجز .. و كله واحد عندها عيبج و إلا ما عيبج الشغل ما تهتم ..

و السموحه منكن ..:27: