السلام عليكم

يا أخت آهات الملقاط يخشن الشعر ويكثره لا تستخدميه في الوجه

السلام عليكم

بصراحه مالكم راي واحد انا اقول رايي طبعا انا ان الشمع هو احسن وسيله

وهذا الي ناسبني وناسب كثير من البنات ....

وبقولكم بعد شي ليش كل وحده منكم ماتجرب كل وسيله تبدا (بالشمع ثم بالفتله ثم بالحلاوه)

وتشوف الي يناسب وجهها

وذا مالقت شي مناسبها لا تشيل:44:

مسكينه عاد ذي هذا حظها وش تسوي

فيه شي بقوله ؟؟؟؟؟

الي تقول اني شلت بالشمع وحبب وجها عشانها ماسوت شي بعد ماشالته المفروض لما تشيله

تحط علطول زبادي بارد معه عسل وتشوف النتيجه.....:26: :26:: :

السلام عليكم

انا مره قريت عن الملقط في كتاب (تحفة العروس) اتصور اتعرفونه...المهم كان مكتوب فيه انه حرام غير عن جيه كانوا كاتبين انه يرهل البشره...بصراحه انا وحده متبهدله مع الليزر...وتبون الصدق يا بنات اذا بسون ليزر لا اتسونه في البلاد جربوه برع...انا جربت كمن مكان اتعرفون شو يسوون فينا...

الجهاز له (فولت) كل مره المفروض يزيدون من قوه الفولت علشان الشعر يستجيب و يحرقون البصيله عقب الشعره بتطلع وبريه ما تنشاف...المهم انا وحده جربت مراكز تجميل(يعني الصوالين الكبيره الراقيه) و جربت الدكاتره)) المهم لأن سعر الجهاز وايد يكون غالي وهم على حسب ما قالوا لي انهم يشترونه بلاقساط...فاذا من جلستين بالكثير كل زيونه من اربع مرات و اتحصل النتيجه محد بيهم و الجهاز بيطيح في جبدهم...المهم هم الحبايب شو يسوون...يخفضون من فولت الجهاز علشان ما يتأثر وايد الشعر و ما يختفي بسرعه...وحتى انج ما بتشوفين النتيجه...يعني عل الاثل يبالج 10 جلشات و اتعرفون الجلسه كم تدفعين..عل الاقل 1200 درهم يعني كم..عاد احسبوها...لا وبعد هل 10 جلسات توج بتحسين بفرق بسيط...

انا اللي اعرفهم سووه في امريكا و لا بريطانيا حتى اللي سووه في مصر النتايج كانت احلى...يعني اللي عنا في الخليج و بالاخص في دبي و ابوظبي لأغراض تجاريه .....اتحملو انا اشوف اتشلون بالشمع احسن لأني وايد سمعت بس لين الحين ما جربت ناويه اجرب و اقول لكم

وصدقها الاخت اللي قالت سوا يوم اتشلون بالخيط و لا بالشمع يحتاج انج اتبردين على بشرتج لنها متهيجه...

واتمنى نسمع منكم ومن تجاربكم

وشكرا

بالنسبلي انا جربت الفتله خلتني كومة حبوووووووووووووووب والله اثرت بوجهي كثير مع ان وجهي اصلا مافيه حبوب وبصراحه مافي احسن من المشـــــقرة اشوف انه القليل بس الي يعرفها وهي عبارة عن حديدة تشبه المبرد تنحط بودره على الوجهه بعدين تشيلي بالمشقرة وترى ماهي موس ومفعوله مو زي الموس وبالنادر تحصلوا الي تعرف تسويها :27:

السلام عليكم

الاخت (كيكه) وين احصل عل المشقره اللي اتقولين عنها وممكن اذا عندج صوره له واتوضحين طرقه استعماله اكثر...ونتيجته مثل الخطب؟؟؟ويطلع الشعر اكثر و لا اقل...وفي ظرف كم يطلع الشعر يعني يطول اكثر عن الخيط او الشمع...اعرف اني وايد سألت بس اعرف انج ما بتقصرين معانا...

نتريا الرد

وشكرا